臻味豬扒酸辣米線

Open Now

Now Closed

經過幾次都未食到，今晚終於有機會！🤩餐廳裝潢簡單，環境比較逼狹，基本上大家都係搭枱。🧐餐牌選擇好多，湯米線、泡飯、麻酸辣撈，對於有選擇困難症嘅我，的確係一大挑戰！老公提議一齊撈一撈，咁就撈啦~ 再加多個麻香鳳爪先~ 🤤秘製豬扒🐷麻酸辣撈水晶粉：豬扒🥩醃得好入味，醬油同糖嘅比例啱啱好，炸得好鬆化，油而不膩，非常香口。自家製酸菜係另一重點！另有大量芫茜、芹菜、蔥段及花生🥜作配料。手撕雞🐔麻酸辣撈水晶粉：雞肉🐣乾爽，唔嚡口。可惜水晶粉未有完全篩乾水份先上碟，溝稀左個醬汁，導致水晶粉未能完全與醬汁融為一體，可惜！麻香無骨鳳爪🐥：份量好足，大約有 10 隻左右。口感爽身，酸辣度🌶適中，開胃首選。總結：餐廳地點幾方便，性價比唔錯，下次再黎試埋個湯米線先~ 💖

招牌豬扒米線又咸又油膩，而家花生有油億味。非常唔Ok!食完成個下午都好口渴，可能味精落得太重手。衛生情況尚算OK, 不過伙記非常無禮，建議再培訓。短期唔會再幫襯。

觀塘區有好多好野食，聽朋友介紹黎到呢到試下佢嘅米線，款式選擇多，除左米線，仲有泡飯我就點左蠔仔酸辣米線，但因為我唔太食得麻辣嘅關係，所以就走麻辣，不過佢嘅酸菜都有少少辣，湯底都算唔食辣嘅可接受嘅辣度米線份量適中，食完都好夠飽，蠔仔好新鮮，一啲都唔腥。本身以為應該得幾粒，點知見到有十幾粒，仲要粒粒都肥嘟嘟，$34真係超值！同桌就點左豬扒米線走麻辣，豬扒咬落好鬆軟，有少少意想唔到嘅驚喜湯底其實無乜味，有少少淺，不過食咁濃味都唔係好健康。唯一唔好嘅係餐廳無乜冷氣，明明走麻辣都食到成頭汗油煙味有啲重，通風的確需要改善下

同老公行開觀塘好想食米線，見到OpenRice 有推介呢間臻味酸辣米線，就入去試吓。我哋睇咗好耐餐牌樣樣都想食，店員推介我哋食雜錦小窩酸辣米線，我哋兩個人都係叫雜錦小窩酸辣米線，湯底好鮮甜，有韭菜水餃，煙鴨胸，司華力腸，豬扒，豬腩肉，酸菜，花生，每樣都有少少。韭菜水餃超好食，食得出係自己包，好多韭菜，好大粒。豬扒得半塊，係炸嘅，都ok好食。豬腩肉都幾好食。湯底又麻又辣，好鮮甜，食到個咀唇都紅曬好正。米線好彈牙，唔會係煮定嗰啲。最鐘意係有勁多芫荽，蔥和韭菜。整體上都好好食，42元一碗有咁多餸都算抵食

觀塘返工的你，有吃厭譚仔嗎？同事常說這間豬扒米線超級無敵好味道，我一直沒放在心上，今天終於可以一嚐滋味秘製豬扒酸辣米線 $36每碗米線都有少量葱、芹菜、芫茜、花生和酸菜。辣度分小辣、中辣、大辣。第一次看見豬扒米線的份量是這麼多的，約有4-5塊，豬扒已調味而且咸淡適中，肉質不乾柴。自製的酸菜十分多，也很入味，是偏酸的。重點是這碗的湯，酸酸的帶點微辣，而且是令舌頭發麻的辣。真的值得一試。注: 午餐時間經常要排隊。

下雨天都無阻我地搵食嘅心情，經過觀塘試下呢間抵食嘅酸辣豬扒米線、大大粒脹卜卜蠔仔肉碎湯飯同埋佢地嘅炸韭菜餃！大塊豬扒米線湯底偏酸唔係好辣，對於鍾意食辣嘅朋友黎講呢點有啲失望，至於蠔仔湯飯個湯好香芫茜味，蠔仔肉碎勁多勁足料，每啖都一定食到兩三隻蠔仔，配埋炸得鬆脆嘅小食韭菜餃一齊食就最正！

話說我住觀塘甘多年。未曾試過食依間米線。朋友介紹依間既豬排米線好好食。今日星期日。午市都keep住人來人往。店內主要係麻辣同酸辣口味。今次我就叫左豬排配豬雜一試我走左芹菜等配菜一碗米線$36+8飲品原價$14甘一餐就60蚊。我覺得貴左少少麻辣味好足。好快我個口就麻痺左。但唔太辣，可以落單時講明少少辣。米線比譚X既米線粗。花生炒過好香口。好脆口。豬排有兩件。豬雜唔多地方。所以打算一試。包括粉腸。豬潤。豬肚。但分量較少。而米線好足夠所以一定夠飽

之前間吾中就會幫襯,今日叫蠔仔豬手,好快落了單,等了7,8分鐘, 比我早的3個女客人都上齊米線, 之後輪到我這台,都上齊了只缺我這碗, 幾分鐘後比我後來的一台都上齊, 我忍不住催了兩個服務生, 都一口答應馬上幫我跟, 幾分鐘後, 比我後後後來的兩台都上來, 我碗面仲未來, 又催多兩個服務生, 前後已催了4個不同的服務生, 都是很熱情地話幫我跟, 但最後個個都上齊 我走去問發生咩事？是冇豬手還是冇蠔仔?冇人回答, 就只是指住廚房講, 吾知佢地點⋯原來根本冇幫我催⋯ 大姐, 吾好要我等, 半小時了, 我得一個鐘頭時間食飯, 係吾煮同我講, 我可以轉第二間, 搞到最後只有買個面包番公司食, 怕怕了, 完全吾會理你, 之前在呢間幫襯時都見到同台的檸檬茶催極都冇, 今次輪到我, 根本吾會幫你, 廚房做漏就算⋯ 想食都吾敢去食, 睇運氣

每次想起吃米線，只識去x仔米線，但今次行經觀塘見到一間小小的酸辣米線店，店內差不多坐滿人，心想應該都不會太差，便入去搭枱。韮菜餃酸辣米線套餐（$36+$2涷檸茶）韮菜餃有六隻，每隻都很大隻，饀料的韮菜豬肉碎比例適合，一啖咬下去，就聞到韮菜獨有的香氣，湯底味道有點酸辣，但又不會太嗆喉，加上韮菜、鹹酸菜和幾粒花生增添口味。什錦小鍋拼豬扒米線（$48）這碗小鍋豬扒真的不可看小，什麼都有，除了豬扒外，還有煙鴨胸、司華力腸、韮菜餃、肥牛、酸菜、花生等，淨食餸都飽哂，米線份量都很多。

呢排牙肉腫咗，唔想再食一啲熱氣又刺激嘅食物。唉點知隔離間譚仔搬咗去觀塘廣場， 本來諗住食米線易入口，唯有行遠啲去隔離間臻味米線幫襯。入到去心諗，死火嘞酸辣米線都好刺激喎。不過好彩，呢度除咗酸辣米線之外，仲有泡飯食嘅! 叫咗個清清哋嘅蠔仔肉碎泡飯。其實之前都係依間食嗰啲蠔仔，味道好好。今次番卓，依然好新鮮 又卜卜脆，味道又唔腥夠鮮甜，有啲仲幾大粒添。而且份量幾多下，多過我叫酸辣米線做餸。不過有2粒有少少殼痴住，而湯底就好出奇地冇加薑，啱曬我呢啲唔係好鍾意食薑嘅人。但係佢個湯又唔過好腥喎。而啲飯食落都幾軟綿綿，易入口。其實喺間酸辣米線到食到其他嘢，畀多啲選擇係人都幾好呀。

其實成日都會黎食 除左譚仔 呢到我常來的，每次都加$5要個酸菜不過平時外賣多，所以今次見堂食就影相啦。食親都係豬扒 因為最好食以前試過食雞絲同埋雜錦但都覺得雞扒最好食最難食係韭菜水餃雖然家人不認同不過口味呢家野 每個人都唔同我中意食中辣以上家人只食清湯咁當然唔會明白點解我咁中意食啦豬扒醃得夠味 而且拍得夠鬆，又薄 再浸落啲湯食好和味啲花生唔夠脆啲酸菜唔夠多 所以我再加$5要多啲 真係多左好多繼續努力 我會繼續支持的

同事話食過呢間ok，山長水又遠，行快兩步。好彩門口唔多人，雖然我地有成12人，但係都係等左一陣就有位。門口望入去以為好少枱，原來係深嘅。我揀左豬扒雲呑雙併米線小辣，佢酸辣無譚x咁勁，對我嚟講ok。我學會慢慢品嘗，佢啲辣開始出黎，開始出汗，好舒服。佢個辣唔係令你辛苦嘅，慢慢出嚟係幾好。豬扒我覺得有小小咸，味道係夠嘅，肉質都唔錯，唔會「鞋」。雲呑少肉，似茶樓炸雲呑嘅煮版，同事話韭菜水餃好食。食到好飽，夜晚個胃仲頂住，40元米線唔錯。有心想食，早啲去攞位食啦。

行開觀塘突然好想食米線，即刻上網睇下有咩選擇，既然黎到，都唔想搵間連鎖店，見到呢間賣酸辣，夏天正口冇咩胃口，決定行去試下。其實由apm行過去都幾遠，大概行十分鐘左右，好彩去到唔駛點等。好快坐低點左豬扒拼韭菜餃米線，小辣，雙拼價錢40蚊。上菜時都幾驚喜，因為雙拼都有四隻韭菜餃加兩塊大豬扒，好豐富！飲啖湯，酸辣中帶少少麻，小辣唔會好辣，基本上冇咩辣味，下次會試中辣。豬扒好入味，但原來韭菜餃先係我嘅推介！皮滑餡多，而且好有咬口，食落有韭菜香！輕鬆食晒四隻餃，反而豬扒同米線食唔晒。呢度嘅米線都好彈牙，唔會淋晒，但份量偏多，下次再去我會扣底！

在觀塘，應該很多人認識這間小店，外面經常大排長龍等外賣。 通常人聲鼎沸，直覺讓我覺得裏面應該有好東西。確實它的豬扒酸辣米線是有一手，有時路經附近都會來吃，它亦曾創下一日賣500碗的紀錄。 餐廳裝修是茶餐廳簡單格局，要搭枱，我每次都是吃「招牌豬扒酸辣米線」$34 豬扒非常入味，用豉油、糖調味做得剛剛好。它的酸辣調味帶有輕微麻辣，每碗都有芫荽、香芹、蔥、花生及重點 - 自家製酸辣菜。 湯底酸辣到位，我由最初的小辣，吃到中辣，非常醒胃。尤其現在夏天很容易令人無胃口，吃這個就最好！:-) 價錢收費合理，一碗作為午餐夠晒飽。其實有時招牌菜唔使多，一樣已經夠殺了！

放工同同事蒸身，趁仲有時間不如食個飽飯啦牛頭角地鐵站一出行唔駛5分鐘就到同事叫咗麻辣豬扒豬潤米線，豬潤煮得啱啱好，又冇渣我叫咗蠔仔肉碎湯飯加豬扒蠔仔數量多得驚人，兩三啖一定有一隻蠔仔肉碎又夠多，可能就係咁令到個湯底十分鮮甜豬扒有四大塊，入口鬆化，味道又好唔會好似市面其他店舖咁，一係就太鬆冇肉味，一係就太硬似食gum gum見咁高興，就算得兩個人都叫咗個小食麻辣海哲雞絲爽爽嘅水母同咸酸菜非常合拍又酸又辣非常開胃開胃到咩都清曬又見底又肥多兩磅