茶果財

Open Now

Now Closed

朋友哋，今日我就來食喇，喺大澳呢家咁受歡迎嘅店！🍡 先嚟個眉豆鹹茶粿，講真嘅，隻手燒到我「嗚喳喳」，但咬落去，呀真係得喎！表皮唔會厚得黎，嚟又夠彈性，啖啖眉豆夾五香味嘅，味道好足，食落去簡直係「荷里活」！再嚟個花生甜茶粿，嗱，呢個甜度啱哂我嘴，花生嘅餡正到「噴晒」！雖然我覺得鹹茶粿更有驚喜，但甜茶粿都幾過癮嘅。重點來喇，花生糯米滋呀！皮薄彈牙，咬落離夠嗲，花生香淋淋，唔會太甜膩，真係得瑟到家。😋 食完呢啲，心情都好晒，下次仲想試吓另一款豆沙味！响呢度我講嘅吖，成個經驗就好似食咗班超有滿足感嘅小美味，你啲舌頭同心靈都會話你多謝嘅！👍 只希望呢啲美食嘅味道可傳落去，唔好就咁無咗，記住，食得其所，欣賞傳統，香港味就喺你我口中延續。

除左大澳的必食沙翁之外每次黎大澳都會行過黎買個糯米糍唔知係咪配合埋大澳的環境加埋係伯伯每日整係特別好食既！曾經食過一次茶果都係唔錯🤓但真係要好早黎先會買到茶果至於糯米糍去到黃昏時間都仲有糯米糍有兩種口味花生/豆沙因為對花生敏感只可買豆沙味切開黎睇 粉皮厚薄適中 夠哂軟熟紅豆蓉夠棉密 仲有少少紅豆🫘口感甜度剛好稱心滿意通常我地都會接近黃昏黎買完個糯米糍行去附近一路欣賞日落一路食住個糯米糍黎大澳都係想咁啫😃

此處絕對遠離大澳主要街道，要路過除非係去行山或診所，否則就要專程穿過街市再行多10分鐘。因為只係一間木屋而不是店舖，唔多顯眼，幸好舖面好長，還容易睇得出唔易錯過。因為用保溫箱保存+多人購買，理論上食品都很新鮮。花生糯米糍- 食過最煙韌嘅糯米糍，粉量又適中，如果鍾意食椰絲，就個必食，椰絲非常多，花生並唔係主角。甜味適中，大大粒，暖暖地，所以都夠軟。豆沙糯米糍- 同樣煙韌，豆沙只係口味唔同。眉豆茶果- 茶果就無特別，無糯米糍咁煙韌，味道都還好好。

在大澳賣茶果及糯米糍的店蠻多的渡假的第二天我們決定要試試這間的茶果我先買了一個眉豆茶果當宵夜薄薄的糯米皮包著滿滿的眉豆餡糯米皮又軟又煙韌❤️整體不錯喔！.隔天早上我們又去買了幾個茶果和糯米糍好客的老闆娘還請我們吃她比較少做的豆沙茶果豆沙不會死甜而且煮得很綿重點還是那塊又薄又煙韌還是微温的糯米皮啊！.回家馬上又吃了一個花生糯米糍糯米糍的皮比茶果厚多了但餡裡面有加入椰絲及花生粒所以吃起來蠻有口感！.這間連招牌都沒有的店就在石仔埗街中間位置其實它就是個民居而且外表跟附近幾間屋非常相似如果經過它又有開食物還沒賣完的話可以買幾個來吃吃看喔😊

經過見到好多木材，寫住謝九婆，以為唔係茶果財，不過確定係佢。朋友買左眉豆茶果， 我就買左花生糯米糍。朋友話佢個茶果皮薄餡好多又食，我第二日都買左，真係好唔係錯，再encore 花生糯米滋，見到有紅豆茶果都唔係成日有，都買左。老闆娘話有個紅豆茶果爆左皮，請我地食。個茶果仲係熱熱地，紅豆蓉超滑，紅豆係柴火煮7-8個鐘,煮到乾身架，唔係出面係煮一陣，係甘加糖落去個啲甘。花生餡有啲椰絲，係我鍾意食個款。不過糯米滋食左兩次都係偏厚身（包完埋口個位好厚），茶果堅皮薄多餡，正！

而家喺香港🇭🇰有得買茶果嘅地方真係少之又少🥺喺大澳嘅呢一間小店 係每日新鮮用柴火蒸🔥真係好懷舊傳統✨茶果皮好煙靭 加埋鹹香嘅眉豆同甜甜地嘅花生碎🥜相當之有咬口 好好食！

今次和友人去大澳行吓山，順便去遊玩一吓，講起遊玩梗係唔少得掃吓街，大澳出名蝦膏外，更加有不少小食，相信每個朋友仔行完山，這店舖都是必經的，一定要買嚟食，每次入大澳都有買，今次一定唔放過，我買哂所有款，每樣一個，茶粿的餡料有眉豆和花生，至於糯米糍餡料有花生和豆沙，急不及待即食糯米糍花生餡，真係超煙靭，皮薄，餡多，咬一啖已經流晒出嚟，至於其他都很出色，下次入去一定要買多幾個返去，請啲街坊，朋友食，有好嘢一定要分享

係愛嘅味道，數數手指都有10年冇嚟過大澳，跟住Google Maps搵到茶果財，一直以為佢係食茶果，嚟到先知原來係糯米糍，望住糯米糍就諗起以前細細個嫲嫲成日包糯米糍，而我就喺側邊搞搞震，嫲嫲走咗之後，呢個味道已經差啲忘記咗，估唔到今日有得再回味，佢有三個味道，紅豆，花生，眉豆，以前細細個最鍾意就係食花生味，所以我當然係揀花生，椰絲花生加糖仲有煙靭嘅外皮，所有記憶返晒嚟，細細個糯米糍食晒都幾飽又滿足。

每次去大澳必買呢間啲茶果由一對老夫婦經營 好值得支持⭐️眉豆鹹茶果拎上手仲暖笠笠皮厚薄適中軟糯煙韌帶黏内餡有眉豆 花生碎 口感綿密中帶少少咬口味道帶淡淡鹹味 好有豆香 絕對係嘅傳統味道 必食推介⭐️花生甜茶果皮厚薄適中軟糯煙韌帶黏内餡有花生 椰絲 糖 口感豐富 味道香甜⭐️花生糯米糍糯米皮沾上沾米粉 食落相比茶果皮爽身啲皮厚薄適中 口感煙韌内餡飽滿 同花生甜茶果一樣 有花生 椰絲 糖⭐️豆沙糯米糍皮厚薄適中 口感煙韌豆沙内餡 香甜 幼滑 有部分紅豆仲有少少咬口

大會堂果邊有間婆婆伯伯開既傳統茶果店，舖位唔顯眼，沿著大澳文物酒店方向直行，見到間鐵皮柴火店就係🤩果日五點去到，就得返花生同豆沙糯米糍揀選~-✍🏼食評❞ 🔸花生糯米糍🥜 | $10糯米皮厚度適中，食落充滿糯米香，皮軟熟又滑又煙韌😚內餡好足料，花生香脆，加埋椰絲、砂糖，口感豐富，配埋煙煙韌韌既糯米皮好夾😍-◾️整體而言❞傳統茶果店真係買少見少，仲要咁足料，要多多支持呢啲地道又富有人情味既小店呀😋

大澳必食的 ... 炭火古法茶粿位於石仔埗街的鐵皮屋，門口搵不到招牌見到門前大堆的柴木就知搵對喇 !!!茶粿每日新鮮製造，以柴火蒸煮儍媽買了個咸味的茶粿，餡料是眉豆花生，皮薄煙韌有嚼勁 ~~** 以上分享是以我的口味、體質和情況作出分享及感受，一試 / 合用與否請自行決定

今次已經係第三次入黎大澳！每次第一站一定係食茶果！上次試晒茶果同埋糯米糍，今次就決定買返一個鹹一個甜嘅茶果黎食！甜嘅茶果食落去有花生同埋好多椰絲！鹹嘅茶果就比較似食緊糭一樣🤣甜甜地鹹鹹地好得意～ 每次吸引到我返嚟食嘅原因就係佢個皮真係好薄好軟～ 同埋好欣賞佢地保留住用柴火燒！

建議： 襯熱食夠哂煙韌入開大澳，就梗係唔少得食番個茶粿同豆腐花😎 其實都有好多唔同既小店選擇，有啲檔仲會有埋砵仔糕。不過個人選擇，都係會行去大會堂個邊既鐵皮柴火店😌 雖然唔係有咩特別，不過舖頭個感覺好有真正既「古早味」。今次試左：▫️紅豆糯米滋 ▪️花生甜茶粿檔仔主要賣茶粿同糯米滋，總共有4️⃣款口味，仲有花生糯米滋 同眉豆咸茶粿。每款小食都只係HK$10😎兩款既外層都算係煙韌，不過紅豆款食落既時候就有少少離餡。對比之下，花生餡會比較好食，餡料比較多，但就好癡手，連塊底葉都癡到好實😂

呢間肯定係去大澳必食嘅心水店家之一，我覺得佢嘅茶果係全大澳最出色😍😍眉豆咸茶果，花生糯米糍超好味😍😍😍不過鋪頭比較唔顯眼，好容易會miss咗，記得係沿住往文物酒店個方向直行，鐵皮屋個位就係啦，通常係伯伯或者婆婆睇檔，不過想食嘅話記得早少少去買啊，通常過咗下午3、4點就賣晒嘅啦😆

大澳！都好一段時間無去過！今日打算入去大澳酒店果邊行吓！石仔步街是必經之路！當然要幫襯尼檔茶果啦阿姐話全部都系用柴火燒！相當有風味！旁邊仲有幾張櫈可以坐喺度慢慢食！負責整茶果嘅阿叔仲同我哋講「你最好只食一個先好！買太多食太飽點會覺得好味」！尼啲咪係市區食唔到嘅風味囉