荃灣鍋貼大王 (Closed)

媽媽到街市買菜順道買來以前常吃的鍋貼大王煎餃子~5隻售$11是比去年漲價$1，而餃子也整形了...現在出售的不再是圓圓的煎餃子，而是四方、八面十分流行的棒形煎餃變不是不好，但也要變好才可以....這次的煎餃煎得不夠脆，基本上看不見脆脆的一面，而皮也比以前厚了..感覺像吃"粉包肉"一樣一如以往煎餃都是配以一包酸酸甜甜的醤汁，看上去還對辨，但味道又比以前淡多了......總括而言這次是挺失望的，這個價位我寧願去八方找吃的

去開荃灣搵野食,黎到荃灣鍋貼大王.三個人叫左生煎牛肉包2個,生煎豬肉包2個,秶飯1個,鍋貼5隻,牛腩麵,炸雞亦麵,豆漿.咁話明鍋貼大王當然要試真,個外形就唔多好睇,一向食開好多摺個D鍋貼,但呢度個D鍋貼好樣衰,可能慳功夫,或者我見識少未見過個皮煎得唔夠,表面睇仲以為係烚水餃,內面的肉味淡.不過不失其他野都係一般水準,無話特別出色.

1月17日, 同呀菲黎到荃灣睇戲, 記得上次黎已經差唔多一年前. 食晏之後睇戲之前又想食少少野, 行到黎金華冰廳條街尾, 見到有鍋貼食~ 平平地啱晒我地. 4點幾多好人, 可能近街市, d人買完餸就黎坐下, 食碗豆花咁~::: 鍋貼(5隻) ::: $11同出面一般既唔同, 係棒鍋貼~ 感覺比普通鍋貼大隻d, 肉汁好夠, 都夠熱, 可惜有幾隻煎得唔夠脆.::: 豆漿 ::: $6豆花得番熱冇凍, 所以要咗凍豆漿. 豆漿係自家製, 好香豆味, 夠新鮮同唔會好甜~ 感覺好健康, 亦都夠晒凍~見有好多街坊都黎食, 雖然唔係太特別不過好平~ 行到攰坐低一陣都唔錯~

荃灣的鍋貼店一籮籮, 以"平"為賣點的彼彼皆是, 但真正做到"平, 靚, 正"的只此一家, 認住佢la~~~ "荃灣鍋貼大王"是也.先來一碗$14盅仔飯, 飯粒鮮明有咬口, 絶不爛米不在話下, 雞肉也是滑嫩的, 絶對交足功課有餘, 雖然得2舊雞, 但$14不得奢求了.水餃雞翼米線, $21碗3大粒水餃, 脹卜卜, 而且皮滑不厚, 合格有餘la, 兩大隻肥雞翼, 脆卜卜, 熱辣辣, 重好有肉汁tim!!!!豬扒通心米線(走麻辣), 豬扒超讚ar!!!!! 炸皮厚度剛好, 脆卜卜, 豬扒依然保持鮮嫩, 絶不乾爭爭, 通心米線好可愛lei~~~又好滑, 相信如有麻辣的話, 辣味穿透於通心之中必然倍添味美.煎餃子由於流量高, 故能保持脆皮和熱辣辣, 都要等15分鐘ga, 細細長長, 好cute~~~肉餡多汁, 配辣醬唔錯. 豆腐花係king size, 爸爸的favourite, 因為覺得佢口感實在, 但我就覺得佢石膏粉落得太重手, 唔夠滑溜. Haha~~~佢平日成日都好多人ga, 應該加入海嘯系列先得!!!

路過此處，看見這裏人山人海，賣的又是小弟摯愛的上海小點，價錢亦便宜，沒有道理不買來吃吃...窩貼件頭很小，的的骰骰，不像平常在土瓜灣貴記吃到厚皮的style。底部頗脆，餡亦有少許肉汁，不算難吃...阿姐話牛肉包未弄好，於是再下一城，來個豬肉包，相對平常吃到的，同樣較的骰，吃落水準還可以...下次若有食友响隔籬嘉樂等得唔耐煩，可以先過來吃吃窩貼，算是用來打發一下時間la

幾日前健完身本來諗住都係食嘉樂點知見到幾個人排隊～比較趕時間既情況下唯有食其他正諗緊食乜時行前幾步見到呢間野竟自稱鍋貼大王就一於試下龍與鳳叫左５隻鍋貼，１０蚊炸菜肉絲雲吞麵　１８蚊加罐裝可樂　４蚊鍋貼貌相好差，但係出奇地好食個底皮煎得脆，咬落去有肉汁唔會好油膩，真係唔錯雲吞麵都好食，麵唔諗有口感大大碗幾抵食睇番其他人既食評都係話唔好可能佢地質素唔太穩定下次有機會再試多次

一連吃了三間小店的食物，需要做一點點運動來幫助消化，剛好下一站的位置較遠，可以當作緩衝之用。一看那店之外，發現有數十人在排隊，既然這店是今天的主力部份，當然即照等可也。在等待的時候，看到前方有一個很大的食店霓虹燈牌，寫著"鍋貼大王"四個大字。反正我們一時又進不了這茶餐廳，那就走過去買幾個包餃來試試吧。剛好遇到鍋貼起爐，有食神了。 即時要了兩件鍋貼再加一隻生煎包，買完後回去後方會合女友繼續排隊。剛出爐的鍋貼底部當然極之脆口而且皮也很薄，肉汁亦相當充裕，這樣的鍋貼那有不美味的理由。生煎牛肉包的皮較薄一點和鬆軟(如上圖)，肉汁亦頗豐富，味道方面帶點鮮甜，文財的牛肉包完全比不上這裡。這店的鍋貼的皮和包法根本與餃子無異，用上鍋貼的名字其實是在誤導顧客，如改成薰餃店便不會再有爭議了。

嘉樂要排隊，老豆就牙痛咁話走，就去左鍋貼大王。食個排骨麵，鍋貼，蒸排骨飯，生煎包，上海粗炒，凍檸茶排骨(即炸豬扒)幾好食，唔係炸到死實實鍋貼只能算ok，不過不失啦蒸飯其實唔錯，不過之前食過大坑某食肆既排骨飯好食d，所以感覺一般生煎包好大個，味道就一般上海粗炒老豆食晒，不過見佢食得津津有味咁，應該幾好食凍檸茶幾正，少有咁飲到茶味Overall 都唔錯，可惜冇試過d雞翼，睇落幾正

下午四時路過此店，叫些野食：叫了皮蛋瘦肉粥＄10鍋貼@$2.5腸粉$6粥細碗，瘦肉佔了過半位置但冇味,像煲過湯的肉，粥少又不綿,了得三、四匙己無粥食；鍋貼四送一，少，乾身，無咬頭；腸粉粉厚皮鞋，加了醬汁也沒甚味道。完全食不過！

我真係唔覺得依間野o既鍋貼係好好味lor...以前係荃灣廣場食過一間好好味o既真係爭好遠lor...總覺得佢d 鍋貼有d 怪味咁...(唔係變壞個d 味) 但都要$2 一隻...我反而欣賞佢o既豆腐花同豆漿仲要即叫即炸炸饅頭...總之一句.....鍋貼唔係間野最好味o既食物~同埋....員工態度超差!同埋唔係好乾淨lor

在街邊看到他的招牌又是一家打著"鍋貼大王"名號的店鋪到了門口一看鍋貼是一鍋鍋現煎的心想應該沒有上次那家明星那麼難吃吧就進去坐下來試試先叫了5個鍋貼1個粢飯實在是不怎麼樣鍋貼內餡不夠飽滿皮底也不脆粢飯的飯黏成一團軟軟爛爛沒口感本來還想叫鹹豆漿的最後還是算了吧~

行完山勁肚餓，快快搵地方醫肚。每次經過，都勁多人排隊買外賣，今次忍不住，去試試新野。上海粗炒-賣相好唔掂，又油又黑，份量又少，不過一碟19蚊來講，真係唔好咁多要求。鍋貼-皮比一般較薄，個底完全唔脆，又無肉汁。蔥油餅-同食炸饅頭沒有分別，質地較實，又沒有香蔥味。生煎包-要了牛肉及豬肉兩款，兩款比較，以牛肉較好，因為有洋蔥較野味，而且肉汁較多，而豬肉好乾身，兩個包底都是不脆的。較為好的只有豆漿，唔太甜，算有豆味。勝在夠平，兩個人食得飽飽都係$43，不過應該無下次。