蛇王海

Open Now

Now Closed

秋風起又到食蛇時候🐍食蛇緊係要搵間良心蛇店，香港區一定係西營盤蛇王海，佢哋蛇羹除左有良心外，仲要係足晒料超級好食，以前聽啲老師傅講靚蛇羹係一斤水一斤肉，佢哋絕對係超晒份量唔會水汪汪，，加埋少少檸檬葉😋正，食蛇當然要加碗糯米飯，食糯米飯又唔一定要加臘腸膶腸嘅，可以加隻雞肶都得㗎。𠵱家經營小店嘅路越嚟越難行，唔好下下等到小店出post告急或出事先去支持，入到舖頭記得做個負責任嘅食客，填清楚個人資料。

想食蛇羹同臘腸飯唔一定要等到秋冬天先嘅，喺西營盤第一街嘅蛇王海就係我嘅心水之選。佢地舖頭雖然細細地，不過地方好企李，而且員工好有禮貌也服務周到。佢地嘅五蛇羹相當足料，蛇肉同木耳絲嘅比例恰到好處，口感十足，羹湯裡面嘅藥材味道也拿捏得好好，唔會太濃，而且我個人亦比較喜歡有藥材味嘅湯羹。最有驚喜嘅係碗雙腸飯，糯米飯粒粒分明，軟糯得黎唔怕硬，臘腸又靓唔怕肥，加上花生又脆口，食完之後相當有滿足感。另外店內嘅衛生功夫都做得好好，檯面上放檸檬絲同薄脆嘅器皿都好乾淨👍🏼

武漢肺炎令到我少咗約friend出街食飯，但係對於屋企附近嘅小店就幫襯多咗，同埋外賣真係多咗 由於我唔食蛇， 所以平時跟本唔會過去蛇王海。 但係上次買台灣鳳梨嘅時候有去過蛇王海，先知道佢唔係淨係得蛇食， 仲有其他嘢~ 今次諗起未食過，就去買外賣返屋企食響巴士度order, 落車去拎， 真係好方便，完全唔駛等~ 我揀咗半隻秘方浸雞同臘腸糯米飯，去到嘅時候都見到有唔少人響鋪度食， 好似好好食咁 我返到屋企都即刻食咗先 嘩。。。。 我真係好後悔一路都唔知呢間有其他嘢食， 佢個秘方浸雞真係好滑，好好食， 我自己一個食半隻都食到唔停得口， 真係好正~ 再加埋佢個糯米飯， 真係飽到我傻， 但係又停唔到口，係咁食佢個臘腸好好食， 係瘦腸， 但係又唔硬喎， 唔怪得佢叫靚臘腸啦~ 呢間小店真係真心推介， 好食

因為舊蛇王二已結業，2020/21呢個冬天，蒞到第三間蛇羹舖。蛇王海有安心嘟，有寫紙仔。蛇王海雖然都近地鐵站，但還是感覺位置吊腳。蛇王海分開蛇羹同蛇湯噉賣，蛇羹就的確唔會稀，脆脆果啲自己落。整體味道都係差唔多，都幾多料，不過食落唔少係啡色一條一條果啲，應該係木耳。相比之下，蛇王良嘅料就比較多肉(好似有雞肉同蛇肉)。由於晚飯時間，都叫咗碗雙腸飯。潤腸臘腸原條切大件上，口感ok。潤腸不及舊蛇王二嘅驚喜味道，但臘腸又好味過舊蛇王二。再次一提蛇王良嘅腸粒太細，食不出評語。

small restautant in saiwan that u dont even notice when u walkby. just right near the mtr station at sai yin pun.snake soup:85$ for big size, small one is 45$big size is about times of small.taste are traditional chinese style with a lot of snake meat.stew mutton rice:the mutton cook with herb , you wont feel any oily but optimal taste. its the best dishes in winter.everything taste good and it just cost you 200$. without 10% service charge. really 對得住天地良心。

𓈒𓏸𓐍 ⚑⚐ 蛇王海Having a bowl of 𝙨𝙣𝙖𝙠𝙚 𝙨𝙤𝙪𝙥 is just perfect for winter! With all the wood ear, mushroom and ginger added, the soup is so filling and warming. (Texture of snake meat is just like fish/chicken, no special odour ︎♡︎)weekend氣溫又急降 來一碗蛇羹暖暖身 蛇王海的蛇羹每一口都有蛇肉 還有小時候食艇仔粥時最愛加的脆脆有著濃濃薑味 吃完整個人都熱起來不怕冷(☞ ͡° ͜ʖ ͡°)☞♡︎𓈒𓏸𓐍

今年嘅冬天特別凍，所以一於去食蛇羹，呢間老鋪在西區屹立多年，貨真價實，個套餐好抵食，大部份嘅客人都係叫呢個套餐五蛇羹：滿滿嘅蛇肉無用肉絲溝，我對脆片興趣唔大，但我會落好多好多檸檬葉，真係好香五蛇湯：好濃嘅胡椒同埋當歸味，我好鍾意，未飲完已經覺得成身暖哂潤腸糯米飯：我比較鍾意食潤腸，呢間潤腸雖然唔夠香，但其實都唔差，而且仲脆皮。糯米飯就一般啦，可能那天水落多咗比較濕，但都真係唔錯，唔係睇佢細細碗，都好夠飽㗎未食完個餐已經覺得暖粒粒，呢個價錢有這水準真係無得投訴

天氣開始凍，又係食蛇羹，暖下身嘅好時機，不過越來越少地方有得食呢啲傳統野，好彩都搵到西營盤嘅蛇王海。以為冇乜人幫襯，點知full House，又見佢外賣都做唔停手，好彩等咗唔使10分鐘就有位啦。一坐低就嗌左佢嘅蛇羹套餐，分別有蛇羹，蛇湯同埋糯米飯，糯米飯可以揀配臘腸或者潤腸，而我個人就鍾意食比較濃味嘅潤腸。蛇羹超級足料又夠杰身，蛇肉比我想像中多好多，仲要唔係碎濕濕，係一塊塊好有咬口，蛇羹嘅味道亦都係傳統風味，比起細個跟媽媽去食民X聯個啲蛇宴正千倍蛇湯我就真係第一次飲，初初有少少怕會好怪，不過飲落原來都唔錯，好似啲藥材養生湯咁，食蛇羹又飲蛇湯，成個人暖笠笠潤腸糯米飯都超好食，糯米飯熱辣辣，口感煙韌唔會硬，潤腸仲有少少脆皮，濃味加上油香，用嚟送糯米飯一流。

又到左秋冬季節 最啱就係食蛇啦🤪 唔知大家有冇食過蛇呢 可以留言話我知😬 朋友話未試過食 所以我就帶咗佢去西環呢間小店試吓😋~~🐍王牌套餐 $88見到有套餐 有齊蛇羹 蛇湯同埋糯米飯 就叫咗呢個餐☺️<蛇羹>: 我應該都差唔多係一年先食一次 所以唔太識點樣評價啲蛇好唔好食🙈但重點係❗️呢間嘅蛇羹真係好足料🤩 蛇肉🐍嘅份量超多 而且好多時候出面都會溝一啲肉絲 但老闆娘同我哋講話入邊全部都係蛇🤤 真材實料 另外仲有超多木耳絲同冬菇絲 每一啖飲落去都好滿足😆<蛇湯>: 幾有驚喜 本身以為都會似係普通出面飲啲老火湯嘅味 但呢間加咗胡椒🧂 飲落去辣辣地好舒服🤤 冬天飲就最啱☺️<糯米飯>: 可以揀一條臘腸或者潤腸 潤腸入邊好香好粉🤤 糯米飯好軟糯 加埋花生同埋蔥花一齊食🤓~~評分📈味道 8/10環境 6.5/10性價比 8/10

正所謂秋風起，三蛇肥，眼見港島食蛇嘅地方買少見少，於是就襯天氣寒寒地，走去試下！地點：雖然第一街唔係一啲大街，但佢係正西營盤港鐵站出口斜對面，地點好方便環境：舖頭唔算大，普通小店嘅模式，餐廳光鮮乾淨，而且用上摺檯圓櫈，極具香港本土氣息！食物質素：叫左一個皇牌蛇套餐，入面係所有蛇舖嘅招牌食品，有一碗五蛇羹、五蛇湯同埋單腸糯米飯，另外仲叫左一份雞脾。以前去啲無乜誠意嘅蛇舖都係配料多過蛇肉，食落去成碗碗仔翅咁，但蛇王海嘅呢碗五蛇羹，真係足料到不得了！蛇肉仲多過其他料，火喉又好足夠，而且蛇肉又唔會煮得太老太淋，食落好有口感。味道方面啱啱好，唔洗落胡椒粉同醋都無問題！再加多少少香氣撲鼻嘅檸檬葉，甘香味更能帶出蛇羹嘅味道！再加入無限量供應嘅香口脆片，吸曬濃郁嘅蛇羹味，真係好滿足！初初以為五蛇湯應該無乜特別，點知原來佢地煲嘅湯都好濃郁而且全無落味精！味道方面會有少少中藥味，但又會帶少少香甜嘅味道，飲完之後成個人都暖粒粒糯米飯嘅份量相對較細，但食完蛇羹同羹湯之後都已經七成飽，糯米飯水準係average以上，潤腸外皮好脆，咬完入面嘅油份流曬出黎，但又唔會有好肥膩感覺，好滿足！服務：以前蛇舖比我感覺係啲上

冇諗過咁好服務. 我哋一家三口同埋小朋友(小朋友淨係食糯米飯,佢好鍾意) 店主好照顧小朋友，上蛇羹嘅時候，特登係另一邊廂走過來上餐。 又主動同我哋傾偈-雖然見佢哋做到冇停手，好多街坊買外賣。食完之後又暖又滿足😊下星期再食過

天氣涼涼地 又係食蛇好時機遠道去到西環 買呢個蛇餐外賣見到好多食評過佢服務一般未親身體驗過又唔可以咁快下定論 買左2個$88餐其實姐姐知道我遠程 特登幫我包得好好怕漏仲好好禮貌先講糯米飯 佢係有炒過既唔會太乾或太黏臘腸好夠味 一定要加蛇羹非常之足料 勁多肉 最開心有埋脆脆 同檸檬葉為蛇羹再添色彩蛇湯係驚喜我以為會好重藥材味 但又唔係喎 仲有好大陣胡椒味飲完成個身熱晒 所以 食物同服務 真係要自己試下先最真遲啲凍啲一定會再去食

今日朋友話朋友食神推介好味蛇羹，山長水還去到西環，原來只限蛇羹好味，糯米飯暖唔熱，有半碗飯焦，應該似中午賣淨焗住，咁同伙計講碗飯有好多飯焦，佢答一句：哦！有飯焦！跟住就無理我地同其他客吹水，我地仲叫咗碟例牌雞，唔記得咗影相，但賣相似求其攞兩個位斬，同埋個雞好鞋，但服務招呼同其他食物真係無下次！蛇王海，真心佢個蛇羹真係做得唔錯，所以建議佢繼續專心做蛇羹就算，無謂趕走晒d客影響埋蛇羹銷路啦！建議換埋個肥妹樓面！

蛇羮好足料好多蛇肉，蛇湯、膶腸味道甘香，糯米飯口感細膩，喜歡食蛇的，務需一試...除蛇羮外，亦有羊腩煲/飯、臘鴨髀飯、藥膳燉湯等，加上小店街坊人情味濃，絕對值得幫襯...

This winter is getting colder as compared with the last, time for some snake soup to warm myself up~~ They had a set meal with a snake soup (without meat), a snake soup (with meat) and a sticky rice with duck liver sausage (you can also pick sweet pork sausage). Both snake soups had a strong scent and flavour of Chinese herbs, I do like its flavour, and it was getting more balanced and richer with crunchy chips and lemon leaves✨; the snake meat was a bit tough though. The duck liver sausage had