蛇王熙

Open Now

Now Closed

你係阿熙？你真係阿熙？大家唔好誤會，講緊嘅呢位阿熙係前身蛇王二老店嘅店長 - 羅長熙。呢位阿熙喺銅鑼灣波斯富街開設全新嘅蛇王熙，餐廳主打蛇羹。正所謂「秋風起，三蛇肥」，所以今日我哋就嚟到蛇王熙嘆吓蛇宴啦！蛇汁浸雞拼燒腩仔飯食蛇嘅地方，好多時都會做埋燒臘飯。蛇王熙嘅燒臘都唔簡單，雞件用蛇汁浸過，索晒精華，仲有淡淡蛇嘅味道，但食起上嚟一啲都唔腥，令本身嫩滑嘅雞肉更有層次。涼拌拍青瓜雲耳講到餐廳最受歡迎又抵食嘅就梗係超人氣蛇羹套餐啦，呢個套餐嘅前菜就有涼拌拍青瓜雲耳。青瓜同雲耳都非常爽口，配上酸辣醬汁就更加開胃。茶樹菇鯊魚骨燉瘦肉燉湯非常足料，茶樹菇係呢個湯嘅靈魂，濃郁嘅菇香，夠晒養生健康。招牌花膠燴蛇羹重點當然係蛇羹啦！蛇羹足料啖啖肉，仲加埋花膠一齊煮，令蛇羹嘅湯底更膠口，充滿骨膠原。其他配料仲有豬肉、雞肉、冬菇、木耳、陳皮、薄脆、菊花同檸檬葉，令呢碗蛇羹味道非常有層次，新鮮濃郁。臘味糯米飯入秋除咗食蛇羹，仲有糯米飯。糯米飯入面有臘腸、膶腸、臘肉、花生同蔥花，飯底煙韌，配料十足，口感一流。

天氣凍凍地，又係食蛇羹嘅好時機🤓呢一間嘅老字號，喺銅鑼灣開咗新鋪🥳食到一半更加有人喺出邊排隊等位，非常高人氣🔥蛇羹非常足料，除咗有蛇肉之外，仲有冬菇，豬肉絲，同埋火腿。食落去口感好正，冬天食一碗，真係好滋味👍上邊仲有少少香葉可以提升香味，一啲都唔會有腥味❤佢哋嘅糯米飯，同樣好唔錯，米飯煙韌，啱晒個人口味，唔會驚太過鹹，重口味~加埋花生同臘肉粒，口感好豐富🥰臘腸有分原味同潤腸，舖頭都有得買。自家製，果然特別好味。另外我哋仲叫咗兩個燉湯，🐷豬腦煲雞腳，可以養顏更加可以滋潤，飲落去好清甜好足料😙

銅鑼灣蛇王二光榮結業後前店長熙哥決定帶着一班舊夥計喺波斯富街重開一間蛇羹店：蛇王熙同一團隊重新出發堅持每日煮出一碗碗味道如一既蛇羹答謝各位粉絲招牌花膠燴蛇羹每年秋風一起就會好想食蛇羹花膠蛇羹貫徹昔日嘅味道加入花膠、豬肉眼、雞肉、冬菇、木耳、陳皮等等去煮蛇上枱前灑上菊花同埋南乳薄脆口感極之豐富陳皮嘅香氣十分突出卻又不會喧賓奪主味道香濃之餘絕無苦澀味上等既陳皮果然零舍不同花膠份量都好多肉質厚實啖啖骨膠原令碗滋補既蛇羹錦上添花臘味糯米飯蛇王熙另一名物 - 臘味糯米飯糯米飯口感煙韌仲有臘腸、膶腸、臘肉、花生同蔥花對上一次食膶腸分分鐘係小學時候既事記憶中膶腸既味道係怪怪地今次既然黎到就大膽試一啖啦用鴨內臟製造既鴨膶腸口感細緻有一份淡淡既焦香完全推翻左我小時候 膶腸=唔好食 既記憶除咗蛇羹同埋膶腸臘腸等等名物之外佢哋嘅燒味都係好得嘅滋補蛇汁浸雞飯今日我就跟餐食埋呢個蛇汁浸雞估唔到雞肉肥美之餘仲好滑溜加埋薑蓉食就好滿足隨餐附送涼拌拍青瓜雲耳比想像中辣得惹味亦為整個套餐帶來 refreshing 既感覺見到隔離位嘅朋友除咗食蛇羹同飯之外都會嗌返碗燉湯見到都覺得好吸引每碗都只不過係$36至$54下次黎一

秋風起食蛇羹🐍銅鑼灣嘅蛇王二冇咗之後，一路都搵唔到邊間好食🥺最近蛇王二嘅店長熙哥開咗間新店，即刻去試吓👍🏻水準依舊！必食招牌花膠燴蛇羹！蛇肉勁多好足料，仲有啖啖花膠😍加埋檸檬葉,菊花同趣片，真係超正！一碗已經好飽🤟🏻除咗蛇羹之外，佢哋嘅燒味都好味😎必食肥燶叉燒加潤腸飯，記住指定要嗌肥窿叉燒！😆潤腸夠晒油香甘香！叉燒夠肥又燒得焦燶，送飯一流！蛇汁浸雞就同普通白切雞冇乜分別👍🏻

踏入十月秋天黎啦🍂有句說話「秋風起，三蛇肥」係食蛇既好季節啦🐍知道銅鑼灣有間食蛇既好地方 就係”蛇王熙” 係由前蛇王二店長主理 信心保證👍🏻叫左兩個超人氣蛇羹套餐$118招牌花膠燴蛇羹🐍食蛇羹有好多益處架 可以補一補全身 暖暖身☺️用左薑同菊花碎調味所以冇腥味 成碗都好多蛇肉好足料🤩加上有木耳絲令到整個口感更有層次。而花膠都幾厚勁滑😍補而不燥臘味糯米飯🍚一上枱臘味飯好香 飯入面有臘肉碎加埋香脆嘅花生 成件事係脆上加脆 配搭得好好 好好食🤤燒鵝飯🍚主角一定係塊燒鵝皮😳又脆又Juicy 仲要係燒鵝髀啖啖肉！

闊別一年多既蛇王二終於喺波斯富街開返啦，不乏大量捧場客。秋風起加上有點涼意，呢D時間幾啱食下蛇羹暖暖身，順便黎回味一下。花膠燴蛇羹好足料既滋補蛇羹，大大塊滑嘟嘟花膠，蛇羹入面睇落仲有好多蛇肉絲。蛇肉鮮甜完全冇腥味，連胡椒粉都可以唔駛落，原汁原味，正!蛇羹最緊要就係落埋多種拌料一齊食，幾辮清香白菊花片、爽口木耳絲、檸檬葉、黄薑絲，幾塊薄脆片，食幾啖已感到暖胃感。涼拌拍青瓜雲耳歎完熱騰騰既蛇羹，可以先食幾片涼口青瓜片前菜，味道唔太濃幾fresh，口感超爽脆，有少少醬汁拌埋食酸酸地夠開胃，雲耳細細朵同樣入味。臘味糯米飯粒粒粒分明最中意呢度既潤腸，腸衣乾身脆口，入口唔油膩，內裡肝味濃郁，仲有一陣酒香套餐價$118真係抵食另一份同樣係花膠燴蛇羹、涼拌拍青瓜雲耳主食：滋補蛇汁浸雞飯跟餐仲有浸泡蛇汁既滋味雞客飯，雞肉好嫩滑白晢，夾起真係啖啖肉。皮層吸收左蛇汁精華，連埋雞皮香食起黎特別惹味，皮下脂肪薄薄地，食雞連皮吞嚼真係一種享受。川芎白芷天麻燉魚頭湯多種中藥材配方燉湯，濃稠足料。湯色金黄清澈，入口回甘，一股行氣活血直落腸胃，最啱袪風補血氣！連魚頭骨都燉到溶化感。

之前蛇王二由細食到大，可惜結業了，一直念念不忘！近日得知店長在波斯富街重開，滿心歡喜，立即去🏃🏃🏃🏃新店隔局比較擠迫，坐得吾以前甘舒服😌，先上燒鵝飯加臘腸🤤🤤燒鵝脆皮👍🏻👍🏻，臘腸定係一貫水準，每次必點👍🏻加$15，絕對對得起呢個價錢🥰🥰油雞肥叉燒飯叉燒有燶邊，淋滑，至於油雞就比以前舊店做得無甘好了，少了玫瑰露的香味，滑口程度亦欠缺😮‍💨😮‍💨還有跟飯的豆角，有漸臭油益味😅😅😵‍💫希望新店會盡快解決問題🙏🙏人圴60元在銅鑼灣來講，算是性價比高了！每碗飯上來的時候，都充滿熱度！👍🏻👍🏻喺香港好耐無食過出煙的燒味飯了💪🥰

天氣開始轉凍，梗係要食返個蛇羹暖下身～ 朋友帶我去銅鑼灣一間老字號師傅主理既鋪頭到食～ 佢話味道同以前一樣😃我哋揀咗花膠蛇羹$75！個蛇羹真係好好味，食完全身發暖✅其實食到一半都開始溫起黎😃真係好補呀！花膠大大塊，蛇肉仲要好多！好足料❤️！原來蛇羹上仲有菊花同埋檸檬草～ 仲有配埋一齊食好好味既脆脆！食完蛇羹之後我哋仲飲咗個燉湯，我哋揀咗茶樹菇鯊魚骨燉瘦肉同埋淮山鳳爪燉響螺頭湯～兩款湯足料又足味茶樹菇鯊魚骨燉瘦肉，見到有鯊魚骨同魚翅係個湯到～ 瘦肉茶樹菇清清地幾好味淮山鳳爪燉響螺頭湯真心超足料又夠味！鳳爪嘅骨膠原入晒落個湯到，鳳爪都好入味～ 燉響螺頭大大個好好味～ 完全燉到入晒味落個湯到！誠意推介😍

秋風起，又係食蛇羮的季節！這間位於銅鑼灣波斯富街的「蛇王熙」，原來是由知名老店「蛇王二」的前店長羅長熙（熙哥）主理，店內還有一幅熙哥坐在蛇王二店內的舊照。新舖位於老舖的斜對面，地點不同，但味道依舊，價錢亦跟以前相約。一眾粉絲，又可以找回那些熟悉的面孔、熟悉的味道，回味一番！蛇羮套餐（HK$118)套餐包括花膠燴蛇羹、滋補蛇汁浸雞飯和涼拌拍青瓜雲耳花膠燴蛇羹蛇羹足料啖啖肉，加入了養顏滋補的花膠，令蛇羹增添腍滑的口感和滿滿的骨膠原。最後加入薄脆、菊花和檸檬葉，令每口香濃的湯羹倍添香氣。滋補蛇汁浸雞飯蛇汁浸過的雞，吸收了蛇汁的精華，味道比起一般的切雞更鮮甜、更有雞味。可以佐以薑蓉增味，但個人覺得，原汁原味更能夠真正吃出蛇汁浸雞的原味道。涼拌拍青瓜雲耳青瓜和雲耳都十分爽脆，與涼拌酸辣醬汁很配。招牌燒鵝（HK$110/例牌）另外點了一客招牌燒鵝，燒鵝的部位是上庄，份量十足。燒鵝的皮脆並帶有光澤，肉質鮮嫩，入口油香四溢，鵝油的香氣在口腔內散發著餘香，配一碗白飯就最適合了。菜膽燉豬肺（HK$36)清潤的菜膽豬肺燉湯，最適合秋冬的乾燥季節。絲苗白飯（+$10）追加白飯加$10。膶腸（+$18/一條）這

蛇王二是本人其中一間至愛的飯堂，無論蛇羹、燉湯、燒味、臘味，怎至熱茶及那群已熟絡的哥哥們，除了味道一直都有水準外，每次去都好像回家一樣，哥哥們都照顧得每位客人開開心心。當日聽到疫情關係而關門已經很捨不得，慶幸熙哥仍有初心，帶回當初的味道回到這個銅鑼灣，以後又可以回到這個家了！今晚只得一人的我，點了至愛的天麻魚頭燉湯。燉盅比以前大盅了，湯料及味道跟當年一樣，料足味濃，飲完後覺得全身都好保🤣🤣🤣。潤腸飯是不可缺少，味甘皮脆，仍然保持水準。臨走前被人發現我獨自”偷歡”, 故還點了川貝海底椰湯及臘味糯米飯還要加一双潤腸做外買，簡直又食又拎，開開心心又一餐😋😋😋。

食晏時間一個人喺銅鑼灣，經過呢度，見到係食蛇羹，又見天氣開始涼涼哋，加上我好耐都冇食蛇羹，仲見到餐廳光猛企理，咁就決定入去試吓😆咁當然要叫蛇羹啦，叫咗 $75嘅「招牌花膠燴蛇羹」，再加一個 $80嘅「燒味三拼飯」，揀咗「蛇汁浸雞、叉燒、燒腩仔」，如果叫「蛇羹」再叫「碟頭飯」就可以減 $12 兼送一碟「前菜」😆「前菜」係「蒜蓉拍青瓜」，爽脆開胃😆。「招牌花膠燴蛇羹」有好多蛇肉，仲有大大片嘅花膠，亦都有好多冬菇絲，好美味兼食完感覺暖笠笠😋。「燒味三拼飯」嘅 浸雞、叉燒、燒腩仔 都好有肉味，簡單好食😋

終於到了食蛇的季節，自小都好怕凍，所以秋冬都會食幾次蛇羹，暖暖身，進補一下！如果港島區的話，我以前都常去銅鑼灣，最近得知重開了，立即衝去食！這兩天氣溫急跌，門口已經排了人龍，幸好很多都是外賣，等了一陣就入到去了！老闆同員工都招呼好好，我同媽媽各點了蛇羹飯餐。我點了燒味三拼，分別是叉燒、燻蹄和燒腩仔，媽媽點了燒鵝三拼，有叉燒和蛇汁浸雞，套餐有涼拌拍青瓜雲耳。涼拌菜酸酸地，好清爽，開胃。燒味好靚好高質素，完全不下於米之蓮餐廳，每件都油光滿滿，叉燒有麥芽糖味，肉質軟稔，燻蹄好香，燒腩都好稔！媽媽大讚燒鵝，皮脆肉嫩，另外蛇汁浸雞都好特別，淡淡的蛇汁香，雞肉好嫩！主角蛇羹有別於其他的，足料就一定的，還加了花膠，一碗都有3,4件，份外滿足，蛇肉有咬口，濃淡得宜，加上薄脆和檸檬草，水準好好！食完成身都好暖！

天氣開始轉涼，終於有秋天嘅感覺。正所謂「秋風起，三蛇肥」，廣東人以蛇進補係自古有之嘅事。早幾日經過波斯富街，見到新開左間「蛇王熙」。上網睇過，原來店舖係由前「蛇王二」店長熙哥主理，趁今日嚟開附近做嘢，一於過去回味一番。先睇下餐牌，除左主打嘅招牌燴蛇羹外，還有精選燉湯、燒味、臘味、各式飯類，另外亦有蛇羹套餐等供應。點左個超人氣蛇羹套餐 ($118)、燒鵝腿雞腿飯 ($100)，原來凡惠顧任何飯類一款(白飯除外)，加蛇羹一碗 ($75)，蛇羹即減 $12 兼送涼拌菜一份，當然唔可以錯過。套餐包花膠燴蛇羹、脆皮潤腸飯或臘味糯米飯及涼拌拍青瓜雲耳。先嚐蛇羹，蛇羹大大碗、熱辣辣，上檯前已灑上了菊花和南乳薄脆。蛇肉手拆成絲，肉質細嫩，緊緻富彈性，再加埋質爽軟滑嘅花膠、雞肉、冬菇絲、木耳絲同香氣四溢嘅陳皮，啖啖足料，非常滋補。臘味糯米飯味道亦唔錯，飯質乾爽煙韌，顆粒分明且軟硬適中，加埋啲蔥花、臘肉、蝦米同香脆的花生，口感好豐富。面頭的臘腸同潤腸當然亦是焦點所在，臘腸飽滿圓潤，肉質結實，有爆汁效果；而潤腸咬下亦甘香豐腴，充滿鮮油及鴨潤香味，配上外層脆皮嘅腸衣，著實令人回味無窮！小食涼拌拍青瓜清甜爽脆，