蟹點

Open Now

Now Closed

約了行山友再登鴨脷洲玉桂山，回程順路到這在西邨街市二樓以蟹為名字的泰粵式食店歎其大蟹午餐，豪奢一次😉街市内有專用電梯直達亦可走樓梯👌入座時天色不佳，不然坐户外露天雅座應更清爽😉坐下即叫招牌蟹:上菜前侍應遞上拆蟹工具，好細心👏薑蔥炒大蟹，一隻斤多重肉蟹伴以大量洋蔥， 薑蔥，鐵板盛上，熱騰騰蔥香撲鼻，肉蟹好質感，肉爽而豐😋嚐罷大蟹，意猶未盡，再點了:涼瓜炆大頭魚飯套餐;泰式鹵水豬手飯套餐一中一泰，正好看看厨師泰菜功夫，兩套餐份量充足，更附送餐飲👏涼瓜炆大頭魚，味道中和，大頭魚件炸得酥香，伴飯妙😋泰式鹵水豬手綿滑軟淋，入口溶化，皮軟肉嫩，地道泰風😋一頓大蟹+粵泰式套餐後，跟上一杯熱檸水，清新舒暢👏

同屋企人去完海洋公園，在他們家附近順便吃個晚飯，四個人就去吃隻炒蟹吧！而且消費滿$300就可以泊三粒鐘車，都好方便。近排天氣比較熱，平時的戶外座位都沒有開放，場內爆滿人，不過冷氣充足而且環境乾淨。【避風塘炒辣蟹】炒蟹好足料，重成一斤半，蟹肉鮮甜到飛起！咬下去便知道十分新鮮不是死蟹，蟹肉彈牙而且鮮味好香好濃郁，加上避風塘椒鹽配料，添加了一番鹹味和蒜香味，成隻蟹的蟹肉又多，大滿足！【原隻脆皮炸豬手】份量十足，炸豬手外皮夠香脆，有點像燒豬的脆皮感覺，中間豬手肉結實得來又有肉汁，味道鹹香味突出，適合送飯。【豬肉生菜包】正宗的泰國生菜肉碎包，有種輕微酸甜的檸檬汁味道，配上香茅等材料，豬肉肥瘦算是適中，生菜包着吃又有點肉汁流出，好滋味。如果生菜大塊一點就更好包著滿滿的肉碎粒。

親戚來港到訪完海洋公園，說想要食海鮮，想起便宜大碗的蟹點，立即來多２個站地鐵來食晚飯！除了港式小炒，更有潮州打冷、泰式美食，應有盡有！鹵水拼盤很豐富的鹵水拼盤，有紅腸、魷魚、豬耳朵、豬腩肉、雞腎等等，底下的豆腐軟嫩入味，很推薦！生菜包辣度十足，十小辣人士表示只吃到1片，就交給同桌吃辣椒大的親戚吧!泰式咖哩蟹同桌不吃辣伙伴見到紅油滿滿的咖哩汁當堂打了個顫抖，我馬上拍心口保證這道菜不會太辣！泰式咖哩汁入口細滑，綿綿椰香，入口不辣而帶點香甜，螃蟹大隻多肉，餐廳供應手套，吃起來不會太狼狽，很推薦！泰式豬頸肉炒飯很夠鑊氣，粒粒的米粒配上油香豐富的豬頸肉，加上爽口芥蘭與多汁車厘茄，入口惹味而不覺油膩！椰青吃如此多惹味食物，當然也要來一個椰青解渴！親戚很滿意，又完成一個家庭任務！

📍蟹點鴨脷洲鴨脷洲橋道322號西邨街市1樓次次去friend海怡屋企玩都會叫呢間嘅外賣，佢有賣大排檔菜式&泰國菜，我個人覺得泰國菜好食好多。大排檔菜式就有個蘿蔔胡椒豬肚湯好正，豬肚好多，胡椒味都好足，推薦！外賣一律唔推薦炸嘢，會淋晒。泰國菜就大部分都中上水平，值得一講嘅係泰式串燒唔好嗌牛肉，好鞋。泰式豬頸肉爽口，好食！Pad Thai 偏甜。同埋辣度唔係standard，時辣時唔辣，上次個青咖喱好辣，會耳仔痛。

來到港島南區，港島南線尾站海怡半島站呢度都好方便有海鮮食。行完山揾嘢食，位於鴨脷洲西邨嘅《蟹點》有好嘢食，朋友介紹呢度嘅白胡椒蟹好出名。地方闊落，樓底夠高，好適合大夥兒大圓枱歡聚吃海鮮，仲有一些户外位置。基本上有兩本大餐牌，中式海鮮及泰式小菜。招牌白胡椒蟹~上菜時鐵板香噴噴，倒入醬汁吱吱聲響，感覺更美味，食落更滋味，白胡椒蟹喺呢度嘅招牌菜，蟹係屬於涼寒涼嘅食物，白胡椒正正可以平衡返，香辣嘅胡椒味，新鮮肉蟹啖啖惹味，蟹鉗肉真的無法抵抗， 蟹爪絲絲白肉堅鮮甜，仲有蟹殼嘅膏，正！中午泰式套餐泰式Suki炒海鮮粉絲~足料泰式炒粉絲，魷魚、鮮蝦、青口肉等，辣辣地好醒胃。泰式凍奶茶~只當凍飲計，泰式奶味香濃。紅豆椰汁冰~椰汁冰好解渴，紅豆有益，炎熱天氣下嘅好選擇。食完返屋企都好方便，海怡半島A出口就喺附近，行天橋落到去就會見到港鐵出口。

天朗氣清的日子最適合行山。行完山就前往「蟹點」吃午飯😋乘專用升降機上一層便到了。户外用餐區域非常開揚。室內空間感也寬敞，坐得舒服。主推中菜及泰菜，食物選項頗多。提供圍裙、即棄手套及吃蟹工具給客人。❣️ 薑蔥炒蟹上桌時撲鼻而來的濃郁香氣。薑蔥炒蟹油色紅亮，看到已垂涎欲滴。蟹肉肉質飽滿細嫩，新鮮的蟹肉味道鮮美，以薑蔥爆炒更色香味俱全，非常惹味。❣️ 豉椒牛肉炒麵熱呼呼的豉椒牛肉跟醬汁淋在香脆麵餅上。炒麵相當酥脆，把以三色椒、洋蔥、豆豉及牛肉片做成惹味的醬汁掛上去，味道香口帶鑊氣，口感豐富，令人吃得津津有味。🍹 菠蘿青檸梳打用上新鮮菠蘿及青檸汁的特飲，味道清新，是夏日涼伴之選。🍹 泰式咖啡(凍)咖啡奶香濃郁，不會太甜，令人精神一振。跟朋友閒聊才知道「蟹點」是「星海 · 星海薈」其下集團成員，怪不得蟹那麼出色。

成班親戚食飯，搵到呢間喺鴨脷洲既餐廳，估唔到食物味道又幾ok呢間餐廳主打海鮮，d蟹睇落好吸引，可惜由於敏感既關係，唯有忍痛skip，另外仲有中式小炒同泰國菜，決定每樣嗌d試下黃金蝦咸蛋黃炒到好香，份量十足，蝦肉結實👍🏼小炒王份量有點少，但味道唔錯脆豬手味道一流，夠脆夠香口，必點之選風沙豆腐呢個整得比其他出名既大排檔不惶多讓，食完想再嗌一碟泰式食物如串燒，炸蝦餅同芒果糯米飯就正常水準，好味，但唔算好出色基本上呢間屋邨食肆，價錢唔算貴之餘，食物質素有水準，絕對係性價比之選，不過服務就有待改善，有漏單之外，侍應態度亦麻麻，座位安排上亦唔太友善，不過呢類型餐廳，賣點從來唔會係服務，所以冇咩所謂，有機會都會再黎食❤️

Duck哥同阿仔港島行完山⛰️，嚟到鴨脷洲西邨新翻身後嘅街市🥰，其中「蟹點」就佔咗街市2️⃣樓全層，餐廳地方非常之大，一啲都唔逼😍，坐得非常舒適。另外餐廳係有戶外坐位，可惜今日落大雨☔️，所以無咗户外座位。餐牌📔選擇非常之多，主打中菜🇨🇳和泰菜🇹🇭，當然唔少得就係佢地嘅招牌蟹🦀啦。餐廳既蟹🦀有好多種煮法，我地就揀咗佢最招牌嘅白胡椒蟹試下😋。招牌白胡椒蟹(大蟹) $698蟹🦀足足有一斤半，店員🙍‍♂️係上蟹前會派即棄手套🧤和圍裙給客人，非常貼心❤️(另外，餐廳中間有個洗手盆🛁及洗手液🧴給客人使用，啱哂我呢啲食蟹食到兩論論盡盡嘅人🥰)。上枱時，蟹🦀會放係熱辣辣嘅鐵板⬛上面，店員即時淋上白胡椒汁，馬上香氣四溢🤤。蟹肉🦀掛滿微辣嘅白胡椒醬汁後非常惹味😋，加上啖啖肉，真係無得輸😍。墊底嘅洋蔥同樣吸曬白胡椒嘅香味，大家記得唔好哂😂。豉椒炒蟶子皇(4隻) $198蟶子皇大大隻😮，口感彈牙，味道鮮甜😋；豆豉的香味加上三色椒🫑🌶的甜味，更加能突出蟶子的鮮味，整體十分惹味😋。總括而言，海鮮質素出色，餐廳無論設計以及店員服務都非常貼心，等我下次試埋佢地嘅小菜先得。

香港人生日去番轉海洋公園係指定動作啦🤟🏻玩完又攰又餓😂😂拿拿聲去附近開餐至係上策！咪睇呢度係大排檔😌其實地方闊落又有冷氣(仲有戶外座位可以揀坐添🙌🏻). ✨咖喱炒蟹 $698巨大份量🦀！好有睇頭！整隻大蟹重一斤半‼️新鮮得嚟肉肥厚！拆開殼咬到啖啖蟹肉！重點係咖喱醬汁非常香又好味！食到我哋Lam lam脷😋😋. ✨中式孖寶推介 $228🔸蟹點小炒皇最近食大排檔都想試吓當店嘅小炒皇😃呢度嘅小炒皇有大蝦乾, 腰果, 魷魚, 韮菜, 黃椒, 小魚乾, 味菜…材料非常豐富兼有鑊氣👌🏻👌🏻. 🔸惹味椒鹽蝦炸得脆卜卜😝係連殼都可以食埋果種程度😝蝦係新鮮嘅(無雪藏味道)🦐配上惹味椒鹽越食越惹味！！

今日經過海洋公園，心思思想睇下南區有冇小炒出色既大排檔，估唔到只係隔三個地鐵站距離既海怡半島附近就有一間，而且由海洋公園站去只係要15分鐘，真係啱哂一家大細去完海洋公園之後搵好野食醫肚啊😆餐廳位於鴨脷洲邨街市既1樓，離遠望就已經見到有個大logo寫住餐廳名「蟹點」，絕對唔洗驚會搵錯地方或者搵唔到。相比好多街市既露天大排檔，呢到既感覺係明顯乾淨企理同舒適好多。餐廳既座位有分室內同室外，室內有提供冷氣，就算夏天去食都唔怕食到身水身汗，而且空間好闊落，一啲都唔會覺得好逼。至於室外亦都有提供唔少既枱，鐘意體驗露天大排檔風味既就啱哂啦。餐廳既主打係中菜小炒同泰國菜，菜單上既選擇非常多，就算親戚朋友既口味唔同都唔洗擔心揀唔到野食。🎈金沙鮮魷 $138第一碟上黎既就係金沙鮮魷。炸粉唔會太厚，只係啱啱好咁包住塊鮮魷，而且剛剛炸起所以好脆口，配埋金沙咸蛋黃醬味道好夾，值得推介。🎈蒜蓉粉絲蒸大元貝(4隻) $188元貝既肉好厚身，配上蒜蓉啖啖肉真係好滿足，而火候都控制得啱啱好，蒸得相當唔錯。🎈招牌白胡椒蟹(大隻) $698終於到咗最期待既白胡椒蟹啦。果然名不虛傳，未上枱就已經聞到好香既白胡椒味，忍唔住流口

上個星期同朋友相約行山，行到攰晒，落到鴨脷洲要搵嘢食，上網睇到街市樓上有間蟹點，午餐超抵食坐低環境真係好舒服，有啲似之前去澳洲嗰啲海邊餐廳，即刻感覺去咗旅行午餐真係好多選擇，但係我發現呢度最出名嘅原來係蟹，同朋友商量之後決定今朝消耗咗幾多而家食返幾多，午餐都要叫返隻蟹嚟嘆吓招牌白胡椒蟹白胡椒味香噴噴，隻蟹超級大隻，肉質結實，兩個人帶着手套食到舔舔脷泰式蟹肉炒飯夠晒鑊氣，份量又多，差啲食唔晒菜遠肉片河，條菜靚到呢凍飲加$3，大大杯超級抵行完山誤打誤撞食到好嘢

蟹鉗有半隻手掌咁大同朋友喺港島嗰邊行完山，非常之肚餓，見到有好大個招牌有隻大蟹，即刻衝入去食呢間餐廳有戶外嘅枱凳，戶外風景幾好，我哋就坐喺出面食，夜晚都有一陣陣涼風，裏面就有冷氣嘅，同埋見到生猛海鮮喺魚缸入邊游來游去😋薑蔥蟹$698呢度係出名食蟹，我哋就點咗薑蔥蟹。點知隻蟹一來到，超！級！大！隻！隻蟹鉗有我半隻手掌咁大，我從細到大都咁大隻蟹😍真係見到都舔舔脷，眼界大開之餘胃口都大開😂。我蟹係用燒熱咗嘅鐵鑊勝在，熱辣辣，大大隻，非常之新鮮，肉質鮮嫩，肥美鮮甜，相信係喺剛才我見到嘅魚缸裏面遊緊水果度捉出嚟😋可以話係即叫即煮，又點會唔新鮮呢？另外薑蔥味都爆到好香，好多薑蔥，我最鍾意用嚟餸飯食，個蟹蓋都有啲蟹膏，蟹蓋超級巨型，有我隻手掌咁大西蘭花炒帶子$148帶子大隻又鮮嫩，都有成十隻八隻，西蘭花炒到青翠嫩綠，夠曬獲氣💗總結：蟹又新鮮又大隻，食咁大隻蟹真係好滿足，一定會再來😋💗💗💗💗

中午同媽媽去食個 quick lunch，母親節正日中午 12:30 都唔洗等位可以直入，都心知不妙，伏味濃，我哋三個人，叫咗兩個午市套餐加一個小食。海南雞飯配油飯啲飯又乾又硬，唔熟，生米。雞肉又係，好靱，鞋到不得了，好似食緊一舊擦子膠咁。濕炒肉片河啲河粉好似無炒過咁，一 pat pat，啲汁就咁淋上面，淡而無味。炸大腸炸得唔夠脆，好靱，咬唔開，上面灑咗大量唔知係胡椒粉定五香粉，見到都唔開胃。連跟餐嗰杯青檸冰都好唔掂，得一片青檸，成杯都係無味架。

【南區】【蟹點】食我嘅生日飯，梗係就晒我。不過大家都知我對飲食冇乜要求，只係麻鬼煩，所以兩位朋友都問咗我意見先，今次呢兩位朋友係浣紗娘同埋會計妹。我嘅意見就梗係南區最好，因為我少 post 之餘又可以賺取同美女相處時間。講返嘢食，首先係 $598 嘅「招牌白胡椒蟹」，大蟹，每隻大約斤半。蟹係呢間嘢嘅招牌菜，冇理由唔叫架，我冒敏感風險都食咗一舊肉，我唔識欣賞，但佢哋就食到津津有味。然後 $68 嘅「紅燒脆皮BB鴿」就一般，好一般。而 $108 嘅「招牌脆皮咕嚕肉」係幾脆口，塊肉同啲醬都唔差，酸酸甜甜就似我同女同事嘅關係。菠蘿就一大片咁上，切好一塊塊咁。都係 $108 有「蟹點小炒王」，又整得幾好食，最主要係食材唔錯之餘鑊氣好夠，係掂。第一 round 未飽就追加啲嘢食，首先 $78 嘅「藤椒爽魚皮」好辣，不過好惹味，勁爽。之後 $138 嘅「花甲蒸水蛋」好鮮，隻蛋蒸得啱啱好，淨食唔撈飯都正。一入場就留起咗 $78 嘅「芒果糯米飯」，食落都 okay 幾唔錯嘅。嘢飲方面我飲 $25 嘅「薄荷荔枝梳打」，正正常常，佢哋叫 $48 嘅「椰青」同 $43 嘅「菠蘿沙冰」，感覺好似好飲過我嗰杯，不

我哩D高達迷，當知道海洋公園攪個50年展覽，必然要去朝聖啦! 又可以做吓龍友影吓相.想當年唔食飯都要慳錢買高達模型同雜誌! 仲要買砌模型工具!女友小熊無跟我一齊去朝聖，同樣佢入去廸廸尼維尼熊朝聖，我都唔會跟住去.朝聖完後，小熊見我身在南區，就約我去哩間蟹點開餐，佢話一早已經想同我嚟蟹點幫襯，最初唔明點解，食完就明哂!一去到餐廳，未入門，已經被個露台位吸引，因為地方超闊落，啱哂我哩D煙民!入到餐廳同樣環境闊落!菜式多到居然要兩本 Menu，而且菜式多到眼花撩亂，有中式小菜有泰式菜有潮州打冷又有海鮮，合心水菜式極多，我同小熊好多小菜都想食，但肥肚腩得兩個! 心大心細左揀右揀諗咗好耐先決定到食咩!嚟到蟹點當然要食蟹啦，點咗份咖哩肉蟹同蒜蓉牛油軟殼蟹，當然要配埋蒜蓉包點咖哩汁食啦，仲有蒜蓉粉絲蒸蟶子皇.居然仲有我大愛沙冰! 二話不說，菠蘿沙冰!首先炸軟殼蟹有齊哂D手手腳腳，唔似得其他餐廳嘅軟殼蟹上枱一舊舊唔知咩嚟，而且份量足夠，外脆內軟，滿意.蒜蓉粉絲蒸蟶子皇夠鮮嫩，係第二道滿意菜式.落單時忘記咗要求多咖哩汁，擔心唔夠汁點蒜蓉包，點知擔心係多餘，咖哩汁多到要打包! 當然咖哩汁係好味先打包啦，有