蠔燒

Open Now

Now Closed

琴晚第一次食，以為多人就入去試吓，點知啲中哂伏！一坐得睇到個餐牌見到個價錢都已經唔開胃，都算喇，啲嘢食一嚟到，嘩難食到癲，啲嘢食又唔熱又無味，叫咗個皮蛋嚟食，完全無味，個口感又奇怪，跟住叫咗個牛脷，呢個仲癲，食緊個陣個感就好似同緊隻牛打車輪，好難食！警世，唔好再去食！

本人昨天本來約3位朋友到這家店食燒烤，飲啤酒聊天的，我和一位朋友6:15分先到，見到店鋪門口開門了，我便准備和朋友先入去坐下，先喝啤酒等其他人到，一入門口店員說未開門，這時我便問什麼時候開門，店員就說‘唔知喎’，態度極差，這樣的態度還會再光顧嗎，我和朋友沒說什麼立即走人，大圍又不是只有你這裡有東西吃，吃東西沒必要受氣的，如果你們是未開門做生意，可以在門口掛一牌給客人看，客人便不會進來，不用受你們的氣了

自從疫情之後已經好耐冇去過食蠔燒..以前耐唔時都會嚟呢度坐響出面食下串燒飲下啤酒….一於叫番啲以前成日叫既野食先燒茄子🍆有小小燒唔熟…有生生地既feel..燒扇貝新鮮 + 大大粒….招牌燒生蠔即係蒜蓉燒生蠔…手掌咁大既size…鮮味十足…蒜蓉焗花甲..花甲都係大大隻…紅肉夠鮮甜…不過有D就有沙..燒翠肉瓜 ，燒雞軟骨，燒蒜頭翠肉瓜juicy燒和牛粒..唔像和牛粒….好重醃料味…呢個就一般..燒雞亦尖 ，正…叫左兩轉..

本身食開隔離嗰間點知七點先開心大心細咁入咗嚟做試伏專員點知真係瀨晒嘢 嘢食真心貴貴都唔緊要交唔到功課俾我九成嘅食物都係無味㗎 除咗條茄子有蒜蓉味之外其他都係淡茂茂 就算擺喺枱面嗰啲調味粉落咗都係無乜味 慘過食齋嗰串雞腎硬到好似石頭咁 完全食唔到食咗一舊擺番低 叫個職員收走佢佢同我講話仲有串嘢未食我話硬到食唔到 個職員已笑姐醜唔知食咗啲乜嘢食咗差唔多五舊水真心食返隔離168好過 千祈咪入去中伏

當你開工開到好晏，而且又好肚餓既時候，最好既選擇應該係油尖旺區，但對於我地呢啲新界中區既朋友實在係太遙遠，好彩我地仲有大圍呢個宵夜城，有打冷，燒烤，糖水，車仔麵，應有盡有。蠔燒，我已經唔記得第幾次食，開左幾年，食物質素算係中上，而且佢每款食物都有3個口味俾你選，分別係蜜糖，沙嗲，重慶燒。照舊，大啤一支，再將紙仔拎俾店員，由於即叫即燒，都要等十零分鐘。蜜糖雞翼，係雞翼中間介左一刀，方便入味，雞翼唔會太乾，仲有肉汁，調味整體良好。蒜蓉牛油焗金菇，牛油味無揮發得嚴重，蒜蓉好多，食落滿口牛油味。啤酒迷必叫下酒菜，燒魷魚乾，飲啤酒既朋友，最岩叫呢個，乾身，薄肉位脆，點少少辣椒豉油，呷上一口啤酒，無可匹敵。如果你又係夜晚收工，想飲一啖收工既啤酒同埋治療下你寂寞既胃，我非常推薦你黎蠔燒。

以我所知大圍呢其實有兩三間串燒店，今次就食呢一間，話比大家聽佢燒成點啦。呢間鋪鋪面唔算大，有時要坐都出去門口，如果冬天最凍嗰幾日去食呢,而且仲要坐門口,就唔係咁過癮啦.我去嗰日就坐咗樓上，因為早去所以有位。佢上菜嘅速度快嘅，可能嗰個時間客人唔多啦。食物質素大致上都滿意，燒出嚟嘅火喉都算唔錯。如果我話最好食嘅，會揀燒芝士菇同埋蒜蓉茄子。雞翼同串燒牛肉，都燒得唔錯，調味料嘅份量剛好。 因為我哋嗌咗孜然味，開頭怕佢太難，我還是覺得辣度剛剛好。多春魚同京蔥都唔錯. 而講到牛舌呢，我只會話可以接受吧。因為我本人好鍾意食牛舌，基本上每次見到鋪頭有得叫，都會叫你食。佢燒嘅技巧係冇問題，亦冇過火，但我總覺得牛舌的質感太腍，而且牛味差小小。

心血來潮揸車去咗大圍食宵夜， 行下行下聞到好香嘅串燒香味， 又見到好多人食燒海鮮， 咁就畀佢吸引咗入去啦！店內嘅位置好少， 由於凌晨嘅關係， 餐廳門口同後巷都開滿左檯， 衛生環境比較一般， 不過就比較有風味！食左燒蠔， 象拔蚌， 司華力腸， 同埋我最愛嘅燒茄子。 海鮮夠新鮮， 笑得都好夠火喉， 不過上菜時間真係太慢， 等咗成三十分鐘先有得食😟😟😟 另外可能因為我坐係後巷，對住餐廳個抽風位，d油煙好大，對眼俾佢攻到好辛苦😵

本來係打算同男朋友仔散下步架咋路過聞到有啲香，諗住叫少少過下口癮點知。。。一叫就$254了😅叫嘅野食其實唔係好多，就係只有相呢2盒外賣首先要大讚佢個燒鱔，外層燒到脆卜卜，內裡好juicy!!!肥美😋其餘雞肉串，羊肉串和牛串。。。全部嘅調味都做得好好，少少辣。雞很嫩滑，羊也不so。但牛肉比較韌，咬極都咬唔到無奈到最後要放棄。金菇肥牛串- 金菇吸哂牛嘅味道，啖啖汁，不過牛都燒得比較老，也是略嫌太韌生蠔$26只其實我覺得有點貴，不過是幾大隻的，所以都ok蒜泥都好夠，蠔也是肥大的，但其中一只有很多砂粒😔

所有食物都沒有味道，完全唔知自己食緊咩。。。。。。。。。。。。。。。。。。。。。。。。。。。。。。- 墨丸極重雪味，咬落唔彈牙- 雞翼無味- 燒生蠔無味同有沙- 雞軟骨唔爽脆- 牛脷只有香辣粉味- 牛油蒜蓉包無牛油味- 燒茄子燒唔透- 羊肉串燒到完全乾水侍應叫極都唔應，隔離枱叫佢都當聽唔到唯一可以話正常既既係燒菠蘿同罐加多寳咁大個人未食過咁難食既串燒。。。。。。。。。。。。。。。。。。。。。。。。。。。。。。

試過一次外賣燒烤，好好吃的燒蠔，又大又鮮又夠味。今日就直接坐低食，來蠔燒就要吃燒蠔。先上的是快熟的羊肉，羊肉是油脂比較小的，口感也相對札實，羶味中低等。菠蘿可以烤得更焦一點就更好了。我怕辣就沒吃青辣椒。茄子上次也外賣過，那個蒜很好吃。這次堂吃茄子烤得不熟，有點生，蒜泥的味道也不一樣。烤雞串一點點乾，味道還好。在等主角生蠔，我們多點了一些。燒魷魚軟得發霉，毫無彈性，口感嘔心。串燒翠肉瓜和車厘茄不過不失。另外還點了個燒鱔，皮微脆不過味道有點焦，調味也不夠。四十五分鐘後，主角終於到了。真的很大一隻，鮮是很鮮，但當那麼大一隻烤蠔，烤料不夠味，那個蠔膽真的會非常膩口。走的時候，看到店家忙著開比手掌還大的生蠔。不過今天的蒜泥真的不夠味，主角也等得有點久，味道也不夠分數，其他食物也不是很討好，五百多結帳但食物未能達標，只能為今天的用餐給個了。

呢間嘢初開時幫襯過三次，當時有生蠔有白酒配，燒物又有水準，感覺係平凡嘅地方食到唔貴又高質嘅食物！事隔一断時間再嚟，原來呢度已經無賣生lu, 咁試下啲燒烤啦，ok呀，同以前分别不大都好食。 題外話，開頭本來想叫生，問男店員佢話好多生，跟住唔對路，因為佢話蒜蓉燒又牛油，我意會佢以為我叫燒，所以我再講我想要係生……佢依然答大把多到食唔哂又嚟蒜蓉牛油咁唯有答睇睇先啦。轉頭就行落樓下問其他人，原來已無生賣一段時間再提感覺呢度好似雜咗……有啲唔多斯文嘅大叔坐樓下……明顯唔係客坐枱打牙交……同以前格調有差距！ 不過咁而家只賣燒烤也說得過去，燒烤亦唔差亦唔貴，尤其燒蠔，先叫兩隻，蒜蓉好香。所以再叫兩隻，今次要辣嘅，以前肯定有嘅……but又係果位男店員，佢話比辣粉我？？？即係而家無辣椒蒜蓉嘅燒蠔！店員一男一女，其實都好禮貌嘅，㕑房師傅都用心去燒烤

去咗一定會後悔，食住煙泥整串燒， d野難食到呢，室內兩張枱係比d職員坐既，客係無得揀坐入面定出面，只可以坐室外，我唔食煙要坐室外，職員坐室內就係咁食煙，我地叫咗紅腸燒蠔茄子墨魚丸，紅腸燒到黑哂，燒蠔係極難食，燒茄子簡直食唔落口，最正常係燒墨魚丸同支啤酒，完全唔掂，唔明點解會有人幫襯，真係食完一肚氣唔食好鬼過食，對食無要求既人都唔會頂得順d咁既餐廳，而家想搵間用心製既串燒真係好難, 但都唔會係衰到咁啩，唉，當自己唔好彩，去咗間咁既野

羊架又細又薄,但售價99元ㄧ份,特別用了膠樽蓋ㄧ同拍照比輘,等候食物時間超過40分鐘,落漏單又多多藉囗,沒有燒聖子又唔通知,要人客白等浪費時間!食到ㄧ肚氣,以後唔會再幫襯!中伏ㄧ次已夠!

同朋友上樓上坐，有冷氣而且地方乾淨，環境唔錯。需要落order可禁鐘，好快有人上黎。落單後d食物都上得好快，味道唔錯，價錢合理，同三五知己過黎食宵夜一流，下次會再去!

同事告知這橫街呢間食肆有做埋午市，兩個就走入去試試，前後都嚟過五次，這兒的午餐飯，滑蛋蝦仁飯及海鮮炒意粉都是即炒的，味道唔錯，尤其是海鮮炒意粉，冇失望過。同事也試過這兒的豬扒飯，豬扒沒用鬆肉粉，比出面較硬身，但同事話好食。唯一美中不足的是這兒調教的飲品不好，曾向店內女士反映，她說用埋這些咖啡豆後，便會轉用其他的，也細心詢問我們食物如何？願意細心聽取客人意見，足以證明這店的誠意，祈待您們飲品方面的改善喔!