街邊檔車仔麵

Open Now

Now Closed

食物方面 叫左幾個餸 啲餸味道麻麻 幼麵唔彈牙 牛腩都唔好諗住係牛什麵檔個啲牛腩 而係好多膜痴住少少肉 不過個腩汁幾好味 服務方面 講真都唔覺有咩好嘅服務態度可言 環境方面冷氣太大 總括嚟講無下次

#街邊檔車仔麵 喺深水埗一提起車仔麵，第一時間會諗起文X。喺網上討論區留意到附近其實有一間都有唔少好評，原來自己十年前有食過。今次主要嗌咗#豬大腸 #豬紅 同唔係到到地方有嘅 #黑柏葉 ，面底就一定係指定要 #油麵 。三餸一麵$46，唔算平。不過今次食過之後就覺得有啲失望 ，其實除咗豬大腸鹵水味夠調味好之外，黑柏葉爽口但冇乜味，豬紅更係失敗，味道欠奉。油麵勉強可以唔夠彈牙，湯底味道亦不夠，可能係咁啱得咁橋，偏偏選中我呢碗麻麻地。$46喺深水埗應該都仲有唔少選擇。

店舖不大，圓枱圓木櫈，坐得唔太舒服，但好有風味，小時候嘅車仔麵檔都係咁，快啲食完，快啲趕返學趕返工。豬腸、鮮黑柏葉、牛腩河河粉又幼細又滑，鮮黑柏葉好爽，有口感，豬腸乾淨爽口，但唔夠入味，牛腩夠淋、夠入味，整體不錯！每個餸都係$11。

其實本人都已經食過唔少嘅車仔麵 今日嚟到呢度 做咗一碗蘿蔔冬菇豬腸油麵 辣汁加腩汁 等左兩分鐘就有得食 湯底有啲咸 我同事叫左酸齋 牛腩 豬紅 我地交換食的 豬紅冇咩味 牛腩就偏碎 食落去冇咩口感 冬菇都算好食有口感 面質太韌唔夠淋 齋出色，唔會太酸，又唔會太甜 蘿蔔都清甜嘅 可以話係中規中矩嘅車仔麵 但係勝在價錢平 一個餸先11蚊 三餸一碗43 真好抵食 不過就唔好期待到可以同最好食果d 比 環境就一般 睇落都算係乾淨嘅 枱面醬料有啲蓋俾人開咗又冇收返 有啲醬料外露咗 感覺就唔太乾淨 過一次就算

食大碗間車仔面鋪頭真係大大話話最少食左1x年絕對唔會差得過對面x記，超又超級足料，d 炆野好入味。夥記有禮貌，都係做左1x年，好有親切感最好食係豬腸，我基本上每一次都會叫，豬紅都好食， 唯獨是蘿蔔就甜咗少少，可能多左d. 冰糖

不嬲喜歡食車仔面，今日嚟試味，叫咗碗淨餸，生菜， 魷魚，豬腸，豬皮，雞翼尖一杯凍檸茶$59,付款後職員就叫我搵位坐低，佢就幫我拎埋嚟，服務殷勤價錢實惠，味道也可以👍

講起去深水埗食車仔都會諗起嗰間長龍名店，佢唔係唔好食，只係唔值得排隊等咁耐。今日試咗呢一間都唔錯。我叫咗魚蛋牛腩豬大腸酸齋豬皮，咁多樣餸之中最好食係豬大腸，佢係有彈性嗰隻，而且入面D肥膏仲係堅挺而唔係成pat野咁樣，不過如果閣下食豬大腸唔鍾意咁多肥膏嘅話呢個就未必啱你，因為你係咁咬走D肥膏都有排咬。呢間野整體黎講OK啦，食得過。

唔係講笑，雖則佢d幼麵都唔係好夠爽口，不過佢個湯底贏左，個湯香甜濃郁，又唔會太油膩，分量就都係咁上下啦，雞翼夠入味又夠淋，但唔係好易爛曬果隻，豬紅夠實淨，抵食又好食啦！

為咗升level 連我間食堂都要寫下，呢間街邊車仔麵想當年同文記叮噹馬頭，兩間拍住做，街邊重要有兩間鋪，但三十年河東 三十年河西，文記上完街坊食神，小儀讚過佢個酸辣粉之後，就蹦蹦聲開咗幾間，重大排長龍，行運嘅野有時真係擋都擋唔住！老實講，兩間我都食過，分別真係唔大，頂龍你係話文記多嘀野揀，但我食野真係好怕排隊，食車仔麵啫，都係想快！咁講，街邊車仔麵就真係冇裝修㗎啦！但我唔怕地踎，但求好食，佢個冬菇，雞翼真係必嗌，個辣汁正㗎！但唔好加太多，我食但辣都食到成頭汗！

每次去深水埗不是吃文記，而是這間門口不顯眼的街邊檔車仔麵，這店沒有華麗裝修，但整潔乾淨，價格平宜近人，味道是我兒時的車仔麵味道，我愛這店的辣汁，回味無窮，還有豬腸，腎，東菇......都是我的至愛。

路過有間車仔麵，睇落又唔錯喎，咁咪入去試下囉入面嘅款式都唔少，我最鍾意就食豬腸豬紅牛柏葉同埋豬皮， 重要就係辣汁豬腸都ok不過偏肥， 豬紅少少硬唔夠滑， 豬皮就一般冇乜特別雞翼尖就唔入味，有浸雪美，我見就用用晒，佢求其拎係個袋倒落來就放入碗俾人食，有d驚最欣賞係個辣汁，還算唔錯

湯底ok 吾係死咸, 豬红, 豬腸, 豬皮, 樣樣車仔餸都几好味下, 而家車仔面週圍都有, 但入得口少至又少, hea 煮都有人帮襯, 咁用心煮既當然買少见少, 好多推介美食都係中伏多, 係香港人味觉退化, 定人人食得大集團多, 對食已經降低哂要求了😂😂😂😂

一向喜歡車仔麵， 第一次光顧街邊檔車仔麵是在旺角分店(現已結業)， 吃過後覺得非常美味，後來亦多次光顧，直至數年前發現它已不存在， 實在有點失落。輾轉間，亦嘗過很多不同的車仔麵店， 沒有一間能吃出兒時的味道。直至兩個多月前發現它在深水埗出現，終於，今天再品嚐久違了的味道，果然並未有失望，那種味道絶不能夠在人氣店"文記車仔麵"中找到，個人認為文記賣點是濃味，但街邊檔賣點是懷舊的味道。點了油麵做麵底+六餸，包括生菜、蘿蔔、翼尖、魚蛋、猪皮、牛肚，個人認為車仔麵不需賣弄花巧，所以並不喜歡現今的某些車仔麵店，加入例如花膠那些浮誇配料，實在與車仔麵格格不入; 直得一題的是，街邊檔的配料只是沿用一貫車仔麵的餸料，例如陳皮魚蛋，現在已買少見少，牛肚亦非常淋及入味，調味亦適可而止，並不像某些店舖過於偏重調味料，以至一味"死咸"， 吃不出食物的原有味道，老土的說句: 海鮮要有鮮味、肉應有肉味、菜應有菜的鮮甜味，若加入大量調味料的話，倒不如拿一碗白飯再加入一堆自己喜愛的調味料來吃，用不著浪費食物，所以，一衆喜愛新奇及濃味的食客，街邊檔車仔麵恕未能令你們滿足！！

幫襯過幾次老闆娘就認得我，會同我傾吓計，有笑容，感覺親切，就算唔喺佢間舖，喺街撞到，也會同我打招呼，Keep 到熟客，食物也Ok，碗仔翅/魚肉翅到幾好食，價錢合理，不過衛生爭少少

本身諗住去深水埗食野但去到黃金果邊成條街都要排隊諗住試下呢間街邊檔車仔麵平時好少食呢間既不過見到呢間都好似係一間有曆史既店就入去啦叫野食同服務都唔錯不過食物真係一般豬紅唔新鮮味精又太多