西川風味海鮮館 (Closed)

一行十四人，夜點十點幾有乜好食，梗係諗係西川啦，食小菜又得，打邊爐又得。一坐下連餐牌都唔駛睇，叫個雞煲先。雞煲必食推介👍🏻👍🏻無碎骨，又滑，仲要件件雞有肉食😋😋再來個胡椒豬肚湯底，要飲湯有湯飲，值得推介椰菜餃，菜唔淋，爽口。仲有必食豬天梯🙌🏻🙌🏻🙌🏻心太軟甜味剛好，必食甜品推介🍫🍧

我從未去過，第一次去想唔到D魚生， 新鮮到無朋友，係香港未食過魚生有甜味，隨左魚生，火鍋真係想唔到，新鮮好食，我一定會再黎，夢想的食材，夢想的餐廳，今次黎食248餐4個人食，下次要試下258餐

夠鑊氣，夠份量的店鋪已經少之又少，竟然係深水埗有大發現，真材實料，美味可口，簡直大件夾抵食，廚房悉心炮製，用心煮出來的美食。從來唔食炸魚既我，忍不住吃了這個一試難忘的椒鹽九肚魚，第二間邊有原條炸，值得一試。仲有新推出既心太軟，連甜品鋪都無佢咁流心😋😋

難得和三五之己相聚，當然想可以坐耐些，便去這間店舖試下，我們一行七人，座位也算舒服。便問下店員有什麼好介紹，他推介花甲蟹煲。本來都有些心大心細，因為人也算多，可以嘗試下。但當店員來了個煲，聞起來十分惹味，份量也十足，仲算不錯的，我們也叫了其他配料，如肥牛，手打墨魚丸和蝦丸等。。這不是自助任食，只是想食什麼便叫，有些失望，但配料都算多選擇，還有些新鮮海鮮，我們更試了龍蝦刺身，真是十分驚喜。。。論價錢嗰煲和刺身都有點貴，但份量十足，也值得一試。

今天晚上與好友一行七人到順寧道西川食海鮮蒸氣煱。首先上菜是椰青一個～原來椰靑是用來煑粥底的其中一款材料接著扇貝、龍蝦、鮑魚、聖子……源源不絕的－－奉上之前曾經與家人品嘗過某間知名的蒸海鮮酒家，但亦從味嘗試過如此鮮味的蒸氣海鮮鍋誠意推介

同6個朋友約咗係順寧道西川食飯,到達後唔知食咩好?佢地介紹今期推廣象拔蚌優惠!咁我地就先嚟個象拔蚌和鱆紅魚刺生本來夏天胃囗差少少食刺身加啤酒就配合得非常然後叫咗個果皮蒸鮑魚椒鹽田雞然後加個抄時菜就剛飽

今晚再來慶祝父親節和生日飲，11個大人兩個小朋友，食左十二樣餸，每人叫左一杯大飲品，埋單每位大概$350。個炒飯食唔落，無得影相打包左。有每人一隻大元貝，熟到剛好，好食！豉椒炒大聖子，不太硬，有一隻有沙，味道正常！椒鹽鮮魷，超正，下次一定再點！九肚魚，今次失水準，太醎了，魚肥美，份量ok!炸雞超滑，正！無論雞胸位置都好滑！雞煲翅，湯味道超濃。咕嚕肉，不太硬，夠鑊氣。黑椒牛都好味。bb辣雞煲，都係覺得醎左d,家人不太愛。魚，菜和炒飯，沒什麼特別，整體都滿意！

住左石硤尾幾拾年 都吾知道係順寜道有甘多好嘢食 個老友話想食豬肚雞煲 甘就上網揾 發現到順寜道有間叫西川風味海鮮舘 心唸係順寜道邊度有好嘢食呀 不過甘近我屋企 甘就試吓啦 意想不到係横街裏面有甘高食物水準嘅食店非常滿足 下次一定要帶埋D老友再食過豬肚包雞入口卽溶花竹蝦刺身 人間美食重量級凍檸茶一定要飲未食過卽炸响鈴簡值冇得彈好有牛味掂

食物環境滿意。4人叫左一個雞煲，要求小辣，但有少許咸，不過可以接受，雞好滑。食完仲可以叫打邊爐菜，點左龍蝦丸，菜，响鈴，凍豆腐，腐皮，最正係牛頸脊。仲叫左隻bb乳鴿,皮脆好味！蒜蓉蒸元貝，超大隻同埋整得剛好。另外叫左椒鹽九肚魚，必食！今晚去到見到其他人點海鮮，都好大好新鮮，下次會再去試其他菜！仲有最正係超大咸檸7！4位每人大概$250

刺身 海鮮感覺幾新鮮 小食香脆 正正正正正正正正 抵抵扺抵食食食食我哋六個人食咗象拔蚌刺身 海鮮半放題香港地依家食塊牛扒都三百幾 我又刺身又海鮮又半放題都係三百幾 真係幾抵食

琴晚去開長沙灣又突然想食雞煲，諗起呢度就決定試下~刺身連雞煲仲有火鍋配料任食都係百幾(未加一)，你可以話唔抵咩?先黎個刺身你問好食嗎? 普通放題質素囉，新鮮一定唔會係，個帶子有少少腥，但一分錢一分貨，所以都無咩必要吹毛求疵佢啲汽水、藍冰啤同特大凍檸茶係任飲的，但我只鍾情鹹檸七，另外比錢都要飲上到檯見到咁細個青檸以為中伏，好彩原來都幾夠味，個人認為無咁鹹會好飲啲添~~上雞煲了嗌左小辣，但一啲辣味都無，亦唔夠鹹整體而言就係無─味─ 唔好食大枝森堡啤酒 $18x2 係幾抵邊爐部分就同普通任食火鍋一樣無咩特別......總括而言就係價錢吸引，任食黎講可以一戰不過返到屋企後有段插曲就係我肚痾……我地兩個人食得我一個有事，所以唔知關唔關呢度啲食物事了……

終於離開一間做咗20幾年的公司，一班好同事和我farewell，我地都要食好dd，食靚dd!因為我們想食d新鮮海鮮，爆食一場！我其中一位同事介紹話順寧道西川門口有個大魚缸，比較有多種海鮮選擇，我一行十人到達後坐了張大枱，我面對住部大電視，好有屋企食飯的感覺，我和其中一位同事就去到魚缸前選擇海鮮，餐館有個人就馬上過嚟介紹有咩好食和點樣食法！我們就選擇咗加拿大象拔蚌（象拔蚌有其他產地，我個人就鍾意加拿大比較有甜味），還有班馬大瀨尿蝦，大蟶子，鮑魚，海蝦，扇貝，蠔，另外還叫了两種肥牛，菜肉雲吞，午餐肉之類！象拔蚌就食剌身，非常鮮甜爽口，每次都回味無窮，瀨尿蝦就食椒鹽和豉椒蟶子，其他就雞煲火鍋！我地d食量都好勁，可以全部食哂一件留，好開心我能夠在滿足和歡笑中告別，多謝大家！

7:30左右去到，人唔算太多，不過就愈夜愈旺。見到對面枱飲梗杯勁大既野，又唔知係咩，就問下人啦，原來係重量級檸檬茶$27，咁多杯真係夠過癮，點都要試下。避風塘炒蟹，約斤半（$398），勁大隻，炒得好惹味，蟹就超實肉，好鮮甜。泰式生蝦$108 八隻，好大隻既生蚊同平時食開既分別好大，咬落爽口彈牙，而且個汁好開胃。三文魚一磅$118，一大碟厚切三文魚，都算肥美，而且食都都夠甘香。砂鍋雲吞雞 半隻$128，奶白色既湯，好香好滑，雲呑蝦好多，肉又唔肥，大大粒，夠彈牙。紅燒乳鴿$78，皮脆肉嫩有肉汁，一隻開6件都唔會好細。風味小炒皇$78，有韮菜，鮮魷魚，蝦干，菜莆，食落層次好豐富，而且又夠惹味。白灼花螺$98，海洋要夠新鮮，先可以白灼，如果唔係除左無鮮味，仲好似唔知食梗咩咁。呢個花螺好彈牙，又夠鮮，唔駛任何調味都好正。蒜蓉粉絲蒸貴妃蚌$28/隻，每次食呢d貝殼類，我都好鍾愛下層既粉絲，因為佢可以吸收晒所有精華，至於呢一個，佢既蒜都好夠，加上火侯剛剛好，所以貴妃蚌又鮮又甜又唔硬

媽媽想食雞煲翅 家姐想食雞煲 就揀左呢間平靚正門口又有得泊鏢位 既火煱店一去到叫左個象拔蚌刺身 勁正 即切 個個都話爽個雞煲翅 夠濃味 同足料 跟住叫左個 胡椒豬肚包雞 同重慶雞煲雖然無雞煲翅同刺身咁突出 但都好味 唔會差

今日同朋友係長沙灣打完波, 去左間差不多食咩都有既餐廳, 我講食咩都有既意思, 其實係指食火鍋, 刺身, 小炒, 海鮮都有, 選擇都唔算少啦.打完波咁口渴, 整番杯檸檬茶, 原來size 差不多有平時餐廳2倍有多, 我估容量都有1公升.天時暑熱, 整番個涷冰冰泰式蝦刺身, 蝦夠大又夠新鮮, 加埋個泰式酸辣汁, 夠晒開胃.再黎個活魚刺身, 鮮魚片夠晒爽口, 魚味十足.原來活魚刺身都可以一味兩食, 佢將頭腩位椒鹽炒, 惹味十足.紅燒乳鴿, 肉質好嫩好淋, 正.砂鍋雲吞雞, 呢個夠晒飽肚, 湯夠濃, 雞肉阿淋.風味小炒皇, 多種海味共治一爐, 重口味.