誠記小籠包拉麵 (Moved) New Location

我一向好鍾意食煙燂靭靭嘅野 所以就黎呢間上海小店試左招牌八寶冰啦 真係好好味啊 夏天食好爽.雖然環境唔係話好舒服 可以話簡陋 不過$25抵食又好味就無所謂啦.口感煙靭嘅粒粒配料有好多種包括芋圓、地瓜圓、小丸子、薏米、珍珠等等 各有特色 芋圓地瓜圓同小丸子比較硬身 珍珠細細粒帶黑糖味薏米就比較清淡.煉奶加冰碎真係好好味 再加埋仙草珍珠果陣味 好有珍珠奶茶嘅影子.紅豆為整個甜品添加左甜度.整體口感豐富 唔會太甜 好飽肚好滿足

路程10分鐘但係等外賣等咗差唔多2個鐘，打咗3次電話催，如果係要等咁耐唔該一早講清楚！黎到又漏單又找少錢，野食普普通通，不知所謂！南翔小籠包同超市買返黎自己整果d無分別！成$40 六粒上海粗炒d麵油得黎係硬ga，都真係世界級👏🏼

西九行完街一出黎見到對面人山人海，究竟發生咩事呢！原來誠記開分店，好彩都唔係好多人，係花牌阻住我視線，等左一張檯就有位，呢到比舊鋪更寬敞更大喔，親！新鋪上任三把火，估唔到樣樣都咁出色咁好味，先講最唔出色既 #招牌蟹粉小籠包 既蟹味都幾強，唔會好似一般見到但又食唔到有蟹味，如果再多啲蟹粉會更正，不過 $36 有 4 隻咁既質素真係唔可以挑剔！再黎就食甜品，超爆抵食既 $25 #招牌八寶冰 真係滿到就黎漏，實一實咁，叫我情以何堪，Baby 大食就食得哂姐，你地叫就最好兩個人 happy share 一個，八寶冰入面有芋圓、小丸子、南瓜圓、地瓜圓、薏米、紅豆、西米、珍珠、仙草、煉奶，樣樣料都新鮮既，食唔到有隔夜既痕跡，絕對係好味夾抵食呀！但係寶寶係唔會話你知我開頭係為叫鴨而食架！大吉利是過你咩，唔係你諗果隻叫鴨喔，親 💜真係唔知開心定點，完全冇諗過咁大碗之下黎埋第二碗 🌝 呢碗 #招牌仙草奶凍 有芋圓、小丸子、南瓜圓、地瓜圓、薏米、紅豆、西米，又係好大碗，但係呢碗既仙草佔一半，不得不提呢碗野同 baby 一樣，又滑又 qq 😳 仙草真係巧滑喔，而且藥材味唔重比較易入口，而芋圓乜圓乜乜圓都好

誠記小籠包一直都係想試之列，特別係糖水，喺社交平台老是常出現，之前同朋友試過喺另一分店等位，但人氣太旺啦，放棄了。週六去到深水埗漫無目的，想食個早午餐，居然喺落車位附近見到誠記，追得唔係太貼嘅我先知原來呢個位都有分店。店內位置唔算話好多，但相對另一間生煎包店闊落得多，起碼枱與枱間有足夠空間。中午時間近乎滿座，但傾向快食快走，即使要等位，相信都唔會太長時間。店外面會見到有個煎生煎包嘅位置，抽風唔係太好，一煎包都聞到有陣油煙味餐牌選擇不少，有小籠包、生煎包、湯麵、小食、冷麵、小菜、炒麵、湯類等，單點的話唔係平價。午市會有套餐，12款小菜，可選配飯/陽春麵，再配豆漿，定價$39-52，下午茶時段3pm後會比較價惠。試左幾款小食同一個糖水，評語糾結於ok同喊臉之間。蒜泥白肉拌粉皮 $22點蒜泥白肉真係預左重口味，呢度嘅做得比較淡，唔酸唔鹹唔辣，面頭嘅醬汁反而有少少似泰式生蝦醬…粉皮口感正常，但白肉肉質較乾鞋。（單講呢碟粉皮我會想俾喊臉…以此定價份量略小，味道亦一般。）招牌蟹粉小籠包 $39/4粒小籠包有兩款，一款普通，一款蟹粉，相差10蚊。小籠包皮唔算太厚，湯汁夠熱辣辣但略少，食落有微微蟹粉味

南翔小籠包 hkd 26 蚊4隻✨誠記小籠包拉麵夠晒出名～佢啲小籠包真係皮薄多汁😏入面啲餡又足料，4粒完全唔夠喉呀😩小籠包愛好者必食😍不過都算多人排隊，想食要預早啲時間去啦～一場去到，點可以唔試佢呢個8寶冰呢！😍hkd 25！係勁大份而且啲擺設都好有心思✨佢啲芋圓好多粒粒都煙un彈牙😃佢啲薏米都好好食😍一路食啲料都唔會話好小，真係大份夾抵食呀！不過講到推介芋圓，我就覺得康瑞涼茶係最好既✋🏿😀但呢間都係不二選擇

夏天食乜好？吾想食到大汗踏細汗，食冷麵至好❄️❄️ 有雞絲，青瓜，蘿蔔等配料，望落都幾足料😊撈起撈起，混合麵底嘅花生醬就食得，味道唔會太過咸，有種清新嘅感覺！價錢貼地而且份量好多，值得一試小籠包即叫即整，我朋友揀咗原味同蟹粉！新鮮滾熱辣咁整到出嚟，用筷子夾仲會有浪浪下嘅感覺~小籠包皮，厚度適中！唔會一夾就穿，質素算係唔錯架！值得一讚嘅就係咬開小籠包就有鮮甜嘅湯汁，混合新鮮嘅豬肉食，真係好開胃！蟹粉小籠包嘅湯味道比較清甜，帶有淡淡嘅蟹味，而原味小籠包嘅湯就比較濃郁！生煎包亦能做到外脆內軟，外面脆脆地好香口，而且亦都有好多湯汁喺裏面，四個食完都幾飽上海擔擔麵微辣，食起嚟都好惹味，而且好足料，麵條口感帶小許嚼勁，這份量都幾多！豆漿雖然好普通，不過吾系度度都好飲！飲得出係自家製嘅，因為有少許嘅豆渣！雖然味道偏甜，不過係好飲嘅，豆味夠香！回鍋肉配飯真係一流，味道酸酸地咁好開胃，切成一片片，內質都夠入味，想紅椒綠椒等，令到成碟菜冇咁油膩最後亦都唔少得食返個甜品，就係佢哋馳名嘅八寶冰啊！有芋圓，紅豆，小丸子，珍珠，西米，仙草等材料！其中比較欣賞芋圓同小丸子，好有咬口，而且芋圓仲有南瓜口味，估佢吾到😂刨冰

I have been to the store once.However, I could not eat sweets because it was too early to visit.You can eat dessert from 3 o'clock.Because it is a newly opened store, the inside is beautiful.I waited for about 10 minutes after placing an order.The shop was not so crowded, I thought why.I felt a little sorry.Various types of dumplings are on desserts that have been carried.You will enjoy a variety of tastes.And 25 dollars!It is perfect for hot days.

排骨菜飯 - 排骨幾好，個菜飯好差，好細碗, 飯又硬，又冇味。小籠包 - 正常，冇特別。但呢個價係深水埗，算吧啦，我會揀另外d野食。我會剩係食芋園... 侍應又懵查查，都唔知做緊咩。

尼間小店好易搵就係西九龍中心對面。小店主打食上海野，比較特別係佢既甜品唔係傳統既上海甜品，而係八寶冰、仙草奶凍先點個生煎包。$29蚊有4個，價錢相宜。一咬之下爆汁底煎到脆卜卜皮唔厚，襯熱食好味小籠包皮薄餡靚已經係最好既形容詞夏天熱辣辣無疑食碗冷麵是最爽的，入面有雞絲、芫荽、紅蘿蔔絲、青瓜絲等材料。冷麵係唔辣但幾開胃同好岩夏天食套餐有個上海排骨＋擔擔麵＋豆漿。排骨好淋身唔硬而且夠入味擔擔麵湯底比較傑身，的確係重口味之選湯頭麻醬味偏重，我幾喜歡而且湯頭都好掛麵，可惜麵略為淋左小小！食飽飽當然會有第二個胃，就係甜品胃點左尼個仙草奶凍食，入面有仙草、西米、小丸子、紅豆等材料。食落感覺有點像涼粉，唔算太甜食完唔夠喉黎多個八寶冰尼個八寶冰既甜度同冰感都比岩岩果個仙草奶凍勁。唔好見佢白雪雪就以為無咩味，佢有好濃郁既煉奶味超喜歡的上面有一堆芋圓口味分別係地瓜、芋頭同綠色既應該係綠茶芋圓好Q好煙韌，成個冰撈混黎食好正啊，夏天熱辣辣整番碗真係透心涼

趁假期一條冷去深水埗鴨寮街update下最新嘅科技順便去覓食。路經呢間誠記小籠包拉麵，又多人，價錢又好似幾合理,try try 先！雞絲冷麵用雞絲，青瓜絲，莞茜，花生醬再配埋冷麺。每種食材份量適中，一啲都唔膩,仲有少少清嘅感覺。天時熱，order呢款冷麵再加杯冰凍豆漿，呢個配搭非常唔錯!總結:平民化嘅餐廳,味道不過不失，但服務態度一流。餐廳員工上下一心,好團結!呢樣嘢都令我覺得好難忘！唔記得講呢度仲有甜品

一心諗住黎食芋圓（在下好喜歡食芋圓😎) 跟住順便食下幾味上海野啦，點知咸食比點食更出色！招牌生煎包 $29/4 個拿！比大家睇睇，入面d湯多到瀉啦！😳 哇！睇到要流口水喇🙈 真係好正！😍 已經掛住呢個生煎包喇💓小籠包都吾弱，$29/4 個，皮薄餡靚! 都有吾少湯！😋 同埋皮吾會乾👍🏼七彩雞絲冷麵 $42 呢個都係招牌菜之一，幾香口，好多青瓜絲，正👍🏼 不過略嫌雞絲較少，同埋整體味道吾夠濃郁，麵既份量就非常足夠。四川擔擔麵 $38 微辣，食到四川既味道，都係好大碗！好抵食😳整麵師傅既技術了得👍🏼麵質好食而且夠入味😋 個豬排都好食食上海菜又點少得豆漿! 自家製豆漿 $9 味道剛好👍🏼 吾夠喉，如果大杯d就好喇🙊食完咸食，當然到招牌八寶冰 $25 其實我主要食芋圓，幾煙靭的，其他配料例如薏米、紅豆等都比較淡味，底部仲有咆冰，可以能慢慢溶左，跟住愈食愈淡🙈😂

上星期咁岩經過，見到有芋圓食見咁好食所以今日再番兜今次試埋熱食先分別食左幾樣野：生煎包勁多汁，食嘅時候要小心整親個嘴，個皮煎得好脆，好味酸辣湯好多料唔會好稀，酸同辣都平衡得好好估唔到18蚊的有咁大碗朋友食的雞絲拌麵，有好香的花生味麵好彈牙，熱熱地食好正，咁岩店內的冷氣唔大芽菜鱔糊菜飯個飯啲菜好新鮮，啲菜係脆綠的，唔會有怪味呢個鱔糊好岩送飯食，因為有汁鱔都幾彈牙，甜甜的，好好食最後少得甜品呢佢啲芋圓，係我係香港食過果幾間黎講，算好食同份量多 （KWAI Fong 果間🙄）呢度25蚊碗，仲有得坐係度食，正唔記得叫咩名了，但個湯底好清甜，仲會Lim lim的，係有'鄧'過吧？啖啖都有野咬呢個係朋友的，佢第二次食了，建議有仙草食凍的好，如果熱的只係暖

星期日放假做咩好？就緊系盡下吃貨嘅責任就圍揾食啦經朋友介紹今日一同前去誠記食野，由於人數少所以只系叫左3樣野，廢話少講即刻比大家睇下我地食嘅野啦😉(往下移，評語在圖片說明)食物睇完就到店舖環境同服務了。店舖位置很方便，正正在西九的對面。過條馬路就有得食😀。環境乾淨，入面嘅位唔算多，不過今日星期日我地响食飯時間去都唔洗等位真系好好彩。服務員態度有禮積極，會主動推介菜色。至於上菜方面速度很快，餓鬼唔洗驚好快有得食😆其實要求唔高嘅呢間野都食得過嘅👍但小籠包嘅味道，質數果啲就遠遠不及鼎泰豐，當然價錢上都有分别啦！便有便食;貴有貴食，你地又會點"簡"呢？

平日成日經開行過見有人響門口叫人入去食嘢，話支持90後，今日放假就同婆婆試試好唔好食。 入到去舖面很細，有約二十五個位(唔計小巷的檯)，咁啱有張二人檯，於是唔使等位就坐低。店員同我講招牌食物是生煎包和八寶冰，但見左右隔離檯都話生煎包層皮唔脆同八寶冰太"結"所以無叫到，最後叫左個咸雞擔擔麵餐，配玉米汁，小籠包，加錢要烏梅汁同合桃芋圓芝麻糊。咸雞擔擔麵，麵無問題但雞很油膩同很"生"，好在無血水出。烏梅汁婆婆話似淡的酸梅湯，玉米汁有粟米味唔錯。小籠包同合桃芋圓芝麻糊都好味，芋圓和丸子淋淋地又有口感，婆婆都話食到易入口。感覺上呢間食肆好似糖水甜品好食過其他主食。

誠記開左分店一段日子，店鋪位置更加就腳，就在西九龍中心正對面，好易搵。過黎打算試試上海菜，食生煎包小籠包，生煎包底煎得好脆，要讚既係肉汁很多很多，食既時候小心燙口啊；而小籠包肉汁更多，肉餡也較生煎包大，不過溫度只是微暖，好像差點熱呀。不過晚市只有生煎包小籠包，菜飯呀粗炒呀拉面呀其他上海野店員話要遲D先有今晚食唔到，遲到幾時就唔知喇。招牌仙草奶凍 熱 $25 係深水埗一直都知康瑞涼茶同誠記呢兩間既仙草芋圓都廣受網絡界歡迎，食左幾廿次第一間，今日終於去食第二間（因為新店開近左）！但係...... 點解份量差咁D既芋圓小丸子都好少，一啖都食得哂，其他份量都麻麻，係得仙草支撐大局(個碗)。呢日同屋企人係度食埋晚餐，店員寫碟小菜要重覆Confirm3次，落單又要落3次先齊ORDER，其實我都係叫3碟菜啫。