豐泰牛雜專家

Open Now

Now Closed

雖然開業多年,但一直以來都無機會光顧,而且見好多時都人頭湧湧,理應唔會差得去邊.就趁中午來一個快lunch,牛什米作價廿蚊,可能當中已經有一半係租金.牛什麵 : 又是必然的肺腸肚膀一類大路野,基本上有部份仲要係唔夠淋,麵鹼水味又去唔清,真係諗唔到仲有乜賣點,可能係舊舖做開一斑熟客,不過我就一定唔會再去.

中午12點. 一個人來到老遠的上水, 身水身汗;要坐火車出返市區, 又要大半個鐘; 臨走之前, 都係d野先上車喇, 費事出到去冇時間食晏~見都幾多人幫襯, 門外看d 腩又似ok, 腩汁也不錯, 聞得出正, 入內先!店內都幾乾淨光猛.但冇電視睇呢...一碗都係20蚊; 雖係牛什專家, 但我今日又不想牛什, 叫碗牛腩麵啦.好快上.d牛腩排到好靚, 看清楚, 係略瘦的; 飲口湯, 似係牛骨煮的, 雖係清湯, 但都幾濃味, 好夠牛味, 好飲!但唔知味精多唔多, 因太熱, 人人都好口乾啦...d 麵唔鹼, 唔洗落醋~ ok 噃.夾塊牛腩, 雖瘦但仍幾淋; 加少少辣油, 一流!d 辣油幾香的, 唔係勁辣噴火果款; 但好易入口, 味道很好.和牛腩好配合.成碗牛腩都好食.但其實d 湯最好飲, 我飲吓飲吓, 飲晒!廿蚊, ok 呢.

原本今天去珍X食麵,點知冇開,於是轉移到豐泰食.我和2個同事一行三人,點了牛腩麵,牛腩河及墨丸河.牛腩麵:牛腩好淋好入味,半肥瘦真係好正,D麵冇咩鹼水味不太硬, 湯底比較油不過可接受,不太咸味道剛剛好.我見同事的河粉好滑,下次要試下.同事話D河粉好少,食完後都唔夠飽.其實我碗牛腩麵都係好少,唔夠飽.

晚上10點幾..去完沙田食完ikea既肉丸5粒後唔係好夠候跟住去左呢間野到食叫左牛腩河同豆漿.豆漿黎左先..因為超口渴,飲左一啖發覺.....點解d豆漿好似臭臭地= =但都冇理,仲飲左幾淡牛腩河好正常味= =冇咩特別..d牛腩都冇話特別好果d飲唔晒杯豆漿...............我就黎走搵緊錢果陣我見到一樣好既野呀姐竟然將客人食淨既牛什包起!!!!!!好驚!!!!最後...我今朝肚all我肯定係杯臭豆漿既問題lorps.不過呀姐好有禮貌...但唔敢再食

之前聽寫字樓的同事推介這裹的牛什，食晏時便來試，店內的檯放得密麻麻，客人又多要搭才有，環境一般而已。我要了一碗牛什粗麵，另一同事要肥牛腩河，牛什很乾淨，包括有牛膀、牛肺、牛腸及金錢肚，味道唔錯但唔可以話非常出色，份量較其它店少。我見同事的牛腩肥肉縮成一團的，不是一塊薄片的依附在腩肉上，而且腩肉又碎，同事說比潮明園及潮興旺的差，但就要二十蚊一碗，他就唔多欣賞。麵食跟飲品加五元，價錢一般啦，偶而來食碗牛什都可以。

無錯, 這檔的燒賣真的大不如前... 真的有粉團的感覺.. 雖然偶然經過仍會買一寸, 可能是回憶吧... 不過想向你推介... 如果你下次想吃粉菓, 可到上水名都商場, 德興茶餐廳... 每次同媽咪吃完之後都要再encore... 下次來上水記得一試!!PS 題外話, 燒賣檔旁邊的豆腐花水準依舊, 不用擔心~~ ^_^

相信這間是老字呺吧最出名是那裡的牛腩，肉夠林入味，湯ＯＫ，配合辣椒醬更是一流，價錢亦夠經濟，推价

從石湖墟街市掃糧之後,順道到龍豐花園買上水著名美味燒賣和豆漿回家享用;見到店前蒸籠熱氣騰騰,一個箭步上前買了$20燒賣+粉果,多點豉油!急不及待即時吃了一粒燒賣,為什麼感覺像在吃粉團??跟以前彈牙鮮味的燒賣像兩碼子的事???味道也比以前吃過的遜色,水準真的相距很遠很遠!今次還買了一大袋哩=(粉果外型小巧,比以前的體積縮小了,有點像一口粉果!外皮還算煙韌,餡料份量不多,味道還算不錯,相對水準勁跌的燒賣還算有可吃性。希望今次只係偶然事件,日後會回復水準,不然想吃美味燒賣只可到花園街了,今次喊臉少不了,希望下次笑臉重現。

佢地d食物味道都算ok, 可是衞生...就好差...佢地用紙杯裝豆漿..可是我見到杯邊入面有d"跡", 紙杯出面表面好似有油跡的痴笠笠的感覺, 換過杯也是一樣, 我仲發現紙杯底寫住"再造紙"製造....唔係呀)))))))2006年頭..一個晚上, 我買外賣,企在煮麵檔前面等,雖然煮麵檔有玻璃隔住,入面仲有蒸氣,但隱約都可以看到煮麵佬做乜,同埋亦可在傳麵位個窿睇到入面,個煮麵佬以為蒸氣大,人地睇唔到入面做乜,而我在等外賣其間,一路看住煮麵檔, 我發現煮麵佬用手挖鼻,.此事千真萬確...不是講笑, 我覺得果個煮麵佬好冇良心...都不知有幾多個食客食過佢d 湯,基於我敢怒不敢言, 我果碗外賣我都不敢食,把它倒掉...以後也不敢去此店光顧, 不知現在果個煮麵佬還有冇係到做...不過之後我都不會再光顧此店.....