豐泰牛雜專家

Open Now

Now Closed

星期六放假見無野做，香港7.1到到都甘多人，就翻左深圳行下。夜晚七點半左右係深圳翻落黎後，決定去朋友介紹位於上水既一家牛腩麵店試下。係上水地鐵出左後，兜過小巴站向前行左5分鐘左右就到，都算好方便。門口有個生果檔。門面無咩特別，一般粉麵店既設計。門口仲有個雞蛋仔/燒賣既檔，應該都係屬於豐泰自己既。食物既選擇唔多，只有牛同丸類既餸選擇，不過對於一心黎試牛腩牛雜既我黎講無咩所謂😋燒賣唔係普通既魚肉燒賣，應該係豬肉造既，味道同口感都唔錯。要讚佢既䜴油辣油，配合得好好，令燒賣味道更好食。豆漿味道偏淡，豆味亦唔濃，味道麻麻。叫左一碗牛腩牛雜河粉。份量都幾多，好足料，唔會因爲係雙拼就俾少d料你，牛腩都有6塊。牛腩好林好香，一咬落去有好濃既牛油香味，一級推介！ 至於牛雜，都好味既，但唔算話特別好出色，牛腸好正不過得一塊。湯底味道偏淡，如果係腩汁底應該會更正。總括而言，呢到既牛腩係好值得大家特登黎試既！食完行緊去地鐵個陣，喉嚨都仲有牛腩既牛油香味😋😋😋😋

嘢食冇想像中咁好食。叫咗個牛根河，啲湯好似水咁淡，牛根同麵又平平無奇，算過得去啦。但係價錢就唔平，麵又唔係特別大碗又唔係好食。杯嘢飲仲差，杯華田冇味似飲水多啲……仲要話星期六日同假期嘢飲要收正價，食咗我差唔多$50。真係專俾水貨客食，我寧願行遠啲去揾間一樣價錢但係好味啲嘅餐廳員工態度唔好，我俾散子佢，佢仲叫我爽手啲，語氣似諷刺我咁，令我好唔舒服，原來依家啲服務態度係咁…！衛生又差，成地垃圾好似去咗垃圾房食嘢又話開咗好多年，老字號？錯！係從來未見過啲咁“差”嘅餐廳！唔會再去食！！！

又黎Blue Monday 假期後番工特別眼訓如果有啲小食食下就好了大家唔知有無食過上水依一間既燒賣呢？係我食過咁多間燒賣最好味果間食落味道似魚皮餃的餡（實際我無問到係咩材料）應該係自家製造的餡料有少少少少少少微辣，更加惹味不太食得辣的我都食到所以大家可以放心買黎試下HKD10/7粒

只得燒賣及牛肉供應，仲諗住會有粉果添。魚肉燒賣，外購蒸熟就食得，都好難煮得唔好食，但豐泰蒸到半溶狀態，濕濕爛爛，黏實您張嘴。外層半溶濕淋淋，裡面依然嚥韌。面頭燒賣味道還可以，但底層燒賣索晒豉油勁咸囉，豉油咸中帶苦澀，混上大量辣椒渣都免強全部吞下！格硬食晒去，都唔知點解咁多人排隊幫襯！牛肉球，非常結實，質地實淨富彈性有咬口，雖然麵粉偏多，都有少少牛肉味。撈上香口辣椒油，合格。好多乾蔥頭既辣油，份外飄香，但只微辣偏咸。

幾個月前試過麻麻地，見三點幾都未食 lunch 又有肚餓又巧合路過又有位，我份人都好隨和，比多次機會您啦﹗發現在場食客連埋我只有兩三個為港人乍喎，我去左邊呀？我想食伊麵呀，居然無伊麵供應！牛雜麵走蔥，湯底淡口，淡如水既感覺令我十分沮喪。湯底牛骨味欠奉，幼麵烚得過腍帶粉口，而且鹼水味重。雖然金錢肚爽口、牛膀軟棉，但五香牛雜全部偏淡口，炆既時間不足。沒什麼味道，單調好悶。實在太淡，試試佢地自家辣椒油啦 ﹗咬到一粒粒既粗鹽，好咸呀 ﹗咁奇怪既，粗鹽在辣油？辣椒油微辣，只有微微辣味但完全不香。阿姐我講左 3 次走蔥架喇，您都係要落蔥既，係咪唔識聽廣東話啫？您用羮裝都仲好啲，依家落晒湯度成陣味呀﹗仲要叫我自己掉返出黎，您好野﹗剛才已經比錯碗牛腩河我架啦﹗阿姐您係咪好驚我呀，心不在焉。落單混亂，以貪方便既唱單形式，唔寫單，又無記性，會唔會因為唔識字呢？由我坐底到離開都係月15 分鐘左右，無走蔥、煮錯粉麵、漏左單、唔記得客食咩、唔記得邊個食客 order，好野喎﹗牛腩粗走蔥，無伊麵供應，咁試試粗麵啦﹗阿姐問左我三次牛腩粗係咪我既，我就答足三次牛腩粗走蔥，走蔥唔該，最後都係無走蔥既！剛巧有幾位食客跟我

真心失望到要寫食評！我碗野其實已經叫左多色！但食落同滾水加河粉冇乜分別！啲牛膀質地有啲唔同 但係係唔好食果種.啲腸仲過份 好似香口膠咁有咬口連入面啲脂肪都可以𡁻一輪唔係應該入口即溶嫁咩？不特止，個牛雜仲要冇金錢肚仲話牛什專家 成$30碗 真係喊出黎！

第一次點餐時，侍應未有理會，第二次找另一侍應落單，等了一會兒就有雲吞河($35)(原價$29，農曆新年間加價)。雲吞河只是暖，有5粒雲吞，河粉份量一般。雲吞餡料足夠，味道一般，未有驚喜。雲吞皮上有一些黑色點點，不知是甚麽。其中一粒雲吞黏上一條短毛髮… 店內位置尚算鬆動，不會背貼背坐。侍應服務一般，不時忘了哪台顧客叫了甚麼食物(沒有單)，要大叫詢問。

以前行過街市都會去食，唔知係咪因為多左自由行來食，感覺價錢越來越貴，仲要成日冇位，淨牛什+碗牛腩面成舊幾水賣單，味道可以的，比較廣式/港式的牛腩製作味道，D湯就甘飲都OK唔會太鹹，牛什的話就太多D肺呀，唔係太中意食，牛腩煲得幾淋，肥瘦剛剛好

今天半夜肚餓，便選擇來到附近唯一仍然營業的「豐泰」麵家豐泰已扎根在此很多年了牛什都尚算出名，當然不及在聯和墟的「欽X」。由於不太喜歡食牛什，因此點了牛腩雲吞河$35。腩汁湯底的味道頗為香濃，直接飲也沒有很膩的感覺牛腩炆得好淋，十分嫩滑，也很有肉味雲吞也不錯，蝦與肉的比例剛好，而且外皮不厚，配上腩湯另有一番風味

平時總喜歡放學後在上水買雞蛋仔，平時固定在對面商務附近那間買，今天突然心血來潮，想試一試這邊的雞蛋仔。每次經過牛雜店都會聞到一陣香濃的雞蛋仔味。想不到牛雜店都會有雞蛋仔和格仔餅售賣，店員姨姨問我們是否願意等新鮮出爐的雞蛋仔，我們又不趕時間，當然可以呢！這裡可以看到雞蛋仔的製作過程，平時大多的雞蛋仔店都是從前面看的。雖然簡陋，但街坊感覺卻有滿滿的童年回憶。我們點了一客雞蛋仔（＄１０）。雞蛋仔很足料，咬下去時不是只有香脆，而是外脆內軟，非常有口感，裡面滲透出香濃的蛋香，意料之外非常好吃！原以為以這個價錢應該都是普通水準，但味道卻令人喜出望外，我邊吃邊讚不絕口。想不到在畢業前夕才在回家路上發掘到這隱世美味的雞蛋仔，雖然可惜但都是一種緣分，不知下次再訪上水又會是何時呢？到時必定再試！

 今日難得可以街坊裝晨完運去醫肚,好耐冇去過呢間舖頭食野LA!!見有位所以入去食我好耐冇食的牛腩~舖頭地方唔大,坐位唔多,其實一張小圓枱可以坐4,5 個人,但好多時3個人已經佔盡所有空間,令人望而郤步,就喺最埋邊的小枱,發現有一個位可以安置我~!坐落唔洗諗咁多就點左個牛腩雲吞米線多葱,加碟油菜牛腩雲吞米線多葱 - 牛腩真係出奇地肥,老闆可能知我中意食肥膏,所以挑選左佢最肥的部份比我,入口有種講不出的脂肪香味,而肉的部份又軟又淋,真係好食到不得了~但建議怕肥同胆固醇過高的朋友勿試~!!雲吞 – 年半冇試~雲吞大細依然如一唔算係太大粒,豬肉同蝦的比例可以話係一比一~味道不過不失,保持到水準~雖然我認真地同服務員姐姐仔講話要多葱, 好明顯佢地依然固我,無特別加多減少~!唯一唔係太好既係佢D米線煮得唔係太淋,仲有少少硬,重點係佢只係小部份係咁,換左又浪貴,唔換又有少少難入口~最後都係以大局為重,忍耐一下油菜 – 唔知係爐火太大定係淥得太耐,我個人覺得真係淋得好緊要~~ V_V今次一試,我發覺湯底比以前咸左…感覺重左味精,食完之後會有少少口喝的感覺唔知係咪近上水葯房,多水貨客呢埋單發現佢D價錢都

很難想像這里可以人頭湧湧，咁多人幫趁！今日叫左一碗牛肚水餃河粉+生菜，牛肚水餃河粉水餃冇味，從來未食過咁難食的水餃，牛肚亦過林，河粉真係唔知佢有冇淥過？如果有都可能係咁依～～ 完完全全一碗不合格的河粉！仲要30元！@.@反之生菜夠爽脆，不錯！

每次去親男朋友屋企經過豐泰都要食的兩樣野~就係雞蛋仔同埋燒賣今次都唔例外雞蛋仔外脆內軟~佢唔係空心GA...咬開入面...你會見到有4分3滿的蛋漿同係旺角相比...個D得個空殼的完完全全係兩回事有咬口得黎又唔會太淋反而食落會覺得鬆軟可惜今次呢一底已經凍咗唔係一定會更加好食燒賣對我同男朋友黎講一直係一個迷因為佢唔係我地平時食街邊食到的魚肉燒賣都唔係係茶樓食到個D咬開入面見到入面有蔥仲有D唔知咩肉....個隻味好得意....都幾特別我地都好中意食佢GA~

大年初二 買d野返屋企食先再去拜年食開既成發隆放悠長假期 迫住要食呢間 淨牛腩 $55真係得牛腩 菜都冇條 1條牛根都冇不過d牛腩好入味 但都唔值$55囉成發隆$30 only.....仲要有菜有牛根唉fake晒 以後唔會再食

要了牛肚牛丸河 + 可樂先來一杯可樂, 可樂很淡, 估計是溝了水吧..過了數分數, 牛肚牛丸河便到了.先試吃牛肚...每塊都很均稱,但與其他店舖相比,便知道沒有花太多心思作準備...香料味不重...味道不過不失...牛丸平平無奇,沒有很彈牙的感覺...湯很濃, 味道還好.但應不會再試!