豐記雞蛋仔美食

Open Now

Now Closed

聖誕節前後假期,年度打卡去尖東行下影下相今年都係差不多,影完相,行過尖沙咀搵食未開飯搵D小食食下先呢間豐記雞蛋仔,食左好多年,以前係唐樓下一角仔已經幫襯回憶總是美好的,可惜今次失望了個老闆講就天下無敵,而家做就真係明顯無曬心力以前每底都係即時落單做,起碼我以前真係食到即時製作出爐的叫左一底格仔餅,又軟又濕,叫左多醬同平時一樣份量格仔餅應該係外面有硬脆度,而內層帶點綿有彈性可惜佢而家係整定曬,落單15秒都未夠就比左我明顯放了好耐,無曬熱度,焗到有濕氣,令格仔餅口感變軟變濕潤好食唔怕貴,可惜係令人失望的結果應該沒有下次了

想食格仔餅 記得佢好似都出名 之前食嘅雞蛋仔都好味 所以就試下 比左廿蚊一食落口 超級軟同淋 係我人生中食過最難食嘅格仔餅！仲衰過百X超級市場果啲 可一不可再 同老闆講又比佢耍走 話格仔餅係淋，雞蛋仔先係脆 我轉頭係第二間買 即買即整 又熱又脆仲要平幾蚊 好後悔無上黎睇左comment先買 原來咁多人都中左伏 應該唔會再幫襯了

行行下街，未到食飯時間但係又有少少肚餓，附近都係食五餐嘅餐廳，好彩咁啱見到呢間有得食雞蛋仔呢啲嘅小食。間舖睇落其實好細，大約坐到4-5人，外表亦都只係好普通，以為同其他雞蛋仔舖一樣，雞蛋仔可能係淋嘅，或者好空心喇。但呢間唔係，雞蛋仔（$20）咬落去外面仲係好脆，裡面係半餡半空心，俾到驚喜我。另外仲叫咗碗大嘅碗仔翅（$21），我覺得好值，佢木耳絲、粉絲、肉同埋其他料都足夠，好過其他可能平少少但好稀嘅碗仔翅。下次經過我會再嚟，不過會試下其他味道嘅雞蛋仔，例如朱古力或者香芋。

記得細個嗰時食雞蛋仔，外面好脆㗎，尤其每個雞蛋仔之間嗰個位，脆卜卜嘅，家陣冇乜地方可以搵到。朋友力推，呢間嗰啲係脆㗎，而且唔會一味得個甜字，又或者咬落去得嗰啲啲餡。下次去開附近，一定走去買返‘底’先！(好易認，個嘜頭同真人一樣樣）

每次同親朋好友在尖沙咀吃完晚飯之後就會經過呢間 👉🏻豐記雞蛋仔離遠距離已經聞到好香既雞蛋仔味🤤以往一直都買開👉🏻香芋味雞蛋仔 每次老闆都會即叫即做熱辣辣整比客人外脆內軟，重點係好香既芋頭味食落又唔會空氣感，又唔會過甜！今次試左佢既朱古力味雞蛋仔 整體朱古力味唔算太突岀，所以唔會覺得好甜，但係一樣口感豐富。不過雞蛋仔中間都有少少朱古力粒餡😍如果朱古力底個味道可以再濃郁d再甜返d就very good了！💪🏻

每次去尖沙咀，如果又想食雞蛋仔，我一定第一時間黎呢到！我就最鍾意食朱古力味，佢真係做到外脆內軟，而且入面唔係空氣既口感，係好飽滿既！另外小食，我推薦佢既魚蛋燒賣，一定要加辣汁！係重點！超好食！！！！！ 我唔食辣但每次都一定要加😍😍 雖然加左價，但我都耐唔耐會食一次。附近有媽咪雞蛋仔，不過我始終心繫呢間！又唔使排咁耐喎！Anyway, as a person who loves eating egg puffs, I highly recommend this!!!!

途經加連威老道聞到陣陣的香味，原來附近有間豐記雞蛋仔， 一於點返一份做飯後甜品。 我點了一份熱的所以要等一會兒， 好快新鮮熱辣的雞蛋仔就送到我面前！ 熱辣辣特別香口，雞蛋仔金黃色的鬆脆外皮， 一啖咬落去外脆內軟，好好味啊！ 看見還有香芋和朱古力其他口味，下次會試下香芋雞蛋仔。 店舖門口還貼滿很多藝人明星的照片， 一定好多人都喜歡吃這裏的雞蛋仔。 除了雞蛋仔外還有其他熟食小食， 燒賣魚蛋乜都有， 最喜歡掃街吃街頭小食的我， 下次一定要再來食呀！

呢間雞蛋仔其實讀書時期已經開始食，以前出名，好多人排隊，而家近年興起好多唔同味嘅雞蛋仔，所以呢一間已經開始少人食。今日經過突然間口痕想買一底嚟食，見到佢新鮮整起，叫咗原味質素仲保持到，不過價錢已經20蚊一底了，如果冇餡嚟講係偏貴。我最鍾意呢度嘅雞蛋仔就係新鮮即整，而且店員仲會用風機吹下先至畀客人。鍾意佢外脆內軟嘅味道，外面卜卜脆，入面軟淋淋唔係好多間雞蛋仔整到呢個質素，而且雞蛋仔仲有蛋味香，所以小食嚟講呢一間咁多年都中保持到水準，可能而家已經唔算多，人所以可以慢慢整，維持原本味道

未食過咁難食嘅格仔餅😖😖😖。 一拎上手， 份格仔餅軟奶奶嘅😧😧😧， 咬落一啲都唔鬆脆☹️☹️☹️， 餅嘅中間黐埋一pat好似未煮熟咁😵😵😵， 餡有薄薄一層嘅花生醬， 食落唔覺有花生粒， 應該係幼花生醬 ，上面摻上砂糖， 食落又鹹又甜咁樣， 好唔好食見仁見智， 其實個味道我覺得都唔錯嘅🙁🙁🙁 ，但係個餅真係唔得掂🤢🤢🤢。 好唔明點解佢鋪面仲貼咗好多同明星合照嘅相做生招牌， 覺得廿蚊一份雖然平， 但係寧願貴少少食份好食啲嘅囉

遠距離喺條街就聞到好香雞蛋仔同格仔餅味，打算要一底過下口癮，就揀咗芋頭味雞蛋仔。咁啱店員之前整好咗一底，就好快比咗我。🔹 芋頭味雞蛋仔 起初以為擺咗係到咁耐一定攤凍哂啦，但好彩都仲有少少脆同微暖，雞蛋仔算軟熟，口感都正常。雖然紫色色素好重，但就食唔到有芋頭味，有點失望☹📍豐記雞蛋仔美食尖沙咀加連威老道41C-D號嘉威大廈地下．．環境分數：6/10食物分數：4/10Encore分數：3.5/10

今日去尖沙咀行街經過加連威老道行街聞到經過途人有陣陣雞蛋🥚仔味，行到街中間有賣雞蛋仔叫豐記雞蛋仔美食。我點了一份雞蛋🥚仔$20，色澤金黃的雞蛋仔、外脆內軟，滋味。

因為在附近看戲的關係，所以近近地去咗食豐記雞蛋仔！其實幾個月前都有食過，不過今次再食，好！失！望！蛋醬一啲都晤好味。。有啲苦味。。同晤脆！我叫左雞蛋仔，要二十蚊，雖然同其他舖差不多，但真係晤值！

星期日下午在尖沙咀行完街，行去撘巴士其間路過《豐記雞蛋仔美食》，阿仔和阿女都話想買雞蛋仔食，於是我就買一底來試下，雖然他有其他味道的選擇如朱古力、芝麻和香芋味，不過覺得雞蛋仔都是原味好吃，點了原味等了幾分鐘，即叫即整熱辣辣的雞蛋仔馬上就送到我手，我覺得味道和脆度亦都適中，下次經過也可再試！

店鋪初開個時有幫襯過，即叫即做，拎上手仲熱辣辣，脆口，同埋叫唔同味道都好夠味。前幾日再買嘅時候已經無咩人買，唔洗排隊，叫左個香芋味，真係有d失望。唔係即做，放左一陣仲係暖暖地，食頭兩粒都係脆嘅，不過之後個d好似濕左咁樣軟稔稔。每粒雞蛋仔入面空間好多，用料唔足，價錢都20蚊一底。可能食多左外面其他舖嘅雞蛋仔，人地粒粒有芋泥，但呢間咩都無，芋頭味只有少少，食多幾粒值頭唔覺。感覺以前有heart整野食多d，而家真係感受唔到。

晚上十時多，走在尖沙咀街頭，和友人想找點小吃。本來想吃《媽咪雞蛋仔》又怕關了門，看到《豐記雞蛋仔》仍在營業，便上前看看。小店提供四款口雞蛋仔，本來想點比較特別的香芋口味，但看到檔內四款雞蛋仔都是預先做好，毫無生氣的放在櫃內，有點卻步。見店主剛好做好一底新鮮的原味放於架上，便戰戰兢兢上前問問可否要剛出爐的那一份。店主不請不願地把新鮮的原味雞蛋仔遞上，還不忘揶揄一句："識食一定唔會食剛出爐的！" 嚇得怕事的筆者急急拉著友人離開，連在門面拍照也不敢了。由於豐記沒有用風扇吹雞蛋仔，未能做到外脆內軟的效果。偏軟淋的外皮下，內餡頗為結實，吃下比較像雞蛋糕。雞蛋仔蛋味不足，幸好不算太甜，未算太難吃。非常一般的味道，加上頗惡劣的態度，沒有再光顧的意慾了。