豬仔石磨腸粉

Open Now

Now Closed

因為老公鐘意食豬腸粉所以假期都成日幫襯多數都係剛開舖冇耐～9:00am好多時要嗌幾次 個姐姐先擦覺有客人先過黎落單好多時想俾八達通 話八達通機連唔到線嗌走蔥 要重覆嗌幾次 (張單仲要冇得寫明走蔥) 有次買完返到屋企先發覺冇走到蔥，太多蔥真係食唔到，最後dum左最激氣係一次去買 要走蔥加蛋 落完order 行開左去麵包店買個麵包返黎，見冇人整緊，追一追先發覺原來佢地漏左單好啦，咁我再等啦第一次…落左蔥 (我見狀即大嗌:我走蔥架)落單果位阿姐即洩博: 咪講過囉整腸粉果位阿姐好唔好意思，再整一份第二次…冇加蛋 (-｡-;要整到第三次先岩 想餓死人 都已經漏單，點解唔係互相提點一take過做好俾返客人，要人等完又等今朝老公去買，買兩份都 走蔥加蛋 收$68返到黎 變左 走蔥走蛋 我話要返去嘈，佢話算啦(來回都十幾分鐘路程)只係話…下次唔會再幫襯

白色腸粉就食得多，彩色既腸粉你又食過未呢？有日喺外賣app見到新開既豬仔石磨腸粉，menu上除左一般既腸粉，仲有南瓜腸粉、紅蘿蔔腸粉，同埋最令人意想不到既火龍果腸粉。咁特別既食物一定要買黎試下啦！適合素食既除左齋腸，仲有羅漢齋腸。火龍果齋腸其實就主要係顏色有火龍果顏色，食落去食唔出火龍果味。啲腸粉夠薄又夠滑，就咁齋腸配豉油已經好好味。另外既紅蘿蔔羅漢齋腸既羅漢齋比平時食果啲好食，原來係加左粟米粒，成件事又唔同左。後來再試埋南瓜羅漢齋腸，其實都係唔係好食得出啲南瓜味，但又已經吸收到啲營養，都幾特別。除左腸粉佢地都有啲串燒賣，當係late dinner或者係宵夜都幾好架。