豬仔石磨腸粉

Open Now

Now Closed

白色腸粉就食得多，彩色既腸粉你又食過未呢？有日喺外賣app見到新開既豬仔石磨腸粉，menu上除左一般既腸粉，仲有南瓜腸粉、紅蘿蔔腸粉，同埋最令人意想不到既火龍果腸粉。咁特別既食物一定要買黎試下啦！適合素食既除左齋腸，仲有羅漢齋腸。火龍果齋腸其實就主要係顏色有火龍果顏色，食落去食唔出火龍果味。啲腸粉夠薄又夠滑，就咁齋腸配豉油已經好好味。另外既紅蘿蔔羅漢齋腸既羅漢齋比平時食果啲好食，原來係加左粟米粒，成件事又唔同左。後來再試埋南瓜羅漢齋腸，其實都係唔係好食得出啲南瓜味，但又已經吸收到啲營養，都幾特別。除左腸粉佢地都有啲串燒賣，當係late dinner或者係宵夜都幾好架。