豬仔石磨腸粉

Open Now

Now Closed

我係好食到忍唔住邊打呢篇嘢邊食😆，好想誠意推介俾大家👍🏻 本身唔熟呢區，晚上10點打完波搵食，行到內街見到門口幾個人排隊，都估到呢間唔會揀錯！估唔到個豬潤腸粉好食得咁緊要😆 滑、有米味、透薄、軟糯（即係QQ地有彈性唔係一咬落去爛晒），加埋個豉油汁，真係一定會再返去幫襯！靚姐見到我有選擇困難笑笑口好有耐性，本來以為食腸粉，去到舖頭仲有滷水嘢、串燒、醉的小吃，好多選擇👍🏻 隻生炸髀我唔多介唔啦，反正個個都話好食🤤係真係好好食，你見到師傅用條竹籤撐住令到隻雞髀平均熟透，就知好嘢！👍🏻總之你有緣睇到呢篇，行過路過、唔好錯過！😊非打手只係好欣賞廚師嘅手藝同用心👍🏻 同埋多謝靚姐嘅包容😆

今日試左呢間豬仔石磨腸粉，唔試唔知，試左都真係幾好食😋一直想試，但因為少去個邊就冇試到。今日終於有機會試到，叫左個豬肉腸粉同埋楊枝甘露布甸。個腸粉好滑好好食，豬肉俾嘅分量都好足！食得出係新鮮豬肉，我覺得最最最特別嘅係佢個豉油！食嘅第一啖真係有啲唔同，同其他腸粉店好唔同，個豉油有啲香😍。楊枝甘露布甸個芒果味都好出🤤鐘意食柚子嘅可以試下。👍🏻下次應該會試埋個火龍果腸粉，我見呢間都幾多野賣，下次有機會再試😋😋

我自己平時好少行入上水舊墟，估唔到原來有咁多食肆小店，而且有D營業時間會到零晨!! 😮真係食宵夜嘅好地方。呢間石磨腸粉除左有傳統腸粉外，仲有火龍果、南瓜、甘筍口味，認真創新。我就揀左傳統口味，石磨蔥花齋腸套餐 $25套餐包腸粉、飲品、6粒燒賣或魚蛋，如果作為早餐都幾抵幾豐富。魚蛋係有咬口嘅陳皮魚蛋；燒賣無特別。呢度嘅石磨腸幾有驚喜，居然係帶點韌性且彈性腸粉，對比我以前喺大陸食嘅滑嘟嘟石磨腸粉，我更中意呢度嘅口感😋。生炸雞髀 $24由於即叫即炸，所以要等2個字。熱辣辣到手，香氣噴人🤤。炸衣用左麵包糠，特別脆。雞髀用普通醃料醃製左、偏鹹，所以我乜調味粉都無再加。炸嘅時間同火喉處理得幾好，雞肉嫩滑而多汁。$24一隻幾抵😏。

近年香港愈來愈多「櫃桶」腸粉，但正宗嘅真係少之又少，唔係太「糊」就太厚🙄 豬仔腸粉淋得嚟剛剛好，加埋蛋都唔會太厚，豬肉又足料。平均每個月食5次，so far 每次都好穩定，外賣返屋企，車程半個鐘都仲好好味😋 試過第二朝蒸返早餐食都very nice😌除咗腸粉本身嘅質感，個豉油都係靈魂！ 唔會死咸，食得出係自己調味而且有煮過，有誠意👍之前試過一次火龍果腸粉，唔落豉油有少少火龍果味，落咗其實唔係好覺，質地會比普通嗰隻稀薄少少🤏，未試過可以試吓門口有張枱仔，可以立食，環境都乾淨，下次要試吓炸髀先得

202209月週日-上水立食火龍果石磨腸粉生炸雞髀地址位於上水新祥街2號地下2A號舖豬仔石磨腸粉除了石磨腸粉，也有炸串串，豬仔生炸雞髀等食物豬仔石磨腸粉不設堂食，只有外賣，店外有一個位置，有塊小板子，供食客使用我買了外賣，就試下在此立食點了抵食套餐: 傳統腸粉+燒賣6粒+豆漿，(可選魚蛋和汽水)加$5轉了火龍果石磨腸粉(共$30)，再加了豬仔生炸雞髀一隻($22)燒賣正常味道，豆漿不會太甜，$30套餐可飽肚一餐火龍果石磨腸粉，外表紅噹噹，相機一定要食先腸粉食得多，加入紅心火龍果也是第一次嚐試，有淡淡果香味又有米漿香味、嫩滑又煙韌，加上少咸帶甜豉油，值得一試豬仔生炸雞髀($22)，外賣放在紙袋內，拿出來時被金黃香脆賣相吸引得口水直流，新鮮炸起熱辣辣，忍唔住先咬一口，外皮卜卜脆，但雞肉有點雪味，火喉控製得宜，炸得剛好，雞髀嫩滑有肉汁，呢點絶對值得一讚，唯炸的事前準備功夫做得不足，例如去雪味和可先醃製一下，令雞髀肉有底味，味道會更佳雞髀用兩枝竹簽撐起，食時要小心火龍果生磨腸粉，賣相味道也合格$22，大大隻生炸雞髀，味道雖然唔完美，但可以一試

💖💜好靚嘅紫腸粉💜💖睇到紫色原本以為係紫薯！無諗過竟然係火龍果！真係第一次見！另外，佢地重有紅蘿蔔、南瓜系列添！揀好腸粉皮後，可以再睇埋要咩餡～全部都可以配：羅漢齋、雞蛋、豬肉、豬潤、牛肉、叉燒、鮮蝦！價錢由$20至$30不等～🥕🎃🥕🎃🥕🎃🥕🎃🥕🎃石磨火龍果豬肉腸 $20🥢🥢🥢🥢🥢🥢🥢🥢🥢🥢雖然無特別嘅味道，但加入咗紫火龍果汁，應會會有甜菜紅素喺入面，照道理應該會比普通嘅腸粉營養價值高少少～而且價錢相差唔遠，大大盒$20蚊，加上腸粉本身拉得唔錯，下次會想再試埋南瓜系列添～📍📍📍📍📍📍📍📍豬仔石磨腸粉地址: 上水新祥街2號地下2A號舖

呢間店似新開無耐，探完長輩歸家途中遇見呢間主打食石磨腸粉既小食鋪，種類都好多，連火龍果腸粉都出埋😂😂價錢都相宜但我見到生炸髀張相好Q吸引，就叫左隻試吓，盛惠20大洋，都幾抵可能真係新鮮炸都等左成10分鐘，但食過之後都抵等😂海苔等自行加首先一咬已經feel到隻髀係多汁😻🥰😻🥰😻😻😻😻🥰😻🥰😻😻呢個真係高質，又有用竹篾固定隻髀脆口就基本，味道剛好，其實佢有幾隻味自己可調，芝士呀，懷鹽等無唸過非主打既雞會咁好食有時人生就係咁，專程用心去搵去尋找咁高期望，結果又未必咁興奮滿意無心插柳，xx撞棍反正高度satisfied

由元朗踩單車出到上水，諗住飛出去大埔先至搵嘢食，大埔好似比較多好嘢食，但未到上水已經晚上七點，有冇堂食之下，嗱嗱臨搵啲小食食填下肚就算，見石湖墟見到好似好多嘢食就數下街，見到暗黑料理水果腸粉冇你又唔試吓，諗住呢啲咁簡單嘅嘢實冇死，點知難食到一個點，調火龍果豬肉蛋腸粉完全無味，超孤寒，豬肉嘅比例5蚊銀都重過佢，串燒係炸嘅都係第一次見，點解唔叫串炸？d 油益味重到想作嘔，見到串豬柳，以為炸燒雞皮比錯咗。超孤寒🙃

每次去上水，有一樣食物係必定食嘅，佢就係腸粉，係皺皮腸粉！呢間腸粉可以話係我係香港食過嘅幾間黎講最好食嘅！所以間唔中就忍唔全要食！🔹豬潤腸粉：豬膶處理得幾好，食落無腥味，咬落有粉感，非常香濃嘅豬膶味！加埋啲蔥花同豉油，撈落個薄薄嘅腸粉到一齊食，同埋腸粉嘅米香味配合得好好👍🏾🔹豬肉雞蛋腸粉：本身係豬肉腸粉，但我加雞蛋，因為我覺得豬肉同雞蛋放埋一齊都幾夾，個口感又會比較有𡁻頭。而且腸粉同雞蛋融埋一齊再蒸熟，個味道更有層次👍🏾 +10$ 有魚旦同豆漿，抵到震，仲要啲魚旦唔係啲下欄貨雪左幾年解凍果啲，而係新鮮有魚味嘅👍🏾㊙️ 豬膶腸粉（記得叫師傅腸粉要盡量薄啲，咁就lam lam lee 👍🏾）

呢間石磨腸粉我年頭嘅時候食過一次，覺得腸粉皮都幾滑幾薄，但就起個豉油方面有啲失分，豉油嘅味道好普通，唔係自己調配過嘅豉油～不過因為佢地無堂食又唔近我屋企所以冇再食過，腸粉呢啲嘢就梗係要趁熱食㗎啦🤣第一次搵到呢間腸粉舖嘅時候係比佢哋嘅火龍果腸粉吸引到！其實唔止火龍果腸粉，仲有紅蘿蔔同埋南瓜腸粉🤭今次去開上水諗起呢間腸粉舖，就抱住試伏嘅心態叫左一份火龍果腸粉🤪火龍果豬肉腸粉 $24叫外賣拎到返屋企過咗成個鐘先食，但都仲係暖暖地，雖然冇即刻整好咁滑，但個腸粉口感我都幾滿意，腸粉都整得夠薄身。其實一開始完全想像唔到水果整成嘅腸粉係咩味🤣但原來係甜甜地，有啲黑色一點點應該係火龍果嘅籽，呢個味道食落好微妙，我第一個反應係：喂又幾好食喎！甜甜地嘅腸粉再加埋豉油竟然意外地夾，但係有少少扣分係豬肉碎冇整散，變左一pat咁樣，有啲位會冇肉，有啲位又會好多肉🙈如果住喺上水嘅朋友行開可以買來試吓，食落真係幾特別，但如果唔係住得近嘅朋友都唔使特登去試🤣🤣🤣除咗腸粉之外佢哋仲有滷水小食，價錢都好平民，一份腸粉唔夠飽仲可以加多啲小食🤓叫腸粉加十蚊就有燒賣或者魚蛋再埋飲品，簡直係糧尾之選🤣🤣

腸粉好香滑，又多款式選擇，豆腐花好味，好有傳統的風味，經濟實惠，服務很好，會繼續幫襯同支持，😊😋😋😋😋😋😋😋😋😋😋😋😋😋😋😋😋😋

依家香港好興石磨腸粉，通常都有好多款配料，今日食呢間我揀咗牛肉石磨腸粉，佢有得跟餐揀咖喱魚蛋或者係燒賣，仲送飲品包括汽水或者黑白豆漿。$30一個餐依家真係買少見少。牛肉石磨腸粉份量好多，食咗三份二已經覺得好飽，咖喱魚蛋入味又唔太辣，豆漿低糖但係個味道唔會太寡，整體來講性價比好高。

E間野腸粉本身唔錯 可以試下 前兩日再黎買腸粉，估唔到老闆幾nice，比我試佢地嘅新品花雕系列，個次已經覺得好味！！！今日特登行黎幫襯，醉鴨舌好好味，酒味都特別濃，會繼續幫襯！！！

我覺得蝦腸挺完美的，一個是醬分開了放，不會粘成一團，另一個蝦的熟度也好，脆，但又不會腥，如果說可以增加的應該就是可以增加生菜的選項，可能會很好賣，其他的東西都滿意，包裝價格之類，會再來另外還叫了魚蛋，咖喱魚蛋很夠味

服務有冇得比0星但有些職員態度不太好, 有些態度很不錯~找錯錢18-5-2021本人約17時在此店購買腸粉一共38元比左500蚊 理應找462元 但找了362元但本人並沒有立刻核對清楚 所以貴店並沒有責任 不清楚貴店18-5-2021的營業額有沒有多出100元 雖然只有我一面之詞 但實質事後我確實少了100元如沒找錯錢我就不寫評論了 只能怪我沒有當面點算清楚 但也肯定貴店找少錢