貴緣小鍋米線 (崇潔街) (Closed)

紅磡區頭三位好味米線一定有佢上榜!呢個係本人試左好多間紅磡區米線得出的結論,呢間"貴緣小鍋米線"真係比較優秀,係值得翻食的店舖,亦一直留意到佢係未有任何負評!呢個係本人食過兩次先俾的好評!第一次係七月叫的腩肉麻辣米線小辣,$32, 應該係店主推介印象中好好食!所以今日再返黎試多次確定下!今次都係叫腩肉麻辣米線小辣,$32,一碗熱呼呼出哂煙的麻辣米線!!真係睇到都流口水呀!先論米線質地:米線比其他店較幼身但不失彈力!煮得剛好!論腩肉:本人好少食肉類,但係呢個腩肉真係幾合我心意,唔肥,薄切,易咬開唔老,一點都不反感!!女生也會喜歡的一款肉!論湯底:小辣辣度剛好,唔會離哂大譜無味或者辣死你,食落唔係個咀會發麻個種,係湯頭濃郁味道偏重口味!仲覺得有點微甜?店家應該落左腩肉醬汁落湯,睇睇同台其他人的麻辣湯底比較淡色無咁橙,我個碗就好橙色同埋比較杰身,應該係叫腩肉先會咁樣.個湯加上弹牙米線真係一啖又一啖欲罷不能啊,最後差唔多飲哂湯!重點!本人好重視食後感,特別係食川味重口味,最怕係低質味精米線造成胃部負擔同口乾問題,到現在我打緊個食評,都未覺得有胃部消化不良及嘔心問題,只有小小合理的口乾,店家應

難得今日放下晝， 唔洗好似返工日甘趕食飯， 緊係慢慢揀慢慢嘆啦之前食過一次， 覺得唔錯， 所以今次再黎回味下。同朋友叫左2碗野加1個小食， 好飽好滿足雞絲腩肉冬菇麻辣少辣薯粉 & 雞絲雞翼尖蘿蔔麻辣少辣米線 & 齋>>> 雞絲個口感好似軟軟嘅魷魚絲， 腩肉同雞翼尖都好入味， 非常好食， 齋就細細塊同埋味道唔錯， 增加食欲期待下次再黎， 唔知洗唔洗又等好耐呢~

回想多年前在灣仔上班，經常跟同事們吃酸辣米線作午餐。離開了舊公司的這些年，吃過不少雲南米線，總覺得已經吃不到當年的味道。感謝老公這天帶我到他公司附近的貴緣，這個早上就是被舊同事散播米線毒，我毒癮發作，心內超級渴望吃碗好米線。這個星期六下午二時來到貴緣，不用等位，多好。點了個腩肉豬紅，味道香甜，米線口感很好，湯底夠酸夠香辣，不用10分鐘, 我連湯都喝了大半。如果我公司或屋企附近能有這些用心米線小店，我想生可以一星期吃足7日也不厭。

米線唔係我杯茶，入去幫襯貴緣全因老細話想食米線，老細出到聲無得推啦.....店鋪唔係好大，中午食飯時間坐咗唔少人，咁多人幫襯相信唔會差得去邊掛。本身唔食得辣，所以叫咗濃湯底，走芽菜，米粉，墨丸滷豬大腸同冬菇，落完單之後，好快就上餐，服務員態度不差。試一啖湯底，話就話濃湯，感覺無想像中咁濃，湯底比較清淡偏甜，啱自己口味，豬大腸切得薄左d，冬菇炆得夠入味。望張餐單，好有車仔麵感覺。雖然配料不少，但總感覺配料唔係太啱自己心水，另外老細話佢果碗辣咗小小，食辣嘅相信會鍾意。

平時好日都唔黎下紅磡，一黎就遇到好味有驚喜嘅米線行到庇利街一望就見到崇潔美食街決定入去覓食，見到有間新新地嘅小鍋米線就即刻入去食個下午茶啦有好多選擇，樣樣都想試，最後揀咗秘製腩肉，應該是招牌黎，好夠味好正👍👍雖然我唔食辣揀咗清湯，但個腩肉有少少辣好惹味！另外雞翼同鮑片都好好味，唔錯仲有川味小食，下次試埋先p.s 清湯底唔似另一米線集團果d咁奶白色，白雪雪冇乜味，呢度係濃濃地好好味，同埋我飲哂d湯都唔會勁口渴

因為要去紅磡攪 d野，所以喺紅磡出現，攪掂私事，當然要慰勞一下大腩腩，途經崇潔街，有米線有餐廳有韓式有西式有日式，最後揀咗呢間米線，我哋一行 3人，一人一碗 3個都係揀米線 (除咗米線，仲有紅薯粉)等咗唔夠5分鐘米線一到，呆咗！超大碗！除咗大碗仲好香，第一啖即刻試咗個湯先，好夠熱又好夠味，但又唔會覺得太咸喎，如果鐘意重口味嘅一定覺得無乜味 另外 d麵亦唔會覺得好淋，我最鐘意就係佢個秘製腩肉，不得了，好入味又唔un，如果叫一碗腩肉我哋都食得晒，但可惜食完成碗米線已經飽到唔郁得仲有個炸醬，本身佢已經係小辣，再加埋米線一齊食，味道剛好，順帶一提，d配料都值得一讚有炸醬有酸菜有韭菜有芽菜有蔥，超多，完全唔孤寒我哋極速就食晒成碗米線，完全唔覺口渴，咁就知道佢有無靠味精啦 又唔貴，3個餸都係40蚊左右，而家閒閒哋都 40~50蚊啦，所以呢個價錢，我覺得ok雖然距離我活動範圍有 d遠，但呢間米線可以再食！正！！！

位於紅磡崇潔街呢間米線, 佢既辣腩肉真是軟滑, 尤其醬汁調味好perfect, 豬膶起沙入口超滑, 螺旋草唔係間間有得食, 我食中辣個湯底好夠未, 配料有芽菜韮菜好足料, 我會再來!!

因為人流較少，星期日都開的店舖在紅磡這邊比較少，但今天心血來潮，又想吃，就來試試。叫了酸辣紅薯粉，因為是學生，送了一杯豆漿，22蚊，真的很便宜。粉一來，給我的感覺很香，未吃那種酸香已經飄到，十分開胃。紅薯粉不會太硬咬不開，但又不會太軟，十分有口感，加上那個湯香味十足，小辣酸香令人不禁不停飲那個湯底，炸醬肉香亦融入湯中，令人回味無窮，吃完真的有一點不夠，有一點空虛……有機會一定要再吃。

呢間野係我公司樓下，一開始頭半個月日日lunch 得小貓3、4隻，但而家日日好多人等位，咁我今日lunch都走去試下，等左一陣，入到去就睇有咩食，但愛好麻辣米線既人就唔太適合呢間，因為呢間得酸辣only, 我個人愛好酸辣，所以岩晒我。一食酸辣米線，就當然要配腩肉，我見腩肉旁邊括住小辣，就知道呢隻一定係醃過而又好濃味果款，呢隻係最岩配酸辣湯底，所以我就叫左個酸辣腩肉火腿米線(中小辣)，一黎到，例牌有幾款配菜包括炸醬、酸菜、韮菜、牙菜, 而米線冇太淋、湯底又夠晒濃，加埋腩肉，完全突出湯既味道，而份量都好夠飽，腩肉雖然唔係好大舊，但都有好多塊，火腿片就冇乜特別，食完見到出面好多人等位，所以唔適合大堆人黎食，因為食完就差唔多要即走，但overall黎講。米線不錯，下次lunch會再黎。埋單33 (米線22，腩肉6，火腿5)

貴緣的舖位前身正是檳城小屋(馬來西亞美食)的原址，之後短暫開過一家粥店，最後做唔住變成貴緣……因本人及同事都愛食米線/薯粉，一開當然要試試。試過後真的愛上了!真的想同大家分享一下…..好味道的米線除了配料，個湯底一定是關鍵!這裡的湯底有酸辣、濃湯兩款，本人愛辣所以不用考慮試了酸辣小鍋薯粉(上次已經試過米線)每碗米線已包配料有炸醬、酸菜、韭菜、芽菜及蔥)，簡單的點餐紙上還附有走韭菜、蔥等等配料供客人剔選。午市時這裡會較旺，該店又標榜落單後逐碗煮，務求要夠熱辣辣，新鮮好味，繁忙時間約要等候5-7分鐘才有得食，但都可以接受…. 店內有4款配料是特別推介的—秘制腩肉、雞肉絲(好似肉鬆)、螺旋藻(這個是我喜愛的配料之一，感覺較健康)及這次我點的是酸辣酸辣小鍋薯粉(中辣)配墨魚丸、秘制腩肉及金菇。個湯底好夠熱，個湯味道剛好，有辣味但不會太搶，湯底未知有無加味精，但我食完無口渴感。薯粉是微曲型，更好掛湯。另外要特別提下配料的分量，除了墨魚丸零捨少外($5只有2粒)，個廚都好大方，配料都算俾得很多。腩肉有少許肥糕，口感更滑同幾濃味；墨魚丸都好彈牙，金菇則正常口味無甚特別。食完一碗3餸(甚至2餸)米線/