貴緣小鍋米線 (崇潔街) (Closed)

#貴緣小鍋米線 (紅磡)米線呢架嘢係繼飯之後食得最多嘅澱粉質，我隊友呢排唔知抽咩筋話唔要食連鎖嘅果間雲南米線🤷🏼‍♀️。米線關注組推介貴緣小鍋米線，我又試試佢，特登去紅磡食㗎！環境都係大圓枱加圓櫈，比我相像中整潔衛生。果日食到人地收檔🤣米線係劃紙形式落單，簡單易明。我食酸辣小窩米線中小辣多酸，雞翼、雞肉絲、冬菇、豬紅。酸辣由於我叫左多酸，味道層次係酸>辣>甜。湯底嘅甜唔係假嘅甜，應該就係用左大量豬骨熬湯嘅成果。隊友食麻辣小鍋米線中小辣，豬軟骨、斐濟腩肉、炸醬滷水大腸。麻辣湯底好正好有獨家特色，好濃郁嘅好香好香，係其他米線舖頭冇食過呢種味。第一次覺得麻辣好食過酸辣。最鍾意嘅餸係豬軟骨、冬菇、腩肉！豬軟骨好入味，肉質細軟入口鬆化，啲軟骨炆到膠質都出晒嚟，認真冇牙都食到！冬菇好大又好厚，好好奇如果原隻係幾大粒，口感勁好，蠔油味好香。腩肉帶點爽口同米線好夾。咁遠水路嚟就要試埋小食先甘心。皮蛋豆腐，喂！皮蛋是糖心而且唔會有唔好嘅醃製味道，但真係少左啲🥲唔夠喉呀。麻辣豬肚絲，份量好夠食，肚絲先鹵過，夠軟腍，香料味突出，辣油麻麻辣辣

📌 貴緣小鍋米線 - 紅磡崇潔街20號地舖🗓(17/10) 星期一 ⏰ 晚上6:30左右 💈特式：紅磡祟潔美食街就一向出名係區內多美食同特式小店，最近見米線關注組好多人提及呢間，咁作為紅磡人，無理由唔去幫大家親身試一試。🥩🍔🌭🌮🥗🥯🥘🍲🍝🍣🥟🍤🍱食物：佢地湯底有5款可以選擇，包括酸辣/麻辣/蕃茄/豬骨/青花椒，除左豬骨外，每款都可以再自選辣度，彈性都幾大；自選餸亦都有4~50款可以揀，另外落單時亦可自選轉芽菜底/少麵/加底，同埋要唔要酸菜/韭菜/芽菜/蔥等，可因應自己喜好揀一碗啱自己口味嘅米線；除此，佢仲有多款小食都見有人大力推介，等我又同大家講下味道先......自選組合米線 - 今次一行3人去食，但因為想試多少少佢地d小食，所以只叫左2碗share; 叫左1碗酸辣湯轉芽菜底配炸響鈴/雞肉絲/韭菜/滷水豬肚，另1碗就蕃茄湯配紅薯粉配雞肉絲/秘製腩肉/豬軟骨/滷水雞翼；蕃茄湯底真係好好味，成碗湯飲到清晒，配料方面，滷水雞翼好入味好淋滑，雞肉絲好多份量，炸響鈴好脆口，豬軟骨真係好淋好入味，秘製腩肉就係店舖推介，真係好惹味。小食 - 其實見到店內好多小食都好有特式同吸引，但奈

身為米線關注組嘅一員 有留意👀組員推薦左呢一間位於紅磡嘅小店米線好似幾吸引咁 一於帶埋朋友一齊試試佢湯底方面有酸辣，麻辣，蕃茄湯，豬骨湯；重口味嘅我哋 梗係食酸辣同麻辣湯底啦😆面底方面都有細心位 可以小粉 可以加底 仲可以轉芽菜底👍🏻特別要求嗰度都係 走酸菜走芽菜走韭菜走蔥等等啱晒我呢啲走青人士 當然佢都有個選擇係可以多蔥而家除左可以同店員落單之外, 仲可以喺QR code落單添酸辣湯底米線大辣 配雞肉絲,蘿蔔，豬肚絲 $59-雞肉絲夠索湯 可以吸收哂湯底精華-蘿蔔夠入味-豬肚絲滷味特濃杯裝豆漿 $9 清新冰凍嘅豆漿唔太甜麻辣湯底中小辣米線 走韭菜走蔥配肥牛加秘製腩肉 $51飲玉露淳茶舍 $9-肥牛份量都幾多下 質數ok!-腩肉軟腍 又勁入味 而且又唔太肥Btw, 佢地既湯底雖然係比較濃郁同重口味 但係唔係好重味精或者重又鹹又辣味嗰種 而且唔油膩人氣小食：雞絲山配蒜泥醬汁 $24果然係雞絲山 真係成座山咁多🙈😆就咁睇外表可能有少少乾身 所以一定要撈勻佢呢個蒜泥酸辣汁先好食鍾意重口味嘅朋友一定鐘意貴緣雞絲火山 $27 (中辣)試埋呢款四川辣味既雞絲山榨菜豬肚絲 $31酸酸甜甜嘅榨菜夠開胃

又有新野，最中意試小店，支持創業人士。一坐低，就好有家庭式既感覺，似係夫妻檔運作。4餸茄湯米線東菇：厚到引起霞想，大讚腩肉：瘦底 唔咸大腸：干淨 少肥螺旋藻：薄底 量多4餸酸辣薯粉薯白：無筋，讚雞絲：好碎，真係心思野豆卜：無油臆味腩肉：瘦底，唔咸榨菜豬肚碟仔細細，但好滿，份量唔少豬肚干淨，企理，入味榨菜爽爽爽脆，激讚，未食過咁正既榨菜拍青瓜入味唔咸，清爽甘甜總括：用心既小店，所以野都唔咸，重點係食完唔口渴，價錢實惠，值得支持

今日返工忙到無食晏收工想食米線同事介紹嚟呢度入到嚟有個姐姐好好招呼！我一口氣嗌咗四餸腩肉、豬軟骨、肥牛、冬菇估唔到啲餸係咁多！朋友食健康版走粉 食芽菜底螺旋藻、魔芋條、大腸、甜酸齋魔芋條同甜酸齋係另上咁就唔怕索左啲熱湯都幾caring仲嗌咗多酸多蔥嗌咗個蒜泥白肉同埋雞絲火山蒜泥白肉同譚仔唔同中間係啲有辣味嘅蒜 都幾惹味雞絲火山係辣嘅 本身諗住食淨雞絲 但見佢新出辣味又幾吸引唔嚡口都真係幾唔錯😛啖啖肉呢間就喺公司附近應該都會成日嚟

不同米線湯底價錢+ 餸的價錢～第一次去食。。於是揀左酸辣湯底。。個湯底同米線質地都唔錯～雞絲雖然係推介之一，不過我覺得麻麻地。。反而另一個餸，蘿蔔個味道好味d🙈😁.酸辣米線$31雞絲+$10...蘿蔔+$8 😀😀好味度：⭐️⭐️⭐️⭐️..涼拌青瓜 $24平時我麻麻地鍾意食呢類型的食物。。估唔到味道都唔錯。。個醬個味似口水雞醬😋😋👍🏻唔錯～好味度：⭐️⭐️⭐️⭐️.蒜香醬油雞翼 $27好味度：⭐️⭐️⭐️原來都係涼拌來的。。味度都ok....同朋友嗌左咁多野。。加埋$177 😀😀炸魚皮同豆漿都好味👍🏻👍🏻😋

依間起啲米線關注組入邊都有時會見到都係大家推介嘅幾時專登嚟到呢度食今日叫個四餸米線 試晒佢啲好嘢超多款嘅配料揀啦咁係openrice大家最推介都係豬軟骨啊腩肉同雞肉絲叫咗碗小辣米線非常大碗雞絲超多紫菜超多唯獨是娃娃菜份量比較少但都有兩大棵面底非常之多完全夠一個成年男士食有突炸魚皮又係大大碟新鮮夠脆撈埋一齊食啲米線朔晒啲湯^_^又有雞絲同埋紫菜掛住🥰豬軟骨 腩肉及大冬菇都係超級推介豬軟骨非常之林腩肉甜甜地個冬菇簡直係我咁大個女都未食過咁大舊嘅冬菇😂😂😂😂冬菇爆曬啲汁出嚟兼且索咗啲湯非常入味再叫咗兩個小食一個青瓜一個皮蛋青瓜就真係酸咗啲啦比較推介皮蛋配埋個淡味啲嘅豆腐食非常之好嘅配搭！$200唔使食咗勁多野兼且非常大碗路過返嚟再食！

貴緣小窩米線平時都成日食連竹鎖米線店， 今日經過紅磡去試下其它小店先。佢地都幾多配搭可以選擇， 有4 款湯底包括酸辣，麻辣，豬骨湯同埋鮮茄湯。 當中可以選擇唔同嘅辣度。餸都有幾十款可以選擇，而麵底仲可以要芽菜底同少米！ 我地叫左一碗酸辣一碗鮮茄湯底， 總共叫左7 個餸。 佢地都幾多餸可以選擇， 想健康dd 可以叫雞絲同蔬菜，想特別d 可以選擇螺旋藻，甜酸齋。另外，我地仲叫左兩款小食，包括麻辣豬肚絲同埋重慶口水雞翼。口水汁好夠香辣，而雞翼已經切開左一半好入味。 豬肚絲好大碟， 個汁夠哂麻辣，係一個令人食到好滿足嘅小食！飲品方面， 佢地有豆漿可以選擇， 不過因為已經食到好飽， 所以我地要左兩支茶。 下次再食可以試下豆漿！

好多人推薦的一間高質米線舖，又飽肚又好味😆 店員十分友善，熱情招待🥰 餐廳環境乾淨企理，食物選擇豐富，價錢親民，質素很不錯，好受街坊歡迎晚市二人消費：$206 🫧不設加一費用🫧食評💖💖💖𝑭𝒐𝒐𝒅四餸米線 配特濃新鮮蕃茄湯 (小辣) ($70)✨ 豬軟骨、肥牛、芝士腸、生菜滿滿的一大碗，米線軟腍又彈牙，不會易斷開👍🏻 湯底有大大塊新鮮蕃茄，酸酸辣辣 十分開胃！配料份量多，特別推薦豬軟骨及肥牛 軟嫩又有咬口🥰四餸米線 配招牌酸辣湯 (小辣) ($67)✨ 秘製腩肉、滷水大腸、蟹柳、魚皮餃 少粉會明顯見到份量少了，適合食量少的朋友😚 米線軟腍又彈牙，不會易斷開👍🏻酸辣湯必試！十分香濃惹味👍🏻 配料份量多，特別推薦秘製腩肉及滷水大腸 煮得好軟腍又入味🥰 𝑺𝒏𝒂𝒄𝒌𝒔重慶口水雞翼 ($27)✨份量多，配上濃郁口水醬汁好惹味，適合重口味人士😍 皮蛋豆腐 ($24)✨涼拌小食，皮蛋及豆腐十分軟腍又入味😍𝑫𝒓𝒊𝒏𝒌𝒔豆漿 (+$9)✨淳茶舍 玉露綠茶 (+$9)✨

平時成日食老譚，食得多想轉下口味，係紅磡搵到呢間貴緣小鍋米線，呢間舖位於紅磡著名餐廳加太賀附近，係食街唯一米線舖，lunch時間好多外賣車手等單，堂食有時要等一等位。呢間米線主打麻辣酸辣湯底，最近仲新增左蕃茄湯底，因為我唔太鍾意酸，所以湯底揀左麻辣，麻辣湯底米線31蚊，每加一款配料再加錢，我見豬軟骨同墨魚丸是店舖推介就揀了這兩個餸，豬軟骨加10蚊，墨魚太8蚊，成碗就是49蚊。味道方面，豬軟骨夠晒火喉入味，豬軟骨都幾大塊，還連著幾多肉，軟骨同肉都煮透了，很淋，不鞋，連軟骨都入味，充滿滷水香，這個餸十分推薦，另外墨魚丸有啲咬口不太淋，味道亦不錯，但係只有兩粒少了一點，湯底本身就有加炸醬，味道夠濃，加上獨特麻辣香味，整個湯底麻辣咸都很平衡，味道好。

老婆細妺推介這家在加太賀附近的米線, 也藉着自己在紅磡附近複診的時間, 一嚐其手藝. 吃起來相當不錯, 要特別稱讚它的湯頭, 無論是酸辣還是麻辣, 喝起來也不會口渴, 沒有下味精. 辣勁強之餘也有層次, 不會突然辣得難以下咽, 而是從喉嚨底層層遞進地滲出. 麻度和酸勁同樣柔和, 沒有刺鼻的情況, 做得相當不錯.米線和配料傷量相當慷慨, 絕對吃得飽. 米線口感偏向軟滑, 但外賣回家後依然沒有變得軟糯. 紅薯粉口感彈牙而不會過韌, 同樣處理得不錯. 配料方面以螺旋藻和雞絲印象最為深刻, 前者有木耳的爽, 但有微微的咸香; 後者的幼細不要說米線店, 就算一般粵菜餐廳也是很好少能做到如此, 相當有心思.Gui Yuan is one of the hidden gem of rice noodles stall in HK. The spicy flavor is great with layers. The soup is not added with MSG so it will not make me thirsty. The texture of rice noodles is sof

記得對上一次黎已經係幾年前嘅事，因為好少黎呢邊。4餸米線雞絲，螺旋藻，竹荀，芝士腸爭d掛住食唔記得影相，所以碗嘢有少少亂左湯底濃得黎清甜唔會太咸雞絲好有雞味，唔好覺得我講廢話，因為真係會食到無雞味嘅雞😂竹荀分裝左一小兜，臭得黎好爽脆，上面有少少紅油（忘記影相）螺旋藻即係海帶，食米線黎講加呢個餸幾清新。米線食完唔口乾，應該無加味精食完坐左一陣，就走嗰陣，店員不斷製造左d好大聲嘅撞擊聲出黎，好似想我哋快d離開。希望係我諗多左啦

呢間已經係叫過無數次外賣都係唔錯的響鈴次次送到黎都保持到脆脆必叫麻辣腩肉、響鈴、螺旋筍湯底酸辣比麻辣燙出色手拍青瓜如果可以改善少少就好了太酸太鹹同埋醬汁唔夠惹味

超正腩肉雞絲螺旋藻米線🍜($55)湯底酸辣度足，好開胃，而且唔會太濃，因為有時好驚食米線啲湯杰得濟變到食撈米線咁🤨，重點係食落唔油！米線係司令喜歡個種，軟淋得黎又彈牙既，食落冇咁易斷。抵讚係佢既餸係比得超足，舖到全碗都係，望落都開心！腩肉少少辣好惹味，食落有肥有瘦，雞絲好索湯，不過食得多覺得有啲dry，因為佢係偏瘦既，螺旋藻同樣勁多，食落好滑，索曬湯好正😎。雖然舖頭細細，但係難怪咁多人嚟食！

在這條崇潔街，揾食，食這間的猪軟骨，冬菇，豆卜，薯粉，選了少 辣湯底，湯底較咸，但猪軟骨好味道，如果再改善一下湯頭味道，一定更加吸引，下次會試下叫可晤可以要淡啲湯底。