贊和豆品

Open Now

Now Closed

最近荃灣兩間豆腐花店展開減價戰，今日我同朋友食飽早餐後都去湊下熱鬧，我地揀左贊和豆腐花，分別有薑汁，冰糖，桂花冰糖可以選擇，都係2蚊一碗，外賣加1蚊，亦可以選擇立食，好有風味啊，我今次就揀左桂花冰糖味，豆腐花幾滑溜，但就欠缺啲豆味，桂花冰糖既桂花味偏淡，不過就幾特別，加左糖水同黃糖都唔太甜，啱晒我，唔錯唔錯。

Every time when I have dinner with friends at Tsuen Wan, I would definitely go to 贊和豆品 for dessert. My all time favorite is black sesame sweet soup, which just costs $7. What a bargain! Though it is usually served hot, you can also pick cold. For the taste, with this price, I think it is acceptable. It is a bit sweet, but still not bad. There are also a variety of Douhua available. Some of them are mixed with other kinds of Chinese dessert and all cost $5 only.No wonder a long queue is always th

剛好食飽飽，係開始女人另一個胃嘅時間💁🏻‍♀️，路過路德圍就岩哂，但發現間間甜品舖都大排長龍😱，所以就決定去食豆腐花😜。•贊和豆品係區內老誌號，呢度豆腐花嘅味道五花百門🧐，小妹揀左出面比較少有嘅薏米白果豆腐花🥣，只係$5🤩🤩，凍熱同價😙。薏米白果原本已經有D甜味☺️，所以豆腐花可以完全唔洗加糖水都得🍯，薏米白果就有排毒去水腫功效，非常岩我👍🏻👍🏻。想落糖水嘅朋友有得揀正常糖水🍯或者桂花冰糖🌼，小妹試左小小貴花冰糖，桂花味好香，一定要試試，唔想落糖水嘅朋友都有薑汁俾你地揀💁🏻‍♀️，好細心😽。

星期六岀開荃灣食飯，咪順道去下路德圍食下小食，事隔幾個月，係個度開左老虎堂，條隊又係排到好長。。。。咁我去當然唔係飲黑糖鮮奶啦，而係去食價錢好親民嘅豆腐花啦。有兩間豆花拍住一齊做生意嘅，一間貴少少，一間平少少，其實對比起我住個邊，兩間都唔叫貴。我就揀左平啲個間啦，豆腐花雙拼都係五蚊咋，超抵，有八款比你揀，冷熱同價，難怪大排長龍，但係呀姐好快手，不到十分鐘就排到我，我就揀左碗薏米白果豆腐花，買完就企定定係度食，熱辣辣呀，糖水比平時嘅甜一點，但撈落個淡味嘅豆腐花度甜度就剛好，雖然豆味不太重，但勝在夠滑，價錢夠親民，最後我買多三碗比屋企人食

荃灣路德圍出名多嘢食D食店都時時轉呢間豆製品、都開左幾耐$5蚊一大碗真心冇得輸$5 蚊搭車都唔夠啦！超級like 、老闆唔會將價就貨！企喺度食，好有feel 不用多說正！

3點3。又係時候搵食。行到贊和，多人排隊望望5蚊。係5蚊仲要所有2溝都5蚊。呢個價錢水都買唔到。咁就排隊上試。我就試左芝麻豆腐花呀姐仲話有熱有凍。當然試試凍。係雪櫃即拎。都大碗。唔係吹水咁就攪下先。好滑。豆腐花豆味重。芝麻好香好滑。都不錯。我見仲有好多款2溝。真係個個都4碗4碗買。其實店內仲有芝麻胡都係7蚊。但所有2溝都係5蚊有花奶豆腐花、綠豆沙豆腐花。2米腐竹豆腐花，薑汁豆腐花，現在好小糖水係咁平價錢。

去荃灣必食既豆腐花，又平又好味，今時今日仲有$5一碗已經好難搵到，我買左花奶豆腐花味，食落去超滑，仲可以任加黃糖或者薑汁，我自己就鐘意落超多薑汁，所以會蓋過左花奶味。

荃灣路德圍出名多小食，而當中呢間贊和豆腐花永遠都係最人氣旺盛、最多食客排隊的。天氣咁熱，想消暑，一於食返碗豆腐花降一降溫先。桂花冰糖豆腐花 $5唔會將貨就價，大大碗豆腐花都只係$5，食得出好香嘅黃豆味道。豆腐花好滑，真係又白又滑，忍唔住想食多碗。唔夠甜的話，冰糖、桂花冰糖、鮮薑汁任加。自己甜度自己控制。見到咁長條龍都有啲驚，但因為店員好爽手，排咗大概一分鐘就買到了。今個夏天咁熱，食返配冰凍豆腐花真係好透心涼。

食完雞蛋仔未夠喉，繼續同仔仔喺路德圍附近揾野食，見到贊和豆品人頭湧湧，好多人企哂喺度食豆腐花 原來做緊全線豆腐花一律$5，一場嚟到梗係要試下豆腐花種類大約有八款選擇另外仲有豆腐花以外嘅香滑芝麻糊，做緊試食價$7我哋叫咗凍桂花冰糖豆腐花原本以為碗豆腐花已加上桂花冰糖，再望望旁邊有一支二支汁同黃糖，先知喺自助形式，鍾意加邊款就揀邊款我加咗桂花冰糖 📛 先講豆腐花，無乜豆味，口感算幾滑，加咗桂花冰糖感覺未夠甜，可能份量加得唔算多，再加埋黃糖，甜度已足夠 好快我哋就食哂成碗，食完須自行放番碗在膠桶裡以$5一碗豆腐花價錢嚟講，相當超值！一試無坊

荃灣的餐廳越開越多，呢區多小食係人都知，但有好多都唔平，有啲仲好貴添，連魚蛋燒買都賣到十幾蚊串🤬🤬🤬香港地百物騰貴，要搵平野食真係一啲都唔容易架，難得荃灣都竟然有豆品店賣緊 $5！！！一碗豆腐花！！！！豆腐花有凍有熱，仲可以加紅豆、綠豆、芝麻糊、薏米，真係抵到爛。我個日咁啱行過當然支持下呢類小店啦，叫左碗凍的薏米豆腐花，菊花冰糖、黃糖任你加，唔好以為咁平就冇料到，黃豆味都好重！夏天行街行到成身汗，食碗凍豆花，都咪話唔透心涼

每次黎親荃灣都一定要黎路德圍呢度食翻碗豆腐花😚😚放工行完街食翻碗 jeng😎😎每碗都係只需$5認真抵食！香港仲有邊度有咁抵食既野👍🏻況且夏天咁熱，食翻碗凍既豆腐花簡直透心涼💦💧💦💦豆腐花可以搭配唔同既配料，例如有冰糖、花奶、黑芝麻，紅豆沙⋯⋯豆腐花食落好滑，算係有豆味👍🏻唔夠甜既話，側邊仲有一支支冰糖、黃糖粉任你落🤓🤓由於個碗係重用，食完就要擺翻落個桶度，夠曬環保♻️想拎翻屋企慢慢食既話就要加$1

食完個車仔麵 行去其他地方Shopping見到呢度大大隻字 寫住$5 雙併豆腐花 心諗$5都唔食會對唔住自己大家都排隊order仲可以 自助形式 落黃糖 薑汁 冰糖水 桂花冰糖水最梗要隨你鍾意 落幾多就幾多雖然係$5/碗但都絕不欺場 無偷工減料而且個豆味都幾重值得encore

今晚去左荃灣，路過喱間贊和，我見好多人排隊食，咁我咁為食嘅人，緊係唔放過。我個朋友點左花奶豆花(涷)，佢話都ok..，得個花奶味，同滑嘟嘟。。。我就點左喱個黑芝麻豆花(熱)，我覺得可以一試，唔算特別好食，豆花夠滑，但唔夠豆香味。價值嚟講，碗豆花係好底食，$5一碗。味道方面，豆味唔夠重，有改善空間。檔口放置左啲薑糖水，黃糖，桂花糖水，任人落。好懷念以前細個啲木桶豆腐花，真係好香同好好味....

看到网上很多人都推荐这家豆花，特地从旺角去到荃湾。因为不熟路的原因，还一度想放弃寻找，最后找到，本来想试更多口味的，但由于太多东西想吃，只吃了碗冻的芝麻糊豆花，超好吃我老公也超爱的，值得推荐

同朋友行開荃灣，就去左荃灣路德圍搵食。呢條街都幾多野食。咁岩見到有荳花買就去睇下。發現呢間嘅荳花「雙拼」都只係$5，真係勁平。心諗就算唔好食都只係俾$5，而且依家平均$5買到嘅荳花都只係「原味」，所以就決定一試啦。我就叫左「紅豆沙荳花」，貪佢紅豆甜甜地，可以連糖水都唔駛落麻。食落荳花又幾香同滑，絕對唔係將貨就價！為左試下，我仲落埋「桂花味糖水」，又真係將清新喎。$5蚊貨仔可以做到咁真係唔錯，好有誠意。而且可以選擇嘅種類都有唔少，大家行開呢頭真係唔好錯過！