贊和豆品

Open Now

Now Closed

話說上次係右邊個間食過$3蚊雞豆腐花，今次公平起見試食埋右邊呢間都係$3既豆腐花。雖然上面寫住今日特價雙拼豆腐花一律$3，但我個人認為應該係日日都係特價ga la,宣傳手法既姐，咁我覺得無乜野既，人龍左右鋪都差不多。排左一陣間唔係好耐，我諗5分鐘到掛唔係好記得，因為唔太耐。$3「芝麻胡豆腐花」泥講無理由彈。公平d起見大家都係比$6出泥食曬兩間自己試下。唔會伏。為左支持良心小店既優惠價付出，今次點都要super!

😑 完全忘記左 po 呢個豆腐花 😑😑😑 ."上年" 同朋友睇完胡桃夾子 + 食左餐難食嘅上海菜 & 食左個難食嘅水煮牛肉，深深不忿，決定去食$2豆腐花！人龍唔算長，排左10零分鐘，發現除左 $2豆腐花，原來$3就可以雙拼，於是揀左 "贊和"嚟排！無他嘅，隔離 "呀玉" 我食過 ma 🤣🤣🤣$2豆腐花有好多唔同糖可以落，普通黃糖，桂花糖，冰糖) $3 芝麻糊豆腐花 (仲有好多其他選擇，有腐竹白果，紅豆沙，薑汁，花奶，綠豆沙...)！靈魂豆腐花滑就夠滑喇，不過無乜豆香，麻麻哋，反而芝麻糊幾好，足料香濃幼滑，一拎起碗就聞到勁香芝麻味，又唔太甜，幾好 😋 其實本身芝麻糊都只係賣 $8，豆腐花 $2! 用公雞碗，超大碗!

之前一年都唔黎荃灣一兩次，今次竟然一個月要黎4次，所以就食足4次啦，由於今日辦完事已經5點多，所以決定外賣返屋企做飯後甜品，今日有毛毛細雨，不過人龍仍然keep住，等左唔洗10分鐘就可以走人啦，因為住得遠同埋食完飯差唔多8點先食，所以本身面果啲黃糖已經溶哂唔見左，但係依然咁滑身同仲有啲微暖，3蚊真係超值呀

這間豆腐花店為了和鄰舖爭生意。各自將雙拼豆腐花減到三蚊。價錢真係好平3蚊抵到爛！我叫了芝蔴餬豆腐花，祇不過是三蚊一碗。豆腐花中規中矩，芝蔴餬就淡了少少。薑汁豆腐花，2蚊一碗。估唔到仲有啲薑味。噉嘅價錢仲想點呀！所以排曬長龍！

每一次去到路德圍嘅附近都會見到有兩間鋪頭排長龍，兩間鋪頭叮噹馬頭都係賣豆腐花。係呢一個百物騰貴嘅年代搵到$5有找嘅食品實在好難，仲要連續兩間都係咁都唔知佢點賺錢。佢每分鐘應該可以買到三至四碗每碗賣$2-$3。如果你見到佢條龍係唔使驚嘅其實佢都消化得好快。我今次食咗$3嘅芝麻糊拼熱豆腐花，豆腐花好滑、芝麻糊香不過我覺得有少少問題嘅就係佢豆腐花本身唔算甜如果你加糖水加埋落去同芝麻糊一齊食就好似怪怪地架不過算啦真係咁平去邊度搵。

之前一個人黎食過，今日趁聖誕節可以帶埋死佬黎荃灣，食完米線之後再食嘅飯後甜品呀，大約7點多黎到，已經要等十幾個人啦，差唔多排到對面舖啦，今次兩個人就好貪心想食3碗，上次已經想試兩溝，今次見到三蚊可以食兩溝就一定要食啦，兩溝可以揀薑汁，紅豆沙，綠豆沙，薏米白果，芝麻糊配豆腐花，真係花多眼亂，最後揀左芝麻糊豆腐花同兩碗普通豆腐花，埋單都係7蚊咋勁抵呀，我同死佬講不如一人一碗食左先，跟住食完或者邊食邊排隊買多碗，但佢唔贊成，話好多人唔想排多次，所以話一次過買三碗，但問題就係有一個人冇手食野啦，佢就叻唔切咁話佢拎兩碗，我就負責餵佢食埋，清左一碗就可以一人拎返一碗，佢都咁諗好左唯有聽佢講啦，三碗買到手後當然我負責餵食啦，但都未食到一半佢已經話其中一碗好辣手，唯有睇下我換下手幫唔幫到佢啦，搞左一輪換左右手後又繼續食，終於食完一碗疊高個碗先有手影相呀，全場咁多人得我地係一人多於一碗架，幾肉酸呀~黃豆豆腐花依然係好好味，夠熱夠滑身芝麻糊豆腐花個芝麻糊都好香好滑身，不過底部掂到豆腐花有水份果到已經淡味左，所以我地食哂面嘅芝麻糊都係要去加返黃糖呀食完時已經見到人龍多人到轉哂彎啦，買定先真係有好有唔好呀，因

第一次食呢間豆腐花既時侯，佢係做免費試食。之後，每次黎開荃灣都總會黎呢度食返一碗。咁啱要同阿女去愉景新城睇劍擊比賽，午餐後就特登行去，一人一碗豆腐花作飯後甜品。雖然係$2一碗，但完全沒有減料，有香噴噴既豆味，豆花又熱又滑，黃糖，糖水任客人自己加，加到合適自己既口味。隔離個間都係賣豆腐花，$3一碗但可以加配料（紅豆、薏米etc...)，以前都試過既，我自己就分唔出邊間好味d，但阿女就口口聲聲話$2呢間好味d，唔知佢係發揮佢慳妹本性定真心喜歡呢間多d🤔

之前睇新聞得知有咁平嘅豆腐花，已經計劃緊幾時黎試好，點知咁岩電腦壞左要去荃灣整，天助我也啦，放低部機之後即刻搵路啦，以為嚮地鐵站下面，好彩經過見咁多人排隊望下先知同自己想像嘅位置有出入。下午4點去到，兩間人龍其實差唔多，都係十個八個到，第一次食嘅我當然揀平嘅贊和試下啦，已經鎖定食豆腐花所以唔會心大心細，因為menu都好多選擇呀，叫左碗熱豆腐花，用大碗裝住，自行選擇落冰塘水、桂花糖水及黃糖粉。豆腐花好香豆味，而且好滑，仲要係2蚊，真係抵到爛呀

同老婆食完飯都已經係晚上十一點幾啦，但係呢間贊和豆腐花依然咁多人排隊。好耐之前食過一次，不過今次有啲唔同，就係個價錢，真係好抵，好抵……80年代都無咁平。 終於排到我啦。 我見之前嗰幾位都買兩碗，即刻都食番2碗先(都係$4蚊)，好好味， 仍然咁滑，咁香豆味。不過要提一提大家……呢個價錢只限堂食，如果要外賣嘅話，就要俾番正價(每碗$5蚊，再加$1蚊外賣碗=即係$6蚊)，不過如果係正價買任何食品，都唔洗排條咁長嘅隊。

豆花已經由$5開始幫櫬個陣已經覺得幾抵食誰不知依家仲 $2 添！雖然大排長龍不過能夠食到暖暖豆花都值得的最緊要益街坊價簾物美經過唔食返碗點得呀首先好欣賞小店用碗裝比客人即場進食免卻用即棄膠碗 👍🏻其實$2碗本來都無乜要求份量唔少仍足一碗豆花保持質素仍然香滑重豆味客人可自行加黃糖發現今次仲有得加桂花蜜真係特別香 配上豆花好開胃除了豆花 仲有芝麻糊都係五蚊定七蚊 仍然抵食如果時間允許希望大家都可以幫櫬下支持小店

窮遊香港-最平2蚊有碗豆腐花.今次講講呢場豆腐花既戰爭主角當然係豆腐花‼️雖然平 但絕對冇偷工減料路過真係要去支持下.⭐️先講價錢贊和2蚊亞玉3蚊.⭐️論味道贊和滑d 豆味一般亞玉冇咁滑 豆味較重.⭐️論份量贊和個碗大d 經本小編不準確目測後得出結論贊和大過亞玉1.2倍？.⭐️論人流是日下雨贊和排3個人 唔洗一分鐘亞玉6個人 排左三分鐘亞玉多人食d.⭐️論尋日投票結果亞玉大比數優先對手大概75%比25%.😂唔知大家鐘意邊間呢？又對呢2間店有咩意見呢？得閒既都要去支持下2間小店啦#贊和豆腐花地址：荃灣荃興徑6號昌泰大廈地下5A舖.⭐️評分：味道：3/5 咪一般豆漿花 加黃糖lo 環境：1/5 落雨街邊企係到食服務：3/5 衛生：3/5 抵食：5/5 比5分 什至6分應該冇人會反對？

在路德圍食完飯，點都要去食下出晒名嘅2蚊豆腐花。其實未展開減價戰前，我都係食贊和嘅豆腐花，始終佢都係做豆品嘢，自己工場做，會真材實料啲同埋新鮮啲。我例牌食熱豆腐花加黃糖，呢個係最正宗嘅食法。呢碗豆腐花冇令人失望，好滑好有豆味。(之前試過有一次在這裏食到"鞋口"的，唔係時時都keep到水準) 我個friend鍾意食凍嘢，所以要凍豆腐花，呢碗凍豆花唔係2蚊，係5蚊。雖然今次兩間舖鬥平益咗我哋，但睇見佢地咁鬥個心都好唔安樂，蝕住做生意嘅結果就係執笠，真係唔想見到呢個場面。

豆腐花 其實元朗同荃灣都有條食街，兩區都有豆腐花食，今次下晝食， 平個間無咩人排隊所以就揀左呢間食啦 $2蚊，薑汁豆腐花。味道其實沒咩特別，薑汁味唔算重不過我再加左d糖上去，所以味道可以呀。豆腐花都算少少滑，又唔係碎濕濕得好勁所以算唔錯啦，口感都唔錯，幾好幾好 。佢個size好肯定唔算小，中等碗，雖然佢唔係裝滿但$2算係咁啦 而家有$2豆腐花食真係超級抵，人工租金成本都貴，經過如果少人就去幫襯啦。總結經過無咩人就去食一食

今日行荃灣經過呢條街見到呢間兩蚊豆腐花，之前報紙都有賣過但無機會試. 就今晚經過見到即試，去排咗5分鐘都唔使已經買到，無諗過佢豆腐花真係好滑，$2 雞講真仲有咩要求，但質素真係無變，所以好抵食，如果有經過不可以試下，佢有賣芝麻糊或其他味都係 $5 一碗.

成本好低的豆腐花激鬥戰的新聞見報後, 第二晚已經去湊熱鬧了。  當晚，現場見到的情況, 真的很多人, 好熱鬧……但是排下傾下偈，好快又到我們, 又唔係排好耐。  現場見到的, 兩條人龍一樣甘長。 其實說真心話一句, 以2蚊價錢可以食到一碗豆腐花, 真係好幸福。 豆腐花成本雖然低, 但是整一碗出0黎係有工序及需要時間的。  我們是香港人的, 是否給正面的力量支持, 支持本地文化, 支持好的美食喔。 相信有人喜歡烹飪的朋友，弄自家制食品的朋友。 一定知道整豆腐花真係都幾煩，要浸泡黃豆過夜，磨黃豆，煮豆漿，要不斷攪煮緊的豆漿，唔好煮燶，又隔渣，用石膏粉撞豆漿，先叫有一碗豆腐花出0黎。大家係唔係覺得自己好幸福唔使整甘多樣野而又可以隨心甘食到碗豆腐花？ 豆漿都係一樣道理……有時經過豆品店，不論阿玉定贊和，有豆腐花有豆漿的我都會去光顧一下，因為自己都冇咩時間整，買新鮮整好的好了。