贊和豆品

Open Now

Now Closed

去開荃灣做野，熱熱地見有間荳品店買緊5蚊雙拼豆腐花😍平到咁梗係要食番幾碗消下暑👉🏿✨綠豆沙豆腐花 Hkd 5 💸📌街市宜家都唔止買緊呢個價了😂佢既綠豆沙夠晒凍，配埋豆腐花真係好清涼，超好食👉🏿✨薏米白果豆腐花 Hkd 5 💸📌平時我好中意食薏仁，見到呢個老闆又極力推介，又試下佢👀食落味道雖然唔會好似綠豆沙咁濃味，不過淡淡地同樣都咁好食👍🏿👉🏿✨黑芝麻豆腐花 Hkd 5 💸📌本來諗住食落得芝麻糊既味，點知唔會喎！兩者中和左，係好和諧既味道🤣👉🏿✨黑芝麻糊 Hkd 7 💸📌入口味道非常濃郁！唔會有渣，成碗都好順滑，真係淡淡都有濃濃既黑芝麻味，超正

好誇張~係附近食完LUNCH 後, 一行出黎就見到呢間野好多人圍住..再過去望下咩事~行到過去.. 5蚊豆花?!!!!!! 重可以雙拼?!!???! 係咪傻左?!明明岩岩先食飽LUNCH, 但一見到5蚊後, 即時雙眼發光.. 重即時化身魔鬼叫埋個FD 陪我一齊癲!!!而我FD又咁岩冇乜抵抗力!咁就畀我導佢入魔喇.XDD5蚊都咁多野揀..都真係好難諗...最後我揀左 黑白配~ 嘿嘿嘿~朋友揀左桂花糖豆花~ 原來就咁係台面自己加桂花糖漿既..佢係咁話好香好香....我個黑白都好開心~老實講, 5蚊碗, 豆味就真係冇乜., 志在貪平過下引~SIZE 岩岩好~~洗你個碗既成本都係返度呀真係!!

天暑時熱行經呢度，見到5蚊有碗凍豆花仲有得加料！即刻排隊要返一碗我要咗薏米白果豆腐花雖然收你5蚊姐，但大大碗，食落好多薏米好多白果，一d都冇欺場仲有3支薑汁，桂花冰糖，冰糖 任你加呢個中途站cp值非常高!

《贊和豆品》 #荃灣📍荃灣荃興徑6號昌泰大廈地下5A舖-🔹豆腐花 $5平價高質豆腐花❤️ 有好多款配搭都係五蚊 但我只愛原味熱豆腐花豆味濃 即使企係到食都無所謂呀-平時係元朗食亞玉豆腐花😂所以係荃灣就試下贊和 其實都差唔多 不過就平d 多人排隊d-byT: 7/10

近來週末經常在來吃豆腐花。其實非常便宜。以現時租金 五元一碗實在難找到。現場食的話料相當多，但由於洗碗可能不太乾淨翌日染了感冒，所以沒有用堂食碗。不過如果換了外賣碗，除了不太環保，另一問題就是料亦都會減少，要附加一元的外賣碗。豆腐花相當滑，不過豆味不是很濃。另外這裏的服務是最令人氣的地方，尤其是男士。說來說去都未能了解個柯打是什麼。 其實來來去去不過是 堂食或外賣冷熱的豆腐花 及加什麼了 共多少個總之亂七八糟，之後就會話你堂食的話小心樓上滴水

星期日我和媽咪已食飽午餐，路經見到5蚊很吸引。雖然排長龍，但都不是很大期望。一試之下，竟然有好香黃豆味，姜汁、桂花冰糖及冰糖都是自助，當然不少得自己加黃糖。讚！唯美中不足的是，雖站於門口吃。

今日路經荃灣，見到這間好久沒有吃的豆腐花店就忍不住買了一碗。我每次必吃的是薏米白果豆腐花，味道清甜，薏米白果帶點煙韌，豆腐花滑溜而且有豆香，兩者相輔相乘。而同行的朋友則要了熱紅豆沙豆腐花，熱熱的豆腐花口感更軟滑一點，而我的薏米白果豆腐花因為是凍的，口感則更結實一點。兩款的甜度都適中，我和朋友想著要健康點就沒有再加糖了^^喜歡甜一點的話店舖也有黃糖可以自己添加~

之前幫襯過幾次，諗住再去食豆腐花，同之前一樣，每款$5，但今次舖頭大大隻字寫住雙拼$5。 我就話《要一碗紅豆同花奶雙拼》白色衫既姐姐就比左一碗紅豆、碗花奶，話$10，我問唔係一碗雙拼$5咩，佢好惡話無，我拎住錢想話要其中一碗的時候，佢竟然拎走晒兩碗唔賣比我。我同後面幾個等緊買豆腐花的客人都O左嘴，排我後面果位女士好心幫我同佢講，上面寫住雙拼$5，我係叫一碗雙拼...... 但佢完全無埋會。其實我要一款也可以，唔知發生什麼事...只好袋番d錢，一場黎到想食豆腐花，咪去佢隔離果間買喇。我見排我後面個幾個客見到個姐姐黑口黑面都無買到走左。

早陣子小人吃豆腐花吃到停不了口，這天在荃灣辦完事，見到一條「本店全線豆腐花一律$5」的橫額，即時飛撲過去！五蚊一碗豆腐花，不管凍熱、加不加糖水、還有任加的薑汁以及桂花糖水等，在現今的香港竟還有這麼便宜的事情？簡直令人難以置信！既然可以任加糖水，小人因利乘便來一碗傳統的紅白吧！紅白者，乃紅豆沙溝豆腐花也。豆腐花絕無將貨就價，蠻香的豆味，水漾而滑嘟嘟的；紅豆沙很清甜，粒粒紅豆腍軟細綿，加了黃糖更有沙沙的口感。便宜必貪！

由於最近又經過荃灣～所以又去食返碗 cp超高的豆花！！今次我就選左黑芝麻味！黑芝麻磨得十分幼滑～加少少黃糖上去！令口感更加豐富！而且人龍十分之多！果然是人氣排隊店！！！！！

老遠望埋去，以為有金執，夜媽媽咁多人排隊，原來係排隊買豆腐花，見今晚又凍凍地，等我又整返碗先原來每碗先得果$5，一個字———抵到核爆如果想$5食到最多味道，我介紹你食芝麻花奶豆腐花，因為薑汁、冰糖、桂花冰糖可以自己落，所以咁食最抵食

除左亞玉滿滿人龍，其實呢間贊和都一樣咁多人，受歡迎程度不相伯仲，但一直都未幫襯過。心血來潮，就即管試下。可能因為開喺亞玉隔離，有兢爭先有進步嘛，劈到個價錢咁低。豆腐花不論單併定雙併，熱定凍都係均一5蚊，老實講，無論質素係點，都係5蚊雞。薑汁豆腐花 $5豆花用上比較大嘅碗，唔算好方便立食，但有比戰鬥碗大嘅錯覺(?)豆花例牌加薑汁兼大量黃糖。豆花入口滑溜，同亞玉真係差唔多。但講到豆味，就以亞玉較為出眾啲。5蚊點都係無得彈。芝麻糊豆腐花 $5單點芝麻糊7蚊，併埋豆花都係5蚊。俾我再揀都係淨食豆花算。芝麻糊十分滑，亦都有幾香芝麻味，唯獨是甜左啲，溝埋豆花食會好啲。

每次泥荃灣行街都會行成日。行到餓搵下野食。呢間豆腐花每次泥都一定大排長龍。而我每次都會過泥食一碗薏米白果豆腐花，而男朋友就食黑芝麻豆腐花。最欣賞既係5蚊價錢，雙重享受。豆腐花可以揀凍熱。個人覺得熱係最好食，因為熱熱地既豆腐花，入口勁香滑，有豆味！重要mix糖水都吾會過甜，味道一流！糖水都好足料，絕不馬虎，有一定質素！吾好以為5蚊一定好細碗，份量一啲都吾小！同平時其他豆腐花店既size一樣。所以5蚊係超值！簡直係良心老闆！會經過荃灣行街既你，不防一試🤤🤤

＄5一碗豆腐花ahhh🙀🙀🙀🙀🙀價錢超attractive!! 叫咗一碗黑芝麻豆腐花試吓!!!兩溝都係＄5咋 其實桂花嗰隻都好想試🤔🤔🤔不過好似都係黑芝麻穩陣dd👻👻👻 個黑芝麻好香 蓋過左豆腐花嘅咩 不過本身豆腐花都好似冇咩味😿😿 但係個黑芝麻係正既 所以我估芝麻糊都好好食👻👻不過＄5一碗咁平 食下都抵啦😺

今日經過荃灣見到一間豆腐花舖好多人排隊，所以就 即管排隊買嚟試下，🤗分別買咗一碗桂花豆腐花及一個芝麻糊, 桂花豆腐花個桂花糖漿好香 ,桂花味豆腐花非常滑,但係不太重豆味, 👌👌勝在真係好抵😋😋😋