越味皇 (Closed)

荃灣有好多嘢食，而且都幾平，質素亦都好高，今次就同朋友試吓一間越南菜，這路德圍，其實路德圍真係好多食肆，多數都係價格便宜而且有水準唔錯。越南菜最多就係小食，呢一間嘅小食種類好多， 1號油雞翼、蝦餅、粉卷、燒雞、……等等。。上一次同朋友食過呢度嘅粉，感覺都OK，今次我哋集中食小食，串燒唔錯，唔會太乾，火候十足，重點係沙嗲醬係自家炒，配埋品燒好食。。必食推介仲有牛油雞翼，食完一次即刻encore ，就算唔鍾意食嘅雞翼嘅朋友都話好好食，雖然可能有一點油膩，不過真係好好食。

今晚放工又帶媽媽嚟路德圍揾食 係舖頭外面望嚟裝修都幾靚 所以入去試試 最近想食少啲carbs 所以主力叫肉越式牛肉串燒好厚肉 一串頂得出面三串咁大 仲要好香好juicy 呀媽都話好好食 所以encore左雞肉串 同樣咁大串 令我對越式燒烤有種新體會越式燒魚需時烹調 都幾大條 條魚燒得好好食好香口好嫩 配上檸檬汁 大大提升左條魚既鮮味 又去除油膩感 條魚個肚入面釀左啲香茅、薑、蔥 好驚喜好用心既烹調 超級推薦叫左個馬拉盞菜 炒得幾好 好大碟 食極都食唔完咁最後媽媽話好耐未食過軟殼蟹 見未飽就叫啦 嘩 好大隻 比越平時果啲大一半 好香脆 食左半隻我同呀媽都飽到摸住個肚腩走呀媽飲椰青 佢話好甜 我飲牛油果冰沙 啲冰好fine 成程飯都keep到唔溶 抵讚P.S. 門口大隻哥哥好有禮貌 鐵漢柔情

近排可以話係忙到冇時間食野。唔係講笑嫁。真係一日食得兩餐，仲要係麵包 .......今日終於可以走出office 慢慢歎下嗱。第一次去越味皇，上餐速度好快。點咗六樣野，包括：•越式炸蝦餅•越式雞肉串燒（3串）•越味皇炸春卷（3件）•牙車快沙律•越式生菜包•牛油果軟殼蟹米紙卷加一個泰國椰青同一杯熱滋補龍眼茶大約5分鐘已經全部上齊，能夠一次過食真係特別大快人心。唔駛每樣都等。價錢唔貴，又好食。難怪六點都已經差唔多坐滿客人。

之前黎呢度食過 覺得佢喺越南菜黎講真係數一數二 所以今日又黎食過 再試試新菜式不過一定要叫番嘅係牛油雞翼 佢一如既往地係好香脆 而且有濃烈嘅牛油味 咬落去一陣陣咁飄出黎 好正 仲要幾大隻下 48蚊有4隻 都堅係抵食然後試左碟越式牛柳粒紅飯 好特別 佢一邊係用蕃茄加左落去整成嘅飯 好有越式風味 而另一邊就係望落同食落都好有茶餐廳feel嘅牛柳粒 食落仲幾有鑊氣添🙈🙈 成碟野勁有crossover 嘅感覺 好得意又好食最後係我勁開心叫左 絕對係我今次必須大推嘅越式燒魚 佢係原條倉魚拎去燒的 首先外皮勁香口 但冇燶 然後入面嘅魚肉仍然保留到好多肉汁 魚肉亦好滑好新鮮 就連平日吾係好中意食魚 而且驚腥味嘅我呀媽都大讚好味 仲要連條魚凍左之後都仲肯繼續夾黎食🥳🥳

如果要食越南野 我會叫你去越味皇兩個人叫一個套餐 捧住個肚仔走兩人套餐只需$198 包哂前菜 小食 湯粉同飲品前菜要左迷你越式酸辣鳳爪沙律 酸辣開胃至於越味皇炸春卷 包含咗好多材料 夠脆口豐富越式牛肉串燒 燒得十分惹味燒豬頸肉米紙卷 材料新鮮 味道清新不油膩湯粉方便叫咗三寶湯檬 牛味湯底十分濃配上三寶 雞翼 豬扒同扎肉 好味🤗當然最後要叫番個椰青 咁先算完美😎________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

個人最近對越南菜的興趣有增無減, 在飲食網站找找資料, 原來在香港，越南菜館為數不少，但想要吃得正宗而有水準，其中一間就是越味皇, 來到時見店子的裝修很企理，燈光火猛的。 飲品方面，要了青檸疏打, 即是將青檸加上疏打水，是杯酸酸甜甜的飲品，在最近一般悶悶熱熱的天氣，來一杯，真不錯。先來一味沙律，是越式柚子鮮蝦沙律, 在大蝦鮮味, 柚子肉也是甜美, 是好吃的一味沙律。再來個小食越味皇牛油蒜蓉雞翼, 是即叫即炸的,每隻都炸得外層香脆, 但內裡的雞肉還是嫩滑和肉汁豐富，配合牛油和蒜蓉, 吃起來就更加惹味, 有意外驚喜。吃越南菜又怎能缺少一味牛湯河？這裡給命名為越味皇頂級生牛肉湯河，當見店子是信心十足的。先跟牛湯，呈深色的湯頭鮮美而醇厚，灑幾滴青檸汁，鹹酸味俱備，吃得過癮, 河粉本身爽滑而有米香，質素也不錯, 牛肉淥得僅熟，口感嫩滑，整碗粉份量也不算太小，這裡的牛湯河，也吃得過。食物是正宗而且有水準, 價錢也是經濟實惠, 吃得飽飽的離開。

第二次試荃灣呢間越南嘢食，覺得水準比以前進步了，七點到達餐廳，餐廳已經差不多全場滿座了。打開餐牌一看，餐牌和我一次到訪有點不同，不過食物的種類依舊很多，有越南粉，也有不少小吃，飲品的種類有非常多的。柚子鮮蝦沙律$72柚子沙律嘅柚子十分新鮮，一啲都唔酸，呢一道前菜非常醒胃，鮮蝦煎香了，味道不錯。不過份量不算多。。軟殻蟹牛油果米紙卷呢一樣小食相對較為失色，因為各樣材料嘅分布唔太平均，牛油果的份量太少了，同埋米紙略嫌有點厚， 所以影響了口感。。牛油蒜蓉雞翼雞翼上檯嘅時候，真係好驚喜，係即叫即炸，每一口都好香脆，好入味，而且一點也不乾身。這小食相當出色，所以我們點了兩次呢。。越式串燒$88/6串另一驚喜之作，三串雞肉和三串牛肉，精粹當然是沙嗲醬，這個串燒的非常恰到好處，尤其牛肉不會過老，絕對推介。。總括來說，這裏的小食非常出色， $20一個 椰青，是跟套餐的價錢，個人覺得是非常合理呢，下一次也會再訪呢。

今晚跟友人到荃灣廣場看電影，看完便走到對面路德圍覓食。看到這間越味皇遠在營業就沒多想就進去了。餐廳座位多以卡座為主，簡約舒適，牆身掛上了越南特色的草帽作設計，增添了越南風味。餐廳食物款式多元化，有沙律、小食、米紙卷、串燒、湯粉麵，越式撈檬等等；花多眼亂。點了一份越式柚子鮮蝦沙律，柚子份量超多，鮮蝦有兩大隻；柚子的酸甜味道伴著沙律菜一起，很新鮮健康的感覺。牛油果軟殼蟹米紙卷，薄薄的紙米卷包著很多配料，有生菜、青瓜等，牛油果新鮮的味道中和了軟殼蟹的油膩感。點了六串越式燒牛肉串燒，牛肉燒得香脆，但略微有點過老，但附上的醬汁味道挺特別，有點像花生醬的味道，加上些芝麻，非常惹味。蒜蓉牛油雞翼，雞翼炸得非常香脆，牛油香味濃加上蒜蓉的香，非常惹味。牛油果沙冰非常濃郁，飲得出是用真牛油果攪拌而成，啖啖牛油果果蓉，加上沙冰粒，口感香滑，爽透心。

大河道的美食街，琳琅滿目的美食，其中有一家越南餐廳，正合愛人意，是時候要滿足一下佢的口腹之欲~店內用上好多紙傘盤頂嚟裝飾，再點綴了越式精品和植物粉飾，感覺舒適自然。我地叫咗越味皇火車頭湯河丶牛油果軟殼蟹米紙卷丶越式串燒雙拼丶越味皇招牌炒飯丶馬拉盞通菜同兩杯特飲～最先上菜的是火車頭湯河：以牛為主題的一個湯河～湯底清甜，有生牛肉丶牛腩片丶金錢𦟌同埋牛丸。湯河爽口唔會過腍丶生牛肉同腩片夠腍滑，而金錢𦟌同牛丸亦好爽口。再嚟係朱油果軟殼蟹米紙卷，軟殼蟹炸得香脆，配埋粉絲丶牛油果丶青瓜同生菜一齊食啱啱好，口感豐富。跟住就到串燒，叫咗雙拼，係牛肉同雞肉，烤得外脆內軟，吃到陣陣香茅味，再點埋個沙嗲醬就一絕，之後就到招牌炒飯，有四隻牛油蒜蓉蝦伴碟，而炒飯用上海鮮嚟炒，而且炒得乾身，既睇得又好食，怪唔知得係招牌最後先上菜，馬拉盞炒通菜，炒得綠油油，色水好靚，由於係馬拉盞，所以味道夠濃又惹味，下飯一流。當然，少不了飲品，我叫了一杯檸七和椰汁珍多冰，珍多冰加椰汁是絕配，又香濃又好味，仲好飽肚添~越南菜這間很不錯，晚上時間都爆場，相信好味是原因之一，另外免收加一同套餐優惠亦是買點，下次可以帶埋屋企人嚟食

上兩個月已經嚟過新發掘既越味皇食晚飯，今晚同閨密嚟到荃灣行街佢話想食東南亞美食，就帶佢嚟試下，果然佢都好滿意今次叫咗個生滾牛肉pho兩份share,因為真係好大碗的，牛送上枱半熟狀態，再等多一兩分鐘啱啱好熟！牛味同乾蒜好夾，而且又唔會韌！個湯清清地，岩曬我地怕油既女仔！沙嗲牛肉串燒完岀嚟唔乾身，有汁juice 又嫩滑，唔洗點沙嗲醬都已經好好味，因為牛肉上面已經有d醬料，夠曬入味。另外個沙嗲醬勁香花生味唔太辣。正！呢個越式生菜包同平時食開嗰隻泰式生菜包好唔同，雖然都係用半肥瘦豬肉剁碎，佢冇咗泰式生菜包嗰隻香料味，反而有少少街市買到嗰隻菜保味，就咁食較鹹，包埋生菜食就岩岩好！另外我朋友發現左個好有趣食法而又幾夾，就係用蝦片做底，吖又幾得意喎脆卜卜又香豬肉又有蝦味！大家可以試下！傳統食法越式燒魚緊係必點啦，上次食過內有乾坤！香料味滲入曬落條魚度，而且燒魚仲保留到條魚肉質鮮嫩同水份係好少食到，所以係必食之選！最正係佢個檸檬汁，酸味味好開胃！聽說女人都係鐘意食酸野。飲品叫左椰青！超超超甜解喝，可以仲啱季節！椰肉都好滑溜！呢杯紅豆冰唔只紅豆嫁！黃豆都有埋，充滿蛋白質大大杯！紅豆補血，女人恩物!椰汁

好耐冇同家人食飯，今次係荃灣食越南菜，選擇多價錢合理，再1人，2人，4人餐。我地避免選擇困難，所以揀左4人餐。越式柚子鮮蝦沙律，有4隻炸蝦，都好香口肉質彈牙，如果係用水煮熟，味道更夾沙律，有大量多果汁的柚子，酸度剛好，很清爽消膩。牛油果軟殼蟹卷，牛油果完熟好香，味道勁夾肥美飽滿的軟殼蟹，加埋爽脆青瓜同彈牙米粉，用薄薄米紙卷起食，口感豐富。越味皇炸春卷，金黃色，炸得超脆。用生菜包著食，感覺冇哂油。春卷餡料豐富，好多粉絲、木耳絲、甘筍絲……味道不會過重，沾酸甜汁食更美味。越式雞翼帶點港式風味，有蔥油及炸蒜，極為惹味帶香，仲有點香料味，如果套餐可以加錢轉牛油雞翼更完美。由於粉皮售罄，所以轉左做網炸蝦燒，估唔到咁好味，個網炸的超鬆脆，入口即化的口感很獨特，蝦卷細細件，食完岩岩好。主菜可選2款，越式燒雞有半隻，都係醃過再炸香，雞肉更扎實，但都有肉汁，較重香料味。越式咖啡牛腩煲，雖然好細份，但牛腩量都幾多，煮得肉質鬆化易咬，牛味濃郁，帶咖啡香料味，配飯或多士都好夾，最欣賞個咖哩濃調度剛好，包住每件牛腩。菠蘿豬頸肉炒飯，也是份量較細，但整個套餐都豐富，所以最後大家都好飽。菠蘿偏少，豬頸肉反而幾多，

 揀左4人套餐:加左$20揀柚子鮮蝦沙律 - 蝦夠大隻爽口, 剪左蝦頭炸過, 可連殼食, 柚子份量勁多, 顯得其他配料有點不平均, 但極體味道仍OK, 因為酸酸甜甜開胃既加左$20揀牛油果軟殼蟹米紙卷 - 牛油果跟配料比例完美, 加上軟殼蟹脆口感, 係我們眾位之最受歡迎小食越式雞翼(4隻) - 炸蒜令雞翼香氣四溢, 雞翼都好夠入味越味皇炸春卷 - 先用生菜包住, 再點醬汁, 就避免令春卷皮過份濕透而影響脆口感, 又能平衡口腔既油膩感越式燒雞 - 皮脆肉嫩之餘, 肉亦夠入味, 唔算太油膩越式咖喱牛腩煲 - 咖喱香濃, 汁較糊身應該與薯蓉混合左, 加上香料味粉, 牛腩肉夠鬆軟, 送飯一流菠蘿豬頸肉炒飯 - 豬頸肉粒份量頗多, 菠蘿量少, 令炒飯不至於太濕, 配上花生粒, 腰果碎, 少許酸瓜, 口感豐富馬拉盞炒通菜 - 通菜份量頗多, 馬拉盞醬炒得夠暈循, 不會太咸牛油果沙冰, 牛油果味濃郁, 回味芬郁益力多沙冰, 冰甜解辣, 適合怕辣人士椰汁珍多冰, 椰漿的味道香濃, 綠色粉條爽滑清甜

一講路德圍大家都即刻諗好好多野食無錯今晚放工又食好野先!!!一入店裝修都幾別緻牆身好colourful 食都食得開心啲!咖啡雖然唔係越南名菜但絕對係試出一間餐廳水準既食物於是決定點一點黎食食果然無令我失望薯仔明顯炸過先更加香同入味牛腩都炆得好淋完全唔會難咬開咖啡椰香味重送飯一流我加左8蚊轉個紅飯咩叫紅飯呢!其實我都唔太清楚，哈哈但係食落好咸香襯托出咖喱既滑，牛肉既濃我俾80分鮮蝦牛油果米紙卷鮮隻隻漲卜卜好新鮮雖然牛油果份量唔多但品質都好好無變黑最抵讚係個米紙卷皮入口第一下已經令口腔充滿米香質感又彈又滑成功帶出成道菜既滋味炸魚餅撈濛portion好大非常抵食雖然炸魚餅有啲咸但加埋撈濛酸汁就唔覺啦中和返順帶一提個撈濛汁啲辣椒粒粒唔會食到成口都係感覺舒服好多!!!龍眼蜜入而真係有粒粒龍眼架飲落感覺好滋潤夏天飲都無問題女士們可以補一補最後講講青木瓜沙律平時食青木瓜沙律最怕啲木瓜太生難咬開之餘食完有機會會胃仔痛但呢度既無木瓜質感極佳調味適中唔太酸加埋豬頸肉點綴又加分啦珍多冰都好多人叫晚市見到都間唔中會有外國人幫襯感受一下越南風情!期待再有新menu面世(好好奇牛油果冰沙究竟係咩味呢!?)

本身就好喜歡食越南菜，每次黎到荃灣第一時間就過黎食呢間，佢個香茅牛肉撈檬好好味，牛肉鮮甜唔會好硬，入口即融仲有越式串燒叫左牛肉同雞肉，好嫩口唔會鞋颯颯，非常juicy鍾意食魚的朋友記得叫越式燒魚，一d都唔辣但都會聞到好香的辣椒味，好特別食落去特別香甜好正呀鍾意嘅記得黎試下啦 推介推介💪🏻💪🏻

我同朋友都好鍾意食越南菜 今日嚟到荃灣就揀咗呢間越味皇 首先入到去已經有員工招呼我哋 唔需要等位 好方便 👍🏻👍🏻今次叫咗招牌頂級生牛肉湯河。 好入味好鮮甜。牛肉都好新鮮唔會有鞋颯颯 值得推薦😘之後我哋叫咗燒豬頸肉米紙卷 同埋鮮蝦牛油果咪紙卷 牛油果亦很香口 豬頸肉爽脆好多汁好Juicy😄 再食咗個生菜包 有生菜同埋蝦片配搭 又係另一番風味 很有特色非常好味 仲有蒸粉包都唔錯特別係腸粉皮。同出邊嘅蒸粉包唔一樣 入口即溶 唔會好厚好實嘅感覺 呢間都係一間唔錯嘅越南菜 鍾意食越南菜嘅可以嚟試吓😬