逸翠軒點心專門店 (Closed)

阿媽專呈去我公司附近陪我食午餐，老人家都是心較喜歡一盅兩件，但兩多又唔想去酒樓，這間在尖沙咀的逸翠軒點心店正好避免了人少的麻煩。餐廳的點心款式同酒樓差不多，但茶錢卻只需要$4，而且又不需要加一。蝦餃鴛鴦顏色，裏面全部都是爽口的鮮蝦，粒粒都非常飽滿。燒賣燒賣肥豬肉不多，啖啖豬肉。百花釀魚肚真材實料的魚肚面舖上蝦膠，爽口彈牙。芝心蝦春卷春卷裏面有芝士在內，呈半溶狀態，而且不會太油膩。上湯小籠包小籠包外皮都算薄，裏面充滿肉湯。鳯爪排骨飯飯粒爽口而且排骨又多，啖啖肉，夠兩個人份量。

其實黑洞好中意食點心 但又吾想等位飲茶所以好少機會一盅兩件今晚晚餐朋友帶我黎開餐位置類近茶餐廳形式點心款式選擇吾小 大部分$30有找尖沙咀黎講都幾抵我地一共叫左6籠點心全部即叫即蒸 要耐心等等大約10幾分鐘就有得食果然全部都熱辣辣有飲茶必點既蝦餃燒賣每件點心都幾足料燒賣吾算太油膩 無用太多肥肉 抵讚蝦餃每粒都有大大件蝦見到咁足料 朋友追加一籠鮮蝦菜苗餃有菜苗混入蝦肉 口感更豐富中意食包類既我叫左流沙奶皇飽同馬拉糕特別一提馬拉糕比平日食既咸咸地 有種咸蛋既咸香十分惹味至於奶皇包 的確有流沙效果奶皇超香滑 必食之選我地估吾到食點心都有得小籠包叫左一客試下粉皮幾薄 肉汁亦好豐富沾醋食最惹味整體點心質素吾錯 而且價錢吾算貴可以滿足黑洞晚飯時間食點心既慾望

夜晚想去食點心，上網搵到一間點心店，仲要唔使加一主要都係點心為主，選擇嘅數量都可以啦啲嘢食點左5分鐘之後就已經嚟咗啦其實都幾快手鳳爪排骨飯，佢嘅份量都算幾多，我哋每人都可以食到兩碗飯，上面嘅鳳爪同埋排骨調味都好夠佢有一個菠蘿叉燒包，睇個名都好特別，原來佢嘅外表似一個菠蘿包，入邊就係叉燒餡，外皮幾好食，佢入邊嘅餡料都幾多蝦腸，略嫌佢嘅腸粉皮比較厚，如果再薄一點會更好，蝦嘅份量都可以再多一啲芝士春卷，趁熱食就係最好味嘅，入邊真係食到有芝士味，而且炸得很脆口蝦餃佢有兩隻色，對我來講就唔係太食到就分別哈哈，不過佢入邊都係好飽滿，都幾大隻蝦燒賣入邊肉比例比較多，我自己覺得點小小醋食會幾好味我哋兩個人叫咗六樣嘢，買單都唔使$200 ，喺尖沙咀來講真係算幾抵食

好多香港人都好鍾意食點心，有傳一點心就最好。係尖沙咀咁勁嘅地段嘅地舖竟然有一間專門系食點心嘅中菜餐廳。價錢都好合理，又朝早開到晚黑食宵夜，咩時間去都一樣的，冇落場時間。蟹子蒸燒賣裡面真係有大大粒蝦，好有彈性而且咸香十足。韭菜鮮蝦腸粉除咗有豐富嘅韭菜之外，鮮蝦都係非常之大粒，腸粉都好滑。上湯小籠包裏面好多汁，非常之熱辣辣！仲可以加埋啲醋就更加易消化好吃。淮山元肉燉老雞湯呢個真係一定要叫，好少見出面咁豐富嘅燉湯只係賣緊$28 ，感覺上冇咩錢賺，自己整都好麻煩。仲要真係夠晒入味囉！孖寶餐（鹹魚肉片飯、菜心）鹹魚肉片飯就同一般酒樓嘅質素唔差得遠，菜心份量都算幾多，加埋啲蠔油味道就豐富啲。

在尖沙嘴想食平靚正，就非這間逸翠軒莫屬了。晚上在鬧市吃點心，價錢合理，還不收加一，太難得了。紅豆冰 ($18) 和黑豆漿 ($10)。這個紅豆冰很特别，因為用的是維他奶，原來比原本的紅豆冰更好飲。鮮蝦菜苗餃 ($26) 的皮不算太薄，但勝在餡料豐富，菜和鮮蝦也塞得滿滿的。藥膳湯鳳爪 ($28) 是必吃之選，平時飲茶吃鳳爪也吃得多了，但這個藥膳湯底藥材味夠重，簡直是劃龍點睛。醋香小雲耳 ($23)叉燒菠蘿包 ($25) 不過不失，熱辣未夠，叉燒餡較少，未有新鮮岀爐那種新鮮感。熱騰騰的流沙奶皇包 ($25) 太好味了，軟熟的包子裡面有滿滿的奶皇，香滑吸引。准杞元肉燉老雞湯 ($28) 材料豐富，還有龍眼在內，仲藥膳湯鳳爪更好飲。蜜味叉燒腸 ($25) 做得滑漏薄身。杞子桂花糕 ($18) 又香又彈牙，桂花和杞子也很多，必點！羌汁棗拉糕 ($20) 是即叫即蒸，煙韌好味。

飲茶唔一定要去酒樓，今晚試咗間飲茶嘅飯店，格局好似茶餐廳，全部都係平時酒樓食得到嘅點心，茶位 只需要四蚊位， 而且唔使加一 ，超抵食 今晚我同老公總共嗌咗六款點心 連埋茶錢 200蚊有找，真係好抵食！今晚叫咗蝦餃、 燒賣、 叉燒腸 、鳳爪排骨蒸飯 、芝士蝦春捲 同埋奶黃包。蝦餃同埋燒賣入面都有大大隻蝦，爽口兼彈牙， yummy！叉燒腸嘅亮點係叉燒都算幾多，而且個皮夠薄， 啱曬鐘意食腸粉嘅我。鳳爪排骨飯d鳳爪同排骨都好入味 ，而最正嘅係個飯， 個飯軟硬適中，唔會主動太爛，仍然有咬口，但又唔會太硬。全晚最高分係個春捲芝士蝦 ，個春捲皮 炸到好脆，而且一啲都冇油利嘅感覺。流沙包果然有流沙 奶黃， 最怕食到嗰啲聲稱流沙包，但係啲 奶黃 都唔流嘅。每人100蚊唔使，食完捧住個肚走！

尋日同朋友係尖沙咀行街買野,行到肚餓想到附近餐廳食飯,當日特別想食點心,於是就搵到有一間在首都廣場的點心專門店,呢間店位置方便,在馬路對開一搵就搵到。一入去間餐廳就選咗近窗口位坐,半個大玻璃面向商場景, 呢間店新開, 座位舒適寬敞, 一點壓迫感都冇我地先點咗開胃小食涼拌青瓜, 青瓜十分醒胃。再黎就係逸翠鮮蝦餃, 蝦餃十分可愛, 是青草綠的蝦餃皮, 這款第一次見, 口感特別爽脆。之後就係流沙奶皇包, 奶皇包熱辣辣一打開奶皇金黃色而且好重奶皇味, 好香好甜。然後就係北菇滑雞飯, 這個滑雞飯唔好講笑$33係香港根本食唔到一個正常既飯, 這個盛到滿滿既飯再加上好新鮮既滑雞, 我同朋友都差點食唔曬我特別叫咗個原盅淮山杞子元肉燉老雞湯, 一盅$28而且材料好足, 火喉十足, 入口清甜, 真心推薦。最後我無選甜品, 叫了一杯維他奶紅豆冰, 我被呢個名深深地吸引, 二話不說立即點這款, 原杯維他奶豆奶加紅豆十分特別, 值得一試。

尖沙咀逸翠軒，雖然係點心店，但有驚喜地位置方便之餘，都坐得幾舒服。點心紙必吃之選：經典點心...蝦餃燒賣！逸翠鮮蝦餃（$32）一籠四件蝦餃，綠白相襯，顏色上花心思，味道黎講，蝦肉不欺場，亦算爽實。蟹籽蒸燒賣（$28）呢度所有點心都係即叫即蒸，熱辣辣，大大粒！鳳爪排骨飯（$33）大大碗蒸飯，飯粒索晒甜豉油、鳳爪同排骨香，亦好飽肚！叉燒菠蘿包（$25）菠蘿皮好香脆、叉燒餡反而變了配角。香煎鮮蝦腐皮卷（$26）煎點都唔錯哦！蝦肉亦落得大方，腐皮卷夠脆！見到有另外一張點心紙介紹呢個：淮山杞子元肉燉老雞湯（$28）燉雞湯夠滋補！特飲都有！維他奶紅豆冰（$18）咪就係維他奶+紅豆冰crossover 囉！最後係呢個甜品：薑汁棗拉糕（$20）同樣熱辣辣，紅棗味好rich，好滋補again!

今天去了尖沙咀逛街，晚上就在附近吃東西，找個中菜館，去了逸翠軒，吃點心的，晚上已經很少有地方吃點心呢！難得！菜單選擇不算多，一般該有的點心都有。最特別的就是維他奶紅豆冰，很有創意，但我還是喝茶好了。這裏不用點茶，來到就是每席都有一壺泡好了的茶。估不到這裏的茶很香，細問之下，職員告訴我原來是普洱加香片， 沒有普洱的苦澀味，茶很清，但卻添了香片的花香味，非常好喝，很有心思的泡茶方式。流沙奶黃包$25, 肚子餓的時候就是想吃包，真的非常流心，皮很薄，輕輕一捏，流心的奶黃就要爆出來。奶皇很香甜，充滿蛋黃香，熱騰騰的，包皮又軟綿綿的，非常好吃。百花釀魚肚$36, 墨魚滑釀在魚肚上，以上湯清蒸，味道充滿鮮雞湯味，不會太鹹，清淡得來卻很入味，墨魚滑爽口，味道不錯。上湯小籠包$26, 一籠有三隻，這個湯包子味道很鮮，豬肉餡很多，然而口感方面，還可再改善，感覺比較多粉，質感不夠爽。香煎鮮蝦腐皮卷$26, 腐皮煎得很香脆，而且很薄，像紙一般。餡料充足，鮮蝦爽口，看到裏面的肉餡和爽脆的粉葛拌在一起，口感爽爽的，點醋吃增加鮮味，很推介這個。韭黃鮮蝦腸$28, 有原隻大蝦在腸粉裏面 還混了韭黃，加添香味。我喜歡

同班姊妹喺尖沙咀行街街，行到首都廣場附近見攰同肚餓，就走左入去呢間逸翠軒醫肚。望下點心紙，雖然位置喺尖沙咀，但係D價錢都好實惠。既然唔係貴，就一於歎多幾款美食啦！原盅淮山杞子元肉燉老鷄湯 ($28) - 有淮山、杞子、元肉、螺片、排骨、老鷄，真材實料，用料豐富，好抵飲！逸翠鮮蝦餃 ($32) - 入面有好大隻鮮蝦，蝦肉新鮮爽口有蝦味，夠晒足料👍百花釀魚肚 ($36) - 魚肚上的肉夠鮮夠滑，魚肚塑滿肉鮮味，正😋醬皇蒸鳳爪 ($24) - 醬汁味道適中，鳳爪腍身得嚟食得出係新鮮蒸嘅，唔會過腍，味道同口感都好。藥膳湯鳳爪 ($28) - 一上枱已經聞到好香當歸味，鷄腳入味夠腍身，不俗！煎釀虎皮尖椒 ($24) - 一睇個賣相都知好食啦，新鮮嘅尖椒釀滿魚肉，魚肉表面煎得香口脆脆地，水準之作！芝心蝦春卷 ($30) - 餡料有爽口蝦肉同軟滑嘅芝士，芝士味唔太濃而搶左蝦嘅鮮味，加上非常脆身的春卷皮，唔錯！韭黃鮮蝦腸 ($28) - 蝦肉新鮮爽脆，腸粉皮挺身滑溜，爽滑無比。原籠馬拉糕 ($25) - 口感幼滑，蛋味香濃，甜度適中，出色！上湯小籠包 ($26) - 外皮包住豬肉餡同好多湯汁，餡料鮮嫩

逸翠軒點心專門店其實飲茶呢個文化，真係無分時間性，爸爸媽咪好鍾意早上去飲茶，但係礙於我哋早上要返工，又點會可以去飲茶呢，尖沙咀呢一間新開點心專門店太好啦，最抵食就係佢哋不設+1 ，開到夜晚11點，幾夜想飲茶都冇難度啦。唔知係因為新開嘅關係定係光線好充足，所以地方好光猛亦都好清潔，坐得舒服。係尖沙咀來講，茶位$4一位，真係太平啦，雖然唔係特別靚茶葉，但係睇呢上面亦有一個熱水壺，方便大家自己斟水。一睇之下，原來餐廳係翠河餐廳嘅集團，本身翠河茶餐廳，我都覺得幾好食，點心店水準都唔錯。點心仲有兩間分店添，其中一間就係麼地道。一間就係首都廣場嘅地下。位置當然非常便利啦。其實我真心覺得呢度飲茶好抵，叫咗差唔多10樣嘢， $300都唔使。。淮杞元肉燉老雞湯個雞湯用了好充足，一個細細的碗，已經有齊杞子、龍眼肉、老雞、而且份量一啲都唔少，雞都有幾件，啲湯好有媽媽嘅感覺，好味又唔會令人好口渴。逸翠鮮蝦餃呢度嘅招牌蝦餃，一上枱，佢嘅顏色已經覺得賞心悅目，兩件粉綠色及兩件白色嘅蝦餃，啲皮唔算太好，而且啲蝦肉都彈牙，好食，唯一美中不足係個蝦餃皮唔太乾身，呢一點扣左少少分。百花釀魚肚呢一個點心係大家覺得最好食，啲

和朋友在尖沙咀血拼完，發現首都廣場附近有間點心店新開張，素來愛吃點心的我，當然迫不急待要試一試。餐廳幾乎座無虛席，店員雖然忙得不可開交，但仍很有禮貌，保持笑容，值得一讚。點心款式選擇很多，無論是蒸點心，腸粉，甜點，小食，燉湯，樣樣都有齊。燒賣份量十足，上面有粒粒蟹籽。肉質鮮美，並不會有油膩的感覺。蝦餃賣相不俗，是很漂亮的翠綠色。蝦餃晶瑩剔透，皮薄餡多，鮮蝦味特出，令人回味無窮，十分推薦👍🏻醬皇蒸鳳爪，醬汁惹味，帶點微甜，十分開胃。潮州蒸粉果，超級足料，蘸些辣油更顯美味。以往吃盅頭飯我總愛加大量豉油汁作調味，但是這個北菇滑雞飯無需大量調味，雞件香滑，飯粒有雞香，北菇軟稔，原汁原味卻不單調。黑豆漿有益健康，為今餐畫下完美的句號。價錢親民，食物夠大份，本來想吃流心奶黃包，可惜和友人只有兩個胃，下次要帶親朋好友一齊來才行。

沒有最難食，只有更難食。仲以為係乜野新開張，原來係尖東嗰間分店。點心紙巳經無乜選揀，得嗰幾款普通野都整都咁差，服咗D強國生意人。首先啲碗污糟邋遢，啲人黑口黑面，10叫9唔應。雖然呢間野價錢唔貴，環境都算乾淨，可能係新開張既關係，都唔知。但食物質素差到一個點，唔使錢請我都堅唔會再去。腸粉：啲皮又厚又韌（應該係大陸啲腸粉先係咁，我食開香港既腸粉應該係薄皮同滑LOR）鳳爪排骨飯："最正"應該係 鳳爪排骨飯。排骨啲肉梅到好似腐屍咁，一夾就散。個飯底叫做算OK啲，雖然無乜飯味，至少正正常常唔係"林PATPAT"嗰D。但真係諗起嗰幾舊肉都唔開胃。蒸鳳爪：蒸鳳爪嗰D醬唔知乜野醬，食開都係豉汁蒸鳳爪，怪醬蒸鳳爪堅唔識欣賞。咸水角：成陣油益味。想點？！牛肉球：正正常常，無乜特別，只是牛肉無牛肉味（講完）。最最最經典係呢杯唔知乜野紅豆水。。。喂大佬我無叫奶昔渦