Video
Telephone
2955 0086
Introduction
由重慶廚師主理，用地道重慶煮法烹調的正宗川菜
continue reading
Opening Hours
Mon - Sat
12:00 - 00:00
Sun
Closed
Above information is for reference only. Please check details with the restaurant.
Signature Dishes
呢間舖係我上openrice咁岩睇開發現既...見咁多好評就即管一試啦!!!果日晏晝打去book位,本身book8半...但個姐姐話無位...最快都9點...咁我就照book啦......點知8點半左右老舊打比我話有位留左比我地...咁就即刻去啦...我地2個人叫左一個細水煮魚, 麻辣雞煲同一個酸辣粉....首先,要講水煮魚.....好似$8x一個(細)....但佢好大鍋,好多魚味道十分好, 魚肉好滑, 有大豆芽放底....好好味....係我係香港暫時食倒最好味既水煮魚....麻辣雞煲...就一般....d雞好細件,肉質唔好...唔入味可能佢唔係主打雞煲....所以唔建議叫...但我下次會試下個田雞煲...最後,酸辣粉都十分唔錯...薯粉質地煙un, 索倒d湯既味!!服務方面...都幾好.....個老闆最後會問我地d野岩唔岩食....幾親切.....
continue reading
看到openrice如此好評，當然要來試試，但試完後大失所望，不會再來。這間鋪實在太隱蔽，找了很久才找到，大熱天時還要這樣找，真係很累。與友人每人要了一個粉，我依然選擇我愛的墨丸薯粉配酸辣味，友人則要了麻辣味。墨丸的質素不錯，但只有兩粒，太吝嗇吧!?而炒的份量也很少，一碗根本不夠飽，而且只辣不酸，憑什麼叫酸辣!?而友大那碗麻辣也只辣不麻的。太辣，看到旁邊那抬要了杯水，我也問店員要杯水，但因為我們吃得太少東西，所以他說沒有。可能我只吃兩碗粉，所以不知道其他食物質素如何，但無論怎樣，我都不會再來了。二十多元還有大把選擇，而且份量比它多!
continue reading
看電影是大肚媽媽既喜歡，也是相當舒適的活動，而幫襯得最多就是圓方的Grand Cinema。上週六看戲前，與老公先到佐敦找吃的，原目標牛屋餐廳卻在當晚做節，時間方面怕趕不及，唯有臨時改地點。 其實與牛屋同街有間新牛屋餐廳，然而評價似乎不太好，不想亂博，就陪老公去重溫他吃過又覺得不錯的重慶回味香。還未步進店內，已聽到十分熟悉的鄉音，感覺挺親切的；然而川菜既辣又重味精，當晚我並沒有幫襯，只是陪坐而已。 沒時間慢慢吃了，老公為自己點了簡單快捷的小炒回鍋肉($45)，加個白飯($6)及一杯豆漿($5)，盛惠$56。小小店內，菜式確是即叫即炒，鑊氣與新鮮度都是十足；然而憑肉眼所見+老公反映，成品的回鍋肉實在是肥得不得了，肥瘦比例約是七三之比，而且味道並不特別出色，比起老公上回吃的水煮魚失色很多! 除了用料不夠精良，也反映了辣椒以外佐料的運用只是一般。無所事事的大肚媽媽，八卦完老公的晚餐質素後，又無無聊聊拍下店內貪睡的貓貓。環境如此嘈雜，小店又多人出出入入，貓貓仍然睡得香甜，真難得! 希望日後囝囝也能做到吧! 講回正題，代老公出一個OK臉，希望小店除了水煮菜式，也要留意改善小炒菜式。
continue reading
ordered:酸辣薯粉: noodles is chewy and there's some peanuts, 元西, 炸菜as side dishes, the soup is not sour enough when compared with "tam zai"涼麵: excellent! although it's just some chili sause added to the noodles, noodles is cold and chewy!!! the sauce is very good, very 地道!!!川北涼粉; the 涼粉 is no taste...but 口感滑滑好得意,但好容易cut off......仲有d蔥係面好香紅糖冰粉:好好味, 真係可以解辣架, 其實好似jelly, 有d紅糖糖水甜甜地, 冰冰涼涼~the place is very small, just have 4 tables, so needa wait ga~
continue reading
食辣野最爽既就係越食越想食，但係好多時出街食既辣野，無論泰菜，川菜，好多時都係辣到人頭皮發麻，個咀同條痢發腫又痛，飲極水都唔夠咁，真係令人望而生畏，難得有一間辣得黎越食越想食，辣到大家大呼過癮，忍唔住要讚多一次之前同事聽我講重慶回味香勁好食，嗜辣既同事已經蠢蠢欲動，適逄HAPPY FRIDAY，加上近排天氣又悶熱，於是約埋一齊去辣辣佢。上次去食問過老闆係可以打電話訂左枱先既，所以預早一日訂定，友人先到等左一陣間就有位。由於我同其他人未到，友人好醒目咁已經叫定一個涼拌粉片同一支大啤，邊食邊等。我地去到見佢食到雪雪聲又流汗，但係又欲罷不能，真係搞笑。人齊左要叫餸，叫左一個大既普通辣水煮魚，泡椒腰花，辣子田雞，紅油豬耳，蒜泥白肉.. 叫住咁多食住先。涼拌菜式先上，蒜泥白肉切得好靚，薄薄一片肥瘦適中既豬肉拌住秘製既醬汁，香香辣辣，好開胃。我地見到白肉切得好靚，細問之下原來老闆自己操刀.. 勁呀~!! 紅油豬耳第一次食，爽爽地辣辣地，加埋下面舖住既青瓜絲.. 好味~等左一陣間，我地既主菜之一黎啦，水煮魚~! 大家見到真係忍唔住歡呼，食左第一啖之後，大家都叫爽。辣辣既汁，麻麻既感覺，仲有滑滑既魚肉.. 真係正~!! 真係咁上下辣子田雞到，一上枱，大家都有D驚，成碟都係辣椒心諗一定好辣。其實辣椒經過泡油，辣味已經去左好多，反而突顯左佢辣椒既香味，加埋D田雞，呢個餸好好味。泡椒腰花好好味，泡淑酸酸地辣辣地，加埋D配菜好近唐芹同埋雲耳，同事用黎送啤酒不斷叫正。食到咁上下大家好似唔係好夠喉，再叫左個四川涼麵，涼拌海帶絲，細既唔辣酸菜魚，紅燒豬紅，黃金皮蛋，全部都.. 好正。呢到最好既係，學老闆話齋，食川菜唔辣點似樣。雖然每一樣都辣既，但係辣既程度辣既味道儘然不同，絕對唔會令食客有重覆既感覺，而家食落口果下辣，而後就係一貫暖一樣由食道真落個胃，但係唔會食到你口又痛脷又痛，只會令你越食越想食，越食越過癮，總知係就GOOD GOOD GOOD啦。雖然店舖裝潢唔突出，係一般街邊小食店一樣，坐位方便.. OK啦。但係我地去食飯.. 係食野吖嗎.. 所以乾淨企理就OK，老闆在場又會同我地打下牙較，介紹下D食物，所以食得好開心。是日我地食左11個餸，7支藍妹大啤，6罐汽水，HKD$654，絕對係超值，又好食又抵食.... 抵我地一而再再而三幫襯
continue reading