野郎Stone Ya Rou Stone

Open Now

Now Closed

一直唔知北角一田入邊有好嘢食，今次俾我發現一間好好食嘅鋸扒。座位唔多，可能只有十個位。原來做緊星期一至四蒸籠或石燒套餐就有85折，所以同朋友嗌咗個貴d嘅石燒美國精選肉眼200g同美國牛小排+豬腩片蒸籠定食。餐廳只有一個職員，所以都等咗幾耐先上倒餐，但完全明白，因為姐姐真係一個人負責煮菜上菜，好厲害。之前喺出邊都食過類似的石燒牛扒餐，以為差唔多。但係我覺得呢間肉眼非常之好食，個美國精選肉眼要比十個讚！熱辣辣嘅鐵板，嚟到可以自己再燒熟啲肉，但係我就覺得原本已經燒得啱啱好，肉質好淋，仲好重牛味。朋友嗌嘅美國牛小排配豬腩片都唔錯，蒸籠入邊有水，透過電磁爐，蒸熱上面的牛小排同豬腩片。雖然其實只係蒸鍋，但呢個配置又幾新穎，仲蒸得牛小排好嫩滑。因為平時好少試超市入面嘅餐廳，覺得坐得無餐廳咁舒服，但估唔到食物質素又幾ok，肉質新鮮，我覺得比很多專門食石燒嘅餐廳優質，我一定會再嚟，試下其他石燒套餐。

今日放半日，收工已經好肚餓！朋友約左我去北角食個飯，聽聞北角有個新商場，環境好大好靚，我哋食完飯順便去行個圈餐廳位於一田超級市場入面，空間感都幾足夠，主打蒸籠食物和石板燒，日式風味重！食物選擇多，我叫左美國牛小排蒸籠定食！Short Ribs牛味濃厚，即使切薄片蒸熟仍然肉味濃香，肉汁豐富180g牛肉份量好足！入面仲有椰菜、娃娃菜、菌類和紅蘿蔔等等！食物味道主要來自醬汁，可以自己配唔同醬汁享用我仲叫左芝士和牛漢堡扒肉汁超豐富！牛味好濃！熱辣辣超吸引

近㕑得食，而且今次食在超級市場，咁一定係食到最新鮮嘅食材了✌🏻重要係Open kitchen，睇住㕑市一路烹調，真係令人食指大動喔蒸籠定食美國牛小排+豚腩片食材一流好重要，牛小排好嫩，豚肉好香重點係下面有好多不同嘅菜蔬，吸收曬肉汁，真係好索呀。蒸籠下層原來放咗湯頭，唔係一般用清水做蒸氣，怪不得會特別鮮味啦，真細心！配上三款醒胃前菜真係好開胃呀！石燒套餐紐西蘭羊架(3枝骨)羊味十足，配上石燒，想要幾多成熟可以自己控制👍🏻日本產豚肉芝士腸，芝士味濃薯蓉，我形容佢好似熱嘅雪糕，入口好滑P.s.點套餐的話白飯，味噌湯，津律係放題架而家星期一至四選擇套餐重有85折優惠，好抵呀

聽朋友介紹知道這間吃石板燒的野郎蒸，今晚終於有時間來試試。餐廳在一田超市裹的，座位是圍着坐的，挺像日本餐廳的風格。這坐法的好處是店員容易留意到食客的需求及可以跟店員談天。餐單上牛肉的選擇都挺多，價錢不算貴，加$30跟餐便可以任添白飯，沙律，及麵豉湯，及汽水一罐。店員服務很好，添加時不會對食客擺面色。 白飯黏黏的，像糯米飯的質感，上面有點調味粉，鹹鹹香香送飯好吃。雖然沙律只有一種蔬菜，但配芝麻醬好滋味。味增湯濃郁又好喝，忍不住多添了幾碗。我點了翼板150g，分量適中，女生吃剛好。一上枱馬上傳來非常香的牛肉味。我煎到差不多全熟，外皮煎得香口的，肉質煙韌，配飯很好吃。美國精選肉眼 200g相比之下較好吃，牛肉味較濃，油脂香，也是不小心放得太久，煎到8-9成熟，但肉質依然嫩，容易咬開。我們之後才發現餐點到後，20-30秒便要切開反轉，不然便會燒得太熟，所以下次來食不會影相影太久了。

今天到北角一田買東西，晚飯時間順便在附近搵食，發現這家野郎蒸有特別的蒸籠定食，就來試試。餐廳主打蒸籠定食以及石燒牛扒，多達10種不同部位的雞牛豬羊可供選擇，加$30可以升級套餐。餐廳以吧枱形式，可以看到師傅工作情況，食得安心又放心。星期一至四更有85折優惠，十分抵食。美國牛肉片+雞肉蒸籠定食蒸籠定食已包括前菜、白飯及味增湯，經濟實惠。點了美國牛肉片+雞肉的配撘，美國牛肉片油脂分佈均勻，肉質本身鮮嫩，牛味濃郁，而雞肉先煎香，增添惹味。上層蒸籠以下層內的上湯加熱，加上牛肉和雞肉滲入的肉香，所以肉類下面的雜菜格外鮮味。石燒翼板套餐翼板牛扒上枱時僅僅熟，可以切開在事先燒熱的石板上煎烤，自行控制生熟程度。選了翼板，肉質軟嫩細緻，但同時牛肉味卻濃郁可口，入口肉汁豐腴，記得必需across grain地切方可以品味到軟腍的口感，十分滋味。加了$30轉了套餐，薯蓉、白飯、味增湯及沙律均可無限添加，特別一提椰菜配上特製的沙律醬汁，輕怡開胃，正好中和一下油膩感。

前幾日行一田行到有啲肚餓，就決定係入面餐廳買個外賣。見到呢間嘅牛肉好吸引，而且外賣仲有折，於是就買黎試下啦。生薑豚肉飯（$44）一打開見到個份量都唔算少，幾多肉同洋蔥，而且仲有飯素都幾驚喜。生薑燒好多汁，不過食落覺得好濃味，係會越食越鹹嘅，所以如果食開淡口味嘅可能會麻麻地。咖喱牛舌飯（$38）咖喱牛舌飯價錢幾平，而且份量都幾多，有好多塊牛舌同蔬菜配料。啲牛舌煮得好軟好好味。以日式咖喱黎講呢款算係辣咖喱，同埋入面嘅洋蔥係生洋蔥，所以會越食越辣。芝士和牛漢堡扒（免費！！）其實本來想叫芝士和牛漢堡扒飯，但咁啱見到隔黎貼住張poster話下載個app會送一塊和牛漢堡扒，即刻用app黎試下。本來以為免費送嘅漢堡扒會好細塊，點知一見到個size嚇親，真係好大塊，有成隻手掌咁大，而且仲好厚！入面有啲洋蔥，食落口感同味道都幾香。不過可能因為太大塊，入面唔係好熟、生生地，食落仲有少少凍，要自己再煎下先好啲。整體黎講三個外賣都偏重口味，但以呢個價錢黎講算幾好。買嘅時候店員有講返大概需要15分鐘左右，係一田行一陣再返黎拎就啱啱好啦。

北角一田有好多嘢食揀，我比呢間舖頭吸引咗，呢度有石燒牛扒豬扒羊扒，都有好似Pepper Lunch嗰啲鐵板燒飯，我最想試嘅就係佢哋嗰個蒸籠定食。因為好少見其他地方有得食，我都係第一次見。如果係蒸籠定食，佢會有三個韓式前菜，泡菜酸蘿蔔同埋一個我都唔係好知係未嘅酸酸地嘅嘢。一碗麵豉湯同一款汽水/玄米茶。飯就係另上嘅。本身以為蒸籠嘅食物係預先準備好，點知唔係，所以落完單等咗半個幾鐘，先有得食。見到其他枱叫石燒牛扒好快就有得食，人哋食完走埋我哋啲嘢食都仲未上到，如果趕時間嘅話，可能叫其他嘢食會比較好。見到佢嘅鐵板燒飯都好似好吸引咁， 40幾蚊就有一個。蒸籠定食美國牛肉片+雞肉 $88牛肉片係肥牛果一種，肥瘦適中，都食到有牛味，雞肉係蒸之前，應該係有燒過，因為食到有啲朝香味，我就幾鍾意呢種香香地嘅味。美國牛小排+豚腩片 $158牛小排比起牛肉片瘦好多，肉眼都見有分別嘅，牛再重啲，但係就冇牛肉片咁淋，所以就睇你自己喜好。而個豚腩片係五花腩咁一半肥一半瘦，食落好爽口，唔會韌。值得一提嘅係佢真係用蒸籠蒸熱佢㗎，仲會用電子爐全程加熱，所以唔會凍冰冰。同埋係啲肉下面會有蘿蔔片同娃娃菜，蒸完之後保留到蔬菜自

今天和師奶朋友來了北角的一田濕平，行過見到野郎蒸，被他們的套餐吸引著，一於就在這裏開餐醫肚啦我們叫了美國牛肉片加雞肉蒸籠定食，及石燒西班牙產黑豚200g。蒸籠定食跟餐有三款前菜、白飯及味噌湯；而石燒方面，我們加了三十元轉了套餐，跟餐有沙律、白飯、味噌湯及汽水。落了order 後，便混下醬等食先石燒西班牙產黑豚200g 套餐黑豚肉上枱後，已聞到濃濃肉香，肉質果然鮮嫩，而且十分juicy，不用落醬汁，已經很夠味跟餐的白飯、沙律及味噌湯份量十足美國牛肉片+雞肉蒸籠定食也很不錯牛肉片鮮味，雞肉亦嫩滑，用蒸肉的方式不會熱氣，吃時非常清新，確有另一番風味肉類的底部原來還有菜、菇菌及翠肉瓜，由於吸收了肉質的精華後，特別鮮味，現在也回味無窮啊跟餐的前菜、白飯及味噌湯也食到舔舔脷

環境4分：超市餐廳隔局一目了然，簡單通爽，全部都係Ｄ吧位包圍住個開放式廚房，可以畀四分。衛生4分：吧枱同櫈好整齊，電子爐同D調味品唔會話黐立立，每兩個位就有塊膠板隔開，而且一D油煙味都冇，可以畀四分。服務5分： 廚房入面有兩個服務員，一男一女，上菜果陣時教路點食先最好，好有心，所以要畀滿分！味道5分：叫咗個蒸籠定食，包含前菜三點，白飯，味噌湯。前菜三點係醃菜，沙律，泡菜，有酸有辣，好開胃。味噌湯夠熱。大碗白飯可以免費添，灑左Ｄ紫菜飯素响面好香口。180g美國牛小排全部舖响蒸籠上格，邊蒸邊食，靚牛肉肥瘦比例好，又夠薄，唔使全熟，七八成Ｄ肉最軟熟，夾住牛肉底D菜同菇一齊食，點埋個燒烤汁，芝麻醬，同蒜蓉真係非常之嘢味。抵食4分：原價$178蒸籠定食星期一至四有八五折，美國靚牛絕對係高級貨，份量足，蒸黎食好健康，畀佢四分。

一間低調的餐廳，北角這間一田超市超大， 有幾間餐廳，有點像food court。見到野郎蒸午餐都挺不錯的，所以就試一下。我叫了一個蒸籠定食$88：美國牛肉片+雞肉，包了前菜、白飯、味增湯。蒸牛肉片不會過熟，雞肉有炒過，味道不錯。肉下面有超多蔬菜， 翠玉瓜、甘筍、菇，清清地幾好。午餐有些便宜的選擇，壽喜燒牛肉飯$58價格便宜，味道甜甜的，牛肉和飯量也足夠，好吃！另外店員推介必試石燒，所以點了西冷150g ，才$98。石板非常熱，西冷加蒜片賣相吸引，切一塊燒一塊，肉質很嫩，牛肉味濃。再點上少許蓉和醬油，配白飯簡直一流。

好耐無去鰂魚涌公園，見今日天氣唔錯，提議過去逛逛，順便舒展下筋骨。做完運動，有人話要帶我去北角匯試新嘢，咁有驚喜？原來睇中咗超市入面嗰間「野郎蒸」。餐廳主打蒸籠料理和石燒，所謂蒸籠料理，顧名思義就是以「蒸」這個烹調方式作為賣點，以高溫蒸熟籠內嘅肉類和蔬菜，夠晒原汁原味！既然食店主打蒸籠料理，一於來個美國牛肉片蒸籠定食 ($98)，定食包前菜三點、白飯及味噌湯。牛肉同蔬菜以一個特大嘅方形木蒸籠盛上，店員教路，先用大火蒸  5 分鐘，然後轉細火，再按自己嘅喜好，調校牛肉嘅生熟度。嘩！一打開蓋，濃濃的肉香混合木香即時湧出。牛肉肉質好嫩滑，入口又薄又軟腍，而且由於以蒸的方法處理，令到肉片保留足夠嘅水份，加上底部鋪上大量嘅瓜菜同雞髀菇，感覺十分清新健康。食嘅時候可以將牛肉捲住蔬菜蘸點醬汁同吃，口感會更加 Juicy 和惹味！之後試埋佢哋嘅石燒，點了 200g 西班牙產黑豚 ($118)，只需 +$30 就可以轉套餐，套餐包薯蓉/飯/湯及沙律，全部都可以無限添加，另外仲有汽水一罐，非常抵食。沙律的椰菜絲切得夠幼細，食落新鮮爽脆；而麵豉湯入口亦暖笠笠，可見誠意。豚肉以熱石盛上，塊塊都好厚身，入口肉味

一向喜歡逛大型超市，不但貨品琳琅滿目，而且有很多新穎的貨品推陳出新，令你唔會同呢個時代脫節。今日我哋去到北角滙逛逛。在一田竟找到一間不起眼，但食物不錯的野郞蒸吃東西。經廚師兼侍應親切招呼後便坐下，想不到座位超舒服，櫈下還有位置給你擺放東西，真是麻雀雖小，五臟俱全。我們點叫了他們的招牌菜蒸籠定食——美國牛小排及美國精選肉眼石燒（加了$30轉成了套餐）。定食包含了前菜三點，白飯及味噌湯。蒸籠定食-美國牛小排定食包括一碗又熱又煙韌上面放了少許黑芝麻的白飯，三小碟不同的前菜（醒胃的醋煮甜菜頭丶爽爽小黃瓜和Kimchi）和一份以木盒（蒸籠）盛載的牛排和雜菜食材。一邊用電爐加熱保持溫度，一邊吃。在這寒冷的日子，真的好的不過！打開木蓋，香噴噴的菜和牛肉香湧出來，牛肉面層剛熟，其他的因著加熱中慢慢熟，把肉蘸上不同醬油，感覺一流，肉汁滲到已切絲的雜菜和菰上，吃了真的很滿足。美國精選肉眼石燒（加了$30轉成了套餐）廚師很細心的——把一張隔油紙蓋在熱辣辣的石燒牛肉上（當然沒有觸及牛扒），使牛肉的汁不至於噴到客人身上或因燙受傷。沒有調味的牛肉上放上蒜片，燒得邊脆而肉潤，新鮮牛排即使沒有醬汁一起吃，也是美味可口

中式蒸飯吃得多，今日首次嘗試兩款日式蒸飯，美國牛肉片&雞肉與牛小排&豚腩肉蒸籠定食。蒸飯定食先來前菜三味、飯、味噌湯。牛小排&豚腩肉定食有牛小排肉100克和豚腩肉80克，採用沖繩蒸籠烹調，烹調後送上給客人，放在枱上的電磁爐上繼續保温，在此天氣寒冷，享受暖呼呼的蒸飯，十分愜意。看看蒸籠的菜餚：牛小排&豚腩肉整齊排列，墊著蒸肉是多款蔬菜，包括：紅蘿蔔、菇、紹菜、翠肉瓜、與椰菜絲。美國牛肉片雞肉定食，有美國牛肉片100克和雞肉80克，廚師會先將雞件肉兩面煎香後，再放入切件雞肉與牛肉片同蒸，雞肉外香內滑。蒸飯送上，服務員温馨提示：可以將肉片捲着雜菜吃；的確是好推介，肉鮮與菜甜融合，味道層次更豐富，用蒸的烹調方式，肉質鮮嫩肉味香濃，牛肉片、牛小排、豚腩的肉汁滲入蔬菜，原汁原味且味道清新香甜，是我喜歡。如果喜歡味道濃郁些，可以佐wasabi麵豉、柚子汁、鮮磨蒜蓉、鹽、芝麻醬。在此天氣寒冷，暖呼呼的享受蒸飯，其樂無窮。

早前一田減價，黎左北角一田超市購物，一落電梯，一陣超香燒肉味撲鼻而來，非常誘人，就發現左這間野郎蒸但果日人太多就無試到今日趁一田做完減價，中午三點人流較少，就返黎試一下呢個牛扒開放色設計，環境一目了然，乾淨衛生食物主要以牛為主，但都有雞同黑豚選擇！有日式蒸籠蒸既，亦有高溫石板煎既；牛肉也有多款選擇，份量也可以按食量自選，非常彈性先付款，然後安心等食等食過程就睇下要點食先姐姐服務很好，主動又親切上枱時肉大約2-3成熟，然後按自己喜歡食既口感去加時煎！完全唔洗怕會過熟或過生一上枱陣肉香味非常吸引，真係方圓一帶既人都望曬過黎🤭🤭🤭我揀既係美國精選肉眼，300g，加$30還可配套餐，有飯/薯蓉，汽水及沙律，非常豐富飯沙律湯重可以無限添加300g既肉眼非常足秤，厚度及份量亦十足，肉質嫩滑肉味十分濃郁，入口充滿油脂香，配埋蒜片，真係不得了值得一試，色香味俱備

好食嘅嘢，好多時都喺一啲你估唔到嘅地方出現。原先諗住去一田買嘢，點知俾我見到有石燒食！估唔到喺超市裡面竟然有石燒食，反正未開飯，坐低食埋先啦！呢度有唔嘅石燒set可以選擇，當中白飯、湯、沙律仲可以無限添加喎！咁正？咁睇吓主菜有乜好嘢食先？豬牛羊雞乜都有，最後㨂咗紐西蘭羊架，5支都係168！勁抵！等咗一陣，熱辣辣嘅石燒就送上。羊架肉質嫩滑，完全唔hea，直頭有大餐廳風範！驚喜！朋友就話驚熱氣，所以叫咗蒸籠定食。同樣地可以配搭唔同嘅肉。由於朋友唔食牛，所以店長好好人咁為佢特別做咗個豬肉配搭雞肉嘅combo。店長先奉上前菜同湯，好細心地話會等到啲食物蒸得夠熱先𢳂飯俾我哋，勁貼心！呢個感覺好架勢嘅蒸籠，放喺自己位個私家爐度蒸咗一陣就食得，一打開啲餸係多到爆，蔬菜面頭鋪滿豚腩片同雞肉，成件事一啲都唔馬虎。食嗰時仲可以配埋餐廳提供嘅各種醬料，好似wasabi麵豉、柚子汁、鮮磨蒜蓉等等嚟食，熱辣辣又好味！兩款唔同嘅定食可以話各有特色，但食完同樣令人覺得大滿足，加埋親切嘅店長，雖然位處一田裡面嘅一角，感覺都好正。我見佢其實仲有鐵板飯食，即係好似pxxper lxxch嗰啲，下次要試埋先得！