金源燒腊茶餐廳

Open Now

Now Closed

其實香港人真係成日都食燒味，出街會食、屋企又會食，而今日懶得煮飯結果亦簡簡單單買個飯盒食，真係方便又快捷。燒鴨肥叉飯叉燒夠肥已經淋身好味道，而燒鴨就差咗少少，因為肉質比較乾咗少少，但燒得都唔錯，而且都好多飯，食咗大半已經超飽。例湯賣相唔討好，但味道都算唔錯，而且味精唔係好多，都算可以。

兜左兩個圈身水身汗唔知食咩好，本來想試新舖頭，但諗諗吓都係是鬼彈食完閃返公司罷啦。燒肉我比多次機會你，試多你一次！食過兩次，一次好差一次好好。切雞髀燒肉飯，附附碌碌今次高質好好味噃，終於都等到喇！豬皮卜卜脆而肉質軟棉，散發淡淡咸香，食得過！先黎脆皮下面藏著一層爽彈脂肪，脂肪下係甘香油脂，再向下係充滿肉汁軟軟半肥瘦，淋上淡豉油瞓係白飯之上，再添蔥油作點綴就即刻碌入口！百感交集，咸甜香彈滑脆棉腍軟硬，實在太感動喇！滿分超好味！切雞髀好食都不得了！香甜味美，見到身材大好，皮光肉滑閃閃發光，薄薄雞皮蓋著微量滑滑雞油一跣入口，香甜到不得了，肉汁跟雞油混和潤澤每一顆味蕾。蔥油當綠色床單，白飯當棉皮，捲住嫩滑雞髀肉，用舌尖細味，頂級味道享受，無得彈！燒鵝髀燒肉飯，簡直雙龍出海，天下無敵，正到啪啪聲呀！今日仲居然有燒鵝髀呢，可遇不可求，大吉！超重量級份量，食晒啲飯都剩返半碟餸啊！舊舊燒肉都係極上半肥瘦，皮脆肉嫩，咸香四射，滑滑棉棉又濕潤，肉汁像海潚般泛濫，大大舊肉、大大啖飯，thank god！燒鵝髀香氣撲面而來，肥美得黎肉質纖幼，滑溜溜又充滿彈性，秘傳香料已滲入每吋肌膚，齒夾留香，拖一拖酸梅醬更醒胃

蝦片姐姐推介金源燒肉好好味，我早前都有試過，質數參差、時好時壞，今日比多次機會您。燒肉油雞髀飯，斬晒燒肉既頭頭尾尾比我，又咸又乾又硬囉，搞錯呀！師傅您好憎我咩？油雞髀質數就夠穩定喇，好少話差得去邊。豉油味清香，濃度點到即止剛剛好，皮香肉嫩。啜啜啜，雞肉藏著大量甜美肉汁，好味啊！乳豬切雞髀飯，記得從未試過金源既乳豬，今次就 all in 搏返鋪啦，暫時都未食過一間滿意既！唓，乳豬肥騰騰既，得肥膏又無肉，皮又唔鬆脆！一咬即碎既碎皮，一面厚厚厚肥膏再黏住薄薄偏咸瘦肉，要點大量乳豬甜醬中和一下。嘥氣，早之食燒肉好過啦，衰好奇囉。切雞髀就夠晒穩陣，雞肉清甜又嫩滑多汁，發光一般！撈上蔥油捲滿白飯，天上的美味！合掌瓜燒豬骨湯，食燒味飯當然要配碗熱辣辣中湯啦！好好飲呢！極濃肉味隱藏著合掌瓜清爽味道，溫度剛剛燙咀就最好味，轉眼清晒，正！最喜歡金源例湯每次溫度都熱燙燙，湯唔熱邊會好飲，都唔明有時去茶餐廳既湯只係暖暖地囉！怕倒瀉會淥親食客？唔熱飲可以得快啲？早啲熄火慳石油氣？

君旺燒味因舊區重建關門後，一直係紅磡搵唔到美味燒味。早幾星期前比友聯燒味惡劣既環境衛生問題嚇親後，一直猶有餘悸。到今日決定行遠啲搵食都要喇，花十幾分鐘行黎金源試試啦 ﹗店內環境尚算乾淨企理，只係門口既坑渠有點可怕啫。今朝黑雨九點九就取消左，頂佢 ﹗食埋 lunch 先返公司啦，為左依碟燒味飯搞到食完遲左返公司，同人事部屎打八婆嘈交，日日食飽無野做搞同事﹗扯晒火，食左都補唔返，背脊骨落﹗長途跋涉落住毛毛雨行十幾分鐘、橫過多條馬路先黎到乍，堅係搵食艱難，搵好野食更難。人家突然好想食燒味囉﹗睇您去得幾盡。合掌瓜豬骨湯，例湯清清地，都有點味道，還可以啦。豬骨南瓜湯，湯汁清清地而有點肉味，食完濃味燒味飯後清清口腔都唔錯，合格。西洋菜雞腳湯，飲落絕對無味精，清甜味美，好好飲呢﹗仲有半隻雞腳添。一砌由基本開始。第一次黎食，先試雞同燻蹄﹗依個醋跟我細細個食既一樣喎，難得仲係自己調較，好多燒味店已經係外購喇 ﹗蒜味濃，又夠酸又夠甜，特別開胃消滯去油膩，正﹗但個蔥油有點遜息，唔夠香濃，而且依然有點生蔥草青味，蔥切得太大粒，唔夠幼細，試兩啖算喇。蔥油既蔥真係切得太過大粒喇，要有咁幼切咁幼先夠香麻，蔥油先可以

十月十一•轉涼晨早去鞠躬，來吃個早餐先，求其找一間，純因為近便之餘，還是朋友已早來了。不太餓，但想吃煎蛋，見早餐的選擇沒有這個選擇，問可否淨要煎蛋及多士？阿姐在思考，反而廚房一口答應，還道：「我地好易話為者。」就要了個紅腸煎蛋多士。原來可以淨要煎蛋多士的意思，佢係收回麵餐的價錢的，即淨紅腸多士就18蚊，要多碗麵就只多一蚊，那不要就白不要，就又要埋個叉燒湯麵。紅腸是炸的，蛋是煎定的，還要了雙面煎，幸好蛋黃還是溏心。多士烘得不錯，熱又脆口，牛油下得很慷慨，不理健康一環，是美味的；叉燒麵用上了一丁，原來這裡全店也用「丁」的，淥得彈牙又有咬口，可惜沒有下足湯粉，更沒有了麻油，齊備就更好。叉燒很腍身，意外地不錯；一份紅腸蛋及多士加一碗麵，還有一杯咖啡，不是早餐的份量，以我來說，當是晚餐也可以了，20蚊絕對抵食。見阿姐在不停的拖地，又不停的拖中我的腳，但也感覺這裡的衛生情況很一般，沒有法子，一處地方衛生與否，是感覺來的。