金牌火鍋 (Moved) New Location

火鍋店的肉再新鮮~都好難有滿足同必定要再來的感覺而這一間~係必定必定要再來話說補祝朋友的生日~我們來了這一間~同行其中一位同事~~以10級的讚美~雖然他是一個很容易俾美食感動的人~但係佢真係形容到好鬼好味~來到佐敦~裝修算是新派的~6個人~好過份地叫了2個煲一個係招牌牛雜煲湯底一個係吵嗲拼椒鹽豬肚牛雜煲本身真係牛雜咁深色~食一件牛肚~不得了~猶如牛雜咁濃味~牛根~正~牛腩冧~天呀~好多材料用佢去淥牛肉~冇得頂!!!淥魚皮一樣正~芋絲更正~沙嗲湯底係非一般的濃~你仲feel到有花生味的~淥粉絲真係冇得彈~胡椒豬肚又係一絶平時只有咸味今次你淥嘢~食入口~第一陣~係少少酸菜味~咬多2下~胡椒味才出來我未食過有層次的火鍋呢~熟食居然好好味~炸腐皮卷係邪惡之作脆到不得了~椒鹽魚腩極之多魚汁~酸梅湯略嫌太濃了一點~(別的地方係太淡~佢居然係太濃~)天呀~這一間~好正呀~這篇不是鱔稿................真心推介~

裝修比一般老式ＨＯＴＰＯＴ店好，價錢唔算太拿利～仲有旦哥現場招呼～因為成家人食都叫左好多野，唔逐樣講，揀Ｄ精既講～象拔蚌生熟食都咁好食，夠哂爽～牛片好食，牛肉粒一般～腐皮卷一流～夠哂脆而香～男友話雞腸好好味～好爽口。。。今晚勁讚～肉類就好一般無咩特別好食唔好食～　混醬好多野揀，最正有ＸＯ醬～一家人黎食，絕對好選擇，貨靚，上台又精美～

上星期同五位朋友一行六人想去打邊邊, 其中一位朋友介紹呢間, 咁就o係星期四打去訂八點六位, o個陣接線o個位叫我地可以預早少少, 安排個好d 既位比我地, 到星期五晏晝, 收到佢地電話, 用麻麻地既語氣突然話八點已經full 左, 要改八點半先有位 (明明我地之前book 左), 我地都算, 殊不知....1. 我地準時八點五度去到, 個知客叫我地等一等...中途不斷有d 疑似熟客既人黎(我見到個知客可迅速直呼佢地咩生咩太), 佢地被安排入坐既時間比我地快得多, 見住五六七八張咁樣過左, 我地都keep 住問到我地未, 個知客就一味話一有位就比我地, 我地話我地係book 左八點半, 佢就話"o係電話度係話最快八點半有位, 唔一定八點半比到位", 如果係咁, 即係唔係訂位啦....我地見難得一班人約左, 就照等, 如是者, 我地等左成個鐘!!2. 大概九點鐘左鬆d, 又有疑似熟客既乜生黎話訂左九點四位, 到九點四五左右, 我地入左去巡視一圈, 見到有一張六人檯埋左單, 心諗一定係我地架啦, 點知個知客安排左個位比個四個人, 我地即刻係咁嘈啦, 明明係六人檯, 又係我地訂先, 竟然比左

昨日來這名店打邊爐一上到去看來很泠清，但是到我們坐底時覺得這裡很高級的感覺，直到我們叫食物，樓面的服務員好似只看電視一點都不想幫我們落單，我們叫左牛骨鍋、雲吞、白菜餃、九菜餃、腐皮卷、炸竽頭、鵝腸、黑豚肉、本地手切肥牛、牛丸等。飲品方面我們叫左酸梅湯、竹蔗水。但是當我們的食物中除了牛骨鍋好點之外其他都是一般雲吞好鮏好似有點臭白菜餃食落無味好似食湯渣一樣九菜餃好細皮又厚一點都不好食腐皮卷好似炸得太黑了炸竽頭比腐皮卷炸得還黑只有鵝腸、黑豚肉、本地手切肥牛、牛丸比較好點酸梅湯好難飲好甜竹蔗水好像水一樣當我們想叫待應過來時他好似完全無反應一樣只看電視，我們想投訢他但是眼見其他西裝部長也一樣，這個待應生態度真是很差我見到他的名牌是L字頭有點白髮，我們心想投訢都無用於是我們都是算了無為吵，很不開心的一餐。

十二月和一月分別各來了一次, 時間這樣近只因第一次初嚐回味無窮, 抵不住那美味而再光顧. 在寒冬的日子這裡特別多人, 訂了位也要等上半小時多牛骨煲 - 牛膀, 牛腩, 牛肚, 牛腸, 牛肺, 牛筋, 牛骨等, 材料很是豐富, 牛味濃郁, 香料味尤其突出黑牛柏菜 - 爽脆生蠔 - 第一次來叫本地生蠔, 雖細細的, 但蠔味卻濃, 反而第二次來的筒蠔, 份量只得四隻, 雖體積比本地大一倍有多, 但蠔味反不及前者手打墨魚滑 - 彈牙之作鯇魚骨腩 - 普通雞子 - 新鮮農場雞子賣$98, 新鮮得看得見那鮮紅的血絲, 飽滿有光澤, 獨特的氣味教人回味, 而雪藏的只賣$38, 食味當然比下去粟米餃 - 餃肉包得飽滿, 餡料多汁加拿大雪花肥牛 - 水準比較參差, 說回第一次來牛肉韌得不可接受, 反之後來有經驗, 落單之時叮囑侍應要給些好的才像樣, 雪花分佈平均, 有牛味之餘肉也夠甘香嫩滑鱔片 - 肥美的鱔片, 同行朋友很是欣賞羊肉片 - 羊羶味很重, 放在牛骨煲中, 那復雜的感覺令人一試愛上墨魚刺身 - 墨魚片薄薄一片, 很是鮮味, 而墨魚鬚比切片還要好, 煙韌的口感, 咀嚼在口中鮮味尤其濃郁牛肚 -

和男友吃下午茶時, 看到雜誌介紹牛骨鍋, 之前也有朋友叫我來試試, 但時間不合沒有應約. 雖則還有點飽, 但也嚷著要今晚試試, 逛了一回兒便到六時, 但門外還有職員在清潔, 等了一回才可上樓, 到達後接待的職員說我們沒有訂位只可以吃到七時半便要交枱, 但店內只有我們和鄰桌共四位客人, 如此招呼??卡座比較舒適, 圓桌比較擠迫, 叫了牛骨鍋及雜誌介紹的上海面及一支啤酒, 有 4 件大牛骨和一些牛雜, 但湯味很濃, 濃得來卻沒有鮮牛味 ??見到鄰桌叫牛肉片及蔬菜, 牛肉色澤新鮮, 但二十多元一碟菜只有數條大約 4 兩, 不是太少了嗎 ?侍應穿著整齊, 店內裝修也不錯, 但經常大聲地叫喊, 態度粗魯令人不安, 應改善.門外寫住大大隻字話牛骨鍋 $98, 結賬竟要 $229.00, 原來茶芥等什費要數十元, 但餐牌沒寫 ?? 雜誌卻說吃個牛骨鍋加上海面兩個人已足夠, 我們二人 5 時吃完下午茶, 6 時吃此鍋, 6 時 45 分結賬離開也只是剛剛夠飽, 男友覺得此店招呼欠佳, 食味一般, 雜誌不可信, 相信也不會再光顧了.

原來在我留食評之後, 沒有人再留過評語, 沒理由吧? 為何我前晚去, 訂了枱九點, 要等到九點半先有位? 是去這間火鍋店的人, 都沒有興趣留評?再次來金牌時, 正值天氣極冷, 心情也有點忐忑: 上次極出色的牛骨鍋底, 還能保持水準嗎?結果, 好好采, 依然是如此出色! 今次聰 明地不叫任何牛肉(已經成鍋牛了), 反而叫了鵝肝和豆苗 ............... 然後, 忽發奇想, 有雞油豆苗(「my飛佛」呢!), 為何不可來個鵝油豆苗呢?先放了大量豆苗去滾, 牛雜湯底沒有影響豆苗的獨特味道, 反而令它味更濃, 然後淥鵝肝, 之後, 挾起鵝肝, 連豆苗一起吃 ................. 嘩, 吸油力強的豆苗, 跟相信不是高級的鵝肝, 竟然係絕配!好食到吖!與其百幾蚊叫碟肥牛, 不如叫鵝肝加豆苗 ........... 相信自盤古初開, 冇人諗過咁樣食法!

沒想過有不少人像我, 未到冬天, 氣溫還徘徊在廿七八度之間, 都喜歡去打邊爐。這間金牌是第一次去, 其貌不揚, 但入到去先知好「墟陷」。於是, 選了最多人叫的牛骨鍋, 再加例牌的肥牛同雜類。個鍋一捧上來, 但見鍋中真的有好大塊牛骨, 雜以牛肺、牛膀、牛腸、牛腩、牛肚等, 一點也不欺場, 如果加把較剪「集集集」, 就好似在街邊賣牛雜一樣。難得的是, 這裡的牛雜真的有街頭風味, 我未試過北角著名的十三座牛雜, 但這裡的肺、膀都夠係好夠味, 口感亦佳。最出色的, 竟然係牛腩 ---------- 自問已經被清湯腩所俘擄, 對其他做法難以看得上眼, 但這裡的牛腩, 有著以前食「嗱渣麵」的牛腩味道, 片成一片片(絕非一大舊), 片片鬆軟, 勁! 唔該D粉麵老闆來觀摩一下, 然後返去自己舖, 將D好似蔗渣的牛腩拿去榨蔗汁吧!肥牛, 老實講, 貴而不值票價, 完全被牛雜比下去。還有一個罕見的蘇杭餃, 滾得滾「皮肉分離」, 味道亦不見有何特色。於是, 留意到鄰桌有人叫公仔麵, 便試試, 那個牛雜湯真係好正, 公仔麵毋須加湯粉, 滾一會, 加麻油, 好味到打冷震! 我提議出前一丁可以考慮整個「牛雜味」,

果d墨魚膠$5X 貴左D牛/羊$6X得細細碟海鮮唔抵食$20 一個人既茶太貴,食火鍋通常唔叫茶加嘛,但係其實係D味盤錢.你見佢比位你果時LING左個味盤比你,20蚊,好貴下.唔係咩大事如新年,生日等等都唔會去呢間

於4月25日，氣温較涼，就去一試，打邊爐用料最近要新鮮，大致上都合格:芫茜皮蛋湯底$48 (個人喜好，不喜歡太花巧。)本地手切肥牛$138 (最好，有牛味，有美國肥牛較便宜，但本地有口感爽及滑)羊肉片$58，白鱔片$38，鯇魚腩$38，桂花蚌$68，合格。2西洋菜$36，唐生菜$18，(新鮮)本地生蠔$38 (麻麻地，無鮮蠔味，下次都是叫美國生蠔試吓)炸芋頭$18 (有些唔夠粉，上次去佐敦總統火煱好食的)2藍妹$50，茶芥@$8位，花生$10，醬料@12位，(食前有約6-7種選擇:鼓油，麻醬，西芹碎，辣椒，芫茜，蒜蓉，香蒜)Total :＄６８０勝在座得舒服，梳化卡座，大玻璃窗。

金牌火煱事先聲明，今餐係同幾位金牌嘅熟客一齊去，所以服務係非常好。同兩個朋友傾完野，决定去打邊爐，佢地話去金牌，因為D牛好正。八點幾，冇乜人，得三四張枱有人，兩個Friend都覺得奇怪，話平時好多人，所有食物都係個Friend叫，因為佢地熟，湯底要左牛骨煱，再點牛肉粒，墨魚滑，炸支竹，生菜，豆腐，水餃，金茹，部長介紹手切牛有兩種，一種重味D，但係”鞋”D，另一種冇甘重味，但係滑嫩好多，决定一樣一碟，想食魚，叫佢介紹，話有唔知乜乜班，心念咁”鞋”點打邊爐，所以馬上叫佢再介紹，佢話深海泥鯭細絛D，啱兩個人食(因為我其中一個Friend唔食魚)，OK，部長馬上攞條嚟睇睇，嘩，大條度！足兩斤，心念玩野咩，三個人叫左三碟牛，仲整絛甘大條魚！馬上叫唔攞走，最後想加個牛肺，落左單，個Friend先叫佢地取消，原來牛骨煱有好多牛什，部長都幾唔老實。湯底黎度，都嚇咗一跳，同街邊D牛什冇分別，用牛什打邊爐都係第一次，死啦咁努力減肥，又要再黎過，D牛什幾入味幾存食，不過偏咸。牛肉粒，同牛皇星一樣，一樣咁嫩，不過個湯太重味，唔係好食度牛肉本身嘅味。墨魚滑，一般，有乜特別。炸支竹，OK。生菜，一般。豆腐，一般。

前排睇到本雜誌介紹一間火鍋都幾吸引，今日mama 生日，就同男友買埋蛋糕上去試試，蛋糕比左侍應keep，叫左個牛骨鍋先，mama 20 分鐘之後到達才叫配料，配料到齊鍋底都未到。(果陣諗︰唔緊要la，假如好食就ok la) ，之後奇怪的事陸續發生… 1) Order 時我地問部長手切牛(大)定(細) 較適合3 個人食，佢話大ge 都唔係好多，得12 件到。點知黎果碟有成廿幾卅件。我地有人生日都會食好d ge 野ga la...唔使呀... (當你記錯la)； 2) 之後打開個茶壺蓋，放在旁的几上，只見d 員工在走廊徘徊同埋傾計，等左好耐先叫到個侍應..果陣差不多十點，亦唔算好旺(有時d 伙計都會放鬆左d ge)； 3) 黑葉莫講趙唔到，連咬都咬唔入！(見唔係貴都費事退換…都無反映過，算la)；叫人加水果陣，佢係開大個蓋'咋'聲咁倒落去(可能佢珍惜每一秒，驚客人餓親)； 4) 我食完舊牛骨，隻碟無乜空位，我特別放左o係邊易d 睇到，但十幾分鐘都無人理，到我地再叫野飲時我叫了客氣地請那陳姓部長叫人換一換，之後佢親手拎左一隻過黎，我都好欣賞(係我開心得太快)； 5) 點知佢轉頭

1月26號和朋友去金牌火鍋打邊爐, Book了一間房, 最低消費HKD2000, 我們大家都覺得還可以, 也幾好食,我們8個人食到尾聲想買單, 部長入來話消費不夠, 仲差$700到, 之後就一直叫我們食龍蝦, 初頭話$22蚊兩, 後來又話$25蚊兩, 我們問龍蝦有幾大, 因為我們已經食飽, 部長話2斤鬆D, 後來捉左一隻2斤10的, 我們話太大, 部長卻話已經最細!!!我們根本食唔落.買單的時候發現, 根本一早想買單的時候已經夠數, 但是活生生比他們屈左一隻龍蝦$900, 金牌解釋話因為Check單的時候check唔到酒水同加一, 唔係阿! 全部電腦操作, 點可能check唔到! 買單時你又Check到? 唔食都食佐, 只可以比錢, 用呢種手法實在太離譜了! 以後都不會再幫襯!!!!因為當晚係請朋友食飯所以費時吵....更離譜的是當我們走出門口既時候, 見到魚缸裡有幾隻小很多的龍蝦!!! 簡直當我們係水魚!!!我覺得手法太下流了!!! 一次就夠了!!

一入餐廳，感覺好好，裝潢一流，座位舒適，我們一行6人(全女人)一直都讚不絕口。食物好味，超新鮮...桂花蚌掂，牛肉入口即溶感覺，鵝腸夠肥，菜新鮮有菜味...我地7點多少少到達，一到立即叫野食(事關已經超餓)，一小時候後(大約8:45)大家都已經食得7788，咁手腳自然慢一點，又剛與上某劇大結局，又剛我地坐的這圍是坐正電視位，咁順理成章手腳就更慢啦。8:45-9:00尚可接受，9:00-9:20態度...(老闆，請你&員工要知道，現在男女係平等的)四圍的桌子有男有女，所以他們不能做什麼過份的行動，直直隔離一行5人(4女1 男)，同樣手腳慢慢咁食火鍋，但他們沒有什麼行動，而我們一行6女人，就受著'jeep jeep'聲，眼'beer beer'，服務生不停話幫你收去筷子等物品的說話(聲明我桌上還有菜，少量鵝腸，炸魚皮，及煲內有corn滾緊)。9:20分我地食物都未食晒，未食完，他們已經放我一早為我地準備好既西瓜...9:20-9:30我們就像餓狼一樣...劇集一完結賬，當然我地都會不有善地給他說話，部長你都唔好意思啦，結果搵左老闆來給我結數。(四圍的桌子都係由黑衫高層來收，而我地則由穿便服

12月7日(五)我們一行5人來這裡食火鍋，這裡裝飾豪華，坐位舒適，服務唔錯，但......無食海鮮來講，每人$240落樓就唔係咁值low，而且醬料+茶芥要成$20一個人，都幾貴~1. 鴛鴦湯底$48 - 沙嗲湯好香2. 皇帝菜$18 - 好新鮮3. 竹筒墨魚滑$58 - 夠彈口，但唔夠香4. 鮮炸腐皮卷$28 x 2 - 超好味，必叫5. 本地手切肥牛肉(大) $138 - 新鮮不過不失6. 干吊片$28 - 好香好好味7. 桂花蚌$68 - 新鮮8. 鮮黑柏葉$28 - 無特別9. 芝士腸$28 - 大路貨10. 金菇菜$28 - 好細碟11. 順德魚腐$38 - 無特別12. 台灣貢丸$38 x 2 - 好香好好味13. 自製白菜餃$28 - 麻麻14. 烏冬$18 - 大路貨15. 滑雞件$48 - 麻麻16. 金錢牛展(細) $98 - 新鮮爽口17. 脆骨腩$38 - 夠脆脆到好硬，切得太厚身，一係就唔熟，再滾耐一點又太硬18. 西瓜汁(一渣) $8019. 酸梅湯(一渣) $3520. 醬料(每位) $1221. 茶芥(每位) $822. 花生(2份) $2023. 加一服