金龍冰室 (Closed)

早前在淘寳網站買了些物品, 這晚放工後便去取件, 之後就在這裡吃晚餐, 店內面積廣闊。先來一杯紅豆冰才算, 以長羹將碎冰混入奶水中, 奶水甜度適中，紅豆煮得軟稔起沙。選了羅宋湯, 這裡的味道酸酸的，用紅蘿蔔及蕃茄去煲的，味道濃郁。主菜點了鐵板至尊海鮮, 以鐵板盛上, 有幾款海鮮, 份量十足, 配上燒汁, 更加滋味, 再加上其他配菜, 白飯也是好吃,吃得滿意。 金龍冰室定價非常大眾化, 就這晚所見食客們應是在附近工作的上班一族。

今日的《金龍冰室》原址就是《龍城冰室》，室內裝修沒太大改動，主要是色調轉成湖水藍色，少不免有種懷舊感。今天巧合下，就點了個外賣，取回公司享用。原來想不起要吃什麼，但一見門外似電話簿般厚的餐牌就決定好了！就是茶餐B，吉列豬扒公仔麵， 3.6北海道牛乳炒蛋配厚多士，加杯熱朱古力睇睇個價錢，$42！平通街，不妨一試！外賣都不用加錢的喔整個茶餐，$42就是如此丰盛。主角是左邊吉列豬排和正中位置的公仔麵，配角是右邊的牛乳炒蛋和厚多士，後續的是一杯濃濃的、熱辣辣的朱古力。北海道牛乳炒蛋，奶味濃，蛋夠滑，平價茶餐算無得輸。小弟將其切一半到公仔麵裡，浸湯後食用，更好味至於厚多士，由一塊無邊方包對摺組成，方包鬆軟，沒有被焗過，中間部分塗上大量牛油，口感十足令人不禁想起這是肥仔餐！吉列豬排而言，炸粉不算多，不太吉列的感覺，且不太油；肉質方面，都算鬆軟，加上沙律醬，恰到好處食一啖公仔麵，再食一啖豬排，是滿足的。唯一欠缺了一把膠刀，這使食客難以食用豬排$42 吃到肚漲漲的茶餐，買少見少。難得有水準，大家下次不妨一試！

以前叫左龍門的時候都OK, 但自從裝修後, 服務變差, 係咁迫D客坐埋一張枱, 等左大半個鐘, 吹過漏單都係漏, 完全無心去跟.試過去幾次都有出現咁的情況, 雖然價錢都OK, 但以後唔會再幫襯.

放工後過左牛頭角搵朋友，吹多兩句水見肚餓，附近搵下野食啦！呢餐金龍冰室新開張，見都好多食評，所以揀左呢間。八點鐘左右到，入面都滿哂人，好在唔使點等位就入得。門口見到晚餐牌都幾多款幾吸引。入到去仲有個大大本餐牌，成本電話簿咁，勁多野食揀，差啲有選擇困難🙈🙈。最後見到佢有鐵板餐，即刻叫吖！因為已經好少有冰室茶記仲有做鐵板了，難得。朋友再叫多個土匪雞翼，話好想食😆。餐湯一紅一白，紅湯係雜菜湯，無油，好有蕃茄味，幾醒胃。朋友話個白湯有好多粟米，幾好😘。見佢有個叫夠薑奶茶，好特別。入口好重薑蜜味，唔使再加糖。原來薑同奶茶都幾配合幾好飲。星級雜扒好豐富，雞扒、牛扒、煙三文魚、帶子仲有條香草腸仔。見到雞扒大大份已經留口水。牛扒都淋身，配黑椒汁幾好。朋友既牛仔骨都好好，個龍蝦汁又幾好味喎，我試在舊都覺得個牛仔骨幾好食。土匪雞翼望落唔係幾多調味，但食落都幾香口入味，仲唔係好肥，入面肉又多汁。🤤下次經過再來試下佢個炒蛋先，睇相都好吸引。

唔少餐廳都開喺牛頭角馬蹄徑一帶，相信係為咗方便一眾上班一族👍🏻但係要點樣揀餐廳呢？如果想喺一餐裡面食到唔同種類嘅嘢，可以試下金龍冰室！佢以淺藍色同白色做主題色，所以喺店外相對易認得出；店內裝潢都好簡潔乾淨，唔會坐得唔自在或者怕小動物🤭今次我試咗黑松露薯條、椒鹽雞翼、黑椒雜扒鐵板、黑松露意粉，每個個份量都好大，一定食到你好飽！黑松露薯條：去到冰室都會想同朋友分享小食，呢客薯條就好啱食喇，黑松露醬配埋冰室粗薯條，上碟時非常香口！椒鹽雞翼：一碟雞翼有6隻，同朋友分就啱啱好，味道方面就啱啲中意重口味嘅人。如果中意淡啲味嘅可以試下另一款雞翼——土匪雞翼。黑椒雜扒鐵板：就算去唔到扒房，金龍冰室都有鐵板餐提供，食材雖則冇扒房高檔，但係肉質都唔差，加上份量十分，喺冰室都食到鐵板唔話得啦！黑松露意粉：另一件有黑松露嘅食物，佢加咗好多菇，增添唔少鮮味！

有時唔想大飲大食，就諗住去冰室坐下吃少少嘢，誰不知來到金龍冰室，都有唔少選擇。龍鳳檸樂，唔係太多地方可以飲到，呢度有，真係正。以上只是部份午餐，晚餐餐牌點咗份至尊海鮮鐵板餐配龍蝦汁，好大件頭，有帶子，蝦，青口，魚等等……

好耐冇黎牛頭角，見到呢間冰室既鐵板餐幾吸引就去試下。我覺得冬天食熱辣辣既鐵板餐真係一大享受！佢個menu有好多選擇啊！除左鐵板餐之外，仲有其他極吸引既餐，好似玉子燒同撈丁咁，就留番下次試啦！我揀左紐西蘭羊架拼香草腸鐵板餐配薯菜加芝士汁。嘩，有三件大大舊既羊排啊，仲有條珍寶腸，超豐富！上菜時啲汁係咋咋聲，超正！我朋友就點左至尊海鮮鐵板餐配意粉加龍蝦汁，呢個餐同樣都係咁大份！所有鐵板餐都係跟餐湯，我地紅湯同白湯都試左，水準唔錯。至於野飲方面，都有幾多選擇，有好多唔同既特飲，我地就揀左龍鳳檸七同北海道牛奶。埋單總共$187，我地真係食到超飽超滿足啊，下次絕對要試下其他勁邪惡既選擇，例如芝士撈丁同玉子燒咁！

觀塘要搵一間平靚正嘅嘢,的確唔易！！！不過呢一間真係令我喜出望外雖然望落上同普通嘅茶餐廳冇分別 ，但係佢嘅價錢幾經濟實惠 。我今次就嗌咗個常餐。 叉燒湯意粉 +炒滑蛋+多士 炒滑蛋仲可以轉蛋白添， 啱曬一啲戒緊蛋黃 ，驚膽固醇高嘅人 多士仲有好多選擇，可以揀奶醬多，油醬，花生醬等等，都可以加五蚊轉脆豬

<新面目>牛頭角道的食肆很多，這間金龍冰室前身是龍門冰室，以前都有幫襯，裝修後變咗清新的藍白二色，但都是叫冰室，有懷舊的感覺，食物唔知有咩唔同呢？餐牌的食物好像差不多，我們叫了雜扒鐵板餐，有牛扒、豬扒、煙三文魚、炸帶子和香草腸。<鐵板餐>鐵板上枱時熱辣辣冒著煙，醬汁很濃很多……<扒>牛扒和豬扒都很軟熟入味，炸帶子和香草ok。如果醬汁可以稀些則更佳。<黑松露芝士雜菌焗西蘭花>叫了黑松露芝士雜菌焗西蘭花，賣相不錯，味道都很好。芝士鋪滿全部西蘭花，焗到金黃色，雜菌菇都有很多。<蜜糖雞翼>還有蜜糖雞翼，我的至愛，雞翼皮脆卜卜，不會燶，剛剛好，如果蜜糖味再多些仲好。<原班人馬>可能廚房師傅都是原班人馬，味道同以前都是差不多。@90/人

路過牛頭角道，見到這間金龍冰室轉咗名，也重新裝修過， 一於試試食物的質素有沒有不同。羅宋湯ok，蔬菜都有好幾種類。我們叫了牛扒炸蝦鐵板餐，有兩塊牛扒，4隻炸蝦，份量夠晒多，炸蝦上面雖然淋了汁，但仍很鬆脆，牛扒不過不失。另外，我們叫了鹹牛肉芝士玉子燒撈丁，配炸帶子。撈丁都是經常食，但做得好嘅沒幾多間。這間的撈丁我認為有90分，非常唔錯。 廚師煮麵的時間掌握得非常好，麵身有少少生骨，保持有明顯的波浪紋，我喜歡這感覺，食到最後一口麵仍保持彈牙。Good…其次是鹹牛肉蛋捲， 咸牛肉和蛋的比例非常匹配，火喉控制得非常好，中間嘅鹹牛肉夠熱，蛋的外皮夠滑，要做到這點，廚師必定花了不少心機。炸帶子都炸得剛剛好，這個餐整體很滿意。飲品叫了咸檸七，可惜咸檸得半粒，覺得味道不夠，如果有一整粒就更好了。

今日去觀塘做GYM， 咁係牛頭角附近搵下野食啦，成條街都係餐廳，我自己好鐵意食常餐，咁就搵咗間有常餐既餐廳，見裝修幾靚，就入咗去金龍冰室啦一入到去見到藍藍的外牆裝修，感覺好舒服，好有渡假既感覺，咁坐低之後我就叫咗個蜜汁叉 燒通粉，配3.6北海道牛 乳蛋配厚多士、個 蜜汁叉 燒通粉我加多3蚊變做茄湯。勁開心  ，個蜜汁叉 燒通粉一黎到見到湯底好濃，有好多茄肉，真係見到用真材實料去做個湯底，食洛去味道好濃郁，好清新．個蜜汁叉燒十分足料、份量十足，好似食極都食吾完咁，而且叉燒又不會太肥。最期待既配3.6北海道牛乳蛋配厚多士終於來了，蛋配多士係一份常餐既靈魂，無佢就吾叫常餐，所以我最期待既就係佢。果綮然無令我失望，塊多士超級無敵咁厚，我大多數食既餐廳都係簿簿既一塊包，今次係第一次食到咁厚既多士，真係覺得好滿足。另外提一提，佢個厚多士可以改果占呀，奶油呀，油占等等，好多選擇。至於個蛋，好滑，好有牛乳香味，最重要既係佢有厚道，佢入面無材料無餸都可以有咁厚就知道師父用咗幾多材料同幾多心機去做一份常餐。最後禁檸茶，叫少甜真係做到少甜、吾會甜到飲吾到，另外佢用既杯令到我好有冰涷既感覺，做完GYM 再飲番

跟朋友途經牛頭角道，看見這間應該是新裝修的冰室，全店採用藍色為主調，顏色很吸引之餘更令人覺得很舒服，店內大約有四十餘個座位，雖則已經三時多，但店內人流卻像午市一樣多人。跟朋友鑽研個餐牌一次又一次，因為食物款式實左多不勝數，每款又可以有不同配搭，單是一個廚師推介餐已有十五款，可拼飯或意粉或撈丁，真係諗到頭都痛埋。瑞士汁雞翼撈丁 $43雞翼有四大隻，瑞士汁唔會過甜，而且雞翼唔會浸得太淋，麵底都算大份蔥油雞扒撈丁 $43雞扒煎到金黃色，賣相不錯，雞扒嫩滑，蔥油更是惹味餐廳仲可以將飲品免費升級至Latte、Cappuccino 或其他...可惜食完先見到，否則一定會點來試。

前身係龍門冰室，裝修後，由黑白二色換上清新嘅藍白二色，並改名為金龍冰室 😄 雖然舖名已改，但係餐牌及店內侍應都冇重大轉變。今日試咗個豉油豬扒炒烏冬 🐷 烏冬炒得不錯，顏色均勻，賣相亦不俗，可是豬扒吃到有點鬆肉粉的味道！ 不過一分錢一分貨，下午茶餐$34連一杯奶茶☕，也是個不錯的選擇 💜 ☕ 講到奶茶呢，依度嘅奶茶沖得唔錯！年紀大唔好飲咁甜，加上用煉奶取代白糖，感覺好似再健康少少 😆 所以我會叫"茶走少甜"茶 = 奶茶 ☕走 = 走糖加煉奶🍯少 = 少啲甜 = 煉奶🍼🌼為下午茶畫完美嘅上句號。P. s. 如果可以走塑就更加好，堂食唔應該俾即棄攪捧！！