金龍冰室 (Closed)

Nothing can beat a Chinese breakfast. We’ve been out of town for a while, so here we are back to Hong Kong & craving for noodles and omelette. we ordered the all day set which came with egg omelette, toast and beef satay noodles. The taste of hk! so delicious and up to the standard. I came to this restaurant before (the one located in Taiwai) their quality is always good and live up to their price. we also ordered the tea set which came with fries and pan grilled chicken- chicken was juicy and p

奶油豬來到第一時間點了我最喜愛的奶油脆豬，煉奶同牛油在豬豬上流動，互相交融，一咬脆卜卜又食到麵包入面的鬆軟，完全體現了「新鮮滾熱辣」的精髓！鮮茄濃湯通粉配北海道牛乳炒旦&餐肉；勢估唔到煎餐肉竟然直接放左通粉入面，急不及待叫姐姐幫手拎隻碟泥分開返佢地（係對食餐肉嘅堅持呀！）炒旦係幾滑，濃濃的奶香味；蕃茄濃湯味濃酸酸甜甜的，通粉唔會太淋剛剛好！茶走另一樣去茶餐廳必飲的茶走，奶茶同煉奶分量恰到好處！另外，啲店員姐姐態度極好極親切，見好多常客與她們的互動，就是這種人情味了，令人對整間冰室加分不少！

落大雨嘅週末，走入金龍冰室食下午茶。以為冰室嘅選擇唔夠茶餐廳多，原來呢度都好多嘢食揀，即炒粉麵，多士常餐，撈公仔麵等等，乜都有得食。黑椒牛肉炒意粉（$32）加雞翼（$12）意粉即叫即炒，好夠鑊氣。下午茶份量比較小巧，適合唔係太肚餓嘅我。黑椒牛肉夠惹味，加埋雞翼就更豐富。自選麵餐：五香肉丁雞扒撈丁（配甜豉油汁）（$44）好多種配搭，揀咗雞扒配五香肉丁，雞扒煎得香脆，五香肉丁味濃可口，撈丁夠乾身，好食！凍華田（+$2）凍鹹檸七（+$4）

今日早左小小收工諗住去睇場戲, 所以晚餐要快狠準, 行行下見到呢間茶餐廳好企理, 又未試過, 所以就入左去, 佢裝修幾清新, 白色加淺藍色, 感覺好舒服!我叫左個 精選晚餐 B1 蜜糖雞翼配焗卡邦尼豬扒意粉 $65有餐湯同多士跟, 餐飲見D到宣傳牌有新野, 夠薑奶茶! (加$2)朋友係食肉獸, 二話不說就揀左個星級雜扒餐!!(西冷扒, 雞扒, 英式腸, 煙三文魚, 炸帶子) $95餐有餐湯, 揀左黑椒汁同跟薯條 (睇到都覺得份量不淺)野食好快送到~~餐湯+我個夠薑奶茶!!奶茶望落去同普通奶茶冇分別, 但飲落就有陣薑味, 好特別, 飲到底仲有小小薑渣, YUMMY!! 可惜係一定熱飲, 冇凍飲!!跟餐多士蜜糖雞翼看似普普通通既蜜糖雞翼, 但食落真係幾好味, 以為佢會好怪咁係個意粉上面, 但原來係分開另上既, 好味!!焗卡邦尼豬扒意粉SIZE正常, 但豬扒份量一D都唔正常!!係多!!我諗有成2扒大豬扒切成!!味道不錯!!呢個價錢係物超所值!WOW!!! 星級雜扒餐!!呢碟野咁浮誇都唔使一舊水, 真係一定要點, 真係2個女仔都食唔晒!! 薯條份量勁多, 又唔會’’林’’左, 牛扒同雞扒都好厚

復活節連假係樓下食左間值得推介既冰室。呢間冰室好正，食撈丁唔洗加錢，仲有好多選擇，芝士，甜豉油，燒汁，黑椒汁等等。蔥油雞肶太陽蛋撈丁　甜豉油汁首先雞肶係滷水雞肶，好淋好入味。蔥油亦都比好多，可以用黎撈好多野食。甜豉油就麻麻地，食唔出甜味，不過用蔥油撈丁都好正。太陽蛋煎得好靚仲有兩隻。9/10炸雞肶沙爹牛肉撈丁　芝士汁芝士汁好濃，但差少少先夠撈晒成個麵。炸雞肶係炸子雞個隻炸法，皮香脆肉嫩。雞皮夠味但肉不夠入味。沙爹牛肉唔係平時食開既味道，反而有Ｄ似係＂老干媽＂味道。都幾好味同埋鮮牛肉好淋好重牛味。8/10菠蘿油熱辣辣，個皮好脆，仲有陣陣甜味。牛油都好大舊！ 9/10

一家行經觀塘肚餓，見到就貢左入嚟～ 呢度唔算係傳統冰室，睇睇餐牌，有勁多港式茶餐晚飯揀，完全附合港式文化精神，中西日意美餐樣樣齊😂不過揀來揀去，最想食鐵板扒～ 點知原來全家都愛食 😂 於是叫左三份唔同嘅鐵板餐～ 餐仲有野飲添～飲湯有紅白二擇其一～奶茶有港式味，幾好飲～板餐逐一上，全部都吱吱咋咋，熱辣辣，聽到都興奮😆😂先有牛扒配紐倫堡香草腸，配珍珠飯。扒有成大塊塊，加燒汁更香。第二份係豬扒配紐倫堡香草腸，跟意粉。餐牌原本寫明只係珍珠飯，但問阿姐可唔可以轉，真係可以～ 果然港式精神，靈活變通無甩拖，抵讚👍🏻第三份係魚柳配孜然雞翼，跟珍珠飯。雞翼竟然有四大隻，魚柳又大塊。份量夠晒大，食飽大滿足，超抵食啦 😁👍🏻

紅色暴雨下入來金龍避下雨，順道食個下午茶。這間冰室用了湖水藍做主色，感覺好舒服。本餐牌好厚，選擇好多。但再多的選擇，我都是鐘情公司三文治，因為份量夠大，餡料豐富，有煎蛋、火腿、生菜、芝士、午餐肉和番茄等配上沙律醬而成，麵包仲要烘底，這裡的三文治完全達到我的要求，賣相仲相當精美，下午茶只需$38，仲有餐飲。另外點了一個瑞士雞翼湯公仔麵茶餐，加$3 仲可以轉蕃茄湯底，瑞士雞翼入味淋身配上3.6北海道牛乳炒蛋及厚多士，唔要炒蛋或厚多士都仲可以有好多選擇，最後我要了炒蛋白。餐飲加$2 還可以試到新品-薑味奶茶，好夠薑，幾特別。

冰室食嘅嘢 , 都係大同小異, 但係呢一間, 有一啲比較特別嘅嘢食, 同埋佢煮西式嘢都十分唔錯。白汁帶子雜菌意大利粉 ,完全係十分之驚喜 ,因為用料食材絕不馬虎, 味道亦十分之濃厚 ,意粉彈牙, 絕對比其他西餐廳嘅表現更加出色。焗咖哩豬扒飯, 朋友仔十分之欣賞呢一 個焗飯, 因為佢話, 焗咖哩汁唔係度度有, 而呢一個汁仲要好野味。黑松露焗雜菌西蘭花,呢個又係出色之作,完全係出色嘅西餐廳嘅水準 ,估唔到一間冰室可以做出咁出色嘅食物。沙嗲牛通粉, 啲牛肉絕對係新鮮食落去唔會散開, 呢個沙嗲汁亦都係有用心製作唔係就咁芡汁奶油脆脆豬 脆脆豬食辣脆卜卜好香口呢個好特別紅豆西多士唔記得咗影入面嘅相,切開係一粒粒嘅紅豆紅豆質感十分之好。瑞士雞翼公仔麵啲麵係即叫即煮唔係浸林去嘅,呢啲雞翼亦都好入味仲好嫩口薑味奶茶 ,飲落口有陣陣嘅薑味㗎,原來放咗兩片薑喺度,而薑味同個奶茶味估唔到係夾嘅,亦都冇搶曬奶茶嘅香味值得一試。

好大驚喜, 無諗過一間茶餐廳,應該叫冰室先岩, 啲西式野會咁出色, 仲要有啲特別口味既野食, 令我對冰室改觀呀! 今日同屋企人去食呢間冰室, 我地無叫set lunch or tea, 而係叫餐牌上既食物。沙嗲牛通, 沙嗲味好香, 牛係新鮮, 唔會梅晒咁,而通粉又唔會一pat pat 奶油脆豬好出色, 脆卜卜,好香口瑞士雞翼公仔麵, 個公仔麵係即煮唔係浸熟佢嘅, 所以好彈牙好好味, 雞翼望落好似好淺色咁但係好入味!仲好嫩滑焗黑松露雜菌西蘭花, 正呀! 冰室有呢啲仲要係好味,好驚喜呀!呢個特別, 可惜無影入面, 係紅豆西多士, 好好味,好夾焗咖哩雞扒飯, 呢個真係不得了, 因為焗飯唔係度度都有得揀㗎哩汁, 而呢個咖哩汁仲要好出色唔係一堆芡汁! 少少辣辣地 真係好惹味!白汁帶子意粉 ,呢個又係好出色完全估唔到一間冰室可以做到咁嘅水準, 同埋用料絕對係有誠意, 食完呢個意粉 ,已經肯定呢一間舖頭會再幫襯!頭先提到有特別嘢呢杯奶茶係其中一樣, 居然係薑味奶茶,入面放咗啲薑飲落去有淡淡嘅薑味但係又唔會搶曬奶茶嘅香味, 好值得一試如果鍾意薑味嘅話.椰汁紅豆冰啲紅豆起曬沙好淋 , 不過可惜就係我

😻明天係復活節假期🐰今晚放工後當然要同老公拍拖行街食飯啦✌🏻😏✌🏻今晚去咗觀塘行街💖經過有間金龍冰室😻見好多人食😎所以同老公入去試吓😋揭開餐牌好多嘢都想食🤤但今晚最想食係鋸扒😆揀咗好耐最後揀咗咩都有嘅星級雜扒餐🤩有西冷牛扒🥩雞扒🍖炸帶子🐚英式腸🐷煙三文魚🍣西蘭花🥦還有意粉🍝雜扒一嚟到真係好開心🥰因為擺盤真係擺得好靚😻煙三文魚整到成朵玫瑰花咁🌹未食已經加50分🤣🥩西冷牛扒和雞扒煎到金黃香口😋炸帶子就外脆內軟👍🏻好多餐廳雜扒餐的腸仔都係用廚師腸😕但呢間餐係用英式腸😝英式腸唔太咸幾好食👍🏻另外要讚嘅係意粉🍝意粉好彈牙有口感😋揭開雞扒層皮勁Juice💦雞扒勁大塊勁厚🐔堅好食😋老公叫咗黑椒香蒜牛扒拼炸蝦🍤牛扒有兩大塊🍤🍤仲有4隻炸蝦🍤🍤西蘭花🥦薯條🍟牛扒有口感🥩唔韌又唔會過林👍🏻炸蝦🍤都幾大隻🍤好香口好脆😋🍟薯條🍟勁多🍟仲要係即炸嘅粗薯條🍟所以超好食🍟另外我哋叫咗黑松露芝士焗雜菌西蘭花🥦每棵西蘭花🥦都被充滿黑松露的芝士包圍住🧀西蘭花好新鮮👍🏻每一啖都有黑松露味🍄芝士味🧀和西蘭花味🥦食落好有層次😋醬汁方面都好特別🤩有龍蝦汁🦞和芝士汁揀🧀餐廳好細心醬汁幫我另上😘餐湯我哋揀咗蘿宋湯和忌廉湯🍲蘿宋湯超多

今日約咗朋友食飯，喺牛頭角站落車，見到成排餐廳，金龍冰室大排長龍，就知道一定要試！不過都係等左10分鐘左右，就有得搭枱入去食。試咗佢個招牌 咖喱吉列豬扒撈丁，咖喱汁非常濃郁，吉列豬扒一啲都唔薄身，仲炸得好香口🥰 $47 價錢，凍飲都係加兩蚊咋 仲要大大碟。如果唔夠咖喱汁，店員更加會比一碗你撈到夠！絕對值得一試，仲有佢個香滑奶茶都不錯！朋友試咗個炸雞翼芝士汁撈丁，試過芝士味都好濃郁，雞翼都有成五隻，下次都一定要試！

茶餐廳的下午茶不外乎都係嗰幾種， 呢間餐廳嘅選擇配搭款式好多， 至少比一般茶餐廳多選擇。今次揀咗焗卡邦尼意粉配香脆魚柳， 通常雙拼嘅， 每邊都係有少少， 本人就係鍾意每樣都是少少意粉煮到漲哂同好林， 靠個焗嘅白汁 ，補救返少少味道啦香脆魚柳，肉質好滑，而且新鮮炸起。飲品就揀咗 薑味奶茶估唔到味道又真係好濃郁， 幾有驚喜啵～如果冬天飲應該好正不過出餐就慢咗少少啦， 真係要等15分鐘先有得食， 但餐廳入面唔算好多客人， 大概坐咗六至七成人客。三十幾蚊都算幾抵食呀

星期五早上午要到觀塘工作，想到龍門冰室吃早餐，去到餐廳發現原來已經改名為金龍餐廳。接近09:00餐廳客人甚多，大概都概著吃過早餐趕上班吧！📍沙嗲鮮牛肉出前一丁麵早晨套餐 $35套裝轉出前一丁加$3 ，餐廳的沙嗲牛肉是鮮滑牛，牛肉嫩滑，沙嗲汁香不會過鹹，是誠意之作。📍熱奶茶 (跟餐）茶奶比例得宜，但尚欠奶茶既有的茶澀味。📍花生醬多士炒蛋（跟餐）3.6北海道牛乳炒蛋富有濃濃的奶香， 炒蛋成卷狀型，有點像日式玉子蛋卷，有趣。厚多士烘至金黃外面香脆，內裡鬆軟。金龍冰室的早餐價格實惠，品質不錯，誠意推薦。

前幾日晏晝差不多12點嚟到位於觀塘牛頭角道嘅金龍式冰室食晏。好在嗰陣餐廳仍未算太多人所以唔使等位。是日午餐有九款選擇，普遍 $40 幾 $50 幾蚊。揀咗個蔥油雞髀太陽蛋飯配黑椒汁飲凍咖啡，一共$45。賣相都幾靚仔，兩隻太陽蛋煎得十分吸引，雞髀亦都好有光澤，雞脾size正常，旁邊仲跟有少少沙律菜。個醬汁同雞髀味道都OK, 只係個飯比較腍身左少少。凍咖啡味道正常。整體感覺，味道OK，新裝修感覺好乾淨。一般價位，遲D可以再嚟試下其他嘢。

第一次食呢間餐廳，打算入去叫個下午茶☕️.見到有個#黑松露帶子蛋白炒飯.聽個名覺得幾好食，就入去叫咗.雖說係下午茶，但要成60蚊.不過轉飲檸蜜就加2蚊而己，比出面餐廳平好多.🐟💬：個飯一嚟到嚇一跳，我以為嚟錯沙律🥗 .勁多沙律🥗菜舖面⋯⋯係咪咩西式食法？.然後我一食，嘩，好黏口，好濕的炒飯⋯⋯.炒飯的飯粒並不是粒粒分明，係癡住哂一舊舊.調味還好，有黑松露的香味.帶子都煎得不錯，不過略帶雪味.檸🍋蜜好飲.不過真心大失所望⋯⋯.阿魚will be back!!!因為想試呢間餐廳的玉子燒，希望到時唔會失望而回！.會再向大家報告🙋🏻‍♀️ 📝.🐟📝：4/10