鉄腕日本拉麵店 (Closed)

叫因為lunch set 叫左2個麫2個小食麪豉湯底肥牛拉麵先講拉麵拉麵幾好食因為麵唔會太淋有口感好食過味千.但爸爸個豬骨湯底好味好多飲落有鮮味...2個小食都一般水準跟餐幾抵, $60有麪有小食有野飲加$10仲有雪糕不過建議唔好叫綠荼雪糕個奶味仲重過綠荼味=.="

本來想去酒泉食,但因為係禮拜六,勁多人!!所以就周圍睇吓有邊間好...見未試過這間,又唔洗等位,而且又唔係太少人係入面食,就走"o左"入去試吓...一試之下發覺都幾好,而且D服務態度勁好呀^^我同個FD兩個人,叫"o左"三樣野...南瓜薯蓉沙律:這個一般,食唔到南瓜味,只係一個普通'o既"薯蓉沙律...讚岐冷烏冬:好正,煙煙un un咁...大阪燒餅:好好味...店主勁力推介俾我地!!佢好似章魚丸咁,不過大大個,多d菜...上面d汁好好味,佢整到脆脆地...就好似多"o左"一層焗芝士咁...不過可惜佢"o個"度無壽司,如果唔係,可能會多d人...

因為之前食過午餐拉麵覺得幾好, 於是前日晚又去食過, 點知好失望. 兩個人食左以下食物:1. 燒雞中翼2. 日式金菇肥牛烏冬3. 蕃薯天婦羅4. 大版燒餅(單拼:义燒)雞中翼一食已知唔對路, 乜陣味咁似曾相識? 原來係卤水雞翼, 上枱前落油鑊翻炸過, 又咸又油膩, 乜唔係叫"燒"雞中翼咩?到烏冬上枱, 味道不過不失, 但就一定唔係日式羅. 因為湯底隻味竟然係史雲生清雞湯(我估九成係, 因我係屋企成日飲)唔通間餐廳又整一模一樣既湯底? 其他料就有肥牛+金菇+烏冬+冬菇+日式魚旦+娃娃菜......蕃薯天婦羅同大版燒餅係比較好的. 蕃薯有四大塊, 甜甜地幾好味. 燒餅多生菜絲幾健康, 最好味係上面個汁, 隻汁同街邊食既燒章魚丸係一樣架.一句講哂, 我覺得呢間D食物唔正宗羅. 尤其是個卤水雞翼同雞湯烏冬, 似中菜多D. 唯一讚既係地方夠靜, 同食物上枱夠快夠熱. 可能因為全場得我地一枱客卦.

10/2繼續有龍的生日局。雖然其中一位主角放了飛機，我們還是決定照食也可，只是地點換了OR大獲好評的鐵腕日本拉麵店。　可能真的是股票市場輸得太慘啦，夜晚在街食飯的人不多，餐廳十分清靜。沒有刺身、壽司供應，但小食類卻正中我所好，而且價格相宜，三個人分享了不少食物：　雞軟骨餃子(-餡料有咬感不錯，不過餃子皮有點厚也炸得過深，感覺較油膩　雞翼串燒($60餐小食)-雞翼燒得嫩滑，然而甜味稍重而咸味不夠　鹽燒牛舌($28)-與專業串燒店相比，這串牛舌質地略韌，味道亦有點過咸，不過水準比坊間元朗的料理店已經是高好多班了，而且$28有兩串沒得挑剔了~大板燒餅($40)-我幾鍾意食燒餅的，而且又有很多人讚，更加不可錯過，在老闆推介下點了鮮蝦+魷魚餡。頭一啖食落感覺很普通，不過嗒真後覺得椰菜比例多幾清爽，吃多了也不會飽滯，越食越想食呢! 豬骨湯底肥牛拉麵($60餐主食)-湯底、食材與麵的味道/口感均不錯，不過可能我們掛住影相攤凍了，未至於有驚艷感。日式咖哩吉列豬扒飯($60餐主食)-咖哩不是甜底，不過味道不夠香，質感亦不夠濃；豬扒較為單薄，肉感不足，整體是全晚最不吸引的一道菜。　食完以上食物明明很飽了，

星期六晚, 一輪精采的節目後, 以鐵腕拉麵作結.薯蓉餃子薯蓉是開粉的, 但不要緊, 因為餃子皮造得超水準薄薄脆脆的還有梳打餅香味鐵腕烏冬讚歧手打烏冬, 珍珠奶白色的, 口感煙韌值得加$10平日視餸如命的我, 今次竟然當塊义燒無到一直很專心吃烏冬湯底, 我的豬骨湯比同行人士的味噌湯濃郁好喝碗, 令我想起拉麵時計台. 回憶更是一流 店員位位笑容可掬, 招待親切開業已有一年, 難得保持熱誠須知教育路的食店, 沒多少站得穩, 虎頭蛇尾的不計其數Oh whatever makes me happy on a Saturday night

之前見呢間舖新開已經心思思想食, 不過礙於佢地點唔係太就腳既關係, 所以遲遲未去...早幾日約左同朋友食飯, 大家都係元朗人就當然去返元朗食啦... 終於第一次去鉄腕食... 本身其實抱住一般既心態去食, 點知水準竟然有D出乎意料地好味...我同朋友分別叫左兩個套餐:吉列豬扒拉麵(豬骨湯底) + 炸雞軟骨 (2串) = $48 (好似)叉燒拉麵 + 鹽燒雞翼 (4隻) = $48 (好似)另外單叫一客 鯖魚 = $30先講拉麵, 我個人覺得呢間既拉麵真係幾好食, 麵唔會太林太粗, 仲幾有口感, 肯定好食過味千... 我地都隱陣起見叫豬骨湯底, 味道唔錯, 飲落唔覺太多味精... 吉列豬扒炸得唔太過火, 仲保留到好多汁, 值得一讚!!再講小食, 我去每間日本食店都必食既炸雞軟骨, 味道畸淡, 不過勝在夠大粒同幾脆口... 不過朋友既雞翼味道就真係麻麻喇, 淡淡的, 唯一可取既係佢跟餐有4隻咁多囉...最好味既估唔到竟然係散叫既鯖魚... 夠大條之餘仲好好味, 唔會太乾身, 多汁, 而且魚質好新鮮, 落埋檸檬汁簡直超正!! 好多食店都整到鯖魚好乾, 呢間係我目前食過既最好食的~~下次一定會

今日放假又唔知食乜，打開openrice睇下元朗區有乜好食，介紹下發現鉄腕感覺好像不錯！於是叫老公去買來食！我地叫左兩個烏冬1) 天婦羅烏冬（烏冬要另加10元）2) 海鮮地獄烏冬（烏冬要另加10元）感覺要加錢好唔抵！但烏冬都幾好味！　但想同大家講，天婦羅千祈唔好叫外賣，因為我住得好近，但係拎到返屋企ｄ炸粉已經林晒唔好食喇！所以極度美中不足！海鮮地獄烏冬都幾足料（有鮮帶子／鮮蝦／飽片／日本魚蛋／蟹柳／筍／粟米等）老公話幾好味！

見有大板燒餅，特來一試，叫了叉燒、芝士味，雖然不像我在大板吃的那麼厚身，但味道不錯，另試了鐵腕烏冬，烏冬頗為彈牙，豬骨湯底有驚喜，跟在日本吃到的差不多，聽店員說老闆是大板人，味道都是她來調教，所以有日本人之堅持。

看到這裏的食評很多笑臉，抱住試試的心情光顧，點了兩樣食物：大板燒餅(芝士+蝦)：只算ok吧，不至於「好好吃」冷麵$40-$45，點了素冷麵，麵質頗特別，不錯，但偏貴入座後才發見店內張貼兩張告示「晚市6:00後加一」，但門口及memu均沒有註明，有點被騙感覺，雖然服務幾好，但內裏的裝修及座位不值加一吧。以元朗區來說，覺得這裏的食物不是太特別而且偏貴。

頭先唸住同男朋友出去食野！之後上左黎OPENRICE睇下有咩好介紹，見到LEE間鐵碗日本拉麵店有好多人都評幾好唔錯。咁就一於決定去食LEE間野！入到去，叫左個2人餐，食左個：1.海鮮拉面感覺：個豬骨湯唔錯，而個拉面都好彈牙。2.日式咖哩吉列魚柳飯感覺：個咖哩辣左少少，而個魚柳就當然係無咩特別啦！望落去總幾似吉列豬扒TIM，哈哈~~3.鹽燒雞腎感覺：份量好少，2串夾埋都唔知有無用左一隻雞腎。而且個鹽粒好大粒，個雞腎本來就已經無味，後來個鹽粒燒起先加上去，所以，食落去就係咸左先，然之後就淡。4.日式海鮮薯餅LEE個就真係睇左D食評好多人都話好食，所以一心去食LEE個。感覺：好失望，又唔似海鮮薯餅，又唔似普通薯餅，感覺好怪，薯餅入面雖然有D一點點GE唔同顏色，但都唔覺有海鮮粒，食左成個薯餅都食唔出一粒海鮮先失望呀嘛。個薯餅直頭就係泥蓉，只係外面個層吉列左，無咩特別。5.檸檬茶感覺：咁普通GE野都整唔到好水準，真係有D 「O嘴」，我自問飲過唔少餐廳GE檸檬茶。都未試過咁。D茶又唔夠味，甜味又唔夠，檸檬GE厚度嫌佢薄得制，想整酸D都唔得。我岩岩果頭同我男朋友講LEE件事，隔離檯已經有人舉手話杯檸

在openrice看了這間的食評，一直很想試，今日終於有機會試了佢門口有個很大的小飛俠，不知店主是否很喜愛他呢，店內也擺放了很多公仔我地叫了個二人套餐，只需100元有一個帶子拉麫，有一個 鉄腕拉麪，還有一個薯餅，包兩杯野飲真係好抵拉麫的湯底好清，好好味薯餅好脆，而且裡面有些海鮮，很好吃我們還叫了一個燒餅我地選了叉燒同芝士，裡面還有椰菜同粟米煎得香香的真的不錯而且服務不錯，有機會一定再去

見咁多人話好食. 尋日特登試下我就覺得麻麻.普通小丸子ge feel.叫雙拼蝦同蟹柳.完全勁小料-___________-..麻麻地

星期六．搵食好日子o係 openrice 見到元朗有間「鉄腕日本拉麵店」好多好評,於是就同 bobby 先生去試試!軟綿綿的座椅, 坐得好舒服先o黎一個海鮮薯餅 ($20),嘩, 炸得好脆, 但入面的薯蓉加海鮮粒粒好軟滑, 好味呀!叉燒拉麵都係網友推介, 嘩, 不得了!!! ($42)拉麵好夠彈牙, 唔似一般拉麵店的煮到林晒!粟米粒竟然係新鮮粟米, 一食落仲好鮮甜仲有咬口, 絕對唔係雪藏o野!叉燒嘛, 有大大的三片, 比想像中多喇!!!而且唔算薄, 味道整得真係幾日本 feel 呀!湯底夠晒豬骨味, 不過略咸整體呢碗拉麵真係幾得呀, 好過同區好多日本食店, 好過味千拉麵壓軸還有「大阪燒餅」, ($35)最 impressive 的係佢真係燒到兩面都好脆! 唔係整熟o左就趕收工!入面唔會好似有 d 日本燒餅咁啖啖粉漿,佢真係充滿菜絲、粟米、蟹柳,啖啖材料, 真材實料啊! Good good good!不過真係幾大件, 好夾硬先食得晒!唔跟主流賣魚生壽司, 淨賣拉麵烏冬小食, 但只要專心做得好,我相信呢間小店一定會愈來愈好生意!

星期日一個人三點幾第一次黎，因為想試下個咁出名的大阪燒餅。入到去環境都可以，不過無想象中咁有小飛俠的 theme。叉燒拉麵下午茶($30)：比較迷你；叉燒幾好，不過只得一片…不過最好都係個豬骨湯底！大阪燒餅，蝦味($28)：個燒餅好新鮮，都好多料，不過d蝦仔真係好一般；下次再試叉燒味。凍華田餐飲(+$2)：呵！你話呢？！因為波子汽水正價先飲佢…服務ok，不過唔係太識主動加水…

今日入開元朗想食吓日本野，同男友試咗呢間鉄碗拉面，平時同男友係元朗食日本野都會揀平野食，今次試呢間雖然價錢唔算平，但我地都覺得好有水準，超值！！我們點了海鮮手打烏冬，烏冬好爽同彈牙，湯底亦不俗。大板薄餅好大個，Ｄ醬汁一流，連平時唔食菜既我都覺得好正，呢個薄餅真係要特別推介呀！yummy ^_^泠面d餸好多,有粟米,火腿,蟹柳,青瓜,蛋絲...顏色好搶眼,望到已經即刻好想食...好清涼開胃,一碟份量都幾多...仲試左個炸雞,好脆好入味,一d都唔油膩,不過$25得4舊,呢個就唔係好夠食!!我同男朋友都好滿意今餐飯,不過見到呢度既人飲咖啡O茶有D怪,食日本野竟然賣呢D野飲,我地就飲波子汽水...