錦記鹵鵝店

Open Now

Now Closed

這是一間做左好耐的小店，能在疫情😷底下捱過了都是有實力的店，他們都很親切，我至少已光顧2年以上，他們的食物質素方面一直保持水準好好味😋，價錢方面亦很親民，我多數會點鹵水鵝、豬耳、鵝肝、豬利、豬大腸、豬耳、掌翼。。。***推薦一定要食鵝肝及鵝***

最近經過這裡，門外有小工程進行中，擔心小店是否要結業，因為朋友對滷水食物一向嘴刁，但就十分喜歡這裏的鵝翼。後來再經過，見到原來只是換新招牌，真好。馬上幫襯，除了鵝翼，今次還買了滷水蛋和豆腐。店員很貼心地把所有食材切件才打包，方便進食，還主動放上小袋白醋和滷水汁。期間見不少街坊到來買什錦飯，$40包三餸，自行配搭不同食材。雖只不過是外賣，店員都很禮貌地招呼。吃了這店數次，食品質素很穩定，鵝肉保持嫩滑、香而不太鹹。今次吃罷三款小食，再配一點啤酒，正😄！

睇Youtuber 介紹，黎到呢間小店試一試，只做外賣不設堂食🙂老闆同老闆娘好親切友善又健談，仲好細心，知我唔係即刻食就將鹵水汁分開上，仲提醒天氣熱要放雪櫃，食之前一小時拎出黎解凍😊係好有人情味既小店🥰下次一定再幫襯😻==========🔹鹵水鵝 $124/斤要左下庄，鵝偏細隻，所以1/4隻都唔足一斤鵝肉好嫩，肉質屬有嚼勁既一種唔會霉，鹵水味夠但唔會過鹹😋😋推介指數：9/10==========🔹鹵水豆腐 $5/件豆腐唔係好大件果一種，鹵水味同樣夠有微微豆香，唔算好滑，係偏實既質感5蚊好抵食👍🏻推介指數：7/10==========🔹鹵水鵝腎 $12/個可能鵝身偏細，所以鵝腎都偏細😆切得比較細件，如果大件d 口感會更理想整體味道同食材都唔錯，只係個人喜歡厚身同大件d😂呢個價錢都係好抵食😌😌推介指數：7/10

經常去長沙灣，就多左機會出係長沙灣搵食。今次就去左一間鹵鵝店，鋪頭細細，專做外賣生意，但都有3、4個位比客人堂食。我地選擇左堂食，座位逼狹，如果咁岩多客人黎買外賣會有少少坐得唔舒服，不過冷氣夠大，加分呀！鵝片飯($42) 鵝片啖啖肉，冇骨架，有D位置會「鞋口」，但可接受。鹵水味唔重太香濃，但就醃到岩岩味，夠味道。還有酸菜同豆腐作伴，價位好合適呢～3餸飯($30) 3餸飯要左豬耳、豬頸肉、雞蛋。與其叫呢個做3餸飯，倒不如叫做4餸飯，因為底下仲兩大片既鹵豆腐，感覺賺了 因為鹵豆腐亦是3餸飯餐牌上其中一個可以叫的餸。 豬耳就好爽口同入味，豬頸肉就略嫌肥左D！整體好抵食，怪唔得我地一路食，一路都幾多人黎買外賣。餐牌: 仲有冇其他長沙灣既食店好好味？歡迎推介比我

我係睇完評價先至嚟，果然冇黎錯。黃昏時間有幾個人排隊買鹵味。我就買左個鵝片飯。有幾片鵝片，份量唔多，但淡淡肉。仲有豆腐同炸菜絲。加埋鹵水汁，40蚊都值得。但繁忙時間，買外賣較好

今日心情好所以唸住買野食番屋企加料, 經過聞到好香既鹵水味, 發覺在長沙灣做野甘耐都未試過呢間外賣鹵水店, 所以就膽粗粗買番家加料番到屋企, 鹵味仍好有香味, 大腸, 腎, 蛋都好入味, 而鹵水鵝更佳, 以我所知鹵水係一年一年甘儲番黎, 時間越久, 鹵水既味道越醇, 真係吾知呢間食店既鹵水究竟積累左幾多年歷史呢.??

未試過一間鹵水店賣的食品夠多樣化, 價錢經濟而且味道及質數唔差, 數數有乜食: 鹵鵝鹵鴨唔在講, 鹵雞、鹵豬脾、鹵豬手仔、鹵鵝什、鹵鵝翼、鹵雞腳、鹵豬耳、鹵蛋、鹵豆腐、肉卷等等...... 即係諗到嘅都應該有店內有一靠牆長檯作堂食位, 雖然周圍啡啡黄黄暗燈光但其實環境算乾淨。 一坐下, 侍應生姨姨立刻為我們奉上杯熱茶, 杯茶味道舒喉, 茶味柔順, 我見侍應生姨姨們都是飲那壺茶, 所以似乎不是用來洗筷子的。我們叫了一份鹵鵝什(鵝肝、腸、腎)$25, 再加多份鹵鵝腸$25, 肉卷$15...鵝肝不是我所希望的那款入口即化, 是珍肝那種硬及乾的口感, 鵝腸不是發水火煱料, 還吃到點點脂膏兼入口爽脆, 鵝腎沒有煮得過久致腍散, 是爽口腎肉但根位軟滑, 肉卷裏面是豬肉但外面是腐皮包住炸, 炸完再浸鹵水, 切片後的腐皮包豬肉加肥膏粒, 肉質爽口(尤其是肥膏粒咬落嗦嗦聲), 腐皮的豆味濃；淋上面的鹵水豉油, 不過鹹不割喉, 舒服進餐時, 不斷有客人來買外賣, 樣樣買些都買了過百元 看來捧場客不少呢

呢間店主力都係做外賣.店內只有2個座位.桌子只是一塊長木板.椅是膠的..我在門口考慮左幾分鍾.都決定入內..一碟鵝片飯.加可樂35元都合理.途中都有不少人客買外賣...可樂:冰凍的..好爽啊!!鵝片飯:最正的反而係底部的鹹酸菜...唔鹹中帶少少辣味...好惹味....鵝片雖則肉質只是滑完全唔鮮甜...值得讚只係個汁味道適中...香口.....只是30元一碟都合理.......

早幾天有假期,往長沙灣尋美食時,無意中經過順寧道嗅到一股鹵水味,好香! 離該店紙三十米外都可以嗅到,犀利! 這店約三百尺,外有明檔及堂食坐位約4個,內為廚房,店內衛生不錯,眼見算整潔,起碼廚房和明檔無油積處處!見牆上註明鹵鵝$56/斤,鵝翼&豬耳各$20/三隻,腎$10/只,咁抵…買番啲方對得住自己及家人…於是共花了$150才打道回府。整體份量多,鹵水香,但愈吃愈鹹;鹵鵝肉稍為「鞋口」、肉骨無味又唔脆…相信與入貨品種有關,但以這價錢買到兩大盒鹵味,超哂值啦!

此店專賣鹵水食品，開業也不過是兩年，但經常有很多街坊光顧，特別是鹵水鵝、鹵水鴨。鵝片、鵝翼、腎片；鵝片切得完整，不會過厚，表面的幾片並沒有浸著鹵水，但仍保留鵝的鮮味，隨後吃了底層的鹵水片，鹵水味道仍然鹵得平均入味，色澤不會過深或過淺；鵝翼切件，刀工快狠準，每件的邊是完整，當然近骨的肉是充滿鮮味，配合鹵水汁，真的一口接一口；腎片，只是略略的吃下幾片，因吃過多會令到胃口大減，相比鵝食品，味道自然不及，但亦是不太差的。是夜如此，為的是那場足球。