阿一豬扒酸辣米綫

Open Now

Now Closed

今日經過北角，發現好耐都冇食過呢間阿一米線啦，所以就入嚟食咗一碗蓮藕魚餅酸辣米線，魚餅份量多，蓮藕好爽口，米線口感剛剛好，同其他米線不同之處，就係會有酸菜、花生。辣度可以根據個人喜好。

應該幾年前有幫襯過，記得個招牌豬扒酸辣米線同埋豬手好好食。頭先咁啱經過諗住再去幫襯，簡直面目全非！豬扒又乾又硬，個酸辣嘅味道已經唔同咗。個侍應話個米線可以送熱飲，我問菜蜜係咪都得，佢答係。點知原來買單嗰陣佢都要加$9！加都算，係咪應該講一聲？咁樣係詐騙！個餐牌亦都冇寫到！收銀（估計係老闆娘）態度又唔好，黑口黑面又晦氣！雖然餐廳仍然見到有好多食客，但我就真係一定唔會再幫襯！即係浪費自己嘅quota，又曬錢！

-阿一豬扒酸辣米缐·豬扒份量足夠（2-3件）好入味👍🏻好香😍好好味·酸辣可以揀幾辣😋酸菜好好食，配麵冇得頂🥳·一碗嘅份量好足好飽好抵食·服務態度都唔錯👍🏻上麵嘅速度都算快（午市）值得一試👏🏻👍🏻😋

今日去左北角搵朋友，甘耐無去果頭，所以叫朋友帶左我去食好西。貴為全店既招牌豬扒，果然無令我失望。首先米線大大碗，完全係一個成年男人既份量。真味豬扒足足有3大塊，比坊間茶餐廳食到既豬扒都要厚一半，豬扒整得非常入味，配上麻辣湯底簡直係一絕。黎碗麵一上枱，我同朋友都打左個凸，相比之下無論份量或者配料都比較小，最大既問題係已經係撈粉，但撥開個底完全冇汁，只靠上面既手撕雞黎吊味完全唔足夠，食到最尾差唔多淨1/3既粉既時候已經無餸，唯有用佢果碗好咸既湯黎送粉，有d失色。

冇嘅呢度要我湊夠200 粒字，我一陣附加個圖就知道。事關咁嘅咁米線加辣入邊啲料有時睇唔清楚直接食到最後先會發覺有撩交咗比我。原本我都唔想寫但係佢哋去到我屋企派傳單我又覺得太搞笑所以就.....希望你哋明白環境衛生一流簡直冇得頂。啲食物好快到叫咗5分鐘就到。有時啲筷子好似用咗好耐啲枱櫈粒粒地，可能個侍應仲插咗隻手指入去你兜麵度。嗰個料都幾趣卜卜嘅。好彩嗰隻小強都係細細地如果唔係成隻腳指公咁大都幾好。多謝你哋

因為六點前要清場，所以放工同朋友近近地去咗北角食阿一豬扒。以前平日多數返屋企食，今日最後一日可以堂食，食完呢餐下次唔知幾時再有得食。講返阿一豬扒酸辣米綫，位置近北角港鐵站，可以話一出站就到，位置非常便利。平時未有疫症前，係好多人食，今日入到去得返小貓三四隻，差啲店員多個食客，可見生意難做。店舖著重食物質素，裝潢擺設可以講係一般般。我同朋友嗌左阿一真味豬扒西辣上海麵、酸菜粒肉燥豬扒飯，由於下午茶時段仲有嘢飲送。豬扒香脆可口係佢嘅特色食物主打食物。至於酸菜粒肉燥豬扒飯，雖然賣相不佳，但味道好OK。配合酸菜嘅味道，確實是一款開胃的食物。最後買單$96一啲都唔貴，又係一間高CP值的食店，總括而言可以再食。👸🏻🤴🏻評價：7/10

中午1點，去到餐廳嗌豬扒薯粉外賣自取，等外賣等到13:40，lunch hour都完，不停叫服務員check 單，後面的單不停拎走，收銀阿姐唔嗌退錢都唔得行入去check,奉勸各位千奇唔好係北角店嗌外賣

放假唔知食咩好，諗諗吓都係想食豬扒麵，就搭地鐵過去食，去到北角地鐵站B4出口，過條馬路已經到，非常方便，今次叫咗個蠔仔豬扒上海麵，蠔仔新鮮唔腥，食落口有脆卜卜既感覺，至於塊豬扒味道依然保持到，雖然都有兩塊，但覺得比之前細左同簿左，我太太都係叫豬扒米線，佢都話有同感，唔知係咁啱，定係老闆為左節省成本而咁做，食完碗麵好似覺得唔夠喉咁，希望係自己唔好彩撞啱嗰幾塊係細左而唔係全部都係咁啦

今日母親節， 因為要買餸煮飯俾奶奶食， 所以去左北角買海鮮。想食得清淡少少，所以係openrice搵左間米線店。 上網見到大家都係叫豬扒酸2辣米線， 所以跟風試下。豬扒酸辣米線， 比想像中普通，個豬扒冧但冇味，酸菜辣同入味花生脆，米線滑但偏軟。 d配菜比主角好食。鮑魚蠔仔湯飯反而出色， 我同老公都覺得個湯夠味但唔味精， 蠔仔大隻量都唔少，鮑魚片入味同冧， d芫荽辟腥， 好味！下次應該都唔會再叫豬扒酸辣米線，可能試下燉湯， 應該都唔錯。

North Point 北角 • 阿一豬扒酸辣米綫🐖🍜📍北角七姊妹道3號阿一真味豬扒酸辣米線 $42 🐖🍜肥牛清湯上海麵 $41 🐄🍜米線皇者之一，非阿一豬扒酸辣米綫莫屬👑豬扒入口軟熟，新鮮現炸現做，份量好多，成碗有五至六塊，配酸酸辣辣的湯底，好惹味🤤肥牛嫩滑，清湯底幾甜 ，怕辣的話也是個不錯的選擇😚➰👅 味道：🌟🌟🌟🌟👀 環境：🌟🌟🌟👩🏼‍🍳 服務：🌟🌟🌟💰 抵食：🌟🌟🌟💫

-阿一真味豬扒酸辣米線🍜（$41）依間餐廳最出名係豬扒酸辣米綫，豬扒真係幾好食，炸到好香脆😍肉質嫩滑，仲有大約3塊大豬扒(・∀・)點左小辣，辣得幾開胃☺️另外除左豬扒之外，仲有花生🥜酸菜，蔥花等等，湯底幾香，不過都幾油😅而花生又脆，好好食，配埋開胃的酸菜(≧∇≦)/-Name🏠: 阿一豬扒酸辣米綫Location📌:北角七姊妹道3號（港鐵北角站 B4 出口, 步行約1分鐘）價錢💰: 阿一真味豬扒酸辣米綫（$41）

今天约了朋友晚飯，輕過這間餐廳，看見價錢很大眾化，便決定試一試，果然是錯之選。我們點了蠔仔鲍魚肉碎粥，鲮魚肉米線，茶芯，海浙豬手和兩杯熱檸蜜。肉碎粥好好味，只40多元當然不會是真鮑，但仿鮑加肉碎令每口飯都好好味，而且很大碗，抵食。鯪魚肉很香口，海淅豬手也不錯，吃得很飽而且不貴。

鑱咀萬萬歲🙌🏻ChamZeoiLongLongLife🙌🏻🐭阿一豬扒酸辣米線萬歲🙌🏻食店喺北角屹立多年，午飯同晚飯時段都仍然座無虛席，係街坊心目中有一定地位。食店環境光亮、衛生丶整潔。湯底可以揀酸辣/麻辣/唔辣/蕃茄湯底，米線亦可以轉紅薯粉/水晶粉/上海面/蜆殼粉。除咗湯粉，亦有多款飯同燉湯。豬扒韭菜餃酸辣米線 $47賣相👅👅👅👅味道👅👅👅👅口感👅👅👅份量👅👅👅👅👅性價比👅👅👅👅🐭酸辣味唔似平時嘅重慶式酸辣，我會形容係「港式酸辣」，係用咗大量嘅酸菜凸出酸味。豬扒係用美極鮮露醃嘅，所以好濃美極味，口感肉質亦算鬆化。韭菜餃入面嘅韭菜同豬肉味香濃，只係略嫌塊皮唔夠簿。🐭 食神鼠到阿一豬扒一遊，拜～👋🏻

有日唔知食乜好，去到呢間野，見到餐牌上有個原盅鴨腿湯飯，好似好正咁就嗌左，上菜時真係成盅上，個盅仲要勁大，外表好浮誇，點知一打開成盅廚餘咁，d湯飲落完全無味，鴨腿肉都梅哂，口感極差之餘又係無味，如果100分係滿分嘅話，我會比-100分，我就一定唔會再去呢間野食湯飯，如果大家要去嘅話，嗌番d大路野，豬扒嗰啲應該無咩問題，但千萬唔好嗌湯飯，好易中伏。真係從來未食過d咁難食嘅嘢，個阿姐仲要話食剩咁多咁哂架zy$”|^{>{>\^*]+[+\•_=

日做夜做冇停手，今晚收工返到北角都差不多10點鐘，一出地鐵站口就見到阿一豬扒😛😛鬼咁肚餓🏃‍♀️🏃‍♀️🏃‍♀️入去👀下有咩食先。🤠🙋‍♀️點左個至尊套餐~魚片頭酸辣水晶粉+手1拍青瓜+冰0T酸菜花生好夾好好味，魚片頭好彈牙，有6粒好抵，拍青瓜好脆口但太淡，加多點蒜泥更好埋單$53好抵食😄😄