阿一豬扒酸辣米綫

Open Now

Now Closed

每次想食豬扒，都會想起阿一豬扒，雖然有其他菜式可以選擇，但係都好自然會叫阿一豬扒米線，中辣。豬扒很入味，又好夠淋，湯底加入了鹹酸菜，花椒油，辣椒，酸辣的味道，食落很開胃，加上少許花生，味道很夾，間唔中都要嚟食吓。

#中意嘅請分享請點讚🍻----------😋阿一真味豬扒酸辣米線 $413大塊豬扒有炸得好香，外表脆脆地，肉質夠鮮嫩juicy。米線份量多，大食嘅都好夠。酸辣湯唔會太辣，食唔到辣嘅可以叫小辣，酸辣的比例岩岩好，食落會有一陣後勁嘅麻辣味。米線配料有唐芹、蔥花、芫茜、酸菜、花生，花生係用鹽醃過所以好好食。-😋蓮藕魚餅酸辣米線 $39下午茶14:30-18:00送紅豆冰。蓮藕魚餅好好食，蓮藕粒令口感更有層次，另外因為炸過所以邊位好脆，但又唔會感覺油膩。----------🚩阿一豬扒酸辣米綫🔎北角七姊妹道3號🔎筲箕灣筲箕灣東大街30號地下🔎西環卑路乍街7-11號海都樓地下C1號舖🔎西環西營盤皇后大道西248號地舖

今日只有三個同事食飯，我哋就揀咗食啊一豬扒，因為我實在太耐冇食啦，而且由於小人，所以應該唔會等好耐位。平常好多人等位㗎，今日大約等左5分鐘啦。一入到間餐廳由於午飯時間好多人，所以非常迫我亦都係搭枱。牆上掛左好多個午餐牌連飲品呢個就係個主menu啦我自己當然叫咗蔥油豬扒飯啦加左杯東🍋茶，今日啲飯有少少生同埋乾，而且個蔥油加咗蒜蓉食完成口都係味食咗先記得影相😅有個同事就叫左呢個雜錦湯麵係上海麵嚟嘅都幾多餸㗎有一個就叫咗咖喱豬扒飯佢話好味亦都忘記影相😅

今日同我朋友去到呢間位於北角嘅阿一豬扒米線，聽啲朋友講呢到嘅豬扒好好食，係呢間店嘅招牌菜，咁我入到去就已經諗好要食呢個佢同普通啲粉麵店，例如譚仔、雲桂香嗰啲一樣都係喺繁忙時段要搭枱，但我地好幸運地一去到就見到2人卡位，所以就坐得幾舒服😌阿一米線嘅份量都幾大碗，應該男仔食份量都好夠，而且一碗41蚊嘅米線入面有三塊豬扒，豬扒份量好多！而且仲有酸菜同埋花生，但因為我唔食花生嘅關係就走咗花生米線嘅軟硬適中，而且小辣嘅辣度都幾好，加埋酸菜就係有酸辣嘅味道，所以對我黎講好好食，而且個豬扒啲肉一啲都唔會overcook，炸得好香，仲要冇落炸粉，肉汁仲好鮮嫩，真係好好食！呢個價錢黎講食到呢碗米線嘅質素簡直係超值😍

我叫咗個小辣酸辣豬扒米缐，D豬扒好好味又多，大大塊夠入味，又唔老。D湯好濃味，酸辣度啱啱好。我最喜歡食酸菜夠多夠酸加落D湯更加出到D味道。酸辣道適中，比起譚仔個種酸辣我更加鐘意食咦種酸辣。同埋大大碗好抵，其實一個人食好飽所以好難叫其他嘢，不過要其他都好好味，所以朋友再叫其他一齊食，仲有蠔仔粥好多蠔仔好鮮味好大隻又飽滿，仲有蓮藕餅一定要食，好香口，價錢合理，份量十足，地方又坐得舒服。值得去食下。我一定會再幫襯！

呢間係屋企附近，假日最鐘意落街食佢既手絲雞同韭菜餃米線。米線入面有花生香菜，最鐘意食呢種米線！下午茶仲會免費送紅豆冰添！十分好食。但試過買外賣食，水準就會差d.

呢間米線店可以話名符其實, 又可以話名不符實, 因為佢既豬扒確實係幾出色, 而米線就十分普通! 整體碗麵算大碗，男仔都食得飽！豬扒亦係原塊剪開上，所以料都夠，豬扒亦有奄過，所以鹹味十足，食頭幾啖會覺得好惹味，但好快膩。酸菜花生都有落過下工夫。唯一不足係米線始終唔彈牙。

果晚我做完嘢好肚餓諗住喺北角食宵夜，差唔多行晒成條七姊妹道，全部烏燈黑火，有間食火鍋大好Q，成班人去冇問題，一個人就食普通些啦，去到七姊妹道尾圖書街附近，終於搵到有嘢食，我去到，佢就話那時call同我做埋就收工，態度唔錯相信是老闆來的。我就快快手手叫咗個雞絲海蜇米線，炸雲吞。佢有餐$5X，連飲品，都抵食，門口攞過好多獎，但餐到，雞絲海蜇浸在湯上面，感覺很一般，炸雲吞仲唔錯，如果個麵，送係分開咁就高分，唯一抵讚，因為我係最遲一個食客，師傅都走。老闆仲喺度，我都唔好意思，佢仲喺度講，冇所謂啦冇所謂。唔趕時間。服務有心！抵讚！

同朋友行開北角，覺得肚仔有啲餓就捻住睇下附近有咩食。見到呢間米線捻起以前讀書嘅時候成日會食，所以就即刻黎試下，睇下水準是否依然！首先我叫左碗酸辣豬扒米線，少酸辣。餐廳煮野食速度好快，落order唔洗5分鐘就已經可以上枱。米線一上枱已經勁香，首先必食嘅豬扒炸得香脆入味，豬扒上面再有少許花生粒，酸菜，芫荽，蔥。將酸菜混入湯底撈勻再食，馬上更加凸顯湯底嘅味道！豬扒入味而不會太老，真係好好味。米線量足，夠曬飽肚！另外朋友一樣叫左一碗酸辣豬扒薯粉，佢要左中辣。上枱嘅時候湯底明顯會比小辣多一點酸菜，撈勻之後，我試過佢個湯底，其實唔叫非常辣，所以食得辣嘅朋友可以考慮下中辣都得！相反，唔食得辣嘅朋友，餐廳可以幫你將酸菜另上。咁你就可以控制自己想食辣嘅程度因為我同朋友係下午茶時段黎到餐廳。所以飲品方面我地可以免費選擇普通飲品或者紅豆冰！

🍲 蓮藕魚餅酸辣米線 HKD$37魚餅得三塊，但都算厚厚地。蓮藕唔多 但令佢有咬口啲。揀咗大辣 ，但覺得唔算辣，不過真心好油。講明先個人平時都算食得辣嘅，所以會不停問佢加酸菜。.🐂 肥牛蕃茄米線 HKD$39🍅(蕃茄湯底 另加HKD$3)湯底似羅宋湯，而且味道偏甜啲。唔食辣嘅人又多個選擇啦!

阿一豬扒酸辣米線喺港島區出曬名，食過既人絕大部分都讚好Lunch Time嚟到基本一定坐滿不過啲人食完就走，好快就可以入座我同朋友叫左招牌阿一真味豬扒酸辣米線😂 @ $41 ⭐️⭐️⭐️⭐️⭐️三大塊豬扒 😋新鮮炸起，脆卜卜肉汁飽滿 肥瘦適中👍好好味酸辣湯底非常正 落左大量酸菜 好夠酸 仲有少少麻辣feel tim😝(不過辣油重手左少少)米線比普遍連鎖店粗 有咬口 軟硬程度啱啱好😋👍食完好有滿足感😎

星期日千里迢迢黎到香港島做野, 緊係要探訪下我最愛既豬扒米線啦! 豬扒酸辣米線 - 每次必落大量酸菜! 佢種辣味真係好正, 食過翻尋味 $41 有三大舊豬扒, 又稔又多汁, 可惜次次都食唔哂呀...同事分別叫左兩個飯, 睇起上黎都好正

今日嚟到北角探朋友 今次我地無去左瑞士雞脾 而係揀左朋友推薦的阿一米線😚😚😚 朋友話平時lunchtime呢度一定會出現人龍 好受大家歡迎 於是我地就入去試下👍🏼我同朋友都叫左招牌豬扒 我就叫左米線 朋友就叫左水晶粉 湯底酸酸辣辣好開胃😍 入面仲有我大量酸菜同花生 正！ 豬扒果然無失望 新鮮炸起 肉質都幾滑嫰 而且炸得吾乾 浸埋係酸辣湯啱啱好 米線比平時連鎖店粗少少 好有咬口 軟硬啱啱好👍🏼👍🏼👍🏼 另外我地仲叫左個麻辣雞絲海蜇 雞絲稍為鞋左d 但呢個小食都好惹味 辣度對我嚟講啱啱好😛推薦:⭐️⭐️⭐️⭐️

阿一豬扒米線，這間店舖有很多分店，我通常吃的都是北角這間，而且是叫外賣，送貨時間也很快，下單後不用半小時便會送來，而且食物能夠保持溫度，餐廳用的不是發泡膠盒相對比較健康，我今日吃的是豬扒米線酸辣湯小辣，味道會有很香的辣味，是不能很吃辣的我也能接受的辣，豬扒的份量可很多很足料！而有完全不能吃辣的同事就點了番茄湯，她說番茄湯也很不昵！

今日去左北角呢間食蠔仔豬扒清湯米線雖然今日唔係返工時候但係都仍然係咁多人每次黎都要必點蠔仔因為真係又多又好食啲蠔細細粒但係都好有鮮味加上我本身唔食辣但係有蠔仔調味，成件事就俾相像中濃郁左好多另外豬扒唔會太咸 唔會俾蠔仔蓋左味道我本身比較細食 食好少野就會飽 但係佢真係好大碗同埋成個碗都係蠔仔 我諗有成30粒 唔係講笑一上碗野 蠔仔多到連豬扒都睇唔到所以無論幾飽 食唔唒啲米線都好 我都會食唒啲蠔仔另外我朋友話酸辣米線都好吸引，不過因為今次主打蠔仔想試清湯黎食蠔仔既鮮味所以推廌俾大家!