阿妹小館

Open Now

Now Closed

4月6日揾食肥華為咗要食好味嘅䓤油白斬雞，所以就同靚媽到呢間，在土瓜灣買呢款雞買到街知巷聞嘅街坊食店，品嚐佢呢個鎮店名物。雖然此店呢個鎮店名菜，喺用冰鮮雞烹調但味道和口感一啲都唔失禮，用$75食到半隻咁高水準嘅，白斬雞肥華和靚媽都十分滿意，加上此店員工，善解人意見肥華將碟配雞嘅䓤油撈咗飯就冇䓤油點雞，唔使肥華出聲索取就主動俾多一碟䓤油給肥華，呢種窩心嘅待客態度真喺值得一讚。至於個碟$5O嘅涼瓜排骨，就喺(方太)煮餸，整定，所以祇是一般兩餸飯嘅水準。返而嗰兩碗冇味精例湯，肥華嫌佢清淡，卻得到靚媽俾讚，所以今餐都喺一個滿意嘅午餐。👍🏻👍🏻👍🏻👍🏻👍🏻

在小红书看到这家餐厅，专门中午从深圳搭高铁跑过去吃，确实这鸡是真的好味，非常好吃，例汤也不错，如果米饭可以更好吃一点那就完美了，但整体感觉真的非常可以，离高铁站也不远，柯士甸几个站就到

近一個月都在土瓜灣開餐，此店其貌不揚但經常坐滿，賣的都是唔落味精。炸脆肉做法近似泰式，豬手炆得厚厚南乳味，招牌切雞非常對辦。每一樣餸雖不至於驚為天人(尤其賣相不佳)，但懷念住家風味，抗拒酸菜，水煮的話，值得一試。

臨別再嚟多一次呢間阿妹小館，為何反而臨走會再食呢，因為這兒的脆肉，夠平夠多夠大塊，而且上邊的豬皮夠香脆，你去元朗吃那些什麼陸記桂林粉，那些鍋燒肉起碼都要$50 ，這是作為一個配料在配另一個餸，兩餸都大約$40。你睇吓佢嘅鍋燒肉，大大塊，作為一個配料，還要給你三四大塊，簡直是美滿；很多時候，大家進來這店，都會吃雞，雞帶點鹹香，不過無論雞肉有幾細舊，通常都會有些碎骨，這是唯一不足之處，否則，雞帶點鹹味，用來配飯或是配粉，其實味道都相當好。通常我會選金邊粉，然之後再點店舖提供的調味醬油，有些有酸辣味有些有蒜蓉辣味，帶點越南特色。因為我有一次試過吃飯，份量又多，但飯好像比較乾，沒有太多水份，因此感覺比較難下咽。很多時候，我看到土瓜灣所謂必食，或是十大推介，都沒有重口味或是這間阿妹小館，真教我訝異，因為這兩間反而是我到土瓜灣之後吃過最好吃的店舖之一二。

這個兩餸麵都只是30多元，而且這種脆肉，就像元朗以前吃過那間鍋燒肉一般，肥得來都夠香，而且豬皮夠香脆，原來在土瓜灣市區也有這種美味的鍋燒肉第二次去，由於之後有工程，因此叫了碟飯，不過有點兒後悔，因為一碟飯大唔大碟，雖然配料都算多，不過比較乾，呢個份量太多，吃到又飽又肥。上網見到很多人吃雞，不過試過之後，都不覺得雞太過美味，不算係肥美，只有少許油份，味道少許鹹，沒有什麼特別的，另外仲有些薑蔥可以用來拌飯。這次再次吃了炸肉，薄薄的，上面的皮夠趣，不過似乎都是配麵條比較

每次經過都聞到陣陣牛腩香味今日收工特登買外賣返去試食睇下聞落咁香，食落會唔會都係咁正今次要左秘製牛腩雪菜肉絲上海麵牛腩同雪菜份量好多牛腩炆得好入味同埋好淋軟唔會痴牙，忍唔住食完一舊就一舊雪菜切得勁碎同洗得乾淨上海面煮得岩岩好唔會過淋，仲有D咬口上海面仲可以吸收左牛腩d汁如果你係鍾意食辣呢間既辣椒醬非試不可佢辣椒醬應該自家製比起外邊坊間既辣好多小心唔好落太多

妹記此餐廳地點在土瓜灣，專門食雞，雞以冰鮮雞為主，一碗雞飯最平只需$28，每加一餸就另加＄8蚊，包了一碗飯及一碗湯。為食🐽覺得加餸後價錢比較貴，我每次最多加一餸，好少食三餸。冰鮮雞，肉質鬆軟但有質感，有雞味又軟滑。此餐廳有懷舊可樂飲，有大支同細支選擇。炸肉是為食🐽的另一愛好選擇，鹽醃加油炸，香口但不能多吃喔。油菜多數另叫一碟，多吃新鮮蔬菜，有益喔。其實，此店的姐姐好好人，熟咗就可以係度任飲湯任添飯。此例湯，味不太濃，清甜雞味，應該冇乜味精，幾好飲喔。

香脆炸肉米線🍖$23招牌切雞米粉🍗$23第二次食😂見到土瓜灣之友經常推介佢既雞肉同炸肉😳今日經過，就試試先😎老實講，雞肉就一般般🙈雖然見到周邊都幾多人叫😝不過唔覺得特別好食😂炸肉就真係唔錯👍不過得四片🙄份量就真係少左D😬

作為土瓜灣街坊嘅我一定要幫襯吓啲地方小館， 這間小館絕對是不二之選，雖然叫阿妹小館，沒有阿妹，只有幾個姐姐埋頭苦幹，而這裡的小菜十分有人情味而且還十分好味，這店主要是由三至四個姐姐打理，甚有住家飯的感覺和味道，做的都是老街坊生意，粗聲粗氣在所難免，但偶爾也會對你噓寒問暖，幾窩心。認真推介~炸肉，煎魚，不要問，只要信，食過會上癮，因為真係好好食。雖然啲魚煎完係比較細條，但係擺幾耐都仲係脆卜卜，冇得輸。食飯有湯送，三十幾蚊，兩餸飯，大大碟又有湯，去邊度搵

呀妹呢間店歷史悠久，連政府高官都扮親民嚟過呢度食飯。我已在此店食飯多年，好多嘢都試過。咁，此店有乜好？第一，親切，成日同啲姐姐吹下水，食下飯。第二，平，價錢好平！單拼雞飯仲賣緊$28蚊。之後，每加一餸就要＄8蚊。第三，呢度有支裝可樂飲，仲有大支同細支㨂。第四，熟客，可以係呢度任飲湯任食飯，以前仲有酸梅湯任飲添。當然，你唔可以好過份咁勁飲人哋啲嘢啦。否則，人哋要收返你錢就樣衰啦。第五，呢度下午茶好平，一碗粉好似係$18蚊，仲有金邊粉揀。哈哈，我一直都冇講味道.....其實係一般，不是特別好味，只是人情味濃。以前有新鮮🐔賣，就好味好多，但是價錢貴咗啲客頂唔順，唯有冇再賣新鮮🐔。

一個係土瓜灣返左好多年工既人 表示一直未食過 見佢裝飾簡單 所以一直冇打算行去食直到最近有個住左呢區好多年既同事介紹下 決定踏入呢間阿妹小廚試試一個字：正！！！我係一個好怕味精既人 一食到會好口喝 飲十杯水都搞唔掂既人但我好肯定佢係一點味精都冇我同同事分別點左兩樣：炸肉茄子飯、牛展雲吞面想講只要你叫飯食 佢就會送杯大湯唔好睇少個湯因為真係冇味精 好有家既感覺炸肉好好食 其實好似燒肉咁魚香茄子都好出色至於個米線 特別提下個牛展好出色厚切！推介！

當人追求的生活質素越來越好時，付出都越來越多，就越想得更多，結果發現越不夠，因為人的慾望是無休止。而我就發現人越來越大，平平凡凡，簡簡單單，身體健康已經好滿足。今晚我又要一個人吃飯，忽然想起了這裡，因為雖然是一間食肆，但這裡給人的感覺有些似家的感覺，因為所有的餸都唔係特別精緻，只係家庭餸，如：蒸鯇魚、煮茄子、炸肉、大豆芽、白切雞、鹹蛋蒸肉餅、梅菜蒸肉餅..............而我叫一碗兩餸飯(白切雞＋鹹蛋蒸肉餅)，白切雞蒸得啱啱好，唔會嚡，唔會有血水，仲有少少雞味，而雞皮有少少硬，不過幾好味，因為蒸熟後雞皮搽了鹽，掛起在架上放耐了，而羗蓉唔係好鹹，連埋雞一起吃真係絕配👍👍😘至於鹹蛋肉餅，肉唔會死實實，被鹹蛋白的鹹味深入肉內，混埋蛋黃一起吃，已經好好味。例湯是節瓜花生煲豬骨，節瓜的甜味加豬骨味，沒有味精，清甜好味又夠熱呢間食肆總共四個亞姐，廚房斬料的，加上樓面兩個和一個負責廚房煮飯和蒸餸。我忽然之間覺得，今餐很滿足，不是因為食物特別好味或新鮮，又或者高超的廚藝，只是這餐飯令我想起由細至大，外婆每晚為我家人準備的晚餐。

我今晚一個人吃晚飯，由譚公道行到北帝街，都唔知想食乜？諗起又食大家樂焗豬扒飯，點知焗爐壞咗，冇得食😱，咁近近地去阿妹小廚食飯啦！原來已經好多年無去堂食，平時都係老婆買飯盒俾我食。由於香港政府減少活雞進口，這裡已經沒有新鮮雞賣，我真的很懷念當年吃新鮮雞的味道，因為這裡用滾水浸熟隻雞，再等隻雞凍少少就在雞皮抹鹽，再掛在架上。雖然價錢貴少少，不過味道就差好遠。今晚叫了一碟雞飯，可能廚房阿姐認得我，俾咗只雞脾我，雖然味道不及鮮雞，而係份人情味已經值得加分。所謂雞脾打人牙骹軟嗎！😜例湯冇味精，𦍑蔥好味👍另外這裡的炸肉，肉很脆。咸蛋肉餅飯，蒸鯇魚腩，都好味道👌這裡的價錢不算太貴，可以一試

土瓜灣工作的我，間中也會來阿妹小館。出來工作很久，忙碌的也錯失了很多回家吃飯的時間。阿妹的店員全是操鄉音的姨姨，選擇都全是家庭式的小菜，光顧的也主要為中年的叔叔和伯伯，幾個月沒有來，發現小妹多了一群附近工作的年青OL！姨姨先奉上例湯，朋友說口味較重不過我覺得還好，是足料的雪耳煲豬骨，大大碗很暖胃。我的切雞魚香茄子，切雞鮮嫩，配上香口自家製薑蓉，是一絕的配搭。魚香茄子較凍，而且個汁杰過頭，相對地遜色。我相信如果是熱的會更好。朋友的炸肉飯很正，燒肉再炸得香脆，薄切令整體感覺易入口！左上的麻婆豆腐也是較凍的，不過幸好也有點香辣惹味感，朋友說跟茄子的汁是一樣的，不過當配上熱的白飯，甚有家庭的味道。不過整體來說餸菜也是較凍，吃的也要有心理準備。

午後小歇，有點餓意，看到此店樸實地道的裝潢，門外展示着特價燒味麵食的資料。雙拼燒味麵食$26，挺實惠的，又有我喜歡吃的燒味，於是進去試試。看到店內所列的選擇，的確較少見，麵食可選米線或金邊粉；另餸料可選燒味、餃子、蠔汁冬菇、肉類（雞翼、豬扒）、炸肉、紮肉、豬手，挺多樣豐富的。我選了切雞菜肉餃米線。如果喜歡吃肉的，真的可選雞翼豬手炸雞三拼麵（$35），可讓人感到「豪吃」呢！切雞菜肉餃米線即點即製，約數分鐘就送來。切雞是港式標準的好吃質素，肉質厚嫩夠香不過鹹，菜肉餃肉菜份量恰當，菜味濃，但對它的喜愛度一般。米線剛熟易吃夠滑有彈性，加上湯底味足不過濃，不錯。