陳黃記 (Closed)

今日同事推介下，就去咗陳黃記試下😎叫咗鹹菜豬肚米線👍🏻好好味😋同事叫咗醉雞米線都好好食☺️餐廳都好大，坐位都好舒服，唔會好逼😊鍾意食米線既我，會再去幫襯👍🏻

beautifoodie終於記得相機要先吃本人的清雞湯底。米粉。配醉雞：有骨骨架(餐廳會自動波轉髀）湯頭正常。不味精。偏清我呢啲重口味朋友汁好味。夠哂酒味。岩我呢D酒鬼碟嘢唔油。雞皮爽。雞肉嫩我車哂落去碗粉到，over咗。都係一匙汁。一匙粉最正朋友的胡椒豬肚米線酸菜夠哂多。湯頭岩香港人口味。因為太餓。叫埋蒸雞潤（可炸）我唔好內__ 所以冇試味朋友： 一定係新鮮！！我的炸魚蛋。即炸。香口。鮮。好彈彈彈彈牙。有魚味。可以encore幾雪白心急人又想試埋個南乳炸雞。粉漿呀姐唔鐘意。雞不入味。南乳醬大路嘢醉糖心蛋。正滿足。

這家陳黃記在粉嶺聯和墟已經開了大約四丶五年，我每個月都會至少幫襯一次，初時他們是以家鄉雞湯而馳名的，因為他們有獨特的雞湯地方，使雞湯味道很鮮甜，而且家鄉雞的雞件大大件，肉質很滑，不會很乾很柴的，後來慢慢地他們多了其他菜式，例如人蔘雞、上湯豬手、酸菜牛肉湯、和魚湯等等。但我最喜歡的由始至終都是他的家鄉雞湯，但今天突然間想吃醉雞湯米線（$47），另加$6的豆漿。米線的湯底也是家鄉雞湯，相信是以鮮雞丶冬瓜、杞子等等煲成的，另外加入很多雲耳，使湯底沒那麼寡，很好味，吃完米線之後還會多喝幾啖湯。另外醉雞有淡淡的酒香，雞肉很滑，不會很乾，今天比較好運，他給了兩件雞腿肉，另外也有雞翼，以$47這個價錢來說很抵食，我久不久也會吃醉雞湯米線。另外最後說一下$6的豆漿也很香有豆味。值得推介。

朋友叫我唔好試，因為唔好食…但眼見聯和墟得一間食呢啲..我真係唔想理我朋友照黎試！叫左個醉雞撈米….見咁創新真係想試下…份量好大嘅，一個外盒裝滿米粉，另外雞分放一打開盒米粉，OMG！乾真真點搞？勁唔吸引..試倒啲醉雞汁落去..都唔會係加分….一路食一路想放棄..最後食左半盒都冇..雞都係一般..唔係出色野其實都幾失望….因為無諗過難食到咁再講啲員工都係hea,老闆娘就自制好忙…總之態度都唔係好….

之前食過陳黃記好好食，今日特登再叫晚餐，食到嬲，我覺得一定要改進，唔係可以直接執笠😒😒😒😡🤬😡🤬🥵雞湯豬手米線—咸到食唔到，要自己再加水先可以食到少少，豬手係林嘅，但食食吓見到個豬手入邊有條藍色嘅膠條，咁樣加料即刻唔敢食😩😩，仲要豬手勁多毛，連豬手最普通嘅處理方法都未處理好，可以再重新學師😡酸菜胡椒豬肚雞湯飯—又係咸到拎，完全係唔夠膽飲佢啲湯，仲講咩補身食品，真心嚇死😣😣炸豬扒小食—$30買咗一片炸麵粉，我搵唔到個豬扒啲肉，硬骨骨又係勁咸總結腎病之選，想得到腎病只要連續食幾餐就好快可以camp保險🙁☹️一定冇下次，可能我太耐冇食，轉左手呱😡😡😡😡😡😡😡😡😡😡😡😡😡

第二次黎食，本身係想食港猿，但點知冇開門所以覆啅咧間 陳黃記。叫左個車乳炸雞配白飯，落單阿姐講到明唔會俾湯，覺得好可惜，令到成件事乾爭爭。講返啲雞，新鮮炸，夠香。外層炸粉唔厚，雞肉質嫩滑多汁，就算唔點南乳醬都夠味。但南乳醬要扣分，甜味過重。另外，酸菜魚腩米線湯底唔算特別出色，但魚腩好滑而且好厚，亦好新鮮。可能反而配返個魚湯會仲好味。佢既米線好幼身都好滑，而且比好大碗，食左一半都食唔哂。特別一提佢配左一條嚮鈴，吸左啲湯都幾好味。我15:30黎食，係冇下午茶，中午送一罐汽水

好難食上個月黎食的，明明打左個食評，唔知係我無按提交定唔見左？！個日9點後入黎食，滿心期望，點知難食到一個點。我叫左個醉雞米線（+$10轉雞髀）個湯似冬瓜湯咁，好似好清甜，一飲，嘩！！咸到好似味精唔洗錢咁！！咸到苦！真心未飲過咁難飲既湯底，無任何味得咸味！個醉雞好重酒味，但一啲都唔好食，得咸味！雞鞋、肉少！男友就叫左個醉雞飯，佢都話重酒味，但唔好食。咁難食既麵真係第一次食，請都唔會再食...我同朋友講，佢走左去試，佢話以前好好食，而家係難食到接受唔到。50幾蚊一個餐食啲咁既野真係唔會再食好多年無寫食評，但佢難食到我忍唔住要即刻比番個差評佢

下午茶時間入去，無咩客，諗住貪方便又見佢幾乾淨。姐姐態度好好，價錢唔貴；叫左個醉雞米線同酸菜豬肚雞米線，點左啲麻辣，堅得；下之一定要試佢啲麻辣米線。個皮蛋小食同雞腎好食；醉雞好食拍得住平記；隔左幾日再落去，叫左個炸豬扒麻醬撈麵同南乳炸雞件麻辣米線，件炸雞件係炸粉同雞之間有層南乳醬，幾好咪既；不過麻醬麵就麻麻地，好在個麻辣米線夠水準，啲冬瓜真係淋哂，雪耳亦入味，拍得住譚仔，一啲都唔失禮，黎粉嶺不妨一試。

有日與友人行完山.決定入聯和墟食電視推薦雞米店-陳黃記.經過門口就見到招牌.望左menu.主要都係養生湯低為主.雞湯魚湯豬雞湯都有.選擇比較多的店👍🏻有一人火鍋.🥤雪梨山楂水 $ 2 0 （自家制）雪梨味濃.但山渣味比較淡.冬天潤一潤最岩👍🏻🥢人參雞湯 $ 45大量的人參.回本！養生之選.雞肉嫩滑. 米粉有很多.相信不論男女都會飽肚.🥢天麻川芎白芷魚頭湯 $45 ，藥材味濃.魚頭鮮甜.不會太腥🥢黃沙雞膶 $24二人埋單都係$134.相當抵食.但口味風格都偏向養生.藥材料很足.麵亦很多.很飽肚.很適合老人家.有機會一家要帶父母來試

之前睇TVB一個飲食節目見到有介紹聯和墟嘅嘢食 其中一間就係呢度食嘅醉雞米線 今日一於嚟試吓到底係咪講嘅咁好食啦 .望吓個Menu睇吓有咩食先我叫咗一個人蔘雞米線 一個醉雞米線 加$10仲可以轉雞髀人蔘雞米線上面真係有好多人蔘喺度喎 飲落去個湯係苦苦地 好有人蔘味 同韓國嗰隻人蔘雞湯有少少唔同 不過一路食會覺得好苦 我個人就唔係咁鍾意啦另一個醉雞米線 本身個米線湯底係冇醉雞味嘅 所以朋友就將嗰碟雞入面嗰啲汁倒埋落嗰米線到 咁就好有酒味 米線份量都多嘅 一個人食晒得好飽 .我認為味道普通啦 唔係話真係咁特別嘅美食 不過聯和墟都有好多其他嘢食可以值得發掘下嘅

天氣轉涼要好好準備一下~這食店主打藥膳的湯底，包括胡椒豬肚、天麻川芎魚腩湯等，食得又補下身入正餐之前，吃一個少前菜，醉雞雞脾~涼涼的黃酒，雞又滑又有酒香，不錯！整體不肥膩，反而有點清爽，作為餐前小菜是好的選擇天麻川芎魚腩湯米上枱就見到個湯有藥膳了！藥材多多，藥味濃，魚腩份量三大件，滑又沒有腥味不知道是心理作用還是真的有效，飲過藥湯，身體好似暖和了不少。價錢是街坊價！一碗米四十幾蚊算是不錯的冬天選擇~家人點了胡椒豬肚湯就有說不太重胡椒味，可以再重一點~而一致認為足料的~

粉嶺聯和墟多野食最近天氣涼左，黎開探朋友想食暖笠笠野食朋友推介養生湯除左一般諗到既藥材味湯原來都有其他選擇整體上每碗都好足料味道唔算濃，材料新鮮胡椒酸菜豬肚雞湯米線淡淡胡椒味，豬肚軟身非爽口，雞肉大件芫茜皮蛋牛肉米線芫茜味濃，湯完全係芫茜既青綠皮蛋大片，沒有煲爛，有口感天麻川芎白芷魚腩湯飯飯一碗另上，魚新鮮爽滑，加少少鼓油味道更佳，養生之選家鄉雞湯米粉有雲耳，冬瓜，杞子，湯較清淡，冬瓜煮得夠腍，健康之選醉溏心蛋我地叫左2隻蛋，深色一隻酒味香濃

這個一人一鍋十下十下巧抵食！昨晚，我揀左胡椒酸菜湯底，醉雞，米粉，個餐有些少菜，豆腐，肉丸，餃子和金菇菜，兼送野飲，都係$78！我老爸就揀芫茜皮旦湯底，肥牛肉和白飯，又係$78！下次，入來可以去試下！

筆者今次黎係食晚餐，但入到黎先知呢度全日都係賣緊粉麵，咁其實都唔係問題。呢間鋪標榜既係筆者最鍾意藥膳，難得聯和墟呢個小小既食墟開左間藥膳米線，當然會一試啦！結果有點小失望。筆者叫左碗人參雞米線，應該都係招牌黎。點知，d雞咸到一個點。碗湯真係唔好意思，冇咩人蔘既味道。仲有碟生菜，老到一個點。應該唔會再黎。。。

家鄉雞湯米線，過於普通-湯底好清-雞唔入味-米線還米線，湯還湯，雞還雞完全唔知做咩，本身3樣野可以好夾但呢間野煮到完全唔夾！皮蛋芫茜雞翼米線-芫茜湯底幾好味，下火-雞翼唔得，可能「葉」得太耐，煤！上湯豬手 52元-湯還湯豬手還豬手一點都不入味！似食緊膠！不值此價錢！-加10元食青菜點知青菜很老身！冇菜味。我地7點鍾入去食，已經冇咩人，以為會廚師會用心製作，但出來的成品令人失望。客人不多但侍應卻手忙腳亂，唔知忙緊咩。