陳黃記 (Closed)

有日同朋友黎左出名多野食既聯和墟，無意中去咗呢間陳黃記佢嘅款式唔算多，餐牌得兩個，一眼睇晒有啲咩食，不過感覺上佢嘅招牌菜都係吸引嘅有醉雞米線、南乳炸雞、滷水豬軟骨等等我哋叫咗一個醉雞米線，南乳雞球飯同埋滷水豬軟骨麻醬撈麵，醉雞個湯非常清甜新鮮，好好飲啊！而且醉雞既酒好濃郁，好入味，不過酒度濃，如果唔鍾意呢隻味嘅朋友可能會好抗拒至於南乳雞球，香脆可口又有南乳味，好正呀！個豬軟骨好淋，而且好濃郁，送飯送麵到一流，呢間野真係值得推介

口淡淡的日子時常發生但又不想吃太多東西～ 記得陳黃記著名的藥膳湯底不錯，今日又過去粉嶺店了！ 環境依然乾淨企理、人流也很多！今天有一家10人到訪，跟店員熟落，應該是常客吧！ 以這個價錢抵食又飽肚，還有養生湯底飲。人蔘雞 米粉 配 HKD 45湯底仍然保持，味道不太濃烈還有杞子、雲耳，把整碗湯都渴光了也沒有感到太油膩。一件件雞很多肉又彈牙，皮只有少許。雞肉容易咀嚼不鞋口。雲耳爽口。 沙疆雞腳 HKD 30 雞腳平時都是從湯撈再食，而且細細隻而己。 這裡的雞腳卻很大又多肉，加了沙疆份外好味！

最近媽咪好忙無時間煲湯,上網見到陳黃記有養生藥膳就同媽咪去試下粉嶺個間近聯和墟街市,店內地方都算好大,好寛落,又有梳化卡位,坐得好舒服.有好多養生菜式,媽咪叫左天麻川芎白芷魚頭湯配米線,都係四十幾蚊,性價比超高,加8蚊有雪梨山楂水.我就叫左醉雞撈中式拉麵+豆漿,都唔使50蚊.再叫多個招牌三寶(雞膶, 雞腎,沙薑雞腳)天麻川芎白芷魚頭湯配米線,上枱已經聞到濃濃既藥材味,上面有超多川芎,而且足足有半個魚頭,好新鮮,湯好重藥材味,但濃而不苦,好甘甜,易入口,米線都好爽口彈牙,超好食.醉雞撈中式拉麵好特別, 醉雞同麵分開上, 醉雞表皮好光滑,一睇就知好滑,仲傳來陣陣酒香, 麵份量超級多,上面有蛋絲同青瓜絲,侍應話係用醉雞汁來撈,D麵好掛汁,酒味香而又唔會搶喉,平時唔飲酒既人都接受到,酒滲入晒雞肉度,肉質好嫩滑,補身一流,仲要加3蚊就有豆漿,超級抵食,一定要試.招牌三寶(雞膶, 雞腎,沙薑雞腳), 雞膶食完有回甘既感覺, 雞腎好爽口,帶有麻香雞腳好入味,沙薑同麻油味都好重,心機之作.飲埋杯雪梨山楂水,清清甜甜咁,真係無得頂.

餐廳係聯和墟嚟講，都算幾大，成日都有好多街坊客棒場，生意唔錯，我地平日6點幾去，都坐爆左7-8成！今次我叫左個胡椒豬肚雞米線$43！湯底胡椒味好出，食落微辣得嚟，仲超級暖胃🔥之於豬肚就非常爽口，唔錯！另外仲叫咗個招牌三寶$35，沙薑雞腳 都幾抵讚，軟腍入味☺️仲有雞潤同雞腎其實都唔錯，以現場所見，都幾多人叫！最後想健康啲，所以再叫多個生菜，哈哈！新鮮得嚟，份量都幾大，總括嚟講，呢間餐廳性價比高，值得再嚟

聽屋企人介紹左好耐，今次終於有機會試吓呢間醉雞麵啦!位處喺聯和墟，都唔算難搵！裝修簡單乾淨唔會太過花巧！食物種類都唔少！主要以湯底做區分，包括藥膳湯、鮮魚湯、芫荽皮蛋湯、胡椒湯同埋清湯等等，顧及返唔同人各種口味😊第一次嚟就保守啲，揀個古法醉雞米線$55！雞肉嫩滑，每一啖食落都有一陣陣清純嘅酒香，堅唔錯而且米線分量多之餘，仲夠晒滑身，難怪差唔多台台都叫米線最後飲埋個自家製菊花茶$10 ，味道唔會太甜，男女老幼都啱飲果然無介紹錯

今日係屋企附近食嗰間新開嘅餐廳叫做陳黃記，同埋屋企人一齊食。 呢一間餐廳主打藥膳雞米線，一直都幾鍾意食呢一種食療系既食物。 媽咪叫咗呢一個人蔘雞湯米線，除咗雞之外真係會有幾條人蔘浸係個湯度！所以個米線一上菜即刻一大侵藥材湯嘅味擁埋黎。但係飲落個湯又清清地唔會好苦，我都幾怕太傅嘅嘢都接受到👍除此之外，雞件煮得岩岩好。而且雞件唔會過肥，最怕係出邊食雞全部都係脂肪。另外我哋仲叫咗個醉雞嚟食，醉雞汁啲花雕味好夠。令到個醉雞都好入味，一份入邊有雞翼仲有啲雞脾肉好抵食。作為前菜去食得去送米線一齊食都得！😊另外呢度有款出面比較少見嘅流心醉蛋，我特別鍾意食佢個蛋黃！整得好好食，下次黎都會再試下👍

天時暑熱 係聯和墟忙完 搵間餐廳食個晚餐Openrice見到有間食粉麵嘅都幾多好評 於是就揀佢淨係粉麵都有好多種選擇 真係花多眼亂 我就決定食古法醉雞米粉 冷盤醉雞同湯米分開上大概六件雞件 都係雞脾肉位置 雞肉一直被花雕包圍聞落陣陣玫瑰露香 食落就重花雕香酒味濃湯米以冬瓜 木耳 香蔥作配菜 雞件肉質嫩滑幼細 冰涼入味配埋熱辣辣湯米 一冷一熱 非常過癮或者將醉雞汁加入米粉 味道更大大提升今日實在太好胃口 所以再追加兩款小食流心醉蛋 茶葉色嘅外層 內藏金黃色蛋黃 蛋白口感滑溜 蛋黃流心晃動 微醺兼散發出醉香瑞士雞翼一碟五隻 肉滑皮彈 不論內外都滲滿香甜每隻都完好無缺 無出現炆爛情況 值得推薦今晚嘅全雞宴抵食夾大件 好食得黎又夠性價比 咁都比我搵到真係太好彩

等朋友放工，毒自食個下午茶等😂肚餓仔既我見有胡椒豬！入左黎環境裝修都幾光猛，我入咗去坐低啲字仲播緊各式各樣嘅電影☝🏻環境都幾適合一家大細食物嘅選擇都有好多又有藥膳米線🍜，又有醉雞米線同埋流心蛋雞翼等等😳酸菜胡椒豬肚豬手 米粉（$43)成碗滿滿既酸菜☝🏻個湯底都幾香胡椒味😊豬肚乾淨唔會鯹！而且好有彈性！豬手夠曬厚肉地🤤骨膠原充足😆瑞士雞翼（$36)入味。大隻雞翼🤤！醬汁到啲雞肉爛晒好入味☺️🤤你個豐富嘅下午茶☕️

很少到粉嶺一帶用餐，經過一間專門食藥膳湯米的餐廳-陳黃記，就試一試。餐廳門口招牌有氣派，大大隻寫住「陳黃記」三個字，門口的落地玻璃可以望入餐廳，而且門口位置更可以泊車，非常開陽和方便。餐牌圖文並茂，食物選擇多，可以一目了然。平時少湯水飲，見到餐廳有兩煲自家製涼茶-雪梨山楂水及菊花茶，就每款叫了一杯試試。我的雪梨山楂水非常鮮甜，清熱解渴。小食-滋味沙薑雞腳一份有五隻，簡直有我手板咁大隻，雞皮好入味，而且軟口，碟上另設沙薑醬，點少少食更滋味。一眼就睇中想食 人蔘雞湯米粉，當中有杞子同埋紅棗等藥材，飲一啖藥膳湯味道濃郁，人蔘同埋雞件嘅份量好足料，雞肉肉質鮮嫩，米粉則爽口入味。朋友就叫了家鄉雞湯，他都大讚新鮮美味。最後兩人消費只是$140左右，每人平均消費$70，就可以享用咁豐盛的下午茶，感覺值回票價。

放飯經常嚟呢度食，因為我個同事好鐘意食呢度嘅醉雞。我就唔太食得有酒味嘅嘢（食過一次，真係好勁酒味）所以我通常會食呢度嘅家鄉雞。其實只係冇咗酒味，啲雞係一樣嘅，肉都幾滑。至於碗米嘅份量，OK啦，但男同事就唔多夠飽。椒鹽鮮魚腩我都幾鐘意，真正外脆內軟，魚腩啖啖肉。有機會我會試下叫藥膳魚腩米，睇下個湯底係咪真係咁正先。晚飯時間嚟，飲嘢加$8，咁都合理嘅。聯和墟嚟講呢間叫做幾有特色㗎！============陳黃記地址: 粉嶺聯和墟聯昌街42號地舖電話: 34817800

珊珊來遲post最近實在好忙好忙好忙，忙到只可以快閃食個fast dinner，好彩屋企附近有間又平又正又健康嘅陳黃記，其實久仰大名好耐，硬係次次附近太多美食，掃下掃下食飽了，今次終於有機會試下喇。晚市時間都8成滿座，呢區黎講都算幾好生意。天麻魚頭湯，最岩體弱女子，去去頭風，食埋碗飯有飯氣，補一補，魚頭唔腥，而且很足料，充滿骨膠原，諗起都想再食！朋友點了個咸菜胡椒豬肚豬腳湯，胡椒味重，不過我喜歡再辣一點再多一點咸菜，飲完超暖身。另外點了一個椒鹽魚腩，新鮮脆炸，炸粉薄，不油膩，肉質嫩滑，很滿足。再加碟油菜，要度店家少油，姐姐話佢地嘅菜機乎無油，又真係喎，健康健康。平時夜晚少食飯，而家食左大半碗，其實食得健康很容易。

粉嶺無人不曉的陳黃記，醉雞米線是聯和墟中的名物，有一種魔力讓人隔一段時間就回來再吃。下午放飯時段經常擠滿學生和打工仔，晚飯時段來到反而比較容易有位，但就見到始起彼落的網上外賣平台 order，看來醉雞魅力沒法擋！對於經常來的我來說，加價後確是少了來吃，因為覺得份量也有點減少。不過不變的是味道。酒味依然香濃入味，雞肉夠嫩滑，大小斬得剛好。個人喜歡將醉雞汁倒進湯米中，最高享受！米線的湯本身是清雞湯，帶一點鹹味，偶爾也會有過鹹的程況（個人口味吧，反正同事不覺得鹹。）內裡有木耳，杞子和冬瓜等配料。米線非常彈牙！這是我最喜歡的口感～比起很多主打雲南米線的地方還要好得多！除了醉雞這裡其實選擇還有很多很多，其中一款是南乳炸雞，無骨啖啖肉夠吸引。炸粉是有點厚，內裡是南乳醃製過的雞肉，不算很濃的南乳味。酒醉糖心蛋必點（一碟一隻，這裡是兩碟。）蛋汁加上酒香真是無敵好味！這個汁是要倒進米線內的精華！小店出品，值得支持。住粉嶺的街坊還沒試過的話就實在是走寶了～！

今日收工同朋友仔去左聯和墟嘅陳黃記食晚飯，因為朋友仔聽聞呢到嘅招牌三寶好正，於是我地就黎左呢到~我地叫左胡椒酸菜豬肚雞湯米粉（$43）豬肚冇異味而且份量多，加埋香濃胡椒味，正呀~豉油皇豬軟骨麻醬撈麵（$43）豬軟骨煮得好入味，d肉都好軟熟，加埋麻醬食落好開胃~招牌三寶（$35）入面有好膶脆、 滋味沙薑雞腳同埋麻香雞腎。外脆內軟嘅黃沙雞膶最令人驚喜，爽口嘅雞腎配上麻油亦令人垂涎欲滴，而雞腳有濃濃嘅沙薑味亦都不錯~~飲品方面，我地叫左凍豆漿（$8）同支裝雪梨山渣水（$20）

今天放假陪寶寶到家附近的$12店添置家居用品，逛完$12店後，走着走着就來了粉嶺聯和墟這邊，嚇見原來已經七點多了，我們晚飯都好像沒意思吃🙈，所以就在附近隨便選了家小餐館吃點東西，然後便選了這家陳黃記😆。我點了個「醉雞撈麵」 $45非常入味，每件雞件都有濃烈的紹興酒味道，喜歡吃重口味、重紹興酒味的朋友一定會喜歡！在我個人而言，我認為有點濃得太過了。雞件嫩滑，口感結實。撈麵是中式拉麵配上醬油、青瓜絲及雞蛋絲，分量十足！胡椒酸菜豬肚拼豬扒米粉 $43這個胡椒酸菜湯的味道做得不錯，不是太濃，也不會一味只有胡椒辣，一點也感覺不到胡椒的辣味，只吃到胡椒的香味及酸菜味👍🏻。豬肚炆得軟腍入味，比起一般清湯米線/粉的確是有過人之處。凍豆漿 （+$3）乾淨衛生，豆味濃郁。流心醉蛋 $10也是有濃烈的紹興酒味，但比醉雞好，而且糖心效果做得不錯，生熟程度控制得非常好。炸墨魚丸拼牛丸 $35新鮮即炸，選料上乘，所用的墨魚丸和牛丸也不是劣質貨式，尤其是墨魚丸，口感彈牙而且有墨魚肉粒，一定要趁熱吃，推薦！

又進來北區探親戚，夜晚本來只是隨便找一間茶餐廳醫肚，想不到有驚喜選擇不算很多，大多都是重視湯底的，如醉雞米，天麻川芎魚湯等等，絕不一般。（＄４５）天麻川芎魚腩配中式拉麵，湯底真不得了，藥材味濃，又帶點魚鮮，完全感受不到味精，我就把湯底全喝完了。配４大塊厚切鯇魚肉，加上非常慷慨的拉麵底，加上大量川芎塊，絕對會飽！加了一隻（＄１０）醉蛋，酒香非常重，不過切得不是太美觀，如果可以更小心點切會更好。油菜只要（＄１０），是非常抵的價格！菜心如侍應推介所說，無渣鮮甜，也滿好吃的，＄１０是不俗的性價比