雪山冰廳

Open Now

Now Closed

長沙灣有好多好嘢食，碰巧經過呢間老字號餐廳係，見佢餐牌有好多食物選擇，價錢親民環境又整潔，一於同朋友入去食💕始祖椒鹽豬扒飯（炒底）$70豬扒有五至六塊份量好足，豬扒表面香脆內裡嫩滑，用椒鹽醃過特別香口惹味，炒飯粒粒分明食落有口感，鑊氣十足又夠香口，值徥推介。💕榛子醬西多士 （下午茶餐 $38）金黃色嘅西多士，麵包外脆內，內層填滿甜香嘅榛子醬，真係邪惡又好食！💕避風塘生炸髀配紅豆冰（下午茶餐 $44）加配🥗栗米什果沙律 ＋$8即叫即炸，大概要等15分鐘，黎到真係心心眼，大大隻炸髀，炸至金黃色，外層脆卜卜，入口啖啖肉，沙律份量都好多，加埋杯紅豆冰，真係大滿足啊💕Tea拼盤：包括雞翼、辣味薯角、🥗什果沙律、🧇酥皮牛角窩夫（一人$44）呢個下午茶一人拼盤好足料，每一樣食材嘅份量都好多，尤其係什果沙律，真係大大份好慷慨，超級抵食，最欣賞係雞翼，醃得好入味，食好到連骨都吮得一乾二淨

裝修完非常時尚，座位坐得更舒適干炒牛河是一道茶餐廳的經典菜，它的特點是炒勻牛河和肉類、蔬菜等食材，使牛河吸收其他食材的香氣和味道，這間餐廳炒得非常有鑊氣，平均，沒有痴住一舊舊，如果你喜愛干炒牛河絕對是一個值得一試的餐廳，價錢合理。什麼時候都可以食全日早餐非常適合香港人全日早餐中的炸魚柳、炒蛋、香草腸仔和牛角包，一個豐盛的早餐組合- 炸魚柳：它的外皮經過炸制後變得酥脆，裡面的魚肉鮮嫩多汁。炸魚柳的口感和味道都非常好- 炒蛋：正常發揮- 香草腸仔：幾好食- 牛角包：它的外皮酥脆，裡面柔軟

舊舖再番新便去試下，叫咗兩個午餐，B餐咸魚雞粒豆腐，啲飯同餸上到嚟完全唔熱，碟餸豆粉芡太多認真麻麻，C餐星洲炒米粉，好一般又冇鑊氣，米粉炒到一嚿嚿，面頭再擺幾隻細蝦仔，幾條叉燒同幾條火腿，米粉還米粉，餸還餸唔係一齊炒，味道同食物都相當之難食，我對呢間餐廳非常之失望

落單第一次一個半鐘諗住一次半次意外唧，點知第二次一個鐘15分鐘，有進步既，但都係唔合格囉！生意好做唔切咪唔好接囉，做唔切咪同人地講聲會慢啲囉，有乜理由40分鐘打個電話就話出左門，過多40分鐘過到嚟，未出咪未出囉！

可能食過深水埗本店，諗住呢間分店裝修得再靚啲，所以期望過高。裝修開揚，好多人食。長沙灣區50-70左右價位一個茶餐唔算平，但整體完全唔值。職員極度西口西面，幾枱人冇匙羹冇叉冇人理不單止，啲Staff仲會啤人覺得呢幾班(唔識既)人好麻煩。衛生情況：簡直係惡劣。地下成地垃圾算數，僅餘既餐具都痴左好多野唯有當睇唔到。傳菜紙直頭浸左係成個醬上面，加餸？味道勉強只能夠俾到不合格至僅僅合格。有種俾個裝修呃左入鋪的感覺。大伏......

🐽 赤肉猴頭菇燉湯呢款湯好濃郁，猴頭菇既味道入曬菇個湯水到，赤肉同埋猴頭菇搭配得好好，令湯味道更豐富。飲完一d都唔口乾，食得出無味精🫶🏻🐽 蕃茄金銀蛋肉鬆浸莧菜金銀蛋同肉鬆令到個湯更加濃味，再加上莧菜嘅爽脆，撈飯真係一流。蕃茄嘅酸甜同埋肉鬆嘅鹹香完美結合，令人回味無窮。🐽 海南雞飯海南雞皮薄肉嫩，味道鮮美。雞肉配上特製醬汁，味道更加濃厚，性價比極高。整體來講，呢間茶餐廳既海南雞飯非常出色，十分推薦

餐廳的裝潢充滿着茶餐廳的味道食物款式多今次叫左幾樣野試，款款都吸引先黎1） 檳城喇沙摻摻配日本櫻花蝦炒蛋+香酥丹麥多士 $60建議 +$9 轉樽仔奶茶/咖啡🩵🩵都幾好飲佢有2款麵，一款似烏冬，粗粗地，另一款幼身似米粉，質地幾特別，吸晒喇沙湯底嘅汁，惹味，要快啲食，如果唔係會冇晒汁丹麥多士配上牛油，鬆脆可口特色下午茶都有多個選擇2） 榛子醬西多士 $36 牛油🧈再加糖漿，配合多士中層的榛子醬，都幾甜下😂😂3）經典芝蛋牛肉漢堡包 $38 呢個高質，價錢合理，牛肉size 好厚身夠大份，2人一齊食就最滋味😆另外我加配了辣味薯皇 $9 ，點茄汁都唔錯以上下午茶配有餐飲，當然揀樽仔奶茶💯最後食埋4）招牌避風塘生炸髀 配紅豆🫘冰 $42 佢上面既炸蒜配合炸到好香脆嘅雞髀，真係無敵呀😋😋配紅豆冰亦都係不錯既選擇👍🏻

榛子醬西多士（茶餐）$36呢度嘅西多士除咗常見嘅花生醬餡之外🍫仲可以揀榛子醬，西多士炸到金黃色，非常吸引🤩雖然入面嘅榛子醬唔係爆曬餡嗰種，但係食到蛋香味搭夠🍳南乳雞翼 $33好少見茶餐廳有南乳雞翼🐔就叫咗嚟試吓，雞翼係全翼，都幾大隻，咬開雞肉外層見到帶少少橙紅色，睇得出以南乳醃過，食到有一陣淡淡的南乳香味😌始祖椒鹽豬扒飯（炒底）$68呢個係餐牌上嘅必試推介，一上枱已經聞到碟飯香氣撲鼻🤤炸豬扒有大概五件，入口帶啲香茅味，肉質軟腍🐷而個炒飯係個精粹，鑊氣十足，入面有啲好多蒜頭同三色📍椒粒，少少辣好惹味🔥值得一讚嘅係炒飯入面都落咗唔少雞蛋一齊炒，令口感更加豐富🤓南洋咖哩牛筋腩飯 $48呢個都係下午茶餐，南洋咖喱入口偏甜唔辣，好啱送飯🍚個飯底都有輕輕加入雞蛋炒過，夠晒飽肚，都幾大件🐮炆得入味，唔會好韌。樽仔奶茶 +$9其中一杯嘅餐飲就加錢升級左做樽仔奶茶🌱入口幼滑，茶味都幾香濃，冇苦澀味，可惜嘅係冇得調整甜度😂凍奶茶 +$3另外一杯就叫咗普通凍奶茶🥤最多只係可以少冰，當然相比之下呢杯擺耐咗啲冰融左之後就會溝淡咗啲🙈不過整體都唔錯～

長沙灣好多cafe,但想食果間黎到長沙灣先知收18:30，於是search附近野食誤打誤撞黎左呢間冰室，咦，有驚喜喎！我地兩個人叫左兩個飯，一個鮑魚福建炒飯，一個招牌椒鹽豬扒炒飯底，見佢係餐牌推介，仲要炒飯底，幾有誠意丫！不過，唔知係咪師傅唔記得個飯唔記得落鹽，淡到無得再淡，椒牌豬扒不過不失，正常既豬扒無乜特別！比到驚喜我既反而係個鮑魚福建炒飯，味道夠而且仲係幾好味又足料，值得推介！雖然個豬扒遜色左，但都會再黎試其他野食！5分滿分1）椒鹽豬扒飯 值2.5分2）福建炒飯 值4分

呢間係老字號嘅冰室，難得今日出開嚟，埂係要食返個豐富嘅早餐先出發啦個通粉比平時食開嘅茶記仲多咗隻鮑魚添，幾矜貴，佢嘅早餐另外可以配搭其他食物，例如菠蘿油，或者較普通嘅煎蛋，多士，自由度都幾大

朋友係長沙灣收工，咁就約係附近食飯，行經雪山冰廳見到餐牌價錢相宜，就踏入左餐廳☺️店員好友善，份量仲好大份，不愧是老字號茶餐廳👍始祖椒鹽豬扒飯 (炒底) $68 👑椒鹽豬扒香口帶微辣，肉質鬆軟，肉汁豐富，外脆內嫰，散發出椒鹽的陣陣鹹香，下飯度極高。炒飯飯量足，粒粒分明，炒飯仲加左啲蒜、豆豉、紅椒去炒。XO醬乾炒豬扒公仔麵 $65豬扒香口惹味，肉質軟嫰，肉汁豐富。ＸＯ醬的味道濃濃地滲入公仔麵內，公仔麵亦炒得好乾身，配埋韮菜、芽菜、洋蔥齊食，唔會覺得好膩。避風塘生炸雞脾 $35 👑必點招牌菜👍即叫即炸，雞脾好大隻，雞皮炸到好香脆，而肉質就好嫰滑同juicy，完全無乾柴，配埋面頭既脆炸蒜，非常惹味。#燉湯 +$15 (跟餐)今日係沙參玉竹瘦肉湯❤️今日天氣又涼番，燉湯熱辣辣，飲完暖笠笠，仲十分清甜滋潤🫶#凍檸檬茶 +$9 (跟餐)茶香和檸檬香兼備，甜度剛好中和了茶澀味，帶一啲清新酸味，可解食物油膩。

每次去茶記都有好多款想食🥹 作為一間老字號既冰廳 野食創新多選擇 今次試住幾款先焗鮮茄豬扒飯 $65一嚟到好香 炒底夠哂蛋香味 厚切豬扒食落軟淋多汁 夾埋芝士食更加分 不過茄味再濃小小就更好啦～木魚花蝦球煎烏冬 $68好有驚喜 配搭好特別～ 食落似大阪燒 但烏冬變左主角 蛋香十足 配埋木魚 燒汁又幾夾喎😎奶醬多士 $16奶醬既份量相當多 就快滿瀉🍞 無得輸！爆餡蛋牛治(烘底) $28烘左底既麵包夾住又厚又香既鹹牛肉炒蛋 加埋蔥花 真係完美配搭 外脆內軟🥪熱奶茶 香濃幼滑雪山冰廳📍長沙灣青山道413號東景大廈地下4-5號舖

有食開雪山既晚餐 今日放假決定試試佢個常餐Lunch12點幾左右時間入到去都已經坐左一大半人落左常餐1號 唔使5分鐘就到齊喇先黎左丹麥多士 夠熱脆口 牛油會分開比你自己加 佢份炒蛋一定足兩隻蛋有多 好大份 滿足香草腸仔整得好熱 個皮又好脆 正！接著佢個沙嗲牛肉麵到喇 我轉左做岀前一丁 不過佢沙嗲牛肉已經香濃到食唔到岀前一丁個味下次唔使轉一丁了佢啲沙嗲牛肉好大堆 牛肉係滿滿香濃嘅沙嗲醬 岩哂沙嗲人士愛好餐飲叫左杯凍咖啡 都好好飲

🐥雪山冰廳🐥<椒鹽豬扒飯>熱啦啦 香噴噴 出晒煙咁上枱🔥豬扒唔鞋唔韌 好入味🥰個飯炒到乾身👍🏻粒粒分明☺️仲好有鑊氣🔥成個飯好惹味 唔會好油膩推薦 必食‼️💰: $68<樽仔咖啡>有啡味 但偏重奶味🍼冇典型茶記咖啡既酸味👍🏻☺️💰: $15 (跟👆🏻餐)<海南雞飯>個雞都係幾入味而且滑溜不過有骨🦴無得啖啖肉🐓🍗個飯唔係傳統既油飯🍚偏乾身 加左啲乾蒜🧄醬汁就正常 黑豉油同辣醬 不過就沒有指定部位提供 限量每日100份✨💰: $68<樽仔奶茶>奶味好出 茶味濃啲會更好🤣好絲滑👍🏻甜度剛好💰: $9 (跟👆🏻餐轉)<榛子醬西多士>驚喜之作‼️超邪惡之極☺️西多士炸得金黃⭐️配上超大舊牛油🧈好香加少少楓糖漿已經夠🍯因為入面搽左榛子醬🌰唔會過甜減緊肥都忍唔住 食多兩件🤤真係好好食‼️必食‼️💰: $32.__. .__. .__.🐥🐥🐥.__. .__. .__.總結：推薦！好食高質冰室！超推介多士同 椒鹽豬扒飯環境：🐥🐥🐥🐥/5服務態度：🐥🐥🐥🐥/5食物質素：🐥🐥🐥🐥🐣/5 性價比：🐥🐥🐥🐥🐣/5 回頭率 :🐥🐥🐥🐥/5

雪山冰廳 • 長沙灣長沙灣呢間雪山冰廳應該算同區茶餐廳入面比較有名氣嘅一間，所以今晚決定試一試佢。呢間餐廳有幾款食物都比較出名，包括西多士、樽仔奶茶，避風塘炸脾，今晚就叫左前2樣。侍應姐姐都幾有禮貌，服務抵讚👍🏼..✅ 榛子醬西多士 🧇 $32榛子醬西多士裹上蛋漿炸至金黃，色澤幾靚，火候掌握幾好。食嘅時候仲熱辣辣，蛋香味皇。榛子醬香濃，好食！😋..✅ 乾撈蟹籽海皇粉絲煲 🥘 $85煲入面有魷魚、魚塊、青口、蟹柳，粉絲煲入面加上蛋去炒香，香氣十足。加上大量芽菜，不過鍾唔鍾意就見人見智。青口等海鮮質素平平，不過意料之內，但整體都唔錯👍🏼..✅ 鮮沙薑蟲草花蒸雞 🐔 $88蒸雞鋪上大量蟲草花，而且有沙薑調味，沙薑味幾濃，味道唔會太鹹。如果雞肉再滑啲就更好。..✅ 樽仔奶茶(跟餐) ☕️ $15樽仔奶茶唔算太甜，入口順滑，值得推介俾大家～