雲南啊老表黑山羊湯鍋米綫

Open Now

Now Closed

今日去開觀塘碼頭附近，天氣幾涼快，可以散下步加等埋觀塘朋友放工，佢介紹lunch 熱門餐廳之一，專門食羊肉的地方，位置係鴻圖道和敬業街交界，對上班一族都十分方便。 上一層樓梯便到餐廳，原來就係以前觀塘廣場的出名黑山羊肉米線店，搬了過來! 這邊舖位空間比以前大很多，而且自成一角，不會再有商場路人嘈雜打擾，的確幾好。餐牌跟之前差不多，所以我們當然要食著名的黑山羊米線 （細）和羊肉飯，另外加兩份川味小食。 =羊肉湯飯 $50=白飯跟羊肉湯分開盛著，羊肉湯有部分羊肉厚身，類似腩肉部分，食落肥瘦比例剛好，又唔會羶味，而另外有羊肉片，薄身夠淋，特別要喝兩口湯底，味道較濃，口感幾舒服，在秋涼天氣下，可以暖身子又滋補一下。 =羊肉細碗米線 $55=跟羊肉湯飯類似，而羊肉的切法不同 ，比較以羊肉片和羊肉絲為主（也許另外有羊腩選擇）原來米線跟羊肉湯底是絕配，因為剛好可以吸晒羊湯味，連同羊肉片和絲方便一起放入口，味道豐富，而且份量又多 （細碗原來好大碗，即平時的米線店普通份量） =美味口水雞 $32=天氣轉涼就想食辣野，口水雞切得厚身，調味濃郁但唔算好辣，香味十足，雞件肉質唔會鞋身，是地道惹味小食。 = 麻

一上到去已經聞到陣羊味😍😍😍呢度d羊米線真心好好食，米線好滑，個湯底好羊好正。呢個size係細嫁啦，份量我岩岩好，個蘿蔔都好好食，連平是唔食蘿蔔嘅我都覺得舊蘿蔔好入味好正，成碗野我比100分。但係個避風塘雞翼就差點，乾爭爭。呢度一定會再黎，下次要試水餃😍😍😍

雲南啊老表黑山羊湯鍋米綫 (觀塘).天氣開始轉涼，又係食羊嘅好時候(⁎⁍̴̛ᴗ⁍̴̛⁎)晏就唔會食羊腩煲，食羊米線都唔錯！.▪️手拍青瓜/涼拌海帶▪️.必食小食，手拍青瓜夠酸又夠新鮮，脆口又多水份；涼拌海帶係幼身，但都咬落爽口嘅.▪️羊肉酸辣米線加豬大腸▪️.到今次黎食嘅重頭戲，米線湯唔算好酸，佢嘅酸主要係靠酸菜，另外辣都唔算好辣我同男朋友兩個都係叫細嘅酸辣米線，份量超多，我叫少米都好似無少到咁😂佢額外加左豬頸肉，我就加左豬大腸。羊肉都幾多，又夠羶香味ψ(｀∇´)ψ.📌 雲南啊老表黑山羊湯鍋米綫 (觀塘)觀塘鴻圖道90號1樓環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

之前食過一次，味道好，價錢亦都合理，呢日於是嚟到佢新鋪幫襯，新鋪無咁就腳，但係空間充足，坐得舒服。雖然同舊鋪一樣咁多人，但係避開繁忙時間嘅話可以唔使排隊。.今次，我嗌咗「羊肉細碗清湯米線」($55)同凍菜蜜。.🥢望落好大碗，而且好多蔥，蔥亦令米線口味更豐富。.🥢薄切羊肉，老人家都食到，肉塊有肥有瘦，帶有羶味，好啱我口味。羊肉份量唔少，唔會食到最尾冇餸食。.🥢亦有清甜白蘿蔔，令湯底更清甜，有更多配料就更好喇。

一排無食，原來搬左鋪都唔知，去到舊鋪見無左，先識去新鋪，新鋪遠左好多😅🤣但好彩野食keep得著。.次次黎都必點「羊肉酸辣細碗米線 $56」，大既會多好多羊肉，不過一個人食唔晒，酸辣米線酸菜好好味，湯底清得黎無羊酥味，羊肉真係好好食，完全唔會覺得係腥味個種，反而好好味。.除左羊肉，佢個水餃都值得介紹「白菜餡水餃 10隻 $33」，皮唔係好薄個種，但個餡好食，白菜同豬肉個比例岩岩好。另外有個特色小食係「蒜泥白肉 $30」真正既蒜泥配白肉，除左蒜泥就得白肉，唔會有其他醬料蓋左個原味。.跟餐加野飲$9起，凍檸樂都係+$12，價錢無咩點加價，只係地點遠左少少，不過秋冬天氣都ok既，食完行下當散步。

今日同朋友去開觀塘，突然好掛住呢間米線，一於帶朋友去食。但原來搬左舖，新舖的空間比以前大，更闊落。我地一共叫左兩碗麵、兩個小食、同兩杯飲品。這裡的麵有分大碗和細碗，非常貼心。女仔食一碗細碗都非常足夠，因為佢既份量好多。大食既朋友就可以食大碗，一定會好滿足😍。牛羊雙併酸辣米線 🐏（大碗）（$61）貪心的我想食齊佢地既招牌，於是叫左牛羊雙併酸辣米線。羊肉切開一片片, 肉質唔鞋好咬口, 好香 ，唔算好酥。牛肉以厚切形式呈現，煮得好淋好入味。肥瘦適中。內仲有一些配菜，如雪菜, 蘿蔔,蔥花，好豐富。口水雞酸辣米線🐓（細碗）（$43）口水雞的肉質滑，配上特製的醬汁，好惹味。辣度對於我來說不算太辣，而且是愈食愈覺得好食，但對於朋友來覺就有點兒辣。蒜泥白肉🐖（$30）賣相與相像中的不同，本身以為會好普通。但旁邊的蒜蓉完全是這道菜的精華。並非單單是蒜蓉，而是加了不同的醬汁落去，更突出蒜味，亦更惹味。配上帶有層次的白肉（肥瘦肥瘦），食落覺得有驚喜。拍青瓜🥒（$20）拍青瓜同樣都與相像的不同，本身以為是辣的。但原來不是，佢地獨待的醬汁，帶有酸酸甜甜的味道，非常清新爽脆，非常開胃和清新，且青瓜亦吸取左醬汁的味

之前已經知道觀塘有間叫雲南啊黑山羊湯鍋米綫 幾好食，今次終於有機會去試。去到當然一定要叫招牌菜，羊肉湯鍋大米線一碗。先講湯底，味道好清甜而且米線超級嫩滑兼有煙韌度，我好鍾意。羊肉就有唔同嘅部位，有羊腩肉、瘦羊肉片及肥羊腩肉等等……每一塊都好好味好有雲南特色。除咗米線，呢度仲有好多特色雲南傳統美食，今次叫咗秘制豬手，豬手係斬件炸個表面，然後用炆嘅方煮到豬手好冧，而且有少少香脆。如果喺香港食正宗雲南米線，真係要嚟雲南啊黑山羊湯鍋米綫試下。

好耐以前已經有食過幾次呢間羊肉米線呢度既米線好大碗但自從搬左之後 愈搬愈貴 份量又縮水羊肉香 但牛肉柴到好似食雞胸肉咁湯底係成碗米線既重點 有好香既羊味 但咸左d葱加完個湯都冇葱香味但呢個價錢 性價比一般 只會間唔中去食

係觀塘最出名，最好食一定係呢間，但係衛生亦都係非常重要，但是好多時在冇咁多客人，如早上1100左右，通常帶口罩， 廚師都唔戴口罩 ， 有時聽到佢哋喺裏面打乞嚏講嘢又大聲 新舊店都是一樣情況，食物都好，但衛生實在吾得

美食博士帶大家食正宗米線💯🍜羊肉大碗米線 $62🍜牛腩湯鍋米線 $50🥩蒜泥白肉 $30🍗四川麻辣鷄翼 $22 🥤凍茶蜜 (跟餐$9)🥤凍菜蜜 (跟餐$9)羊肉係招牌一定要叫🐑，兩碗都幾大碗，我哋唔算食得辣所以叫咗清湯，啲肉夠嫩滑，又唔會韌，米線彈牙。白肉點蒜泥好惹味，個雞翼一上嚟就已經好香，食落去有啲麻辣味但又唔算好辣，我博士推薦呢個👍！嚟到呢間新開嘅食雲南米線，地點唔近地鐵站，不過返工lunch時間都算多人。

天氣炎熱🥵，所以不想食飯，想食下米線，見到個招牌名字好似好特別，所以就入去試吓！因為同事肚餓，原本想order 「大碗」，但侍應好心告訴我們，大碗如「小型洗水盆」😆，我們立即改為order 「小碗」，其實真的不小🤣 雞肉米線有大約6件雞肉+白蘿蔔+ 脆薄薄+清湯，大大份只是$40/小碗（官塘區午餐來講已經好抵），雞肉ok ,如果可以選擇雞髀🍗（加少少錢）更好😄牛腩+羊肉米線中規中矩ok ,一次過食到兩款肉類😆mix 餃子🥟一次過滿足晒兩個願望😁

係觀塘區返工，發現附近開左間米線舖，個名好有雲南風味，就試下啦～🌟口水雞酸辣米線 $40 欣賞佢嘅口水雞係另上，麻辣程度幾易入口，唔會太辣。米線幾爽滑，軟硬度適中，特別嘅係佢嘅湯底，有少少羊味，但係一啲都唔「酥」，係出面好少食到依隻湯底味道。🌟四川麻辣機雞翼 $22/4隻雖然雞皮唔夠香脆，但係好開胃！我一個人食曬四隻🤣 落完單先發現自己叫左兩碟都係雞，好彩味道唔錯，最後都有食曬😛另外，環境比我想像中好，雖然係小店，但係竟然有大玻璃窗，而且環境幾衛生乾淨。

這次來到觀塘，回味黑山羊的味道，怎料餐廳搬到了新地址，雖然不近地鐵站，但勝在餐廳比之前光新闊落，味道更是和以往一樣美味。黑山羊米線例牌一定要叫黑山羊米線，份量叫小就可以了，因為大碗一定吃不完。米線爽滑，配上香濃的羊肉味湯底，配搭真是一流，讓人吃落停不了口。羊肉份量很多，一大碗的，羊肉鮮甜，吃落有陣陣的羊脂味，非常好味，一點也不蘇。雞翼小食雞翼煎的外脆內香，肉汁非常地多，加上是土匪味，比譚仔的味道更勝一籌，濃濃的香味，碗上濃底米線，味道真的很夾，好味！

觀塘區已經是一個美食天堂，什麼國家菜式這區都可以搵得到。而今日我找了這間是雲南餐廳專吃黑山羊的。餐牌大多是餃子同米線為主，米線有清湯同酸辣的。我和朋友點了米線同小食。一牛羊雙拼米線，大大碗很足料清湯很清甜，羊肉很腍身肉質鮮嫩，牛肉都很嫩米線幼滑。牛筋米線，牛筋煮得腍腍又夠爽，桌上有辣椒醬同辣菜脯選擇，加了菜脯同米線一起吃很惹味。自制豬手，大大件豬手燘得很腍身，骨膠原很重很滋潤。蒜泥白肉，濃濃蒜泥夾腩肉一起吃特別醒胃。

食得西餐多，都想去食下米線😚 今日試咗呢間「雲南啊老表黑山羊湯鍋米線」～羊肉酸辣大碗米線$62真係好大碗😵 不過我今日好肚餓，嘅應該食得曬😆 羊肉份量都算多，夠淋，有羊味😆👍🏻 米線最緊要係個湯底，個酸辣湯底果然唔錯，加埋啲酸菜，好味👍🏻牛筋酸辣米線$40細碗份量原來都多😳 湯底都係酸辣，米線夠滑，牛筋好淋👍🏻 口水雞$32唔算好辣，味道可以～水餃$33有十隻都幾抵，一半係韭菜餃，一半係白菜餃，兩款味道都唔錯～