雲川 米線．紅薯粉 (盈豐商場)

Open Now

Now Closed

難得同男朋友一齊放假又冇野做，我叫佢陪我黎試下雲川燒食 lunch。間舖位置有d遙遠，我哋搭西鐵去到兆康站，需要再轉輕鐵的，落車後還需要步行大概5分鐘左右才到。到達舖頭未入去前，我已經嗅到好香好香嘅味！坐底後，我叫左豬頸肉拌紅薯粉，而我男朋友就叫左煎豬扒大腸紅薯粉。果然，冇令我地失望，d餸份量好多又好味。拌紅薯粉個醬汁調味岩岩好，好岩鐘意重口味嘅我地。只可惜佢唔係開係我住果區，如果係，佢一定會成為我成日都會想去食嘅一間米線舖

位置於屯門屋村商場內，竟有間高質平民的米線專門店。選擇多，除了有米線、紅薯粉等主食還有拍青瓜、手撕雞等小食。而且價錢相宜，非常抵食！今次先試他們的豬骨湯。香茅豬扒配豬骨湯紅薯粉• 湯底清甜、配料份量頗多，味道豐富同時大大小小的配料令口感變得豐富。• 豬扒肉質偏向紥實有咬口，香茅味突出、外層帶有丁點焦香。• 紅薯粉保持一貫煙韌，夾起每口都可以沾起湯底和配料。• 份量也相當多，不論是豬扒或是紅薯粉亦是，作為午餐十分適合。

因為太忙嘅關係所以就叫屋企人幫我買咗個外賣咁就帶咗腩肉豬腸雙餸清湯米腩肉水準依然 4-5舊大大舊 軟硬適中有肥有瘦岩哂平時鍾意食開肉嘅朋友豬腸完全冇臭味 有咬口又唔會太”銀”清湯鮮甜味美繁忙時間都依然有水準抵讚👍🏻👍🏻

.🌟雲川燒🌟📍話說我發現每次放出來的都不是飯類美食😆👍🏻這是因為對於飯類的喜好不大...回到正題先，相信絕大部分居住在屯門的朋友對雲川燒一定不陌生🎉這間餐廳主打食米線，亦有薯粉可以揀，以往它有串燒已吸引不少人，但現在它已沒有售賣串燒🍢街坊們雖然感到很可惜，但仍然有很多粉絲鍾意食它的小食💓例如手撕雞，豬排和豬頸肉也是不錯的選擇～🤩.🎈麻辣豬頸肉蘿蔔紅薯粉+熱飲💲4️⃣7️⃣. 看到這碗麵相信大家一定會問...為甚麼碗裏會有四種菜呢？😂跟上面提到的名字有不同🙈都因為我屋企人習慣互相分享最後可以食到的菜就不只有兩個唄❤️又回到正題🤪👉🏻豬頸肉和豬排老闆悉心處理一早已將肉類調好味🥩🍖所以非常入味而且充滿香味樣似海帶的是螺旋藻口味爽脆🥬蘿蔔🍢經充足炆煮多汁帶甜不能缺少的紅薯粉咬韌爽口😽餐廳提供幾類湯底最突出的當然是麻辣湯🍜我不太食辣，但這個可以食到食過這湯就不能回頭囉🤤. 雲川燒 (盈豐店）地址：屯門盈豐商場地下A27舖營業時間：星期一至日 10:00-22:00.評分5🌟為最高；💫為半粒特色：🌟 🌟 🌟 性價比：🌟 🌟 🌟上菜時間：🌟 🌟 環境：🌟 🌟🌟味道：🌟 🌟 🌟 🌟 🔸屯門虹橋，貝爾特都有分店🔸

最好味嘅米線之一晏晝去咗呢間雲川燒食不嬲都有食開佢今日就淨係嗌咗兩個餸香茅豬扒同豬大腸跟住就試吓佢個熱拌香茅豬扒大大塊 整得好有心誠意豬大腸就冇臭味 份量都多熱拌就覺得比起湯就冇咁好味下次都係揀返有湯$39+8 仲有杯熱飲👍🏻👍🏻

已經黎左每數次🙊🙊真係太好味🤤我已經搬左出去住都專登入番去屯門食就知道有約好食💓💓$39 包一款食物再加飲品超級抵食👍🏻我個日食都坐爆哂必食豬頸肉呢到好幼身 每條都煎到好香唔會睇張相好似得好少份量好多基本上你食極都有🥳🥳湯底我就叫酸少辣好濃既湯底而我媽咪叫左豬扒都好淋身👏🏻份量又好足冇雪味佢叫紅薯粉 都唔洗加錢👍🏻總結黎講屯門必食既米線試完一定會愛上❤️

豬頸肉的切法好特別，切到一條條，比平時一片片的豬頸肉更加有咬口，而且調味處理得好好，唔會話無咩味。熱伴有肉碎同芽菜等配料，成個感覺唔會話太過單調。而且仲食到肉碎入面有小小麻醬既味道😎，配合紅薯粉撈埋一齊食真係幾正🤤~ 整體來講感覺唔錯，食落好香口，份量亦都幾足，要比個like👍🏻。..🥡咁岩係屯門西北游泳池操完水🏊🏻‍♂️經過，就係附近間雲川燒食宵夜。之前試過一次佢地既魚湯，覺得太重胡椒味，所以今次就試下個熱拌質素如何😋。

這店的撈薯粉特別好味，紅薯粉很有咬口，而且拌的汁料也很好味。花枝丸不但彈牙爽口，而且內有小塊的花枝，另人回味，燒豬頸肉也香口，很惹味，份量也不少。還有這裏的炸豬大腸很正點，非常香脆，配以甜酸醬，十分美味。

《跟肥老闆搵食 - 香港雲川燒》肥老闆叫左「豬扒豬頸肉小麻辣米線+大腸+煙鴨胸」，一向的多肉無菜（笑）。「湯底」麻辣湯底味道幾好，濃度適中，也不會因為叫小麻辣而無味，而且麻辣之中帶點酸菜香，可能廚房在做個陣混左些許酸辣湯，但還是很不錯的。「香茅豬扒」香茅豬扒醃得好入味，入口有滿滿的香茅味，卻唔會蓋過豬肉的味道，那股香茅味即使在吞下之後，仍然在口中「𠺘下𠺘下」咁，名副其實係「齒頰留香」。而口感很鬆軟，一點都不會韌同乾，週邊的肉煎到微焦，吃下去十分香口。「祕製豬頸肉」祕製豬頸肉是店家的招牌，豬頸肉用祕製醬料醃得入味後再煎香，醬料的味道經煎煮後更濃郁撲鼻，在上菜時已率先聞到。入口香濃，味帶微甜，嗯，係醃料之中有蜜糖！加上豬頸肉本身彈牙的口感，確實係味覺上嘅一大享受！「大腸」店家的大腸是滷水大腸，煮得夠入味，味道濃厚，還不錯，中規中矩。可惜是豬頸肉珠玉在前，大腸自然就被比下去了。「煙鴨胸」煙鴨胸是急凍、現成的。同午餐肉一樣，只要稍為加熱處理，就已經食得，仲好好味。所以肥老闆就唔多花時間文字去評述了。肥老闆的朋友也點了小麻辣米線，配料跟肥老闆的差不多，大腸同煙鴨換了做菜肉餃，為食嘅肥老闆就梗係要

今日入左屯門搵朋友，到晚餐時間又要諗下食乜好，突然諗起已經有好幾日冇食米線，米線癮發作好想食🥺 於是就叫朋友帶我去食米線，朋友帶左我黎一個小型舊商場，話入面有間佢覺得好好食既米線舖 — 雲川燒好彩我地黎得早，7點就到左，唔洗等位～之後一路食一路發現等位既人流不斷，就知道呢間米線舖應該好受區內既街坊歡迎我叫左香茅豬扒酸辣小鍋米線，湯底酸味同辣味都好平均，好開胃；豬扒有5大舊，好入味，不過因為豬扒冇另上，所以有少少淋左，不過整體黎講呢碗米線都好好食！

琴日晏晝黎到屯門建生呢間雲川燒食米線。一黎到，外面已經好多人排隊拎飛等緊位。小妹一個人好快就入左去啦。今次我叫左個中麻辣豬頸肉米線，再加一杯咸檸七。個湯既麻辣好濃好香好夠味，米線亦都好Q。另外豬頸肉份量好足，而且煎得外脆內軟，咬落口感好正。小妹經常黎既飯堂呀👍🏻👍🏻

前日晏晝黎到屯門建生呢間雲川燒食米線。一黎到，外面已經好多人排隊拎飛等緊位。小編一個人好快就入左去啦。今次小編叫左個中麻辣豬頸肉米線，再加一杯咸檸七。個湯既麻辣好濃好香好夠味，米線亦都好Q。另外豬頸肉份量好足，而且煎得外脆內軟，咬落口感好正。

呢間米線我食左好多次了，可以話由佢細鋪食到大鋪再食到佢開埋分店係屯門既建生村商場入面價錢抵食物質數高，我係極力推薦，100分滿分!!!!!!必叫麻辣米線配豬大腸同豬頸肉($45)，凍飲加$3，湯底濃郁又唔會辣喉，麻香撲鼻，豬大腸軟冧又”老”得勁入味，豬頸肉彈牙又燒得好火喉，最重要係足料到爆,唔會得幾舊…茶餐D($32):又係勁抵食，有司華力腸、春卷、花枝丸同青瓜，每一樣都好好味，配搭得非常好，因為司華力腸、春卷同花枝丸三樣野都又煎又炸，有青瓜解下膩，而且青瓜D醬汁酸甜辣都有，大讚!特別想講花枝丸，入面係有D八爪魚粒粒，煙煙umum，非一般好味道!!最後encore多一碟花枝丸($26)同炸雞亦($24)，滿足!!!!!!!!!!!!

每次放假留係屋企休息Lunch我都會去雲川燒買外賣我好鐘意食米線而家佢既麻辣湯底幾惹味所以放假特別想幫襯佢我今次叫左香茅豬扒、生菜米線兩款餸揀左微麻辣湯底配飲熱利檳納豬扒真係幾好味又唔會煎得好燶而且又唔會好肥我每次食都係揀淨要辣肉碎本身我唔鍾意食蔥芽菜之類🤣🤣呢間lunch都算多人但好快已經整好大約我都係等左5分鐘左右好懷念以前有串燒食而家佢地淨係做米線下次再去幫襯先😂😂（留意外賣加$1）

朋友介紹，今日黎左呢間專食米線既雲川燒。朋友推廌豬頸肉，我就叫左豬頸肉豬排撈米線。豬頸肉份量好多，食落有燒烤既味道，同平時食開個啲豬頸肉好唔同！不過可惜豬排有少少乾，整體來說不錯，會再黎！