雲貴川

Open Now

Now Closed

因為食晏晝時間唔多，所以就貪近就去試咗，入到去唔多人大約10個人左右，冇諗過會咁失望，叫咗一個三餸米線，其中一個豬腩肉要加$4 ，最後$52。嗌咗酸辣小辣，但係冇味道，腩肉都係冇味道，唯一係腩肉個口感係唔錯，米線口感都算彈牙，但係因為整碗嘢味道都係好淡，所以完全唔覺得好食。另外免費叫咗腐竹和冬菇，冬菇沒有經過醃製，腐竹偏硬不淋，所以成碗米線只食了餸和少少米線就放棄走人。真心好失望我諗都係試一次就夠。

完全冇味，嗌完真係好嬲，好嬲好嬲，價錢又唔係平喎，但係碗嘢完全冇味，個湯完全餿水，我真係未試過食過咁難食咁難食咁難食嘅米線囉，仲要轉左薯粉個薯粉夾起一夾就斷晒，what the f使唔使做到咁呀？其實要做到咁都幾難，大佬我屋企煮個麵都唔會咁難食啦，有冇考慮過客人嘅心情？比$64食碗咁嘅嘢。望落去係冇問題，但係食落去嗰下你知唔知幾崩潰？大家真係千祈唔好幫襯，我浪費咗啲智商稅完全嘥錢，食咗兩啖即刻要食第二間唔食呢間，佢攞獎嗰啲一定係呃人我淨係食咗兩啖已經食唔落，我未試過幫襯一間食肆係食兩啖食唔落

1. 完全無服務可言，收加一，不知所以，快餐小店，不提供紙巾，一杯水也無，店員黑口黑面，居然理直氣壯收加一服務費。2. 麻辣薯粉，是多年來在香港吃到最差的一次，粉未煮軟，調味全靠醋+辣椒精，毫無靈魂。3. 湯裡赫然一根黑色頭髮！向服務員指出，居然面不改色！4. 店鋪味道莫名氣味，臭烘烘，搞壞心情。一份酸辣薯粉+一杯檸水，盛惠86文。這家店鋪在佐敦應年頭不短，路過多次，第一次光臨就十分不快，希望各位路過切勿中伏！！

蹅入店舖就聞到一股舊店的氣味😑叫了麻辣小窩薯粉，外表一般且冇花生。麻辣湯的味道非常麻麻，我係好肚餓，但都食唔哂碗粉亦唔想多飲湯😔原來雲貴川間間質素各有不同，呢間店真係唔推介😒

由賣相講起先 賣相正常 但我飲第一啖湯已經覺得個麵可能會一般 首先覺得個湯冇乜味 得辣油上面嘅辣同油味 完全唔香同埋冇令我想食落去嘅慾望 然後到麵 我叫咗米線 米線偏硬 冇口感 雞肉好似冇醃過 冇味 土豆片個味好生 似未煮熟的 芋絲正常 碗麵入面本身跟嘅肉碎個人覺得係好食的 整體嘅體驗係一般 但有人話係轉咗手先會變得唔係太好食 埋單嗰陣見到開放式廚房 環境衛生都一般 而且成間店冇乜人 可能因為位置偏僻影響到 最後價錢合理

薯粉口感ok, 價錢尚算ok, 但個湯真的十分失望, 雖然只是嗌小辣, 但一點小辣的感覺也沒有, 不刺激, 除了沒辣味, 其實整碗湯也沒有味, 嗌了麻酸辣, 酸味辣味鹹味也十分不足, 嗌了雞肉 不滑, 整體來說 3/10

口水雞必食，越食越滋味，真係好開胃，後悔應該叫辣啲，三小辣都唔係辣。一定要食半隻雞先夠自己一個人先至叫滿足。😍薯粉，正正常常，小辣都唔係好辣，下次一定要叫中辣。

不厭其煩地要再講一次呢一間雲貴川米線 🍜 -由我讀書開始 到依加 都幫襯左 6-7年由以前喺嗰邊成日食到而家有得食都冇機會食 好掛住你呀😭🖤-一直覺得佢地點好偏僻 所以好驚佢人流少而結業 今次就想介紹俾大家去食希望幫到佢哋啦 ✌🏻🤤-佢地既招牌口水雞 無敵既雞汁 送米線 真係好好味 鐘意食麻既骨友 實好鐘意 $50-米線碗轉左 米線好似少左 以前食完佢會飽到下年🤢🤢 依加份量叫岩岩好麻酸辣 真係好好味食開（雞肉 炸醬 ）😄-由於太多米線舖叫雲貴川佢只係得一間舖 唯一一間 係佐敦真係食佢地既人情味😚😘❤️ 祝生意興隆-

嗌咗碗麻酸辣雞肉豬大腸米線，啲米線好似用洗碗水煮嘅咁，有陣餿味，啲餸都係冇味，啲雞好似嚡到食緊擦膠咁，真係好難食，我個朋友嗌咗碗清湯米線，真係好似白水煮麵咁，其實嗰啲話好食嘅係咩心態，仲要明明成間舖都冇講過要最低消費，等我哋落咗單先話要計人頭，所以最尾加咗碟孜然雞翼，諗住雞翼唔會難食得去邊啦，結果連雞翼都冇味，唔講以為自己味覺失調，再加上舖頭環境惡劣，一入去已經有陣酸臭味，不斷有啲蚊蟲飛嚟飛去，成間舖都真係好伏

又到想食米線既日子，上網搵咗間未試過嘅米線舖食下先。😋呢間舖頭喺佐敦地鐵站附近，好方便👍🏻麻辣湯雞件米線🍲上到枱聞到湯底好香，飲落去湯底好濃郁，不過唔夠麻辣味。切雞大約有五件，肉質都幾滑，配菜有少少豆卜同木耳😝自選米線 (魚腐+娃娃菜 酸辣湯底)酸辣湯底冇麻辣湯咁香濃🤣米線質地煮得比較軟腍，如果鍾意食爽口啲嘅米線，可能要qr code落單嗰陣時打話爽口啲。配料有包肉碎酸菜等等，個肉碎撈埋個湯飲幾好味🤭孜然雞翼賣相睇金黃色脹卜卜好吸引🤤食落雖然冇譚仔咁濃味，但勝在外脆入邊雞肉肉質好滑。

川味過橋薯粉~有非常多不同的配料，腩肉、牛肉、雞肉、腐竹、炸醬、豆卜、火腿、生菜等，材料很新鮮！這次叫了酸辣二小，不夠辣，下次會挑戰更辣！🤣🤣正宗四川麻辣小鍋米線~美國肥牛，金菇，小辣，米線偏爽口紅油青瓜

學生年代到而家大大話話都有十幾年鐘意食辣既關係，當時有位四川同學帶我過嚟食lunch，咁就一食愛上左呢盤口水雞每逢同朋友附近行街一定會帶佢哋黎，配合咁多位，大中小辣都食過，我好肯定食過呢間，一定對其他既口水雞無性趣！因為真係無得比！過咗咁耐，而家好少經過呢區，但一黎就會食！或者外賣返屋企慢慢嘆！今日又黎會一會佢⑨ ⑨今次同小朋友食，米線揀左清湯日新月異，好多野都變哂~~但不變既系，帶住唔食辣既小朋友，都要食佢。

我最近嘗試了一碗令人垂涎的麻辣米線，這是一個真正讓辣食愛好者著迷的美食體驗。這家米線以其獨特的辣味和豐富的口感而聞名，絕對是一個值得一試的地方。首先，這碗麻辣米線的湯汁是真正的辣味炸彈。一口下去，強烈的辣椒和香料的味道立即在口中爆開來，讓我的味蕾瞬間興奮起來。湯汁的辣度剛剛好，充滿了深邃的辣椒風味，但又不至於讓人無法忍受。這碗麻辣米線的湯底看上去濃稠，但卻不會覺得油膩，而是帶有一種舒緩的辣椒香氣，讓人欲罷不能。此外，米線的口感也非常出色。米線本身筋道有嚼勁，能夠完美吸收湯汁的風味。搭配上各種新鮮的配料，如豆芽和蔥花，為這碗麻辣米線增添了豐富的口感和層次感。每一口都能感受到辣椒的辣勁和配料的鮮美，令人愛不釋手。此外，這家的服務也非常出色。工作人員熱情友好，迅速為我準備了一碗熱騰騰的麻辣米線。總的來說，這碗麻辣米線絕對是一個令人難以忘懷的美食體驗。如果你是一個辣食愛好者，這裡絕對是你的天堂。濃郁的湯汁、豐富的口感和出色的服務，使這家麵店成為我個人的推薦之一。無論你是當地居民還是遊客，都不要錯過這個令人興奮的辣味美食之旅。

見今日天氣凍，所以想是但喺Openrice揾間米線餐廳暖身，見大家都推薦依到嘅2人餐就黎試下，個2人餐真係抵食又高質! 招牌口水雞又滑又入味! 包埋3揀1前菜， 小菜仲要4個入邊可以揀2個，揀左紅油青瓜同青椒皮蛋，雖然兩個都好出色，不過個人更加鍾意紅油青瓜，可以綜和返個麻辣味。炸酱紅薯粉同涼拌米線一樣好食，而且餐廳有得揀唔同辣度，大家可以按番自己需要同喜好去選擇。絕對會再幫襯，係物超所值嘅體驗!大推！！！

上網睇見到推介，所以就嚟試一試。套餐有菜、兩個小食、一個主菜同兩個粉。我哋揀咗生菜、木耳、皮蛋、口水雞，同埋兩個涼拌薯粉。總體而言，套餐好多款嘢食，份量亦十分足夠。薯粉偏麻，小食不過不失。個人比較推薦口水雞，雞爽滑，汁嘅味道亦不錯。