順德小廚

Open Now

Now Closed

之前朋友經常介紹，要响屯門食大排檔就要去何福堂那邊。那裡整條街也是大排檔，隨便入一間都ok。所以最終一路行，直至行到最尾，差不多青山浸信會後面的一個角落，見到有一間自成一角的，就決定試下。入面都幾多人，差不多坐滿。我們幾個人叫咗幾個小菜：順德金硬脆豆腐籠仔荷葉蒸花甲順德小炒皇金銀蛋時菜鹽焗雞一隻京都骨最好食係個豆腐和花甲。豆腐外脆內軟，外皮非常入味。而花甲則不用醮豉油已經鮮味十足。這兩味實在必須要試。除此以外的各樣菜式也質素不錯。唯一有少少不足是小炒皇建議不要落鷄軟骨，實在太硬，影響口感。

外賣平台叫外賣，見呢間餐廳有7折，兩個小菜加一炒飯，埋單岩岩$200，味道唔錯，份量足，大大碟，性價比高👍 椒鹽九肚魚 $67.2送到黎仲係脆口，一碟十幾條，有炸蒜係面，炸粉絲墊底，另附上喼汁 順得小炒皇 $71.4用料足，少少辣，非常惹味😋除左必定有既韮菜花外，仲有菜圃、腰果，同埋炸過既蝦乾、白飯魚、煙肉，最特別係有埋雞軟骨，口感豐富👍 福建炒飯 $57.4超大碗，炒飯底足足有4大碗，用料同芡汁都有一碗，炒飯有獲氣，蛋香味重，材料有菜頭、紅蘿蔔、雞柳、蝦仁、珍珠帶子、冬菇、瑤柱絲，非常足料 7折真係相當抵食，$200份量已經足夠三人食用😊小菜加餸之選，唔使自己煮得咁辛苦

當日，政府突然宣佈由 2022/1/7~20 下午 6:00 開始禁晚市堂食！恰巧！當晚約了朋友到屯門英皇戲院睇戲 <皇家特工：第一任務>；睇戲後已經晚上 9:30，他帶我到屯門達仁坊，他已幫襯十幾年的小菜館 <順德小廚>，還很客氣請食飯！多謝哂！他提早訂枱睇戲前，還問我想食豬骨煲還是食小菜？我選擇豬骨煲，隨即他便致電餐館訂豬骨煲，相當細心！老闆娘熱情好客！餐牌：供應豬骨煲、小菜店內以圓枱為主，餐具及辣椒豉油豬骨煲 $240食材豐富，整煲滿滿的！ 豬骨、豬肚、生腸、雞腳、粟米、白蘿蔔、炸支竹、另配生菜...用料十足！還加入大量白胡椒粒，香辣暖胃！他建議先飲頭啖湯！ 湯底呈奶白色，香濃美味！食到尾聲，湯味香辣濃郁鮮香！要求加水，也會加豬骨湯，真材實料！亦不會影響變淡剛剛滾的時候，先嚐一隻雞脚，雞皮尚有彈味，卻尚未入味；食到尾聲，雞脚已經骨肉分離，又腍又入味！豬骨起碼有 5~6件！粟米清甜！ 白蘿蔔熟透無渣！豬肚、生腸亦煮至粉腍！我們食飽尚有剩，可以打包走，外賣兜的 size 大如沙灘筒！ 他還留待翌日煲豬骨粥，他形容很滋味呢！罐裝汽水 $14

當晚我同男朋友收工，佢話同埋幾個朋友一齊食，咁就諗吓食咩啦。通常我哋都會去何福堂嗰邊，睇吓啲小菜嘅，因為幾個人嘅話，嗌幾個餸再加個白飯，已經好夠啦嘛。咁話說我就一早係網上外賣平台見過呢間順德小廚嘅，當時因為見到佢啲小菜都比其他小菜餐廳平少少啦，可能都因為佢係corner位所以都比較少見到佢，咁就決定試吓佢啦。咁我哋就六個人，行到埋去嘅時候見到佢入邊係有一張大圓枱 ，其他位置都已經係有人坐滿。咁我哋就企喺門口，期望佢會帶下位，執下枱。點知我哋企晒喺門口，入邊啲服務人員，完全當我哋透明！因為我哋直情喺門口食埋支煙，都冇人問我地幾位🤣相比起何福堂其他餐廳，佢哋積極嘅態度，通常都會問你幾多位啊入嚟坐，呢間直情係好似你鍾意入嚟就入唔入就88咁。咁我哋其中一個朋友就直接入去坐低啦，我哋見狀都入去坐低。點知我見到張枱布唔知係佢冇換到定係點，勁多污跡囉，好似上一手食完直接執走啲碗碟咁，我心諗唔係應該會換枱布嘅咩？我男朋友仲叫我唔好介意咁多仲話呢啲地方係咁😒我覺得唔係囉。跟住嗌左個炒通菜啦 係勁油囉全部都係油 本身通菜就容易吸油 但佢完全係唔知油定係油汁一啲咬口都冇😿我食咗兩條就冇食啦 男朋友鍾意食辣所

呢間順德菜館前身應該係食打冷嘅潮州菜餐館， 一場嚟到咩都試下啦，唔駛等位即入座，之後侍應姐姐好快咁介紹今日推介，冇咩主意嘅我哋叫咗~籠仔荷葉蒸花甲，時菜炒班片，同埋一碟前菜~蒜拍青瓜，兩個人食剛剛好。味道唔錯，啲蜆因為係蒸，所以啲肉全部喺返哂度，哈哈.好香荷葉味，好新鮮，唔沾醬油都夠味應該真係斑片，因為好有魚味，唔係急嗰啲，味道幾好，菜夠林。蒜略嫌少咗啲，反而辣椒過咗火，所以食到辣味多過蒜味，切得夠細條，所以都好易入口同入味。

好愛大排檔，同朋友去完離島，就返左屯門覓食途經依間大排檔，被香味吸引就入左去試啦，我地都叫左好多野食，分別有田螺、牛仔骨、xo醬薑蔥雞煲、金銀蛋菠菜、避風塘海鮮炒米粉同蜆芥鯪魚球個田螺係蘸甜辣醬，食落幾特別，$88都算咁上下牛仔骨都幾香，配菜青椒唔錯因爲本人唔食得牛雞煲我覺得味道唔錯，唔會太咸，不過兩個煲覺得個份量係細左點依個菜都唔錯架都係果句唔會太咸個米粉我都覺得幾出色架，有鑊氣辣度無伙記講得咁誇，但都唔錯！反而......令我失望係，等左好耐好想食ge，蜆芥鯪魚球好耐都唔黎，我地都差唔多食灑成檯菜終於......等左成10-15分鐘先黎，中間都想話唔要走人架！黎到時，個鯪魚球係熱ge，都算安靜返啦食落味道唔錯，不過個蜆芥醬就無咩特別啦，反而蘸辣椒油或者就咁食仲好味，個份量都算多，我都食大好多粒

2位朋友先到，後期再JOIN的我們，四人同學聚。TOTAL叫左5個小菜，幾支大啤。金磚豆腐 - 味道OK，都是用百福滑豆腐去炸，可以一試蒜蓉炒白菜 - 普通，天氣不好關係，白菜仔都好霉籠仔花甲 - 少少辣+淡淡清香酒味，花甲冇沙，不錯的食法波蘿生炒骨 - 不及外間的大排檔，咬下其中一個骨，不知是否肉壞掉還是未熟，陣陣猩味，即時吐出鹵水乳鴿是好NICE既老闆後期推薦，真係冇介紹錯，乳鴿入味鹵水又香...正正正

之前同d同事唻食過..覺得ok...所以就帶2個朋友再唻食過!!今次我地另外叫左生蝦!但生蝦要預早訂先有!- 金磚豆腐 * 味道好好..- 金沙三寶 * 好香牛油味,食過"返尋味"生蝦感覺係抵食,比起一般泰國餐廳!真係好抵..呢餐飯食得好開心呀=)

我經家人介紹去屯門何福堂-->順德小廚食晚飯,我地成家大約16人,8:00左右去到,已經勁多人!!但佢地服務好好,大約等了5分鐘有人幫我地開左張大枱+細枱!佢地老闆{好好笑容又nice的男人} 介紹我地點左d皇牌菜以下5個+為最美味!你地一定要trytry!!1.金磚豆腐 ++++ 好香口,好好味,比較有特色,因為平時我自己都好小食!2.水煮牛肉 +++++ 比較濃味,辣的,如果鍾意食辣野的必try!我地成家人要叫2碟先夠!3.暏暏雞煲 +++ 夠味,但本人不愛有骨的雞,haha,但d味真係不錯,我細妹話勁like4.蒜容粉絲蒸開邊蝦+++++ 本人覺得最好味,鮮味!!同埋撈飯勁正呀.....5.蒜容粉絲蒸扇貝 +++++ 我的表哥表妹表弟唔夠10分鐘食哂一碟,要再叫一碟,都係鮮味的!6.雜菜煲 ++ 味道較淡,如果素食者應該鍾意,要改善!7.小炒王 ++++ 順德特色小菜,我地去到見到差唔多枱枱都有叫ga,好味道之choice8.我地人太多重叫多左3,4款,物~但差在沒有影相,但我本人真係推介此大排擋!!!!!

睇到第一篇食評, 即刻去試下煲仔飯, 真係幾正WOR, 幾抵食, 我覺得值得一去, 但搵左好耐先搵到, 因為真係好隱敝, 係玫瑰花園後面, 有間易通COLLEGE 果度講返D 野食, 叫左兩個煲仔飯, 一個排骨煲, 一個雞煲, 同埋叫左一個水煮牛肉, 兩罐可樂, 盛惠$132兩個煲仔飯都好好食, 即叫即做, 個人覺得雞飯好食過排骨, 水煮牛肉就有D 麻辣, 牛肉少左D, 芽菜好多D 人都幾有禮貌, 服務OKAY...我想下次去試下除左煲仔飯之外的野食

放假, 同朋友好想食煲仔飯所以去左青山公路後面個度搵下個度成條街都出名打冷不過點知原來無乜邊間有煲仔飯行到街尾終於搵到2 個人叫左一個北菇蒸雞煲仔飯同左一個雜菜煲2 樣野都係即叫即整凍冰冰去食真係一流(雖然佢係露天)個煲仔飯真係正又平d 雞好滑, 細細舊, 好易食d 飯焦又真係岩岩好夠晒脆雜菜煲大大煲先$32雖然好抵食不過無乜味個老闆幾好人食完之後問我地好唔好食原來成條街真係得佢地有煲仔飯屯門想食煲仔飯既朋友就可以黎呢度喇!