順興潮汕滷味專門店

Open Now

Now Closed

任何時間經過都有條人龍，排隊10-15分鐘到。滷水好香，夠味但唔會死咸。滷水鵝好嫩滑，皮好入味，有一層薄薄的脂肪，食落有陣油香味。由於個鵝太好味，再食雞翼就覺得差咗啲，所以我啲雞翼留番第二日翻熱食。豆腐正正常常。店家俾咗醋汁同滷水汁，如果鍾意食濃味可以點番滷水汁。價錢參考：我買左下庄，四份一，按重量$188。上庄$163。

星期日突然想食啲滷水，就諗起屋企附近呢間滷水舖。經常都有好多人排隊，我都排咗15分鐘先有得買。買咗兩個腎，兩磚滷水豆腐， $45。有少少貴嘅，但係好好食，都值得嘅。

這間潮州滷水店是朋友介紹我的，今個週末特意從九龍到西灣河試試。中午到的時候已看到一條長長的人龍在排隊了，看到前邊的每個人都買很多，心想質素應該唔錯。輪到我的時候，種類還有不少選擇，而我揀選了滷水鵝¼隻切片、豬大腸、火雞腎、豬耳、豆腐、雞蛋及一條大鵝頸…..裝滿了滿滿的兩大盒。回家吃的時候，對這店的滷水出品挺滿意。豬耳(爽口又淋度適中)鵝片(鵝肉香滑有滷水香)在香港很難找到一間好味的潮州滷水店這個值得試一試！

滷水鵝整得非常入味，濃濃嘅滷水味道，鵝肉肉質正，全部內容有不同嘅滷水食品，有滷水鵝翼，有滷水鴨腎，滷水鵝頸等等，平時諗唔到煮咩餸既話，買返屋企斬料送飯簡直一流！

這間西灣河「順興潮汕滷味專門店」只此一家，絕無分店。只有外賣沒有堂食，而且長期有顧客排隊。鵝肉香滑，不太鹹又有滷水香味 👍豬耳爽脆、滷水蛋夠味 👍大鵝掌、大鵝翼送酒一流，必試 👍之前已試過豬手，味道都唔錯 👍另有豆腐、豬腸、鴨腎、雞翼.......下次可試試！

Due to her husband's relationship with Chaozhou people, there are certain requirements for eating brine goose. Now it is really not easy to have an authentic brine goose shop in Hong Kong. This marinade shop was introduced to me by my lord, who always praised it and said that he tasted the flavor of Chaozhou. This shop is often lined up and sold out early. Today I buy goose underneath and eat it at home. The marinade juice is fragrant. At the same time, the goose smell is goose and not tough

朋友向我推薦，說這店的滷水鵝很好味，他說有時下班後遲了去買，便已售罄。這天剛好在附近吃下午茶，當然不可錯過，打算吃完下午茶後就去買回家試試。到店時是下午三時許，有幾個顧客在排隊，不過很快便到我了。這天我買了滷水鵝翼和火雞腎，食物都是按重收費的，店家秤好重量報上價錢，然後幫我把食物斬件入盒，還附上一包滷水汁和一包白醋。回家後立即品嚐，滷水鵝翼味道好，沾上滷水汁和白醋，味道更佳。火雞腎一點也不硬，味道也好。下次要買滷水鵝試試。

潮州打冷係我哋香港人嘅共同回憶香港都有唔少地方係有好多潮州人 例如係西環或九龍城 入邊都有好多唔同嘅潮州人 所以有好多出名嘅潮州餐廳都係嗰度🤞🏻今日去咗一間係東區好出名嘅潮州外賣店 幫屋企加餸我去到本身係想叫燒鵝嘅下裝 但好似已經冇晒嘅關係所以淨係食到上裝。仲叫多咗少少豬耳 仲有兩隻蛋咁就成為$150😂😂返去食覺得質素唔錯 鵝肉唔太老 就算係胸嘅位置都唔會太鞋 鵝亦係肥瘦均勻 食啦食得好開心😂😂 特別鍾意佢嘅豬耳 好爽口 配酒食係一流😂 推薦東區嘅朋友去食 價錢唔太貴 味道都幾出色🤞🏻

試過好多間滷水店，始終覺得西灣河順興呢間店嘅滷水味做得最好，次次行過聞到陣滷水香味都忍唔住想買啲返屋企食，所以間鋪成日啲客多到排晒長龍咁都真係有原因嘅。因為唔想排長龍，所以決定早啲黎買，離遠已經聞到陣陣滷香味今次因為食嘅人唔多，剩係買咗滷水雞翼($10/3隻)、滷水乳鴿($49)同1/4 滷水鵝上庄($128)雞翼$10蚊3隻，仲要大大隻，堅抵食!乳鴿都好香，有滷味得黎唔會話太咸，鐘意食乳鴿嘅友人都讚不絕口，話好味同健康過食炸乳鴿至於招牌滷水鵝可以話係必食，次次黎都會買，因為真係好好食鵝肉口感軟熟，啖啖滷香味很開胃! 如果想啲滷味味道再豐富啲，可以沾埋佢地自己調製嘅滷水汁同醋汁

可能細個成日食潮州野嘅關係。 自己雖然唔係潮州人, 但對潮州鹵水情有獨鍾。 今日4 點幾黎到, 仍然一大班捧場客。 排了10 分鐘左右啦。 最好運是仍有我最愛的掌翼😍 (放工時必定賣清😭) 這間係我香港食過最好食的。 真心推界👍 我由其喜歡這鹹香味。 送啤酒一流😆😆😆😆😆 (今次買左180 )

早排行經西灣河，見到呢間鋪出面有好多人排隊，發現原來係呢區好出名既滷味店，好多食客食完都會返轉頭買，連李嘉誠都幫襯過所以我就決定搵日早d 去買，試試佢d 滷味睇下堅唔堅因為屋企人都鐘意食滷味，所以我買左幾款滷味諗住每樣都試d店鋪外貼左張好清晰既價目表，想買d 咩就同店員講，唔知食咩好既話可以問佢地有d 咩好推介鋪內店員唔多，但佢地都好nice，有問必答。因為今日一朝早10 點幾就黎到，好多食物都新鮮出爐，所以有好多款滷味可以揀黎得呢到梗係要試下佢既滷水鵝，我買左1/4 上庄鵝$120加一隻大鵝翼$38，鵝片每塊都切得好薄，睇得出師傅好有心機而且刀法利害鵝肉色澤好靚，而且肉質肥瘦適中，食落有滷味得黎又唔會話太咸，屋企人都食到停唔到口鵝翼既滷味都好香，肉質好煙韌，配啤酒可樂一流!另外我仲買左其他滷味，分別有蛋、豆腐、豬耳、同豬大腸。除左豆腐我覺得有d偏咸外，其他都好好食，豬耳更加係冇得彈!!!滷味夠之餘，咬落煙煙韌韌帶點爽脆，沾埋佢地自家製既白醋汁食真係會上癮，下次黎買會再encore總括黎講，呢間滷味店普遍食物質素都好好，而且好講究衛生，師傅切食物會帶口罩，真係抵佢有咁多人幫襯

香港人越黎越鐘意食打冷、滷味，間接令順興嘅生意越做越好，一臨近夜晚，一定會見到一條長龍喺鋪頭出面。最搶手嘅食物不外乎滷鴨滷鵝同墨魚，全部都非常鮮味，包保一試難忘。我要推介當然係當店人氣之最—滷鵝！啲鵝勝在夠多肉，無論胸位定係肶位都夠厚肉得黎又唔會太乾，配埋特製嘅醬油汁同酸汁兩種唔同嘅風味，非常惹味！喺門口排咁耐隊都係值得嘅，另外要注意嘅係一賣哂就會閂鋪，所以要買就要早啲去喇！

尋日晏咗去，搞到買唔到鵝掌 結果買咗一份鵝肉及一份鵝頭頸，鵝肉新鮮嫩滑，滷水汁唔太咸，唔會遮蓋咗鵝嘅鮮味。由於無鵝掌送酒，取而代之換上鵝頭頸，原來又幾好味喎，而且相比鵝掌仲無咁多脂肪添 送酒佳品。

排隊就等於好食呢個理論,我從來都唔BUY.係無一個程度上,有人排隊,可能等於受歡迎,但未必係美食,可能只係潮流,又或者係羊群.今次我路經西灣河,見到一間排哂隊既滷味,門口仲貼住誠哥都黎食既報導.我不得不承認,我相信左誠哥個報導先黎排隊,排了約4分鐘.價目表清楚簡潔,鵝同鴨都有,我問服務員有沒有剩肉?他指住一件就完成對話.這種氣勢就係因為客人太多先會顯露出黎,根本唔想我有任何考慮,佢潛意識話比我知,我唔買呢舊,可能連鴨毛都無得食$79,鵝片加點骨肉位.份量不算少,現在鵝肉很貴.肉味還算濃厚,肉質比較實,比燒鵝更硬.味道無咩層次,附送既滷汁就不過咸,但亦係無層次可言,只係普通滷味汁.如果有人為呢個質素排隊,我只能話各花有各眼.但食過呢一次,絕對認為誠哥唔識食

以前住西灣河，順興潮仙滷味專門店必完大排長龍而且賣完便關門。真係爽!星期日回娘家，原本只計劃買掌翼及鵝腎做下午茶，但是3時已經賣完掌翼，鵝都只餘下7隻。排隊期間，見師傅斬鵝手勢非常純熟，手起刀落，快到不能拍照。而且師傅斬了大半天都沒有流露倦容，厲害厲害。越望越口水流，結果忍不住買了鵝腳 (2隻) 、鵝腎(1個) $21 + 1/4隻-上莊鵝 $77滷水鵝肉 一回家立即打開個盒，滷水鵝肉整齊排列好，每片都薄切，好似鵝片。正!再夾起，發覺師傅沒有完全斬開，結果肉與肉之間份仍然有小小連在一起。鵝肉好味，可以見到肉好似係一層層，好有咬感，但略嫌太實。鵝隻不肥夠香;肉很嫩，少肥膏。這裡的滷水很入味，入口鹹味適中，香料及鵝香配合得宜；味道較傳統的淡一點，切合香港人口味。滷水掌腳賣相一般，細細隻，不及掌翼吸引。但只餘下數隻，結果買了2隻。不夠淋，滷水味不太入味。味道一般。滷水鵝腎賣相幾好，有紋理。咬下去，太實不夠爽，滷水味不太入味。味道一般。斬料加餸一流~價格都可接受