食葩 (Closed)

客家菜餐廳唔常見😮估唔到元朗橫街小巷有一間😙見佢有特色撈米粉/銀針粉/麵作為拌麵控點都要試試叫左個客家撈銀針粉 + 豬肉丸枸杞湯套餐 $39銀針粉份量比想像中多 肉碎同榨菜比例算一比一 撈勻左每啖麵都食到配料不過食到中途覺得d粉有少少乾 如果肉碎有返d汁就更好 如果唔係就要自己加幾啖湯落d粉度豬肉丸枸杞湯飲落口清清地 飲完唔會口渴～豬肉丸好多😍細細粒 但都起碼7 8粒 而且好彈牙 味道幾好想食住家style客家菜都可以一試🥰價錢算抵 份量都足

做完瑜伽咁就食啲嘢先～朋友話想食呢一間咁 就入去食 見到個「客家」字眼就知道係客家嘅🤣 因為媽媽係客家人 所以其實佢啲嘢都係我平時屋企媽媽會整嘅嘢🤭咁清清地叫個 豬肉丸米粉 咁就係好簡單清清地嘅烚米粉加豬肉丸 唔知豬肉丸係咪佢哋自製嘅呢？但係又唔覺得話特別非常好食豬雜滾枸杞湯試咗一啖都可以正正常常撈麵呢個對比其他嘅餸菜係比較唔同 因為呢個比較重口味嘅～未食過呢種客家菜（圖中係朋友叫咗走蔥 但係都有蔥所以不走啲蔥 哈哈） 朋友食開呢個 建議要再加佢哋嘅酸辣汁就會再惹味啲～和味豬手呢個豬手係比較偏清淡嘅豬手 適合就咁食 唔係太鹹咁聞落去都係有八角 月桂葉滷水汁嗰啲材料～跟住食完無聊睇吓牆上面嗰啲菜單 好似幾多款 但其實來來去去得個幾款 （只係覺得好搞笑、冇貶意嘅意思🤣） 總括如果有一日想食得清淡啲又健康啲嘅話都可以嚟呢間舖頭試吓

自從搬出元朗，日日都好掛住食葩既滾湯同佢既撈麵，咁岩行開元朗就買個撈麵套餐返屋企食！平時都係好鐘意飲佢既枸杞豬肉丸湯同埋佢既手打撈麵，食枸杞可以養目，同埋佢既滾湯出名無味精飲落都唔會覺得口渴，而佢既豬肉丸好足料，食落無乜麵粉既口感，另外佢既撈麵真係超好食，我鐘意佢既麵夠彈牙，再配埋肉碎同辣菜圃，真係超好食

男朋友又帶我吃好東西，我和他都是客家人，所以我也期待客家家常小菜。我要了一個炆豬手飯+丸湯，他要了一個炆肉飯+丸雜湯。炆肉飯+丸雜湯。 $55肉丸有豬肉味，而且爽口。炆肉肥而不膩，配上酸菜，正！飯不會生芯，也不會太腍。炆豬手飯。含丸湯。 $52豬手襯熱吃！不然會硬掉。這個丸湯如果不吃飯，也可以單點。在座位的旁邊擺放着調味架，店面乾淨整齊，地上沒有積水，雖然店內設有洗手間，但不會有強烈的臭味。桌椅選用木材，椅面夠大，尚算舒適。吃飽了才發現原來有魚湯，作為湯迷，下次必試！

特別喜歡地道小店, 這是我很少嘗到的家庭客家風味; 很喜歡他們做的魚湯及撈米粉,清而不淡, 美味又健康; 我相信喜歡喝湯的,都會喜歡這家小店, 而且價錢還相當相宜, 值得繼續支持!

客家風味小店，主要係做街坊生意，主打豬雜湯、撈米粉、豬手飯同客家豬肉飯。不過我就最like魚頭湯同撈米粉，每次口淡淡，唔知吃乜好就會好自然行來飲返碗湯，好有屋企嘅感覺。

一間無裝修又無賣相既舖頭, 無端端做乜要黎食😏 原因好簡單: 客家人食客家嘢係天經地義✌️「食葩」係教育路末段, B仔涼粉老店附近, 唔起眼既舖頭, 無大光燈超牌🚦 簡單幾張枱櫈就開檔, 但你又估佢唔到, 今日七點左右黎到, 真係KEEP住有人嗌外賣, 堂食都係滿😉 呢份名叫「家鄉」既味道有佢既吸引力💞 食葩內堂坐到16人, 一部大電視掛牆 (係播TVB🙄)。MENU分咗飯、湯、粉麵, 亦有套餐: 一個湯 + 粉麵🍜 / 飯🍚  丸雜湯一上黎🍲味道去到鼻腔, 未經神經上腦, 回憶已經呼喚番小時候係祖屋既呢陣味: 枸杞葉混上豬潤既「臭」味😛似煮到過咗龍既肉發出黎既味, 但匙羮一下, 火燙湯水溫暖唔止胃部, 仲有心頭❤️再一下一下翻出內裏唔同既內臟 (以前就只係有豬潤🤗); 更特別係佢既豬肉丸, 細細粒, 大概五毫子既SIZE, 咬落結實彈牙🐖 再黎係炆肉飯, 同枱食客同左阿姐梅菜扣肉飯, 阿姐斬釘截鐵話『無梅菜, 無扣肉』 😂只有炆肉同酸菜飯🤐佬飯既賣相, 唔多想影佢放IG😐不過細心一睇, 其實每舊豬肉都係肥瘦均稱, 而且梅菜係同肉汁係底下撈埋啲飯食, 真係「美源髮彩」😻 客家菜既特色係香油

喜歡吃客家菜的一定要來試試哩間客家小店，雖然店鋪不大，但食物有水準。豬雜米粉、豬肉丸米粉、客家燜豬肉、魚湯、枸杞湯，仲有好少機會可以吃到的益母草湯。平時我都會叫撈米粉套餐，可以選擇一款撈米粉同一款湯，$40有找可以吃飽飽，真係好抵吃。撈米粉上面有少少肉碎，菜脯可以選擇辣同唔辣，米粉口感好滑，唔係一般的米粉，有點似東莞米粉。湯米都好正，湯比較清，感覺好家庭feel，唔會覺得飲緊味精湯，所以我會兩湯都飲埋。😋😋

天氣稍冷想飲碗熱湯，一於去食葩。這間小店每次午市時段都很多人光顧，我點了一份豬肉丸枸杞湯拼撈麵的套餐，只需三十多元，十分抵食。除了枸杞湯，店裡餐有豬雜，魚湯等豬肉飯等熱門客家食品。先上枸杞湯，有大量枸杞葉，十分清熱。湯看上去很清，味道有點像家鄉的滾湯，又很濃味。豬肉丸咬下去十分有彈性，喝過湯完整個人都暖暖的。撈麵有菜甫，芫荽，乾蔥，花生，生菜，肉碎跟食葩自家製的辣醬。我選擇了小辣，簡簡單單又很惹味，這是簡簡單單的客家風味。撈麵的麵質煙韌又彈牙，除了撈麵還可以選擇撈米或撈銀針粉，下次再試試。

遇著另一半休息，我地入到元朗食午飯，難得係平日，又再次黎到食葩，下午茶時間都有唔少客人，可能係附近嘅上班族。我地坐近門口嘅二人枱，小店規模，唔好講舒適度喇，乾淨企理我意收貨。睇左餐牌，同之前一樣，不過我地今次只係想飲淡湯，所以就唔諗咁多喇，一人一碗。丸雜枸杞湯 $25點左雙拼，肉丸有豬肉香，有少少彈性，湯底比起我屋企自家煲嘅無咁濃郁，但就十分清淡，帶少少胡椒香。可能因為雙拼，豬雜量唔多。胡椒豬肚湯 $23第一次試胡椒豬肚湯，好鐘意啊，可能天氣涼，飲淡胡椒味重嘅湯，好暖胃。豬肚都唔少，其實都抵飲，講真出去買個湯包都四、五十蚊架。

路經俾d湯既香味吸引事前唔識呢間野見佢舖細細但又多人幫襯真係好好味湯又清我鍾意跟銀針粉老公就話跟米粉好食d豬肉丸好好味老公話所有內臟包括豬腸都好好咬最後飲哂所有湯要再光顧正！

魚腩九杞湯，撈米粉，好正呀！平時食開豬雜肉丸湯撈米。佢個啲自家制辣椒醬好好食。次次我都成碗湯飲晒，但都吾會話覺得口渴，客家撈米有肉醬同菜寶，老闆娘係客家人，食物好食而且有人情味

我婆婆係客家人，所以經常都會係婆婆屋企食到佢鄉下拎番黎既食材煮既客家菜。果日見到原來元朗開左間香港少有既客家菜，真係好想試下。就咁睇個餐牌都幾平，冇分午餐晚餐果d，全日劃一收費，都吸引到幾多人幫襯。燜豬肉飯+丸湯（$50）呢個肉丸好彈牙，同平時食開既肉丸完全唔同味道，同婆婆鄉下拎番黎d一樣㗎！加埋d苦苦地既呴紀葉，感覺好清熱。碟燜肉煮得好入味，係肥瘦均勻既五花腩，肥肉入口即溶正呀。而且下面d鹹菜配得好好食豬手撈米粉 （$35）豬手係我鍾意既質感，皮有咬口，不會淋，食到豬皮彈牙既口感，好好食。一碗有四塊，多到食唔曬。個撈米粉都好好食，有菜哺、乾蔥等等，味道獨特得黎好夠味

早幾日同同事試左一次就想再吃，因為果日第一次去食都唔知有咩食 所以跟同事一樣 佢要左個肉丸湯撈面，面同湯分開，我個人覺得味道好清，好健康既感覺，肉丸食落去彈牙 撈面彈牙 午餐食唔曬到琴日收工念念不忘依間野 因為佢有銀針少我好耐冇食過啦 所以好想食 午餐果日叫左先留意到有，琴晚去食 味道一樣 而且佢有貼係到介紹 有好多益處，我朋友話要帶佢男朋友食 味道唔錯同埋份量以我個人食係足夠既，今次都係咁銀針粉肉丸撈銀針粉 食到想食好耐既銀針粉 不過坐位比較少 好多位比風口吹正又冇得較 個人整體覺得係唔錯既 會再食

今天下午家裡只有我和媽媽在家，不過她覺得太熱所以不煮午餐了，她提議吃越棧，我立即說不，媽媽話那就我負責決定去那吃，她只要有湯粉麵吃就好。然後我又靠偉大的facebook搜尋，看見元朗街坊都推薦食葩，真材實料的湯米，我見食葩有媽媽最愛的豬雜供應，我問媽媽要吃否，果然正中媽媽下懷，她馬上說去吧。不是浮誇，食葩這小店在下午茶時間居然爆滿，實在太誇張了，整條小街的食店只有食葩客滿，相信食葩真的很不錯，才會下午茶客似雲來。媽媽未來前已經打算吃丸雜湯米粉，故她很就快下單。媽媽覺得這湯米粉份量剛剛好，豬雜及豬肉丸配料豐富得很，最重要是豬雜處理得不錯，沒有可怕的腥羶味，其枸杞湯頭清新不膩，難怪受食客所喜愛，包括媽媽。至於我就選了魚湯及撈麵，天時暑熱總會想喝碗魚湯消暑去火。這裡魚湯鮮甜極致，除以滑嫩的鯇魚熬煮其鮮味，還以枸杞菜加持，讓湯頭清甜得不可言喻。不過吃鯇魚時需注意微小的骨刺，避免啃到魚刺。另外魚湯還加入豆腐和金菇，可吸收魚湯的精髓，又使魚湯不單調。撈麵上的翠綠蔥花，橙紅的辣菜脯，原味的菜脯及肉醬光看色彩已使我垂涎欲滴，當我把配料攪拌，超香的呢，菜脯爽脆無比，它的鹹香使麵條更添風味，而且麵條都是店