養心殿台式養生鍋 (Moved) New Location

難得終於就到d frd 可以享用7點前離座嘅7折優惠，今次又可以黎食我好鍾意食嘅養心殿喇！5點幾人少少又易搵位，正呀！特色海鮮餐牌，預算比較多嘅話可以一試，旁邊桌就叫了一碟滿滿嘅象拔蚌刺身好想吃... 等出bonus 再黎吧.... 醬料區，最喜歡甜甜地嘅白醋加香油，少鹽之餘又減油膩感。美人鍋好大隻烏雞，滾到入哂味都唔會變老，非常神奇，湯頭都好美味。麻辣鍋嘅鴨血好滑，無渣，配麻辣最夾！餃子拼盤份量好多，皮滑多餡黑毛豬大大片，好香豬肉香味，夠爽滑台灣炸豆皮，類似響鈴冰菜好新鮮，咬落充滿水份，爽到chop chop 聲。蜂蜜苦瓜汁可以消消熱氣，配火鍋吃的佳品。有折真的很抵食，下次食早飯嘅好選擇。

食過一次老鍋，想試埋另一家差唔多嘅台式火鍋，所以揀咗養心殿。食落同老鍋完全無分別，無論係湯底丶食物丶價錢定質素，全部一樣的，或者台式火鍋都係嗰啲嘢。湯底係正嘅，但啲料就中上啦，但未至於值咁貴。我哋叫咗霜降牛，食落有啲鞋，唔算好好食，都叫咗兩個豬，圖上方嗰個ok, 但有酒香嗰個豬，我哋就無咩人識欣賞，結果食淨咗少少。朋友話要叫埋餃子，食落係足料但無特別，丸係特別嘅，尤其黑松露我覺得ok(其他我無咩點試，本身麻麻丸類）又講返湯底先，湯底真心正嘅，我就鍾意白色養生嗰邊多啲，甜啲，就咁飲好重人蔘味。烏雞係美人鍋，烏雞都好好食，又腍又滑，但淥食物我又鍾意白色嗰邊，雖然啲人蔘好煩又有啲苦，所以食到中間要拿走佢。-結論係好食嘅，但都幾貴吓，應該揀7:30前離席/9:30後入席，會有折就抵好多不過朋友難得見面，食得開心傾得幾開心，貴少少都無所謂啦

養心殿越開越多分店緊有一間係你左近，我已經食過好多間分店，每間分店嘅質素絕無參差，完全冇一次令我失望，所以我一來再來喜歡這裏有情調有格局的裝修，環境比較昏暗，但充滿著古色古香嘅味道，店內設有一個個獨立嘅屏障，私人空間感十足美人鍋湯底$168這個湯底每次我都必點的，內裹有大量藥材，原隻烏雞及平民燕窩之稱的桃膠湯底翻滾之後，急不及待飲番幾碗養生湯，鹹淡適中，帶有藥材香味，烏雞嘅甜味越滾越濃，非常好喝來自台灣的水蓮菜$68這種菜不是每個地方都容易吃到的，每次我來養心殿都必點，口感爽脆，冇渣，清甜，咀嚼嘅時候仲有索索聲芝士牛丸$48手打墨魚丸$40手打丸相當彈牙，芝士牛丸值得推介，牛肉味道甜，而且肉質嫩滑，中間芝士餡了溶化，做出留心效果，非常邪惡黑怕葉$78灼一灼就食得，就是喜歡這爽脆的口感，份量夠多抵食午餐肉$58炸過嘅午餐肉零舍香口，而且一片片厚切，相當有質感，每次我都食呢個，超正㗎😋寬粉條$38又薄又滑嘅麵條，口感帶點煙韌，一啖麵一啖湯，基本上唔使加任何醬汁，已經好夠味

養心殿係近年喺香港冒起嘅火熱台式麻辣火鍋店!!! 熱愛麻辣火鍋嘅我當然要同朋友一齊去試試!!!銅鑼灣店交通方便，位置好易搵，喺鵝頸橋隔離。養心殿裝修風格係中國風，都幾古式古香!!火鍋湯底當然有麻辣鍋，而且仲有不少養生嘅湯底選擇。可以自己配搭鴛鴦鍋的，但要計貴嗰個湯底。火鍋粉選擇多元化，單單是肉片類的選擇就十款，而且仲有台式小食和其他火鍋料可以揀，好多樣都好吸引，好難揀呀!!!點餐後，可以到自助醬料區混醬一番。最鍾意提供蒜泥水，好正呀!!!🔸麻辣鍋(小辣)拼美人鍋🔸麻辣火鍋自家調配多種香料及藥材，仲有台灣直送的鴨血和凍豆腐，口味好地道而且唔膩，麻味唔重，辣味比較出!!!美人鍋用左烏雞，桃膠及上湯制成，湯頭清甜，滋陰補虛，真係女人養顏至寶。建議先嚐嚐湯頭先烚火鍋料!!!!🔸極上雪花肥牛🔸牛肉雪花分布均勻，鮮紅肉色，牛肉味濃郁，肉質軟嫩，比較愛配麻辣火鍋，更惹味!!!🔸餃子拼盤🔸有12粒，最愛水蓮餃同雲吞!!! 水蓮係台灣特有的蔬菜，口感好爽脆，好好味!!! 雲吞的蝦肉爽口彈牙，推介!!!!🔸鮮蝦滑🔸蝦滑爽彈，蝦味濃，加上蟹子，口感層味更豐富!!!🔸炸午餐肉🔸午餐肉非常厚切，可以即食，炸到香

之前聽到話養心殿由台灣嚟咗香港嘅時候，已經好想食，終於今日放假可以去試吓！😍😍😍一入到鋪頭，個感覺都非常似台灣嘅格局！我地一坐低就叫左麻辣味！我地簡左小辣。湯底黎到之後先放鴨血😆十足十台灣風味😍😍😍湯底到之後就慢慢簡食物，不過我地得兩個人，唔敢叫太多。肥牛係必叫既食物，然後再簡左兩款餃，分別係鮮蝦雲吞同埋麻辣肉餃！之後再叫左貢丸同埋烏冬😍湯底我地叫小辣，但係食食下都愈黎愈辣，而且個辣味好fresh，唔覺得加左好多味精！另外，貢丸係不得不提！佢勁大粒，而且個香菇味好重😍😍自己一個都食左4粒😍同埋個烏冬！勁好食，佢熟左之後係超級滑身！而且非常「煙un」🤣如果唔係咁飽，我都會想再食hahahaha下次人多少少再黎食先！

之前去完台灣 返到黎一直都好掛住台式火鍋 所以今日就同男朋友嚟試吓養心殿 止住癮先有多款火鍋湯底可以選擇 為咗可以試到唔同味道選擇左鴛鴦鍋 - 麻辣鍋 及 酸菜白肉鍋<<麻辣鍋 + 酸菜白肉鍋 $128>>麻辣鍋我哋揀咗小辣，有好濃郁嘅孜然味同藥材味 蜂巢豆腐同鴨血入哂湯味酸菜白肉鍋比想像淡，所以食左一陣麻辣鍋 以酸菜白肉鍋緩衝一下重口味嘅感覺 感覺會較清新，酸菜同五花肉嘅味道好夾，清淡嘅湯底，配肉類食材簡直一流，可以食到肉嘅原始風味<<雪花一口肥牛粒 $138>>油花分佈唔錯，份量都非常足夠，入口牛味十足記得唔好煮得過耐～肉質就能保持嫩滑<<台灣翠絲水蓮 $88>>色澤翠綠，外表好似條繩咁～ 而水蓮嘅口感爽脆 就算煮得耐 都能保持脆口而且吸收哂香濃嘅湯底味道，美味十足<<老油條 $58>>勁脆口！而且唔太油膩，只要點一點湯就可以吸收到湯味～ 個人喜愛配上麻辣湯底 夠哂重口味<<蟹籽墨魚滑 $88>>入口都幾彈牙，而且墨魚嘅鮮味

好耐冇食台式火鍋，之前去過養心殿呢間台式火鍋湯底好好味，又再一次選擇呢間養心殿。美人鍋湯底好足料有一隻烏雞，杞子，龍眼肉，紅棗，桃膠等。湯底好鮮甜，又有超多桃膠，龍眼肉又清甜，煲滾了已飲了兩碗湯超正，之後再加湯打邊爐。鹵水鴨舌鹵到好入味又香又夠淋。涮鍋小羔羊肉片，羊肉片打邊爐又嫩滑又香口。霜降肉眼肥牛，牛脂均勻，牛味濃郁，肉質嫩滑。黑松露蝦丸，黑松露慢慢滲入蝦丸里，蝦丸爽口彈牙又啖啖黑松露香味。芝士牛肉丸，牛丸里面包住芝士芝士香濃，牛味濃又彈牙。萵荀放落湯底又好味又清甜。黑松露蝦丸彈牙爽口美味。粟米清甜爽口。

M佬未識我之前都好怕食辣，但同咗我一齊之後，佢嘅嗜辣程度大大提升，可能因為我夠晒hot啦。今日我又同M佬去度銅鑼灣養心殿台式養生鍋，呢度嘅麻辣鍋，除咗夠辣夠麻，仲好香添。麻辣鍋麻辣鍋放入唔同藥材同香料，所以呢個麻辣鍋，除咗麻同辣之外，仲辣得好香，所以話識食辣嘅，唔係得個辣字，仲要有埋個香字！鍋入面仲有細嫩爽滑嘅鴨血同吸晒湯嘅凍豆腐。而鴨血仲可以免費添加一份，夠晒滿足！黑松露蝦丸 + 梅菜豬肉丸今日叫咗兩款自家製嘅手打丸，分別係超香黑松露味嘅蝦丸，入面仲有好多鮮蝦粒，好彈牙；另外嘅梅菜豬肉丸係另一推介，梅菜令呢粒豬肉丸更有層次，同樣係爽口彈牙。餃子拼盤所有餃子都係自家製，皮薄多餡，總共有六款餃子，包括極品水餃、鮮蝦雲吞、韭菜餃、麻辣牛肉餃、魚皮餃同水蓮餃！A姐至愛魚皮餃，魚味香濃，爽口彈牙；我就最鍾意韭菜餃，韭菜新鮮爽口，肉汁豐富！御選梅花豬豬肉味好香濃，肥瘦度適中，肉質鮮嫩。萵筍食麻辣鍋就梗係要食萵筍，煮到佢林晒，吸晒啲麻辣味，真係好過癮！

朋友約一起食打邊爐，平時食開港式、日式，今次就食台式火鍋!新一次去食台式火鍋，好靚又有古店风格，好少火鍋店咁有特色。食火鍋，最緊要係湯底!朋友和我決定最台灣味道，酸菜白肉和麻辣，選酸菜白肉，食完可免費追加一份酸菜白肉。開餐前可以去配料區取醬料，設備齊全。火鍋終於到了!!酸菜白肉鍋 有肥肥的五花和QQ寬條麵，酸酸的味道，好醒胃。飲湯又得，食菜食肉又得。十分惹味!麻辣鍋 則有好多香料的辣料，和鴨血、和冰豆腐，辣辣地但口味不錯，不會太辛辣。最中意食牛肉，食肉控必點!!極上雪花肥牛~ 肉質好靚，拾下對幾秒就食得~手工丸類拼盤有12粒，6款味道，多種享受，好彈牙~~鵝肝墨魚丸，黑松露蝦丸，芝士牛肉丸，墨魚丸，蝦丸，梅菜豬肉丸。蟹籽墨魚滑勁多蟹籽的墨魚滑🤤🤤🤤望到都想食……即炸脆響鈴新鮮炸的響鈴，好好食，放湯勁索湯汁~魚皮餃（半份）大大件，皮薄餡靚，好好食

養心殿其實自己都已經唔係第一次食 但銅鑼灣分店就第一次嚟到 銅鑼灣分店感覺比較闊落平時食開麻辣同埋美人鍋 今次想試一試新野～今次我哋揀咗酸菜白肉鍋 養心鍋店員話酸菜白肉鍋嘅酸菜係自家殗制 所以啲酸菜係特別入味 感覺有少少似韓國泡菜 可以當係開胃前菜添 酸菜令到打邊爐感覺好清新 唔會好油膩 值得一試 另外養心鍋有藥膳湯底，烏雞同埋魚頭 非常足料 呢兩個湯底都同平時出面打邊爐咁不一樣清湯牛腩件今次我哋冇揀肥牛 試吓唔同嘅嘢肉類方便我哋揀咗清湯牛腩件 非常之有驚喜呀！可以即刻食 牛味濃 夠腍 又唔會太肥膩千層凍豆腐豆腐就好似吸水海綿咁 吸晒所有湯嘅精華不過食嘅時候就要小心辣親

系銅鑼灣呢邊行街，順便夜晚喺呢邊食飯。朋友提議去食火鍋所以就選擇了養生殿台式火鍋。餐廳嘅裝修係以古色古香，好友台灣嘅風味。座位之間有風平隔住，相當有私人空間.而鍋底方面就選擇了麻辣鍋酸菜白肉鍋。麻辣鍋嗰邊主要有目鴨血，而酸菜白肉鍋就10分開胃極上雪花肥牛成為$188，入口即溶價錢合理。鵝肝墨魚丸味道一流食菜又唔知食咩好，最啱就叫雜錦蔬菜選擇多。海鮮拼盤有蝦，帶子同鮑魚，其實每樣都好新鮮。啲鮑魚口感好爽口，蝦好鮮味。杞子菊花圓肉露最啱一邊火鍋一邊飲。

襯天氣仲涼涼地，當然要去打返個邊爐。養生殿我經常去，貪佢質素穩定。如常叫左個麻辣鍋拼寧神養心鍋，還是一貫水準。極之推介寧神養心鍋（$168），由川芎白芷天麻當歸鮮雞豬肉加20斤鮮魚精餚而成，鮮甜非常，忍唔住飲左三大碗，用黎打邊爐仲可以突顯到食物既原汁原味，讚。麻辣鍋就非常香濃刺激，裏面既鴨血無論口感定味道都好好，完全沒有鴨腥味，隨鍋仲附送一碟，相當抵食。鹽酥蚵仔（$78），估不到熟食都咁有水準，蚵仔肥美大粒，炸得酥香，鮮甜唔會有泥。蟶子皇（$58/pc），唔算大隻肉厚，但非常新鮮，淥一淥好快食得😄 酒香白肉 （$58），酒香味濃郁，肥瘦適中，欣賞即炸脆響鈴（$68），一碟有七條，好抵食，咬落脆卜卜，新鮮炸起不會有油膩感仲叫左水蓮食，幾特別總括一句：唔怪得越開越多，食完係想會再去。

記得第一次食類似火鍋應該係喺台北，估唔到香港都有類似質素既火鍋，有唔同火鍋湯底選擇，野食質素不錯，都幾新鮮，唯一覺得爭d既係價錢，不過好彩有朋友有7折優惠，打完7折價錢都唔平，如果無7折應該仲貴，不過值得試試！

食物的素质中规中矩，6个成人超过2400，还没有点任何酒水和饮料，平均一个人超过400的价格还是让性价比一下子拉低（其中还有一个人是吃饱了才来了，基本没吃多少）养生锅底味道还不错，刚上来没人喝了一小碗，还蛮舒服的酸菜白肉汤底算是一点点惊喜，没想到后面大家都更喜欢这个汤底烫的食物环境上算是优点的就是有屏风隔断，吃饭聊天多少有点点私密缺点就是上菜要催，尤其是到了后面加菜，催了好多次才来，还是说了要买单的时候才来，吃的心情都没了

念念不忘台式火鍋，今次黎養心殿止一止渴先。環境好優雅，坐得舒服。試咗一個美人鍋同養生鍋既鴛鴦鍋。 一次試哂兩種風味，但價錢不變，湯料好足，超值。美人鍋有好多桃膠，紅棗，龍眼肉，杞子，南棗，金華火腿，仲有原隻烏雞，適合滋補養顏嘅美人。養生鍋除左有紅棗，龍眼肉，火腿，老雞，仲有名貴藥材，例如人參，湯底入面仲有凍豆腐，鴨血。識食梗係試下湯底先，兩個湯底都好滑好純，養生鍋相比下，比較清甜，藥材嘅香味令湯頭好正氣， 感覺好固本培元及養生。美人湯比較下， 比較鹹，可能因為入面有金華火腿不斷咁返滚，所以比較重口味。不過桃膠吸咗湯底嘅味，其實啱啱好，唔會太鹹。只係個人認為，滚多次後既湯，唔太適合當湯咁飲。餐牌好多選擇, 今晚揀左酒香白肉,雜錦蔬菜盤,海鮮拼盤同鵝肝墨魚丸。酒香白肉, 睇落去唔似有酒味, 但原來薄切五花腩係充斥住濃郁既酒香, 爽而有驚喜, 就算烚左一陣, 酒香味都係揮之不去,必點!雜錦蔬菜盤, 色彩豐富, 有生菜, 菇類, 粟米,仲有秋葵. 新鮮材料, 秋葵仲好滑添。海鮮拼盤有海蝦、帶子、九孔. 又係好新鮮, 店家好細心咁將九孔(即鮑魚)一早界開哂, 烚一陣就熟, 肉質飽滿得黎好鮮甜。海