養心殿台式養生鍋 (Closed)

住將軍澳地鐵站上蓋同事話之前食過响智選假日酒店2/F內間養生殿台式火鍋，真材實料，一試難忘。見好耐無去吃過火鍋，終於唔洗OT可同愛靚honey去吃美人鍋。店內用酸支般似的屏風隔著每個座位，感覺有私隠空間，天花掛上多盞燈籠，充滿古色古香氣氛。有麻辣鍋、酸菜白肉鍋、寧神養心鍋、秘制薑母鴨鍋、美人鍋和養生鍋共六款鍋底可任選一款。愛靚honey㨂咗美人鍋,皆因鍋料有含豐富膠原蛋白的桃膠、滋陰補虛烏🐔、明目杞子、健脾胃淮山、保氣黨參和北芪、元肉、紅棗、南棗和金華火腿肴制成湯底。湯滾起了一會兒，已香氣四溢，啖啖濃湯滋味無窮。加碟涮鍋小羔羊肉片，色澤光鮮，在滾湯拖兩拖入口感覺鮮嫩，無羊羶味。補氣養陰野生竹笙像海棉般吸了濃湯精華，爽滑而不潺。清淡的潮州白魚蛋，爽口彈牙。自家製水蓮餃，皮夠薄餡料全是水蓮好健康。略嫌除加一服務費外茶芥和醬料每位要$20。不過食物全是真材實料都值得的。原來還有優惠時段半價，下次再嚟食過番尋味！

訂了晚市六點的時段，人也不少，因為七點前埋單有半價！我們八點半前埋單都有七折😌小插曲：本來很早之前便訂了枱，但侍應奇怪地聽錯了下午四點🤔結果等了一會才安排到臨時擠出來的座位，本來應該可坐得舒適一點。手切肥牛、水餃、丸類、酒香白肉都好推介，手切牛肥瘦適中，不會像和牛般膩，有咬口👍🏻蔬菜類別都唔少，好冷門嘅冰菜都有，超喜歡！FB打卡仲送野飲，有黑糖烏梅同埋杞圓菊花選擇，無野送都有茶飲，絕對會再encore!

呢間養心殿想食好耐，當初開時經常無位，又懶得訂位。不過最近已經無咁多人，終於可以walk-in 都有位喇。裝修同其他分店差不多。在門口已經聞到陣藥材味。點左個麻辣酸菜白肉鴛鴦鍋，麻辣鍋跟鴨血好食。手切肥牛酒花好平均，韭菜餃不過不失，粉腸好味但份量比較少，午餐肉好邪惡但炸過所以又好好味，嘉美雞唔知佢用什麼方式腌制過，烚幾耐都係好滑。在facebook 打卡就可以送杯飲品。8點半前埋單有7折，折後都算抵食。

2019年5月14日 星期二今日放咗工之後仲要去到將軍澳出席一個展覽，出席完都已經大約七點幾，咁啱成班同事都覺得餓餓地，於是就有人提出不如去打邊爐，最後就揀咗去養心殿呢一間養心殿嘅位置喺酒店裏面，都要花少少時間先搵到，但係入到去發現地方好大，可以容納到好多人，而且環境好舒適，好有中國風餐牌方面同其他分店一樣，不過今次我哋就選擇咗酸菜白肉同美人鴛鴦鍋，因為見到酸菜白肉可以再加多一碟，而且見到描述好似好吸引咁首先嚟到嘅係千層凍豆腐，淥完之後都唔會散開，咬落去真係一層層咁，又有好香豆味手工丸類拼盤有齊晒6款唔同既丸，每一款都睇得出係人手整出黎，唔係機出，而當中我最鐘意係鵝肝墨魚丸，重鵝肝味得黎又真係食到墨魚既鮮味，兩種食物好配合再黎係手製雲吞同韮菜餃，兩樣都包得好大隻，好足料得黎個皮係好薄，尤其係雲吞真係食到原隻蝦係裡面另外仲叫左梅花豬，d紋理分佈得好均勻，脂肪唔太多，淥左大約幾分鐘就已經完全熟，因為切得好薄，所以食落口唔難咬開最後係最推薦既霜降肉眼肥牛，就咁睇未拎去淥之前已經見到d紋分得好有條理，唔會完全無脂肪又唔會肉既部分佔得好少。淥左大約一分鐘左右已經食得，食落口好濃既肉味擴散出黎，有

呢兩日突然又凍返小小，想打個邊爐同朋友吹吹水。養心殿出左名好耐，聽講用藥材靚料肴製做湯底，冇平時打邊爐甘熱氣之餘仲可以養生。而哩間養心殿係智選假日酒店2樓入面，係Popcorn都可以行過去，位置都算方便。 環境裝潢全是中國色彩，座位闊落，充滿古典風味，感覺同養生主題十分相配。養心殿最出名就係湯底，女仔想靚靚緊係揀個美人鍋($188)，有含有豐富膠原蛋白的桃膠，滋陰的原隻烏雞，仲有紀子南棗等材料肴製，係女人的養顏至寶。另外，仲可以選鴛鴦鍋，以價錢較高的鍋收費。因為想試多隻湯底，所以再揀多個寧神養心鍋，佢用左川弓、白芷、當歸、20斤鮮魚等以4小時精餚而成。上鍋後，侍應都叫我地先飲湯，養養生先，兩款湯底味道都好鮮甜，有淡淡藥材味，湯料都佔左半個鍋，果然十分足料。肉類方面，我地叫左極上雪花肥牛($188)，脂肪分佈好平均，而且每塊大小切得適中，煮不用半分鍾已經食得，牛味香濃加上湯底鮮甜，正。另外，仲加左個涮鍋小羔羊肉片($108)，內質幼嫩，夠惹味!打邊爐唔小得丸類，因為咩都想試下，叫左個手工丸類拼盤($108)。芝士牛肉丸最有驚喜，一咬D芝士就慢慢滲出黎，而且內質十分彈牙。仲有叫左半份魚皮餃

因為有屋企人唔食得辣，所以我哋叫咗個雙拼鍋，分別係麻辣鍋拼養生鍋。咁就可以一次過食辣同唔辣嘅湯底，符合返唔同人嘅口味。養心殿有好多唔同種類嘅手工丸。因為太多選擇，而我哋又想試晒全部，所以好聰明咁叫咗手工丸類拼盤，咁就可以每一種都是到啦！另外，推薦埋自家製韭菜餃比大家，因為佢哋好大隻，啲韭菜好足料。貪玩嘅我哋仲叫埋芝麻湯圓，個芝麻湯圓係冰凍嘅，所以要放埋落個湯底到煮熟佢。雖然個湯底係鹹嘅，湯圓係甜嘅，但係食落唔覺得怪，覺得好新奇有趣！

今日男朋友返將軍澳探舊同事，所以夜晚就決定喺將軍澳搵食。上網搵發現原來將軍澳都有我哋一直想試嘅養心殿台式養生鍋，所以今晚晚餐就打邊爐啦。 首先講吓湯底，湯底選擇都有五六款，男朋友唔食得辣但我又好想試麻辣鍋，所以就揀咗雙拼，一個麻辣鍋一個美人鍋，雙拼嘅價錢會計返較貴嗰個湯底。美人鍋湯底超級好飲十分足料，由桃膠杞子紅棗烏雞淆成，嘢食未到我哋已經飲咗兩三碗。而麻辣湯底入面有蜂巢豆腐同鴨血，除咗湯底嗰啲仲會加送一份鴨血俾我哋，一樣係十分足料。 調味料方面要自己出去拎，都有六款選擇，亦都有標示列明每一款調味料係咩，唔駛怕拎錯。 配料方面我哋叫咗黑松露蝦丸，海鮮拼盤，即炸脆響鈴，手切牛肉，稻庭烏冬，蟹棒同生菜。 海鮮拼盤啲海鮮非常新鮮，蝦同鮑魚黎到都仲識郁，帆立貝好厚身。蝦同帆立貝都好鮮甜，鮑魚唔小心煮耐左都唔會變韌。 黑松露蝦丸亦係真材實料，黑松露味非常重，好食，男朋友食完第一粒即刻後悔冇嗌全份。 手切牛肉睇相都見到油脂分布好平均，所以食落去入口即溶，好高質。呢度嘅響鈴唔係用平時出面打邊爐嗰種，係佢哋即炸嘅，放落美人鍋度吸晒啲湯再食好正。 仲有其他幾款配料質素都好高，食得出絕對唔係用平貨。 整體

打仗前要先醫五臟廟，俗語又話，糧草未動，三軍先行......想食這間好耐啦，終於有機會食啦。湯底足料仲有鴛鴦鍋，7.00前埋單仲可以半價，超值✌🏼✌🏼✌🏼✌🏼✌🏼✌🏼最特別吃了鴨血，第一次食，口感很獨特，打邊爐放鍋又唔爛，正呀！材料新鮮，環境整潔，早時間人流較少，易搵位。烏雞滑滑，養生鍋有蜂巢豆腐，簡直好味，添湯底用回同味湯底，不是加清水。😋😋😋😋😋😋牛肉有雪花，灼一灼便可入口.......

個人覺得打邊爐最講求湯底，其次就係食物質素。今次係第二次飬心殿台式飬生鍋，之前食印象已經好好，今次食完更加確定係我既必食之選。湯底材料豐富，味道清甜，絶對唔似平時打邊爐嗰啲加左添加劑既感覺，湯底既雞更加係非常新鮮多肉，就算四個人分都好足夠。打邊肉都一定用食牛同豬，量多而且切得細心，上碟亦都擺放得宜，唔會好難夾。除左手切肥牛大、極上雪花肥牛同厚脂黑毛豬梅花肉，仲叫左即炸脆響鈴、手工丸類拼盤同唐生菜。八半前埋單七折，每位$250。

今次係第二次幫襯今次湯底都係叫咗辣+美人鍋因為第一次叫小辣...食落 都唔覺辣所以今次叫中辣...其實都唔辣可能我平時都食得辣辣哋^_^但都ok嘅至於個美人鍋 推介 好清甜 又足料 當湯飲推介菜式：1）手切牛肉 好嫩口 好味2）黑毛豬梅花肉3）寛條粉晶瑩剔透4）嘉美雞好滑5）D手工丸都ok 不過...鵝肝丸黑松露丸總結：我會係佢嘅長期客仔

銅鑼灣、佐敦分店晚巿給我留下良好印象，5.1假期又試試將軍澳分店午巿。午巿半價，客量唔多。食物質素明顯不及銅鑼灣、佐敦分店，當然明白半價的真義。職員服務當然係半價水準。不過讓人費解嘅係衞生情況。半價時段地下會突然油啲？餐具會多啲辣椒、菜絲、油漬？要求換餐具，職員換回嘅係幾套一樣有辣椒、菜絲同油漬嘅餐具。 唔食落肚嘅當然無所謂，不過吊燈同出風位嘅塵確係另外兩間分店無見過。晚巿免問，午巿半價還可以考慮。

食過幾間養心殿，呢間環境同服務態度都較好。打邊爐最緊要就係個湯底，佢所有湯底都好好味，湯底好足料。推介食物係手打丸同肥牛，台式冰菜好爽口。手打丸中黑松露味最好食，好惹味好彈口。記得下載app可儲分😗

將軍澳終於開咗間台式火鍋店！鍾意食火鍋既我，就緊係要去一試啦。餐廳位置非常方便又近地鐵站，正正位於將軍澳Popcorn商場。餐廳環境寬敞，整潔。醬料區調味料是自助形式的，我最喜歡的醬料配搭是紅辣椒，莞茜，蔥，蒜泥，豉油。美人鍋鍋底十分足料有桃膠，原隻烏雞，杞子，南棗，金華金腿。湯底好甜喎⋯⋯手切牛肉（小）這碟牛肉認真抵食，烚得耐都唔會韌。而且營養師建議火鍋食手切牛肉好過食肥牛（因為脂肪含量無咁高）。即炸脆響鈴好香腐竹味既響鈴！如果想口感脆卜卜的話，建議放入滾湯中浸3-5秒。黑松露蝦丸（半份）+芝士牛肉丸（半份）十分細心的可以叫半份丸，就算兩個人食都可以食到唔同既款式。蝦丸相對比牛丸彈牙，黑松露味亦香濃。牛肉丸內有芝士，不過芝士味不太濃。蟹籽墨魚滑超級推介啊！一定要食！好彈牙和爽口，墨魚滑吸收美人湯的精華，味道更突出。新竹米粉平時食火鍋我喜歡烚粉絲（當粉麵咁食），今次食米粉。一試便愛上食，因為哩款新竹米粉好快熟，麵質軟滑，又容易入味。$38一大盆，好抵食。日本山藥山藥本身味道不濃，但是配合濃湯之後，味道就出來了，口感也很爽。這一碟要$88雜錦蔬菜盤盤內有生菜🥬，秋葵，粟米，冬菇，金菇，秀

養唔養心就唔知，一入到去就好大陣藥材味就知。成個場都係人好混亂咁。叫左個麻辣鍋配酸菜白肉鍋，麻辣鍋本身已有鴨血，鴨血好好味。個酸菜鍋就一般，無咩特別。手切肥牛都好正，油花平均分佈。另外叫左個美國安格斯肥牛，相對失色。餃子一般，皮大塊但餡料少。粉腸還可以但份量實在太小。白魚旦還可以。最值得讚係個嘉美雞，好滑夠味，而且價錢份量成正比。最開心當然係七點前埋單可以有半價。但又好似要食到趕頭趕命。仲要用現金埋單。如果唔係半價就一般啦。半價後就算抵食嘅。

今日難得同媽咪出街購物就想去一個地方打邊爐好好食嘅就諗起之前有朋友喺將軍澳推介一間養心殿餐廳，之後就即刻去試吓好好彩嗰日係平日唔使等位就有得入去食。一坐低就開始點餐湯底個方面我哋選擇咗美人鍋配酸菜白肉鍋，而肉個方面我地點左手切肥牛，黑松露丸同埋芝士牛肉丸的話每邊有四粒，之後再點左一棵生菜牛展同埋手打墨魚滑，湯底各方面好好因為可以追加一份酸菜白肉而且美人鍋有半隻烏雞都係啖啖肉嘅，牛肉入口即溶，基本上唔使點醬汁都已經好入味個，黑松露丸好夠黑松露味好有口感，芝士牛肉丸好重芝士味應咬開爆漲，飲品果方便只要你like佢個page就有一支飲品送返俾你，所以我哋下次一定會再去而且服務好好裝修亦都好寬敞，足夠兩個人食嘅枱面面積。