香馥樓

Open Now

Now Closed

銅鑼灣廣場2期食肆林立，其中位於6樓的「香馥樓」口碑唔錯，今晚相約舊同學去聚舊。餐牌推介「12面金牌」的招牌菜，我們揀選了其中一道《拔絲咕嚕鳳梨黑毛豬肉》，這道菜真的不得了！一上枱就見到有仙氣效果，賣相一流，最啱打卡！黑毛豬肉外脆香口，當中酸甜嘅拔絲，再加上新鮮鳳梨，好味道！《黑松露腐皮卷》這個小食一啲都唔簡單，有濃濃的黑松露味道，喜歡黑松露的人士絕對不容錯過，腐皮卷好香脆，入面嘅餡料亦十分豐富，擺盤亦很精緻！《山珍炆伊麵》伊麵口感彈牙，配以多種不同的菌類，整體不錯！

餐廳位於銅鑼灣廣場二期6樓，鄰近地鐵站，位置私隱度足夠，餐廳主打廣東粵菜、燒臘和點心。現在石岐乳鴿 做緊試食價優惠，9點後亦有宵夜時段。咕嚕鳳梨黑毛豬肉菜式既裝飾和設計相當有心思，花飾石雕內不斷透出煙霧，令人賞心悅目。咕嚕黑毛豬肉外層有一層裹著甜酸醬既薄薄脆皮，帶點芝麻增加口感和香味，黑毛豬肉肉質鮮嫩軟熟，鳳梨左右相間對稱排列，酸酸甜甜，非常開胃。惹味酸菜魚份量十足，相當有誠意，底部有粉皮、酸菜等各種配料，辣椒令整個酸菜魚湯底更加惹味濃郁，表面鋪滿了一片片魚肉，魚肉處理得不錯，完全沒有細骨，啖啖肉十分滿足，送飯一流，可謂米飯盜取者。石岐乳鴿中山當地著名美食，胸肉肉較厚和肌肉結實飽滿，肉質嫩滑爽口，做法偏向炸滷水鴿。可選擇麻辣或鹽焗口味，麻辣口味偏重口味，鮮香麻辣，鹽焗口味較食到乳鴿既原味道，咸香味帶出淡淡肉鮮味。魚湯竹笙魚腐浸勝瓜魚湯有淡淡既鮮魚香味，竹笙和魚腐都充分吸收了湯汁，勝瓜煮得相當軟淋，整體口味較清新。

今晚嚟到銅鑼灣嘅香馥樓試吓佢嘅招牌小菜，真係一個好滿足嘅晚餐體驗，值得同大家分享下！一入到去就俾佢嘅裝修吸引住，明亮又優雅，仲有啲傳統中式嘅感覺，坐得好舒服。燉湯開場，我哋每人叫咗一壺紫砂功夫燉湯，呢個真係必試！紫砂壺放喺蠟燭上面keep住熱，飲落嚟嘅湯又暖又清甜，入面嘅人蔘同其他高級食材衬得啱啱好，飲完即刻覺得全身暖笠笠，好舒服。之後就係蜜汁厚切黑毛豬，簡直係今晚嘅亮點！上枱嘅時候聲音已經吸引住大家，黑毛豬喺鐵板上面卜支卜支，香氣直撲鼻頭，仲有鐵板下面嘅火keep住熱住佢。肉質半肥瘦，唔會太油膩，蜜汁嘅甜味滲入肉入面，每一啖都係極品叉燒嘅感覺。一口蝦多士都相當出色，多士脆卜卜，上面嘅蝦夠大隻又新鮮，再配埋蝦滑，啖啖鹹香，好滿足！最後叫咗魚湯竹笙魚腐浸勝瓜作結尾，魚湯香濃幼滑，勝瓜鮮甜爽口，加埋魚腐同竹笙嘅豐富口感，畫龍點睛！

鋪頭環境都幾大，係以紫色為格調菜單多元化 有大閘蟹放題 片皮鴨 羊腩煲 精選推介 素菜 適合唔同嘅口味有大枱 一大班嚟酒樓食飯就最啱今日我哋兩個人—嚟到就叫咗隻紅燒乳鴿隻乳鴿嘅皮燒得好靚 多汁有肉點少少鹽同喼汁 熱辣辣 都幾好味想食啲濕濕地有湯嘅，所以就叫咗個蕃茄茄濃湯魚腐呢度嘅湯底盡吸蕃茄蔬菜嘅鮮味一路飲就好比飲咗好多斤蕃茄蔬菜一樣好甜 又健康上面簡簡單單，就係個魚腐朔晒湯底嘅味道跟住仲嗌咗個流沙包啲奶黃好味同埋個包好軟熟

朋友介紹銅鑼灣有一間新開嘅傳統中式酒樓「香馥樓」，收工後立刻來試試！💃😎😀裝修高貴雅緻，環境十分闊落，店員服務態度好好又親切，食物又高質！😍😋😀咕嚕鳳梨黑毛豬肉，採用高級黑毛豬肉，酸酸甜甜好開胃🤤，肉質鮮嫩，菠蘿🍍新鮮又多汁，令人回味無窮！😋😍香馥金瑤絲苗炒飯，好大碟！😎瑤柱蛋白份量十足，飯粒炒得好香，加上蔥花，健康又有益！茶位$20/位，我們選了菊花🌼加多$5/位香馥樓：銅鑼灣駱克道463-483號銅鑼灣廣場二期6樓

今日黎到鑼灣廣場二期6樓呢間香馥樓, 一嚐創新高級粵菜!🐷最令我印象深刻嘅係佢嘅咕嚕鳳梨黑毛豬肉, 呢個菜式無論喺賣相定係創新程度都做得好出色，一上菜, 個乾冰形成既仙氣就已經非常奪目, 個擺盤都好靚, 成件事好藝術! 第一次見鳳梨同咕嚕肉分開擺, 幾新穎! 咕嚕肉, 皮脆肉嫩, 甘香可口, 一咬開, 黑毛豬肉既肉汁四溢, 充滿肉香; 鳳梨切好左一塊塊, 表面有烤過, 食落好清甜多汁, 完全沒有渣, 食落好舒服。🐓辣味口水雞做得夠重口味，充分表現到川味嘅特色。🦀鮮蟹肉桂花瑤柱炒米粉都好好食! 煎過既蟹肉非常香口, 米粉炒出黎好鬆化軟綿, 食落唔油膩, 配埋是拉差辣椒醬更惹味！服務方面，侍應態度專業，服務一流，又會幫客人斟茶，洗餐具同更換餐具，好貼心；環境乾淨企理，裝潢光鮮亮麗，整體黎講，香馥樓係一間值得推介嘅創新中菜館，雖然價錢可能稍為貴啲，但憑住佢嘅創意同品質，都值得一試！

今日同朋友約好去銅鑼灣食晚飯。店員好快安頓好座位，先叫左個茶飲住睇食咩先。一人叫一味菜，叫左欖菜肉苿四季豆，香馥小炒皇，至尊脆皮燒鵝皇，拔絲咕嚕鳳梨黑毛豬肉。食個酸菜先，酸木耳青瓜少少辣都幾好食。欖菜肉苿四季豆-欖菜咸咸地，有冬菇粒，肉醉。加埋入去四季豆炒有菜得來又夠入味。香馥小炒皇-香口小炒皇，腰果脆口，魚干仔蝦干香口。韭菜花新鮮，仲有蝦仁帶子。至尊脆皮燒鵝皇-皮脆肉嫩，燒鵝唔會太肥，鵝油香口。皮脆口一口咬入鵝香十足。拔絲咕嚕鳳梨黑毛豬肉-新鮮鳳梨香甜好味道，黑毛豬肉炸得香口加上甜酸汁入晒味。

香馥樓，位於銅鑼灣廣場二期，酒樓位置非常方便，座位寬敞舒適，環境明亮乾淨，周末中午茶市都座無虛席。午市點心選擇非常多，傳統得來又有fusion 新創意。有機豆漿鮮竹卷，有別於其他酒樓造法，用有機豆漿浸鮮竹卷，豆味濃，餡料豐富，菇菌極多，清淡得來又幾好食。紅米春風得意腸，腸粉粉粉紅紅非常特別，內包膠肉新鮮彈牙，重點是油炸鬼仍然脆卜卜。香煎櫻花蝦蘿蔔糕，用料十足，蘿蔔糕有一絲絲蘿蔔，有咬口，重點是酒樓配合的辣椒醬，真心一流。見到隔離枱中午就食緊大閘蟹放題，下次都要試一試。

今日誤打誤撞同屋企人去咗呢間香馥樓粵菜酒樓食晚餐 酒樓裝修都幾別緻 座位舒適有空間感我哋叫咗一份上湯阿拉斯加長腳蟹伊麵 只需要$488 有四份一隻長腳蟹 可以叫做有個主食食下 但上到枱就發現真係超抵食 因為蟹肉係非常新鮮 而且伊麵底好吸味 份量一啲都唔少 至尊脆皮燒鵝皇 例牌 呢個味道同樣有驚喜 我哋冇加錢要下莊 但好好彩又上咗一份下裝畀我哋 如果正常就要加$20先會有嘅 燒鵝皮仲保持到脆身 中間仲有層油脂 燒鵝肉仲好有肉汁 絕對係新鮮燒起嘅我平時都鍾意食啲酸酸甜甜香口嘅嘢 而推介小菜裏面有咕嚕肉同埋欖角骨兩種都係類似嘅菜式 咁我哋就叫咗馳名欖角骨試 上枱嘅時候會有乾冰做效果 欖角骨嘅肉質好爽彈 食得出係好高質嘅豬肉 而且去個糖漿同埋脆漿都好好味好夾Overall黎講我哋全家人都一致推介呢間酒樓 絕對會再encore 雖然佢唔係行平價路線 但係佢嘅味道同埋品質絕對對得起佢嘅價錢

銅鑼灣二期廣場新開呢間粵菜酒樓，環境光猛餐廳闊落，菜式都幾多選擇，有啲款都幾新派😁🔸蜜汁燒西班牙黑毛豬叉燒(HK$388)用鐵板成載住嘅叉燒，店員會淋上醬汁，叉燒都幾厚，肥瘦適中，口感軟嫩😛🔸紫砂功夫燉湯(HK$98)第一次飲燉湯好似斟茶咁樣飲，入面仲好足料😍🔸一口蝦多士(HK$108)炸到熱辣辣，好香脆😎🔸魚湯竹笙魚腐浸勝(HK$168)蔬菜都有好多選擇，呢個咩都有得食吓幾好😂

舊式中菜的形象略為老派，位於銅鑼灣的香馥樓則是走新派路線，賣相新穎之餘，卻仍然能夠保留傳統精髓，餐廳以淺紫色為主色調，散發摩登優雅的東方韻味，設有專業音響、燈光設備和舞台，適合舉辦婚宴️、私人聚餐等不同形式的宴會，最為特別的是湯羹上印有的《清明上河圖》圖案，餐牌主打粵菜，選擇繁多。茶錢每位$20，前菜青瓜木耳一客$28。咕嚕鳳梨黑毛豬肉 $198上桌時飄出裊裊白煙如夢幻仙氣，可說是眼睛與味蕾的感官美饌，肉質鬆化柔嫩，一口咬下充滿肉汁，新鮮菠蘿果肉並非罐頭貨色，令天然果香更加突出，醬汁質地較黏稠，夾起時更有拉絲效果，酸酸甜甜令人胃口大開，加配白飯$18。椒鹽鮮魷魚 $118外皮炸至鬆脆酥香，撒上炸蒜及辣椒調味，變得微辣惹味，內裡的鮮魷肉質彈牙爽口不過韌，而且炸得夠乾身，不會過份油膩。黑金流沙包 $48黑金配色讓傳統包點也可矜貴起來，以食用竹炭粉製成的包身鬆軟有彈性，趁熱咬下湧出金黃色的流沙內餡，吃起來滿是鹹甜奶黃香氣。

蜜汁厚切黑毛豬，食起上黎唔油肥瘦適中，一整條叉燒燒起，而且係厚切所以好有肉感。叉燒都唔會燒到太甜。一口豆腐內層軟滑豆味剛剛脆炸過，入面熱辣辣咁。紫砂功夫燉湯，好濃好多料 食材煮到出晒味有小小膠口。乳鴿香脆肉入味肉質鮮嫩多汁。椒麻安格斯牛柳有麻辣味十足肉質多淋滑。蝦籽京蔥明蝦球，蝦球爽口彈口大大隻。京蔥炒特別香口。前面有大大個LED，同音響設備。似係適合做中小型活動，個場開左一段時間個環境同餐具都好新穎同乾淨。

這家中菜廳裝修新淨，環境舒適，佈置感覺開揚，枱布和餐具均整潔衛生，侍應招呼亦殷勤有禮，桂花養生淮山淮山口感粉嫩，淋上了桂花蜜，每一口也充滿着桂花香，但又不會過甜，是非常可口的一道前菜，金沙涼瓜鹹蛋黃包裹著苦瓜，炸得金黃香脆，惹味的鹹蛋黃搭配着微甘的苦瓜，味道出奇地夾，份量亦比想像中多，而且味道亦很驚喜，芝士小蜜蜂3件（芝士、蝦滑）這道精品點心擺盤漂亮，打卡一流，師傅用心地把這個點心裝扮成小蜜蜂一樣，小朋友看到一定會喜歡，而且好睇亦好食，內裏的蝦滑彈牙，芝士香濃軟滑，

鮑魚竹笙灌湯餃個湯熱辣辣，有兩大條竹笙同一隻鮑魚，好足料。入口清甜，口感鮮明。金沙涼瓜炒得好香，涼瓜唔苦，厚度剛剛好，可以保留到Juicy嘅感覺，而又可以炸得通透。每一條都黐滿鹹蛋黃，仲有碟喼汁提供，可以解下膩。紅米春風得意腸呢碟好欣賞，腸粉好滑，入面炸得好脆口，除咗蝦之外，佢仲放咗好多馬蹄，成個口感好好。呢碟都提供咗千島醬，任君選擇。鮑魚雞肉燒賣呢碟味道正常發揮，但係鮑魚大大隻，金箔大大塊，好足料，打卡一流。

銅鑼灣呢個鬧市入面黎到香馥樓飲茶🫖環境寬落坐得舒服👍🏻玻璃茶壺好精緻✨仲有蠟燭烘熱住啲茶唔會凍👍🏻茶位都係$12-15左右同出面茶樓都係差唔多-芝士小蜜蜂3件 $58造型好可愛🤭冇諗過酒樓都會食到咁可愛嘅「點心」蝦滑十分彈牙，芝士流心炸得好脆👍🏻迷你珍珠雞2件 $38雖然話係迷你但一啲都唔細件好足料✨有鹹蛋黃，冬菇，雞肉鮑魚雞肉燒賣3件 $58大大粒燒賣，原隻鮑魚仔喺上面🫢肥瘦均勻又實靜😋紅米春風得意腸 $58入面有一層炸過嘅脆皮，仲有大大粒蝦！食落同炸兩有少少相似但口感更加豐富✨除左豉油之外點千島醬一齊食幾特別！椰汁紅棗糕3件 $48椰汁同紅棗嘅味都十分出眾各佔一半，食落好煙韌又唔會太甜好好食🤤-件件點心都好大件絕對唔怕唔夠飽🤣仲有好多湯粉炒麵小食而且乳鴿試食價$68多款套餐黎梗冬至同屋企人食飯都係一個唔錯嘅選擇👍🏻