魂燒 (Changed Hand) New Restaurant

砵蘭街中有間好細好細的居酒屋、卡座只六張高凳、另外還有普通位在街外、甚有風味。途經被燒烤香味吸引注腳了、應該有點驚喜吧！麻雀雖小、小小舖頭創意無限、餐牌上多款燒烤可供選擇、但最吸引我的是‘限售‘這兩字、特製激爆蟹黃飯、好嘢無理由不試。嘩啦啦！金黄一片、簡值以本傷人、蟹膏鋪滿整個飯碗、口水己流。蟹膏入口甘香濃稠、整個口腔充滿膏香還有點漿口。松葉蟹腳肉鮮甜多汁、美味。值得一試。驚喜一浪接一浪、南瓜雪糕香滑綿綿、南瓜和椰香味頗為突出、幸福滿瀉。雖然環境比較擠迫、但誠意的美食搭夠、值得推介。

大隔一個月前見到某雜誌推介已經蠢蠢欲動，奈何好少去太子，遲遲都無食到，今日終於有機會去親身嘗試一下！傳說中既蟹膏飯真系唔錯，金黃色既蟹膏滿滿舖上飯上面，加上蟹蓋、兩條蟹腳肉及些少蔥花作點綴，入口味道香濃，食完一陣之後打c er蟹膏味依然仲系口中。價錢都頗能接受，但如果多番少少蟹肉就好，始終只吃蟹膏撈飯有少少膩同單調。 另外仲叫了一串燒菠蘿，非常多汁，女士們想要食得靚靚就要小心。第一口頗酸，但慢慢地就覺得甜甜地，尤其系食蟹膏飯中途覺得太膩都可以吃一口燒菠蘿解解膩 店舖環境比較狹窄，大約5至6個位，如果系行左一日街拎住一袋二袋就唔系好岩，但氛圍不錯，有點路邊攤的味道，侍應都頗友善，下次會嘗試一下其他嘢食

我1945坐低，order左一碗蟹膏飯，大堆串燒，起碼超過十串，跟著我等左九個字乜都冇得食，我問個staff我個飯咁耐嘅？跟著碗飯就即刻到....碗飯係有蟹膏嘅，但唔香囉！兩條仿蟹棒...最搞笑係啲飯....係絲苗，唔係珍珠米😓跟著等到2045，我仍然係一串串燒都食唔到，我再次問個staff,佢竟然話冇我張單！真係火都黎埋！即時埋單走人！what a bad dining experience.....

前幾日係FB 見到有段影片介紹即係約埋男朋友一齊黎試下味道啦點左啲串燒海鮮同一個蟹膏飯 海鮮都幾得 有水準但等左好耐個蟹膏飯先上果陣時都已經飽飽了 個蟹膏飯好濃味但入面有蟹殻食左一半都唔食了可能真係等得太耐冇咩胃口食啦座位因為係巷仔所以唔好諗住好舒適😂😂😂😂總括而言 個蟹膏飯係好味既不唔洗叫依間啲串燒 麻麻地食一次就夠😌

排了大約一個鐘的時間， 位不多 , 在街也開了桌，所以如果介意坐近後港的朋友要注意了。蟹膏飯滿滿的!見到已經很興奮必試的蟹膏飯建議3個人分，眼見很多人自己食一個的都淨餘一半(不能浪費食物啊) ,其他的燒物也不錯，燒鰻魚也是不能錯過的!

工作一天後，與朋友到太子的魂燒試一試十分上鏡的蟹膏飯。餐廳位於太子站C2出口，位置便利。6時半到達，已經看到十多人排隊。但我和朋友2人等待了20分鐘便可入座，聊聊天時間很快過。可能店內空間不大，我們被安排在店外露天位置。座位較窄，亦不太乾淨。但我們都明白在旺角吃東西，這種情況都可以接受啦，最緊要食物好味！我們點了蟹膏飯、牛油香蒜扇貝、一口牛肉、秘制汁燒茄子、日式小蕃薯及雞肉串。蟹膏飯的蟹膏沒有想象中的多，但我與朋友分享一碗已十分足夠。蟹膏伴著蟹肉，味道適中，蟹味不算超濃，但亦挺香和味帶甘甜，蟹腳肉都很甜。以這個價錢來說，已是中上水準，可以一試。牛油香蒜扇貝，香蒜汁很惹味，扇貝大大粒，很甜～秘製汁燒茄子，上菜時把茄子切好一格格，方便進食亦更入味。在此大推店家的秘製醬汁串燒，又甜又香，有點像照燒汁，又有點像孜然粉的味道。 一口牛肉選了海鹽口味便有點失色了，味道太淡，肉質亦太韌。 雞肉和小蕃薯跟外面串燒店的差不多，不過不失。 較推薦店家的蟹膏飯和海鮮串燒，選醬汁時記得試一試他們家我秘製醬汁喔～

行過聯合搵野食, 見到呢間巷仔燒烤店幾多人等, 門口即燒見到海鮮大隻新鮮, 所以等一陣都唔緊要啦, 座位有室外及室內, 室內好細, 只有BAR枱位置, 坐到5-6人,室外有街頭及小巷小食風味門口還有實物SAMPLE, 賣相不錯, 所以都跟佢叫了, 首先叫了秘製燒帆立貝($34), 好大隻, 有燒汁, 金黃色, 裙邊爽口, 再上了香蒜燒生蠔($28@), 好大隻, 好多汁, 新鮮喎, 燒羊扒件$28 , 唔會好羶味, 好香口, 好腍身, 還有牛肉薯餅 $28, 不錯，非常香脆可口，不會好油膩。主打的特制激爆蟹皇飯,配上松葉蟹柳, 賣相好名貴喎, 蟹皇鋪滿面, 好香濃蟹膏香味及蟹肉,夠足料, 底為白飯底, 尤其係松葉蟹柳, 好鮮甜的蟹味, 新鮮, 唔夠喉, 再叫了一口芝士, 好似箭豬仔咁, 外皮脆卜卜, 一咬下, 芝士半溶, 好烟韌。最後還叫了甜品, 南瓜雪糕$38，及$38, 兩個都好清甜, 好滑，食完一輪燒烤的飯後甜品, 好爽呀, COOL DOWN晒。

這裡的蟹膏飯香傳遍千里，早就紅透網絡，所以吸引了很多人來排隊！加上店內位置不多，部份食客需要坐到街邊的室外位置進餐，環境不太理想，不過食物才是我看重的！進店後，就坐到吧枱的位置，只有幾個坐位！面對着的是廚房，師傅在裡面煮食，我們都可以窺探得到，但缺點是油煙會沾滿身。除了蟹膏飯，其實這裡還有其他選擇的！例如和牛飯、麵、鰻魚飯等都很吸引，另外亦從店名可看出，店家還主打串燒，所得不得不點幾串試試。先來的是燒粟米，燒得金黃有光澤，不過吃下發覺有點乾身，粟米本身不多汁，幸好粟米的天然甜很突出，挽回不少分數。再來是燒菠蘿，跟粟米完全相反，這個超級多汁！一咬下去，甜甜酸酸的菠蘿汁四濺，不用甚麼調味都已非常生津！還有西京燒牛，西京燒銀鱈魚就吃得多，但用西京方式燒牛還是第一次，牛肉塗上了甜甜的醬汁，更突出了牛的濃郁，不過筋部太多，吃起來有點難嚼。來到主角蟹膏飯！蟹膏多得鋪滿整個飯，完全不見一點白色，只見橙橙黃黃的蟹膏，非常邪惡！蟹膏味未算很濃，反而偏，鹹或許等當造的蟹季會好些，但用來拌飯倒是不錯。驚喜的是上面的蟹棒，不是普普通通的假蟹柳，反而有真實的鮮甜！還有這個鰻魚飯，鰻魚及粟米各一半，如果是整個都蓋

今日特登黎左呢度食蟹膏飯！之前睇雜誌見到介紹所以就黎左，因為之前打過黎想book位唔成功，知道有好多人會黎排隊，所以今次我地特登5點9未開店就黎到，等到6點正式開始就有得食！一黎就叫左個蟹膏飯先，係人人黎到都會食既！真係超多蟹膏啊！不過就有d太鹹，所以要撈勻晒底下d飯先好食，如果成啖蟹膏放入口會鹹得濟。不過蟹膏咁足料，都冇失望既！除此之外，重叫左個鰻魚飯。鰻魚岩岩好可以蓋住半個飯，都足料既，但係汁就真係少左d，個底大部份都係白飯，單調左d。串燒叫左燒菠蘿同燒粟米。粟米就唔係好夠牛油，但係本身粟米質素高，夠晒甜！燒菠蘿就好正，超多汁啊！又夠晒甜！好彩有3舊咁多，夠晒我地share食。重有就係燒安格斯牛一串，都幾多汁，不過就唔夠軟淋，可能因為有d筋位。重有叫左d小食。炸餃子係新鮮即炸，熱辣辣好脆口！呢度有一口芝士同紫菜芝士波，唔知有咩分別呢？但係我地就揀左圖中呢個紫菜芝士，都係即炸既，外面個皮有d紫菜，入面流晒d芝士出黎，d芝士好濃味，搞到我好想試埋一口芝士！但係冇辦法啦，已經叫左好多野食太飽！最後食埋呢個南瓜雪糕，佢另外重有香桃雪巴，都係有個桃裝住既，不過我地就冇叫到，揀左呢個南瓜。雖然

話說之前經過見到好多人等位 以為應該幾好味所以趁放假早少少去到就唔使等位點知就係惡夢開始首先豬骨拉麵...眾所周知..味x拉麵係一般般哩個味道係味x 都不如之前試佢招牌之一,蟹黃拉麵,有d"蘇" 盛惠$98豚x咁好味都唔使$98 啦,蒜蓉凡立貝就正常之作,,芝士個隻就食唔到芝士香味大家估下哩個係乜????哩個係三文魚魚腩!!真係O 晒咀...仲要係超級咸除左食物差,其他方面都有非常大既進步空間我地食完拉麵..有3樣野都未黎..重點係追左3次!同埋我地係6 台入面最早落單同最早到..每台既串燒都出晒我地仲要追3次都未黎最後嬲到仲有樣未到我都決定埋單走人!!!真係好失望下不為例!!!!!

睇佐新假期黎試下，同個fd 2個，叫佐個招牌火灸蟹黃飯，蟹黃拉麵，重有一串串。去到有點失望，原來要坐街邊食，裡面得幾個bar枱位，2張枱係坐街邊，有幾張枱坐後卷，雖然個日得10度，都唔係問題，因為一心來試下。先來個蟹皇飯，好開心影完相，影相係幾靚，但一攞開個蟹殼，入面係空既，蓋住既係白飯，蟹皇蓋住既部分只佔3分1，即時諗起中伏，$128唔值囉。之後個$98既蟹黃拉，都可以，不過蟹黃溝埋d湯係完全無蟹皇味，個味普通到唔普通。其他一串串都ok無乜特別。我個fd食完話早知唔黎，不過我覺得試過下次唔黎咪得

踢夜波又係試新野食機會，近期都幾多人post 爆膏飯，蟹膏又係大愛😍放工就即去試試！好彩早去唔洗排隊，鋪頭其實不大有d路邊串燒檔feel,坐低就當即點野食啦，串燒就點左雞軟骨同雞皮當然唔會小得主角蟹膏飯啦😁😁😁串燒味道都ok 不過不失，蟹膏飯食落好似無乜味道，欠缺蟹膏個種特別既味道！所以好快食完就閃左人！

成日行過呢間“魂燒”燒烤店都見有好多人等位，今日相約好友去試下……見好多人叫，我又要試下先，賣相非常吸引，好多蟹膏，蟹肉呀！足夠兩個食呀！啲蟹膏同蟹肉混合啲白飯，十分match!好味呀！牛肉薯餅，外脆內滑!正芝麻蒜茸燒生蠔好香好juicy,令人回味無窮，食完d汁我唔捨得掉，用來當汁點其他嘢食蒜茸牛油燒元貝羊架，唔so見到蜜桃雪葩，必食，估唔到入口係咁滑，好清甜，連蓋果d都唔好嘥南瓜雪糕，好滑，好濃好期待下一次再 Encore

我見到間日式野細細間 本身都無咩興趣試 但見到d串燒好吸引 就膽粗粗入左去試 我叫左茄子 雞軟骨 自家制魚餅 雞亦 雞扒飯 幾樣野食都好好味 特別係雞扒飯 雞扒燒到脆卜卜 珍珠飯夠乾身又甜 我食到停吾到口 我對野食要求都幾高 呢間野我比分起碼超過85分 唯一不足既就係地方真係細左d 加上我吾中意坐出面 所以扣左分 但呢間野既食物真係無得彈 值得推介

串燒對於我來說總有無比吸引的魅力，是次覓食到太子，看到有專賣串燒的店鋪，當然不可錯過。店鋪位於太子地鐵站附近，大概2分鐘路程，雖然屬於小店，但招牌都算顯眼。店內環境都比較小，店主解釋閣樓正在裝修，所以座位變了放在戶外的小巷中。幸好是晚天氣沒有早前寒冷，坐在街邊看著人來人往的人流，有別樣的滋味。猜想不到小小的一間店鋪居然有大大的創意食材，真是令人驚喜。串燒價格比較便宜，調味多為西京燒，汁燒，海鹽及芝士。落完單後，即叫即燒，雖然等候的時間比平時久一點，但熱辣辣的美食是值得等待的。特製蟹黃拉麵 $98餐牌上寫著限量發售，按以往經驗，通常寫著限量發售的都是好東西，不然限量的名牌產品怎會搶崩頭？金黃色一片，光是賣相已經十分吸引，店員建議先嚐一口蟹膏的鮮美，再拌勻拉麵進食。蟹膏入口濃稠甘香，松葉蟹腳肉鮮甜多汁。麺質我們選了硬身，因為比較有口感，但是麺的軟硬控制就有點不足，可以改善一下。香蒜牛油日本扇貝 $28一大粒扇貝被黃燦燦的蒜蓉和牛油完全包住，海鮮處理得非常乾淨，入口沒有腥味，既保留了扇貝的原汁原味，也不乏蒜蓉的香味，正！芝士燒生蠔 $28味道較為濃郁，芝士柔軟口感加上蠔的鮮美，雙重滋味。燒大