魂燒 (Changed Hand) New Restaurant

聞名已久的蟹黃飯 終於去到👏🏻六點九只有一枱客 店面好細 有冷氣但係沒門😳冷氣都吹曬出去好彩當日落雨☔️天氣唔係好熱～落單之後很快便有食物 先來蟹黃飯！🤘🏻☺️-✨特製激爆蟹黃飯 (限售 $128)✨果然有滿滿的蟹膏！😆配上蟹殼和兩條蟹腳肉👉🏻蟹殼下沒有蟹膏～但旁邊的蟹膏多得快要瀉下！約一厘米厚 蟹黃入口不腥 開胃十分 蟹香滿濃郁份量多 拌飯很足夠 可惜飯粒硬身 幸好是珍珠米👉🏻蟹肉鮮味 非普通蟹柳 但比較乾身 份量不多不過整碗吃掉感覺有一點滯膩和單調的感覺～💥建議再蔬菜串燒 飲品 但這個價錢份量也滿意了😌Rating💁🏻(7*/10*)

今晚同朋友係太子買完野，竟然係路邊發現呢間燒烤店。店鋪分為室內室外兩邊，室內已是滿場，但估唔到甘熱既天氣連室外都幾乎坐滿！ 見到啲食客捱住熱都要食，仲有門外烤爐傳黎陣陣既香味，一於試試喇！係串燒店既點菜紙到，竟然比我見到有海膽飯、鰻魚飯、仲要有蟹皇拉麵, 真係禾稈冚珍珠呀!只可惜店員話蟹皇拉麵已經售罄, 而海膽飯亦只剩最後一個! 唔洗揀喇, 食左先講!祕製海膽飯 $108最快到就係佢! 一百蚊既價錢真係食到一板海膽!連同新鮮挺身既蛋黃飯。海膽顏色不算鮮黃, 但每件都原整肥味。就算夾起都不會散開, 而且頗厚肉。一個飯兩份食都覺得好滿足, 上圖只係半板海膽鋪同半個飯既份量。海膽入口無腥味, 而且滑如奶油, 味道甜美。白飯用上珍珠米粒粒飽滿, 不過係雪櫃囉出黎, 凍得口感變硬, 如果可以更煙韌更好。祕製汁燒茄子 $18十幾蚊就可以食到自己燒唔到既茄子, 抵!半條茄子十分多肉, 而且比街邊食到既少了一分油膩, 多了一份濕潤。最鐘意係佢個燒汁, 甜甜咸咸既醬油帶著一種煙燻味道, 好特別! 呢個燒茄子係我同朋友爭食之下好快被KO掉。(左)祕汁燒安格斯一口牛 $25牛肉燒到外面焦香, 入面又有肉汁。

路過太子砵蘭街, 就聞到很香的燒烤味. 所以就走入去試一試這一間叫"魂燒"的小店. 門面不算大, 但因為有一個燒烤爐擺在門前,都幾搶眼.爐邊亦放了一些招牌食品的介紹入內坐低就有點覺像日本拉麵流動車.拉麵份量頗多,湯底濃郁, 燒鰻魚非常香, 去骨夠徹底,肉質夠彈牙,夾起不會鬆散,廚師的火喉控制得很好側看塊鰻魚都幾厚一整客海膽連紫菜送上.比平常吃的小一點,味道尚算鮮甜.最後的扇貝,燒得都好香,貝肉厚身爽口.總括食品質素令人滿意.

今日黎到太子見到有間燒烤小店...遠遠已經聞到佢燒野食既味道!哩度地方不大, 有室內同室外既位置, 但室內既地方不算大!入去睇到menu見到有飯, 有拉麵同埋好多燒物食! 我今次order左秘制海膽飯一板新鮮海膽+生雞蛋撈飯+醬汁😌簡簡單單已好好好好滿足😭😭😭$108真係好抵食！海膽一板上...超正！ -另外order左生煮蟹黃拉麵全隻蟹好足料...仲要好多膏架！蟹肉鮮甜！好味呀！而拉麵軟硬度適中！仲有燒秋葵同埋燒牛舌..燒秋葵加左d汁落去燒好鮮甜...而牛舌爽口! 鹽燒味!總括佢既除左燒物出色, 飯同拉麵都好正呀!值得試下!

魂燒經過太子砵蘭街，發現忽然有間舖頭「魂燒」，每日傍晚6點才開業，所以襯假期去試一試。安格斯一口牛串，好吸引，就叫咗嚟食。牛肉味道濃郁，肉質都幾軟，好多肉汁，唔痴牙。燒三文魚腩，呢個三文魚算係咁多款入面我好推介，我都係鐘意食三文魚腩，呢款實在好味，外脆内軟，油而不膩。重頭戲係黎到太子呢度有海胆飯食呀！！呢個海胆飯真係好足料，望張圖都知D海胆有幾多幾大，絕對吾係薄薄一層架，好新鮮，好鮮甜！不過要食好野一定要有少少犧生嘅，位置相對比較迫同埋依家夏天．．都幾熱架！提一提，最好致電魂燒訂位或者早D黎，因為今晚人龍排到隔鄰。

最近發現一家位於太子的小店長期爆場，了解後得知小店專門售賣串燒，而且會定期推出如蟹王飯和海膽飯等等的人氣美食。比較起連鎖餐館，本人較喜歡支持小店舖，因此今星期的姊妹聚會便選址在此。在太子地鐵站行過來只需5分鐘左右，但因店舖所在的大廈正在維修，疊了棚架好不易找。但只要認住店舖外香噴噴的燒烤檔便不會miss out多款串燒可供選擇，相比起外間的串燒店，魂燒的價錢明顯便宜很多香蒜燒茄子 $18充滿蒜香的茄子是我的flavour, 蒜味濃得來不會搶過茄味汁燒安格斯一是牛 $25呷下牛味重，肉質燒得香嫩，回味無窮西京雞中翼串 $18西京汁味道特別，咸咸的配上雞翼完來也不錯，佐酒必點推介海膽飯 $108沒花沒假原版海膽附上。先把海膽倒入飯中，再將其搞勻，當堂食指大動，我唔客氣了！雖不是什麼有名海膽，但這個飯卻沒有另我失望，海膽微甜後回甘，一啖海膽一啖飯，幸福感💯💯💯💯💯但要注意天氣開始熱了，海膽飯上枱後好立即食用。生煮蟹黃拉麵 $138拉麵配上原隻本地爆羔奄仔蟹，淨系食隻蟹已經抵曬湯底帶微微鮮蟹味道，鮮而不膩，蟹肉鮮甜配丄拉麵一起吃，簡直齒頰留香看見爆羔的蟹蓋，不用懷疑，想吃便去魂燒吧燒菠蘿 $1

今日9點左右去左食魂燒做dinner，感覺覺得好一般，因為覺得好多食評寫得好好，所以想試一試，可惜可能出左名所以失左啲水準。 今日到舖時都唔太多人，只有兩台客人食緊。一到舖有個男仔話俾我地知鎮店之寶---蟹皇飯及拉麵因為材料問題，所以會這幾天冇貨賣。真係可惜！冇機會試最出名的野食。 我同男友一齊去食，叫左鰻魚飯（$78）、海膽飯（$98）、西京安格斯一口牛（$28）、日本香蒜牛油扇貝3碟（$28x3）、祕燒鮑魚（$38）、燒菠蘿（$15），兩個人共食左三百幾蚊！ 首先，店舖環境是不錯的，但店外就不建議坐，因為有陣味！地方算乾淨的，坐高枱都幾舒適！ 跟住就服務一般啦，唔算差又唔會特別推介你，等你叫個種。 入戲肉了，先講好食的有海膽飯，佢呢個海膽係雪櫃攞出黎，仲好冰，所以建議放一陣先好食。個海膽一點兒都不腥的，但就冇乜海膽鮮甜味，送個蛋黃飯都算係唔錯的！ 鰻魚冇咩特別，跟普通日式鰻魚飯一樣。個西京一口牛同鮑魚就麻麻地，牛好硬口，完全唔似之前食平所講好軟的(超失望)；而鮑魚因蒜味蓋過了

天氣熱辣辣同朋友諗住行街周圍都好多人想食飯又唔知去邊度好行過呢間餐廳聞到好香嘅燒烤味仲係日本餐廳就望吓入面咁岩有張二人台啱啱走咗同朋友都想試吓咁就入咗去😁😁入到入面舖頭細細感覺都幾得意而且睇得出店主應該幾鍾意日本啲擺設好可愛 加上鋪頭播住日本歌好有feel因為我入嚟嘅時候係大約七點鐘左右好快就坐滿人而且好多都係熟客仔好似知道點樣叫餸咁而我同朋友就研究左好耐Order紙係自己寫 自己寫下寫下就寫咗好多😂傾傾吓計好快就有嘢食叫左個冰凍可樂先同朋友對安格斯牛都好有興趣所以叫咗佢有一個一客有三串嘅安格斯一口牛試吓分別有鹽燒西京燒同汁燒鹽燒味道最突出牛肉味西京燒有啲類似沙律汁加左係上面感覺比較特別汁燒我同友人都覺得係最好食另外仲叫咗一串牛舌心 味道都好正過咗一陣好快就有燒茄子 好香呀我地點左蒜味 $18好抵呀而且燒得好香 秘製醬汁嘅味道感覺好好味 非常推介👍🏻👍🏻👍🏻又平又好食朋友仲教我唔好食皮 因為燒過唔係咁好但係我食左又覺得ok wor可以店員燒得剛剛好😁😁😁好快燒蠔就到左啦我哋叫咗兩款味道一款係芝士燒一款係蒜蓉燒燒到剛剛好而且都算大隻味道好新鮮正呀！令我回味無窮😋😋😋而且價錢唔貴$28有一

今天要來旺角工作，記得之前網上介紹太子有間餐廳主打海膽飯，價錢不貴又有串燒吃，便馬上跟朋友來。在旺角警局附近，紅色招牌很易認，不怕找不到。店舖細小坐位不多，有點迫。被安排坐門口，有大風扇，不算太熱。香蒜牛油燒粟米$15牛油味淡，沒有驚喜。燒翠玉瓜$15夏天最喜歡吃瓜，燒得剛好，爽脆清甜。燒雞脾菇$15熱辣辣，juicy。日本迷你甜薯$19細細舊易入口，很甜。燒菠蘿$15味道清新，沒有加糖，但十分香甜多汁。期待已久的海膽飯$108。沒有複雜的烹調技巧，只是一碗飯加上生蛋黃，再配上主角海膽。海膽好多  兩眼發光 海膽味道不是太濃厚，沒有怪味。除了海膽飯，還點了生煮蟹黃拉麵$138，蟹蓋上佈滿了金黃色的蟹膏，味道甘香。蟹膏配拉麵十分奢侈 三個人吃了$350，每人$117。 抵食

近日IG被蟹膏蓋飯洗板,查過後發現是太子的魂燒。魂燒是串燒店,但近日推出一系物的高膽固醇美食超級吸晴,雖然當日蟹膏蓋飯已經換成新的菜單,但搶眼程度毫不減弱。店內位子不多,所以一行4人被安排坐在室外,雖然天氣比較熱,但因為有大風扇在旁,沒有想像中辛苦。MENU上有各色飯與拉麵,也有各種燒物。我們的目標就是海膽飯和生蟹拉麵。海膽飯海膽是整板上的,size比較小,味道比較淡,但配上拌了生蛋黃的米飯吃,香得來帶甘,不錯。之前見食評說用的米不是珍珠米,看來是改善了,是貨真價實的珍珠米。生蟹拉麵拉麵裏有整整一隻蟹,蟹蓋有滿滿的蟹黃,甘濃香口,而蟹肉紮實鮮甜,而麵則比較軟身而普通。另外再點了些串燒香蒜茄子燒得頗香,茄子肉軟滑帶蒜香燒翠肉瓜/日本迷你甜薯/燒雞骴菇藉得一讚的是迷你甜薯,甜而不乾,火候恰到好處安格斯一口牛比較硬,但牛味也相當重西京雞翼醬汁甜甜的,雞翼燒得脆口又香,配上醬汁好吃粟米點了香蒜口味,沒想到真的有這麼多蒜加在上面呢,多汁又甜,不是雪藏貨吃完這一頓,我們又得吃幾天麥皮了!

聽聞有間海膽飯成板咁上，我同朋友真係要第一手直撃！黎到門面，係小店類型，我最中意一坐低店員細心俾點餐紙，同朋友一人一張，初頭以為一樣，點知原來兩張唔同，有咁多野食我地點d燒物又點主菜海膽飯同蟹拉麵。呢度好就好在選擇多，食物比例可以自己控制！今日天氣熱無咩胃口，肉方面只叫串燒牛柳粒，肉味不錯又juicy, 有𡁻口。燒雞脾菇肉厚多汁，用秘制醬汁燒過，帶日式燒汁味。燒翠玉瓜小小焦，瓜亦鮮甜。燒蕃薯外皮用蜜糖燒過，日式蕃薯本身已甜，加上滲入蜜糖，非常match！海膽飯上場！比想像中多，尚算新鮮，有小小海水味，咁大板連埋飯都只係$108，理所當然無得同馬糞海膽果d比，但性價比已超水準！海膽配上一個生蛋飯，因為本人唔太食生蛋，只試了一口，飯用上珍珠米，夠煙韌，感覺都可以。然後再黎燒菠蘿，非常多汁，菠蘿好香甜。西京雞翼用上甜甜嘅醬汁燒，每一部分都食到醬汁嘅甜味，外皮亦脆。蟹黃飯賣哂，叫左蟹拉麵補上，原隻大蟹好多膏，膏亦甘香，蟹肉鮮味，店舖可能想食客能清楚品嚐蟹嘅味道，拉麵湯底較淡，但都可以。唯獨麵條屬一般般，但其實咁大隻蟹同咁大碗麵都係138，我還能要求咁多？我都好滿意喇！最後粟米飽滿，沾滿蒜蓉牛油

跑完步走到去太子附近 傳來一陣陣香味 仲要係燒烤味 相當吸引 沿住呢股燒烤味走去 走到去砵蘭街 發現原來係一間日式燒烤店 「魂燒」 橫掂都黎到 又咁香 食下無妨即時燒制仲要係開放式 唔怕你睇 最怕你唔食啫專門燒烤既師博不斷咁燒不斷咁有ORDER埋黎 其實呢家咁既天氣真係非一般人可以做到 佩服佩服!!店內充滿住不同既日式物件 有旗仔啦 有小飾物啦 好似致身於日本小店一樣 有特色見到佢門口擺左出黎話有海膽飯食 仲要係成版海膽喎 咁緊係要試下啦 雖然香港1好少可食到啲穩陣既海膽但我見佢出黎個樣都唔錯 值得一試!!海膽細細粒先好食 因為大大塊個啲真係得個大字海膽鮮味比較下 細細粒既日本海膽係會好味啲配合埋個生蛋撈飯同醬汁 海膽味都好突出雖然細細粒但係個鮮味係足夠 而且食落唔會有個種膠味或者怪味成版加埋個飯都係108蚊 喂 真係抵過你就咁買一版海膽黎食!!!要左幾個串燒 由右至左燒雞軟骨 ($12)- 好爽口唔會太乾身 調味都岩岩好 好好咬 重骨膠原 安格斯一口牛 ($25) - 燒到大約七成熟 唔會太過熟亦唔會UN 都仲好林 香口之餘都重牛味鹽燒牛舌 ($22)- 好林身 牛味好重 牛舌少少鹽

閒逛太子, 腦裡完全沒有主意要吃那家餐廳的時候, 看到 "魂燒" 二字, 被其霸氣吸引了。經店員介紹, 點了一個蟹黃伴麵, 朋友要了一個飯, 還有一些小食。燒汁鰻魚飯 - 看起來沒特別, 其實這鰻魚差不多是我在香港吃過最好吃的鰻魚。一陣鰻魚燒汁, 加上新鮮煮好的優質鰻魚, 口感軟熟, 有接近入口即溶的感覺。這感覺很難在其他餐廳的鰻魚中感受到。可惜的是多了點粟米, 令人有點飽肚, 而且和鰻魚味道不太配合。整體感覺還是不錯。芝士蟹黃伴麵 - 重口味之選, 不是說食物過度濃味, 是說蟹黃多得很有驚喜! 整個麵用蟹的鮮味, 加上鮮茄汁, 還有丁點辣味, 令筆者愈食愈辣, 但愈辣又愈要食! 麵質又比想像中軟, 一般的麵很硬很粗, 這麵的質地很幼很軟, 很易入口。還加上了點點的芝士條, 令作為芝士控的筆者很是歡喜。蟹黃真的比預期中多而優質! 多得快要瀉出來了 !!!西京安格斯一口牛 - 賣相有點兒那個, 但吃下去又真的很有水準。一開始是一陣燒烤味, 咬進牛肉外層, 是熟牛肉的硬身口感;繼續咬下去, 半熟的內層慢慢滲出陣陣肉汁, 完全感受不到半生不熟的感覺。生熟度調較得剛剛好。牛肉又是一口一件的Si

今次自己真係大錯特錯。原來魂燒主打日式串燒，冇xx燒果d咁多香料！見佢個海膽飯咁靚仔，叫左一個。份量好足，有成板海膽，咁岩我又鐘意生蛋＋日式豉油撈飯。海膽算淡味，冇怪味，撈埋飯食一流。如果有幾塊紫菜就更好。之後叫左3樣串燒。有牛舌$22，安格斯牛$25，雞軟骨$12牛舌好厚肉，好香口，安格斯牛燒既成數啱啱好，不過牛味差少少，而雞軟骨只係一般貨仔，但係師傅既調味剛剛好。讚

來到魂燒吃蟹膏飯黃雨日，book左六點半的我未到六點已來到，幸好店員願意給我們提早進入，不然真變落湯雞點了蟹膏飯和幾款串燒，本以為要等很久，但原來不是，很快就上菜，讚蟹膏飯，來到時散發著陣陣蟹膏香，非常足料未撈勻前先試一口，會吃到濃郁膏味，而且有點甜味撈勻後，膏味沒那麼濃郁，吃下去會有漿口的感覺，我覺得不撈會好點，但記緊平均分配蟹膏和飯，不然最後只淨白飯，若用珍珠米，應該會更好吃串燒點了不多，雞軟骨好吃，燒得乾身但吃下去又沒很乾，因為後期才來所以沒拍照燒冬菇既醬汁很好吃粟米不夠牛油蒜蓉味，但勝在自身甜又多汁三文魚飯糰雖沒有很多料，但還是吃到三文魚味道，不錯至於雞翼個人認為可以不點海鹽味，因為沒有味道，就一隻淡淡雞翼總括來說可以去試試，蠻讚的