鳥元炸雞專門店

Open Now

Now Closed

20-4-2024（Sat）晏晝，同老公去荃灣買嘢兼要食tea，首先喺享樂買咗開心果布甸菠蘿酥後，就嚟老公指定要食嘅呢間，首先佢自己用$54.00買咗個墨魚餅湯烏冬，加$14.00要沙律同凍檸水。之後由於我搵位時見到有人食薯條，於是都叫佢買份薯條，佢就拎張menu嚟畀我揀，我就揀咗$38.00章魚燒拼薯條凍檸茶。買完兩個都等咗一段時間先至有齊，老公cut開溫泉蛋，見到個蛋黃好橙，我都食咗半個流心蛋先，味道濃郁。然後我就食我嗰份下午茶，章魚燒有五粒，口感係正常嘅軟腍腍，亦食到章魚粒，老公食都話好食。4.5分而薯條呢？ 睇見份量唔多，但炸得好靚，佢係脆卜卜亦唔太鹹，好味。5分凍檸水係甜中帶澀，OK嘅。3分之後食埋老公嘅墨魚餅湯烏冬，呢個都正正常常，湯底就唔係太濃亦唔係太鹹;而沙律係麻醬沙律，都係屬於正常。3分抵食係2.25分上次食評係2022年6月11日刊登嘅呢篇:https://www.openrice.com/zh/hongkong/review/yeah-%E5%94%94%E5%B7%AE-e4416331

溏心蛋墨魚餅手打烏冬，今日午餐堂食烏冬彈牙墨魚餅煎得又香又彈牙，溏心蛋有蛋香，香滑及軟，加上沙律，沙津頗細杯，不過是為了飲品才加配。晚餐買同様一個外賣回家給家人，烏冬不太彈牙，墨魚餅、蛋仍保持水準有蛋香。這間店已開業一段時間，之前試過很多次都沒有位，擴大了地方有兩個連接商舖，今日去原位是任坐，有點意外，最希望是有一個午餐加飲品就好，不要多配小食，始終食午飯時間有限，又沒有水提供，想只加杯飲品沒有，欠一點彈性。

行過熊貓酒店 突然想食炸雞就叫左 果然有驚喜！個炸雞好脆 但又唔會好硬 舊雞好嫩 新鮮炸起 熱辣辣好正！🤤🤤82蚊有8件 件件都有手掌咁大 所以都好抵食 一個人其實都食唔到咁多 所以最好就兩個人食一個！

#大窩口#悅來坊#鳥元炸雞專門店呢度炸物好得 雖然最出名係炸雞但我逆向而行 1️⃣加配左炸餃子🥟和凍檸茶香脆得黎炸既皮唔會因為太厚而硬掘掘 皮恰到好處2️⃣肉醬意粉🍝呢個我反而一般 雖然感覺唔會太咸 但同時意粉同肉醬既味道分開左 好似完全唔關事既 只係湊巧分埋一齊 少有既穩陣菜式但失守3️⃣咖喱烏冬呢個對比起肉醬意粉就完全唔同 咖哩烏冬好入味 呢個相對起高分好多👌環境則舒服 可以一試👏🏻#日本#烏冬#炸物#炸雞#餃子#鳥元#餐廳#fusion#hkig#hkfood#foodporn#instafood#instafaily#foodphotography#foodism#18區美食

好靚流心蛋原隻上好大隻紅心王，鰻魚好厚肉好味淡淡肉，兩塊炸雞另放好脆好香口好大舊，珍珠米份量多食唔曬，凍飲好多冰夠凍不會太甜夠大杯檸檬三大塊，超飽! 員工說話有禮貌，令人愉快! 用埋open rice 同雲閃付好優惠好抵食~

炸雞多蜜醬免治牛肉飯（$62）轉炸雞套餐（+$22）因為餐廳主打炸雞，所以揀咗有炸雞（2件）嘅飯外，再另加炸雞（2件）。炸雞即炸，外層脆，裡面肉質算嫩且有肉汁，調味亦不錯。免治牛飯略帶微甜，醬汁啱哂撈飯。溏心蛋墨魚餅手打烏冬（$52）轉炸雞套餐（+$22）溏心蛋唔知係咪落多咗鹽，都幾咸吓。墨魚餅比較普通，好在食到有墨魚粒。烏冬食落唔夠彈牙爽口，仲偏向有少少糊口。整體嚟講，炸雞比較OK，其他就普通啲。

總分：3/5食物方面，7/10呢個價位來講嘢食算係幾唔錯，算好食大份，街坊嘢食。炸雞係脆嘅，嘢食係夠熱，餃子同埋嘢飲其實都唔差。叫咗個炸雞肉醬飯，配餃子套餐總共$84。呢個價位唔係好貴，好飽。環境方面，4/10一個普通舖頭唔算好污糟，但係張枱癡粒粒，張凳又硬，但係都夠位坐。唔算舒服，但係食完就走。服務方面，NA唔算有服務，落單跟住自己去拎嘢食。但係好人嘅感覺。主要做附近街坊生意囉。諗唔到食咩又想食下唔差嘅選擇。

餐廳門外電視長期播住馬田介紹片所以一落黎都會察覺到呢間餐廳🤣今次叫左個墨魚餅湯烏冬海帶好多😛仲有佢地推介既墨魚餅 爽口彈牙 仲有一粒粒墨魚粒 好足料 有咬口✨烏冬同溏心蛋都好味 呢個價錢親民 高質素加左$22跟餐有小食同凍檸茶仲有其他跟餐選擇 不過我今次就想試餃子餃子香脆可口 唔錯

15-5-2022(Sun)同老公食晏,我哋見到炙和味就睇睇,見到多數係定食同拉麵,由於唔想食咁多嘢,於是返嚟呢間.坐低睇完menu,我決定要$52.00嘅溏心蛋墨魚餅手打烏冬,老公要$62.00嘅炸雞忌廉雞皇飯,加$12.00食泡菜加凍檸茶套餐.買飛時由於我用Alipay,所以贈送兩件餃子.等咗11分鐘,除咗餃子外,其他嘢都有齊,睇見點解多咗一杯凍檸茶?諗諗吓,可能係Alipay送嘅套餐.冇耐,兩件餃子都到嚟,我哋開動喇.我嘅溏心蛋墨魚餅手打烏冬,墨魚餅同烏冬都爽口彈牙,溏心蛋本身都有調味,蛋黃係深橙色,味道濃郁.味道:5分老公嘅忌廉雞皇飯呢?雞肉嚡,冇辦法,冇咗雞皮,雞肉就會失去水份.味道:2分泡菜我就冇食到.餃子饀就菜多過肉,唔太鹹,OK 嘅.味道:3分兩件炸雞大大件,同樣係外脆內裡juicy,亦一樣係鹹咗啲.味道:4.8分凍檸茶唔太甜,味道都啱啱好.味道:4分上次食評係2022年3月23日刊登嘅呢篇: https://www.openrice.com/zh/hongkong/review/yeah-%E5%8D%B3%E5%8F%AB%E5%8D%B3%E5%81%9A-%E6

荃灣悅來坊原來有很多各國不同的美食，今天想吃得簡單一點，就去了「鳥元炸雞專門店」吃手打烏冬。「溏心蛋墨魚餅手打烏冬」（$52 ）這個烏冬真的好出色，墨魚餅有兩大件，餅內有點粗粒粗粒的墨魚肉好有咬口，還有一隻足味溏心蛋及大量昆布，手打烏冬幼滑帶點煙靭，湯底不會太鹹好好味。套裝加了一個炸雞及飲品（$22）兩件炸雞充滿肉汁，又香口👍🏻，以這個價錢非常抵食。今天使用了電子消費券消費還獲贈日式餃子兩隻，yeah。

鳥元的炸雞少粉而滑，比隔離的KFC好味得多。另外，墨魚餅烏冬有2塊，下面仲有一粒溫泉雞蛋，一大堆海帶，味道十分美味！最重要的是它只賣$52，十分便宜！而飲品、炸雞係另外叫，加埋$72，這樣的價格，十分超值，加上人流少，真是好極了🌟👏🏻因爲外賣多啦😂

呢間炸雞真係成日嚟食！佢好有性格，開正係KFC隔離，果然佢係有實力擊敗大型連鎖店。🍟首先老闆娘為咗等啲炸雞唔好咁快凍，就等我嗌左外賣之後差唔多先炸啲炸雞，等嗰陣時同老闆娘傾咗一陣計，俾佢知道我係呢間舖頭嘅fans，就送多隻炸雞翼俾我食，老闆娘真係好好人。💛講返啲嘢食先，炸雞係呢一間舖頭嘅招牌菜，拎到返屋企舊雞仲係好酥脆好熱，老闆娘話啲雞全部都係自己切同埋自己醃㗎，炸粉都幾薄，好好味。雖然今次個調味有啲重手，但係送飯食係啱啱好。🍛另外咖喱飯同多蜜飯都係一如既往嘅好食，我仲特登煎多隻蛋連埋食添！檸檬茶唔係好甜啱啱好。最衰而家要食外賣，唔係堂食舊雞仲Juicy仲脆。呢家絕對係其中一間我最鍾意食嘅炸雞。🍗

19-3-2022 (Sat) 同老公喺拉麵大王食咗燒椒雞後(食評係2022年3月20日刊登嘅呢篇:https://www.openrice.com/zh/hongkong/review/yeah-%E5%8E%9F%E4%BE%86%E4%BF%82%E4%BD%A0-e4342292),老公話不如買炸雞返屋企夜晚食,我就諗起呢間,於是走嚟.我哋嚟到睇完menu,決定要$82.00有8件嘅超特盛炸雞桶同$25.00嘅日本泡菜.等咗17分鐘,終於有,應該係即叫即做吧,而我一路拎住,就一路感受到佢嘅水蒸汽,因為店員醒目地,冇將個蓋冚實,免得啲雞被倒汗水整腍晒.返到屋企擺喺喥,就一直嗅到佢嘅香味,到開飯時間喇,睇見佢大大件,食落,外層仍脆,厚厚嘅肉仍juicy同嫩滑,唔怪得要得咁耐,而佢脆漿嘅味道鹹啲啲嘅,冇計啦,食呢啲預咗飲汽水或酒.味道:4.8分而日本泡菜呢?呢個係老公喺翌日晏晝,自己整部隊鍋食,我食一塊,係正常嘅辣.除咗抵食分外,呢篇食評嘅其他分數唔計日本泡菜.上次食評係2019年10月18日刊登嘅呢篇: https://www.openrice.com/zh/hongkong/re

好味鳥元炸雞專門店鳥元係每個月都會食一次的心水好味店舖。基本上都係叫外賣回家食多。不過其實店內都有堂食位。和風牛肉鰻魚飯($72)鳥元的牛肉飯係暫時食過在香港最啱口味的，佢的汁明明不是好多，但伴飯食我覺得一流。鰻魚則是老公最愛，自已會喜歡醬再多小小。炸雞2件伴免治牛肉飯($62)炸雞！鳥元的炸雞外賣係會分開用杯上裝的。我最愛的地方佢的炸雞就算凍左食都一樣好食。同埋炸雞好大舊。肉醬食第一次就愛上了。我明明想試其他卻每次都不由自主叫返肉醬。伴飯好好好味店門有大大張餐牌，好多人企係度望。單上要寫住可以打去訂餐先，不過我無試過

前排行行下街想食炸物，所以搵左呢間 鳥元食左個下午茶，裏面坐位都好寛敞，我就同朋友叫左一人一份下午茶，份量適中啱晒下午茶食 💁🏻‍♀️炸雞同雞翼都好好味，熱辣辣好惹味，最開心竟然有日式章魚燒🤤，裏面都有章魚粒🐙，唔錯呢～😋行街行到攰可以坐入嚟坐低食呢間 ❤️