鳥元炸雞專門店

Open Now

Now Closed

和一位超愛吃炸雞的朋友聚餐，一定要來鳥元炸雞專門店。墨魚餅烏冬加配20元三隻炸雞翼和凍檸茶無骨無刺的墨魚，肉質肥厚，外脆內香，墨魚餅爽口彈牙。烏冬夠煙韌，爽口，還有一粒剛好的溫泉蛋，流心滋味和大份量昆布， 醬油湯底，穩陣好味。 重頭戲炸雞翼來了，炸雞翼香噴噴，非常脆口又熱辣辣的，滿口油香肉汁，啖啖肉，滋味無窮。北海道芝士忌廉意粉加配20元兩件炸雞和凍檸茶芝士味香濃，忌廉幼滑，整碟舖滿雞肉，看份量已覺超值，意粉硬度適中，雞肉和意粉與芝士忌廉汁極度配搭， 芝士的鹹味，雞蛋的蛋香完美融入意粉中，超好味。 炸雞也是推薦之選，雖然十分邪惡 ，但夠香夠脆，停不了口。

今日同朋友黎到荃灣，之前已經bookmark左呢間餐廳想試下！咁岩時間尚早，避過晚市最多人既時間，黎到唔洗等位😛入面環境乾淨闊落，牆身都痴滿好多日文既字句，氣氛幾好😎 諗好食咩之後就直接出去收銀處落單，然後會俾部機你，響既時候出番去拎就可以，完全係自助形式。我地叫左個蒲燒鰻魚飯同溏心蛋墨魚餅手打烏冬，加$10有沙律配凍檸茶，另外再叫多左個溏心蛋🤓蒲燒鰻魚飯（$52）都唔錯，鰻魚燒得剛剛好，唔係燒到乾身果種，最重要鰻魚既份量算多，好抵食！溏心蛋墨魚餅手打烏冬（$48）幾好味，墨魚餅新鮮，入面真係有粒粒墨魚肉，有咬口，溏心蛋真係做到流心效果😌 仲有好多海帶做配菜，而烏冬都煙韌，唔係好淋果種。加左$10有個沙律，咁就可以健康啲🤪 本身想叫熱檸茶，但餐廳只有凍檸茶，不過可以幫我完全走冰，檸檬茶唔澀，茶底好。

週末路過荃灣，因突然想吃炸雞，就到熊貓某連所炸雞店，但看到旁邊也有一間賣日式炸雞的舖頭，就改變主意了。餐牌簡單，有飯有烏冬，有套餐也可以單點。(因很多人已經上載，故不重覆了)店舖裝修有點日式居酒屋風格，以木為主調設吧枱及高腳橙，分了兩邊舖位，另一邊是普通木製餐枱椅子，因位於商場內通風及冷氣充足。點了一份流心蛋墨魚餅烏冬配炸雞餐，份量充足，餐飲有凍檸茶或可樂選擇。因口味各有不同，味道方面不作詳述。(請參考附圖)

這間開在悅來坊的炸雞專門店，經過門外飄著一陣炸雞肉香， 餐牌選擇繁多， 當中包括蒲燒鰻魚飯， 咖哩飯， 肉醬飯， 白汁雞皇飯，八爪魚餅烏冬和燒雞等，還有小食榴槤炸彈，芝士春卷，北海道南瓜餅和飲品，這日跟先生到悅來酒店staycation，當然要一試店內的招牌炸雞。店鋪採用兩間舖面，一間收銀加少量座位， 另一間日式木屋內有6 張大枱， 空間闊落，點了好餐後，等感應器響鬧，便可取餐，十分方便。店內好像只有兩位員工，收銀和洗刷也是同一位姐姐 ，十分忙碌但態度親切，點了二款飯，分別是豚肉咖哩飯和免治牛肉飯，加上炸雞， 非常豐富，加$10 變套餐仲有飲品＋泡菜/沙律。自認是大胃王的話，加$20 飲品＋2 件雞，超級豐富。這裏的炸雞，表層炸漿像薯片一樣香脆，入口完全不覺得油膩，內裡肉嫩多汁，特別的是店鋪選用雞扒，近雞脾的部位來做炸雞，而不像連鎖店一樣，為節省成本用雞胸，所以入口的確嫩滑很多，非常香脆味美。咖哩飯內的咖哩，應該是由日式咖哩磚開出，再加上切碎了的薯仔和豬肉煮成，味道香而不辣，豬肉尚算柔軟可口，很好送飯。免治牛肉飯，食得出用了大量蕃茄，茄膏作底味，再加上牛肉碎而成， 番茄味道香濃，牛肉

上星期經過這間店，見到很多人大排長龍，而且個名打正旗號叫炸雞，做得招牌一定不會差，因為趕時間所以沒有試。今天放工又不想煮飯所以專程過來試下佢嘅炸雞。因為所有雞都是即炸，要食好嘢起碼等十分鐘以上，但當你試過之後就知道是值得等的。我叫了一個炸雞黑豚海軍咖喱飯，跟餐加$20仲有兩大塊炸雞和一杯檸檬茶，非常抵食。咖喱雜菜煮得非常入味，黑豚肉配上香濃的咖喱同食，實在絕配，滿滿的一大碗飯，因為有咖喱汁的存在，所以瞬間已經扒光見底一粒飯都不剩。然後就試主角炸雞，一口咬落去皮脆脆，雞肉滑滑，而且仲有很多肉汁，好味到只可以用一個字去形容，“正”另叫多一碗墨魚餅手打烏冬，烏冬非常彈牙煙韌，食得出是用上貴價的手打烏冬，不是出邊店鋪一般食到淋淋而不彈牙的，最驚喜是它的墨魚餅，一口咬落去竟然仲有一粒粒墨魚肉喺入邊，極之有咬口，口感超正。再配上一整粒流心蛋，實在滿足。

早前每日也在家煮飯，煮得太多已經非常勞累，今晚申請晚上不煮飯，決定在家附近找找吃，好好休息一晚。由千色店慢慢走到悅來酒店，發現都開了不少食店，而且款式亦相當吸到。行經地庫一樓，發現有一間日式炸雞專門店，雖然裝修比較簡約，但炸雞模型非常吸睛。原來除咗炸雞之外還有飯類、意粉、小吃等等，而且可以配搭套餐，加上飲品前菜小吃，選擇都挺不錯。和風牛肉飯牛肉份量都幾多，牛肉入口嫩滑多汁，鬆軟可口，牛肉湯汁配上白飯，香濃牛味特別滋味。炸雞黑豚肉海軍咖喱飯日式咖喱味道甜甜的，入口香甜美味，豚肉鮮嫩肉味濃。炸雞跟另一個套餐一齊上，雞肉外皮金黃香脆，雞肉香甜多汁，而且份量十足，味道跟日本食到的炸雞有8成相似，去不了日本也可以吃件炸雞回味一下日本旅行感覺。糖心蛋用日式煮法滷過的糖心蛋，蛋黃呈流心狀態，蛋味香濃。

昨晚深夜看韓國綜藝節目，看到廚師精心烹調炸雞，然後每個客人都吃得很滋味而且讚不絕口，所以早上一覺醒來，就在床上用電話查看那裏有好吃的炸雞。是日目標 — 「鳥元炸雞專門店」！這裡的食堂分為兩邊，以點餐處和半開放式廚房作分隔，兩邊食堂都是以啡木色的木餐桌和木椅為主，搭配各種日式擺設和掛牌，招牌以奪目大紅圈作背景，有傳統日式料理店的感覺。由於限聚令的關係，堂食的客人不多，不過在點餐處旁看餐牌期間，客人也是絡繹不絕，購買外賣回家吃。這裡的料理以牛肉、鰻魚、多蜜醬免治牛肉、忌廉雞皇、照燒雞肉、黑豚咖喱為主，再配搭溏心蛋、泡菜、炸雞等成為各款餐食，這裡還有手打烏冬和各種不同的人氣小食供客人選擇。考慮了好一陣子，終於決定點「溫泉蛋黑豚肉海軍咖喱烏冬」($48)，再加配兩件秘製「鳥元炸雞」和一杯「凍檸茶」(+20)。回到家，立刻開吃！先吃「溫泉蛋黑豚肉海軍咖喱烏冬」，手打烏冬偏中幼身，口感柔軟又彈滑。咖哩醬汁偏甜不辣，而且份量充足，讓每條烏冬都可以沾滿咖哩醬，不會愈吃愈乾，紅蘿蔔和薯仔等配料也是香甜而且份量滿滿。豚肉片軟滑而且有肉香，溫泉蛋也讓咖哩醬汁多添一份蛋黃香，整體來說份量飽足又滋味。接著嘗試最

荃灣熊貓酒店地庫有兩間黃店，一間拉麵一間炸雞，都係同一個老闆，今次試吓炸雞先！😋 蒲燒鰻魚飯 $52😋 炸雞套餐：兩件炸雞+飲品 +$20感覺menu上面鰻魚飯張圖好似豐富啲🤔 實物有6小片鰻魚，如果無跟炸雞應該會覺得太多飯。鰻食燒得入味嘅，但好腍身，本身expect皮嗰個位會有少少煙韌，但就連皮都比較腍。飯上面嘅飯素痴咗喺鰻魚嘅底度，食多幾塊之後就覺得啲鰻魚有啲鹹。炸雞質素又唔錯，炸得幾脆，入面嘅雞肉幾厚實幾有口感，肉質都係嫩滑嘅😝 但略嫌雞味不足，重少少就好正！本身都少講杯飲品，因為通常都係咁㗎啦，但呢個凍檸茶真係搞唔掂🙈 首先佢兩片檸檬都偏細塊，唔係篤到幾多嘢出嚟。然後杯凍檸茶基本上係無茶味，已經唔係有無少甜嘅問題，飲落似糖水但其實都唔係甜到漏。感覺呢間餐廳環境有啲似快餐店，堂食用嘅餐具都係即棄，個炸雞仲要用個紙杯裝住，心諗：「點影相呀」😂

我發現無論發生咩事都好 kfc都係好多人排隊雖然兩間舖喺正隔離 但人流都真係差好遠大家都係食炸雞但一間大排長龍 另一間就係水靜河飛叫左份溏心蛋咖哩豚肉飯 $52外加十蚊要左凍檸茶同沙律 total $62賣相係唔討好既。。。膠兜同紙兜想打卡就算啦我個人唔太中意咖哩飯係咖喱蓋飯 會中意三分一隻碟放咖喱汁 隔離放飯啲汁食幾多係自己決定嘛咁樣蓋飯好多時最後就變左白飯冇汁更何況佢係日式稠身既咖喱好彩個飯份量唔多 都勉強可以夠撈飯既咖喱醬好多薯仔同蘿蔔隻蛋係凍既另一份餐叫左溏心蛋鰻魚飯 $58加廿蚊要左炸雞同凍檸茶 total $78再28蚊嗌左小丸子 五粒放埋喺炸雞既紙兜道餐具包裝紙係iron man 不過打開當然係普通即棄餐具唔覺唔覺 lunch黎講都唔太抵飯都係偏黏既 鰻魚燒汁真係太少 令到鰻魚食完之後就好淡口蛋都係有啲凍。。 所以應該係本身係咁既所以黎到炸雞專門店都係唔好揀食飯啦。。。。小丸子ok既 正常水準 唔會好粉 熱辣辣 咬完會出煙 好少商場舖食章魚燒炸雞算係全餐最好 不過唔係我想像中嗰啲日式唐揚個炸粉偏厚睇返張單 如果想食雞 又真係會去kfc既。。

見到OpenRice有77個like，就決定今晚專登楂車過嚟試吓外賣🥡店舖裝修富有日本小店風格餐牌選擇都多，主要是一個飯再加錢配不同的小吃及飲品。呢度最出名的是炸雞🍗這炸雞果然冇令我失望，經過20分鐘的車程，返到屋企打開個盒，炸雞仍然是外脆肉滑兼多汁。不過有少少鹹，撈飯食比較好。另外叫咗一個章魚小丸子，粉比較多，比較淋，外皮不夠脆。$28 有5粒。叫左個牛肉飯，屋企人話比吉野家好食，不過牛肉比較乾身，需要加多啲牛肉汁會比較好。我叫咗個墨魚餅烏冬個烏冬比真打烏冬仲要滑。鰹魚湯底又清香又甜。屋企人話肉醬偏甜跟餐可以叫可樂或凍檸茶。總結：疫情之下的外賣晚餐是滿意的，炸雞必食，烏冬也是不錯的選擇

今天和朋友經過荃灣熊貓商場,在扶手電梯旁看見一個大牌，細看之下，原來是「鳥元」的推廣餐牌。心想很久沒有吃肥牛了，於是便叫了兩碗試試。地方算是闊落，長長的木枱，也很整潔。等電子牌子響了，便到柜面自取。和風牛肉鰻魚飯，牛肉是挺多的，肉質不錯，而且比較厚身，牛肉味濃。鰻魚也燒得不錯，不太乾，保留了鰻魚肉的鮮味，加上照燒汁，非常惹味。和風牛肉豚肉咖哩飯，日式咖哩香而不辣，配上軟綿綿的珍珠米，咖哩撈起飯來吃，份外可口。這一餐說不上豐富，但勝在餸料份量足夠，味道也不俗。原來「鳥元」除了炸雞之外，還有很多選擇的。

當日跟太太到悅來坊商場逛街，一下扶手電梯便看到這家店，客人不少便想試試位置：悅來坊地下一層，很易可以發現環境：裝潢挺日式，座位不算少服務：下單後會提供電子通訊器，方便坐下等餐食物：主推炸雞，亦有鰻魚及牛肉飯等炸雞多蜜醬免治牛肉飯 $58因店家主推炸雞，便點了兩種不同的炸雞飯多蜜醬其實即是特製蕃茄醬汁配上芝士，很香及清新，加上免治牛肉伴飯，很易入口另配兩件炸雞，容後再說。炸雞黑豚肉海軍咖哩飯 $58另一種口味，其咖哩汁是傳統日式咖哩磚，不會辣亦很順口黑豚肉調味亦不錯，單是豚肉及咖哩已足夠吃光一碗飯炸雞同上有兩件，以下會詳述。炸雞套餐 ＋$20主角的炸雞才是一絕，外脆內嫩，肉汁多而雞肉很滑，難得是放了十數分鐘後外皮還很香脆呢點飯轉套餐C就會多兩件及配一杯飲品，飲品可選凍檸茶或可樂，以20元的價格來說配套餐實是超值整體來說，這一家炸雞專門店味道都很不錯，特別是主打的炸雞，絕對比旁邊的炸雞專門店來的吸引呢

去悅來坊買野，女友帶我去食野，佢話呢度d炸雞幾好食，捉埋我嚟食下！呢度主要做外賣，另有一個鋪位做堂食，地方唔算大，不過都坐到幾圍檯，想即食香脆炸雞都ok! 呢度主打日式，日式丼飯，咖哩，炸雞，牛肉，雞肉都有供應！我就叫左個和風牛肉咖哩飯，份量十足，牛肉味香濃，咖哩甜甜香香的飯用上珍珠米，香棉黏口帶點甜！炸雞賣相吸引，唔油膩，份量都唔錯！新鮮炸出嚟非常香脆，入面又有肉汁，唔會炸到太乾身，食落啖啖肉又無骨，非常過癮！凍檸茶就香香甜甜，帶點茶香！2人埋單140 左右，人均消費70 左右，都幾抵食，值得推介！

今晚在熊貓酒店附近買東西，順便在悅來坊吃晚飯，經過這家鳥元炸雞專門店，看見選擇頗多，就來試試。餐廳的主要以各種和風洋食為主，可以加配套餐，十分經濟，裝修是明顯的日式風格，簡潔明亮的室內設計，令人舒服自在。沙律跟餐的沙律也不馬虎，新鮮沙律菜配以的日式胡麻醬汁，還有小蕃茄和粟米增加口味的變化，輕怡開胃。炸雞跟餐亦可以配炸雞，招牌的日式炸雞比坊間的更大件，外層焦香酥脆而內裡嫩滑，雞肉肉質軟嫩不乾澀，令人吃完一口又一口，十分惹味。和風牛肉鰻魚飯和風牛肉以日式醬汁煮透入味，肉嫩可口，脂香味美，拌飯一流，更有三大件鰻魚，肉質細嫩，醬香馥郁，每一口都有齒頰留香之妙。溫泉蛋黑豚肉海軍咖哩烏冬溫泉蛋生熟程度拿捏恰到好處，滑溜澄黃，亦富蛋香，加上日式咖哩辛香而不辣，入口醇厚香濃，水準一流。章魚小丸子小丸子即叫即製，上枱熱辣辣，外脆內軟，份量十足有五粒，配上日式醬汁十分惹味。凍檸茶跟餐的凍檸茶亦十分不錯，紅茶味濃而不澀，十分解渴。

今晚同爸爸出外搵食，行完aeon，係附近諗住搵下野食。行過餐廳門，見到個餐牌又幾吸引，而且價錢仲唔貴tim有多款唔同既飯啦、又有烏冬、意粉、鰻魚、牛、雞。揀岩自己既主食之後，可以單買或加款拼成套餐。套餐都仲有三款可選，可以加$10配上沙律或泡菜，再跟一杯檸檬茶或汽水。或加$20配上炸雞兩件再加飲品。性價比好高，價錢又唔貴。自己到收銀買飛後，便會給一個取餐提示餐，當餐準備好，機仔會發出響聲及震動，再到取餐處拎餐，好方便。呢間餐廳仲唔洗收加一。我點了咖哩豚肉烏冬，咖哩不錯呀，咖哩汁掛於烏冬上，好好味，而且又好彈牙，惹味。上面淋滿了咖哩汁及配料，有豚肉粒、紅蘿蔔、薯仔等等，大滿足。而且份量都不少的。正爸爸點了鰻魚飯，鰻魚香及肥美，鰻魚汁淋於白飯上，一啖一滋味，好鍾意食鰻魚飯，而且呢度價錢唔貴，當過下口癮。食下食下d鰻魚都好快食曬了。我們兩個餐都配了炸雞套餐。炸雞外皮脆卜卜，好好味，入面炸得唔會乾身，外皮金黃，內部又多汁，大滿足。廿蚊有兩件炸雞仲有野飲，抵加錢跟埋個套餐。是晚大滿足。呢個餐廳座位都充足，唔錯唔錯，坐得舒服。